ယေရှုခရစ်တော်၏မယ်တော်မှာ မာရိဖြစ်ပြီး မာရိသည် ယောသပ်နှင့်လက်ထပ်ရန် စေ့စပ်ထားသူဖြစ်သည်။ ယောသပ်သည်လည်း ဘုရင်ဒါဝိဒ်၏ ဆွေစဉ်မျိုးဆက်ထဲမှ တစ်ဦးဖြစ်သည်။ သို့ရာတွင် ယောသပ်နှင့်လက်မထပ်မီ မာရိတွင် ဘုရားဝိညာဉ်တော်၏ စွမ်းအားတန်ခိုးကြောင့် ကိုယ်ဝန်ရရှိနေသည်ကို မာရိသိရှိနေသည်။ ယောသပ်သည် စိတ်သဘောထား မြင့်မြတ်သူဖြစ်၍ မာရိ၏ အရှက်သိက္ခာကိုငဲ့ကွက်ပြီး စေ့စပ်ထားသည်ကို တိတ်တဆိတ် ဖျက်သိမ်းရန် ဆုံးဖြတ်လိုက်လေသည်။