Markus 16မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

Uko tiꞌo, Nopantiꞌikimohi, “Noloumokei pe humanele duniaꞌ, mampowute Kareba Moromiꞌ pe lekiꞌ-lekiꞌna toaꞌ.

Toaꞌ to mepoꞌohi, hingkiꞌ Kupaꞌanihi kuasaꞌ mowali tandaꞌ-tandaꞌ to mepohele waheꞌe: I lali konaꞌKu, iohi hingkiꞌ mampopolai lomoa, hingkiꞌ mololitahi i lali wiharo to handoaꞌi kahampiha robahaꞌ. Uwaꞌhi to hingkiꞌ motiko ule, ba maꞌinu rasu, angkana hawaꞌhi hingkiꞌ mahampo. Ane moruntuihi toaꞌ to mohakiꞌ bateꞌra moꞌoriꞌ.”

Himolu to mepoꞌohi pe Aku hei niriu, io hingkiꞌ tehompoꞌ ka pehuku dosa. Angkana hihimo to hawaꞌi mepoꞌohi, bateꞌna hingkiꞌ nihuku.

Katoꞌo, noloumohi topeguruNe mampowute Kareba Moromiꞌ i umbo-umbolu. Pueꞌ Yesu tontona mampoꞌowonihi. Nopaꞌanihi kuasaꞌ mowali tandaꞌ-tandaꞌ to mepohele hingkeꞌna mombaha kotuꞌune kareba to ropowute.]

Notiꞌi anaꞌntomaꞌani tiꞌo pe iohi, “Inioꞌkei motehuꞌ! Kubahaꞌ komampaliꞌmi hi Yesu toNasare to nipaku i loti momehulepe. Io tuwuꞌmo huliꞌ! Hamboaꞌmo uwaꞌ iseꞌe. Iꞌelekei hieꞌe koroꞌuliꞌane wotaNa.

I lumbu lala mololitamohi, rotiꞌi, “Hihimo to hingkiꞌ mosulungiki mololihaki watu potutuꞌina woloꞌ petowua tiꞌo?” Alaꞌ watu tiꞌo kodeꞌ mpololeke. Angkana kohupaꞌralu i petowua, roꞌokiꞌ watu tiꞌo mengkalolimo. Pekahira i lali petowua, pangkiꞌhi haduo anaꞌntomaꞌani to mahura tinaꞌ i kuanara, mebaduꞌ to popuhiꞌ. Hokohi towoweꞌe tiꞌo.