JOHN Süowang
Süowang
Pungao Ümei John ne Jesuwa üküm yenangpu Kahwang Ngao; ao “Kahtanyuha ne meng hüyange teman yo me nyoi she hüonang.”
Pungao ümei üwang yekao me yashanyalipu ülam maawe hüonang, hangheye Jesuwa janyange ngohpu Yinyepa, Kahwang Üha she hüonang. Üphong 13-17 ngoipu mongme I phopu ya pinlan phei Jesu ünyei shüppe shapu, hüyange I tangpem me takshao me tümmetapu I ngaolan hei imante hengpu jeng ngohnang. Laiphong üküm yekao me Jesu phopu hei ngaophünpu, I tangpem me takpu hei yangeyepu, hüyange yange yeyang phei me yoi pinlante shehüopu jeng inang.
Phwngngam ngohwante phopu sheko (8.1-11) pungaowa khotte angnang; hangjingne ima-a nyanyange angpu ülanglan maapu me hüyange üwangpa yekao me lüppalane-o tüopa-a tüohyange lüp, ülaolanne jam ülao nyoi me nyan angpu jingne!
John ne ünyei ne Khrista kaiye üküm yenangpu üyin hünghao, hanghepa hünghao sha-a ükong wangnang hüyange aoyinne Jesuwa tailamnyu, ütingpa, hüyange üyin she jan iman-e tüolak inang. Johnne shingne tamlak jingne ngaohümpuwa nyihjeihpu üyin me ütingpa yaha hahying jeng hüke yeng, an, wangngai, nyeeyompa hüyange wuwüngwu hei tüopatepu ülick leppu ja ne jonne inang.
Ngohpulan Ükengnyu
Ngaokong wangpu 1.1-18
Baptipa John hüyange Jesu pin üwangpa 1.19-51
Ükhong sheshao me Jesu toishao 2.1—12.50
Nyih ükümpa ngoipu hüyange Jerusalem phei o-pu 13.1—19.42
Youngwanpa yangeyepu hüyange shehüopu 20.1-31
Tümme ngaopu: Galilee me shehüopu 21.1-25
Terpilih Sekarang Ini:
JOHN Süowang: KONYBSI
Highlight
Kongsi
Salin
Ingin menyimpan sorotan merentas semua peranti anda? Mendaftar atau log masuk
Konyak Naga Bible - ÜJAO LAITEP
Copyright © 2011 by The Bible Society of India
Used by permission. All rights reserved worldwide.