Matthew 2မွ လူႀကိဳက္ႏွစ္သက္ေသာ က်မ္းပိုဒ္မ်ား။

မၽွေဝရန္

သူတို့သည် ထိုအိမ်ထဲသို့ ဝင်ရောက်သွားသောအခါ ကလေးငယ်ကို မိခင်မာရိနှင့်အတူ တွေ့မြင်ကြရလေသည်။ ထိုသူတို့သည် ကလေးငယ်အား ဒူးထောက်ပြီး ပျပ်ဝပ်ကျိုးနွံစွာ ရှိခိုးကြလေသည်။ ကလေးငယ်အား သူတို့ယူဆောင်လာကြသော ရွှေငွေရတနာ၊ လောဗန် အမွှေးနံ့သာနှင့် မုရန်ဆေးတို့ကို ပူဇော်ဆက်ကပ် ကြလေသည်။

ဟေရုဒ်ဘုရင်လက်ထက်တွင် ယုဒပြည်၊ ဗက်လင်မြို့တွင် ကိုယ်တော်ယေရှုအား ဖွားမြင်တော်မူခဲ့လေသည်။ ၎င်း အချိန်တွင် အရှေ့တိုင်းမှ ပညာရှိအချို့သည် ယေရုရှလင်မြို့သို့ ရောက်ရှိလာကြပြီး .“ယုဒလူမျိုးတို့ရဲ့ ဘုရင်ဖြစ်လာမယ့် ကလေးကို ဘယ်နေရာမှာ ဖွားမြင်တော်မူပါသလဲ။ သူနဲ့သက်ဆိုင်တဲ့ ကြယ်တစ်လုံးပေါ်ထွန်းနေတာ ကိုမြင်ခဲ့ရလို့ သူ့ကို ဖူးမြော်ပူဇော်လိုတဲ့အတွက် ဒီနေရာကို အရောက်လာကြခြင်း ဖြစ်ပါတယ်"ဟု စုံစမ်း မေးမြန်းကြလေသည်။

.ထိုကဲ့သို့ ကြယ်ကြီးရပ်တန့်သွားသည်ကို တွေ့ရသောအခါ သူတို့သည် အလွန်ဝမ်းမြောက် ဝမ်းသာဖြစ်ကြလေသည်။

.ထို့နောက် ဟေရုဒ်ဘုရင်ထံ ပြန်မသွား ကြရန် သတိပေးသည့်အိပ်မက် မြင်မက်ကြသောကြောင့် သူတို့သည် အခြားသောလမ်းမှ မိမိတို့နေရပ်သို့ ပြန်သွား ကြလေ၏။ ပညာရှိများ ပြန်သွားပြီးလျှင် ယောသပ်၏ အိပ်မက်ထဲတွင် ဘုရားရှင်၏ နတ်မင်းကြီးတစ်ပါးက “ထတော့၊ သားအမိတွေကိုခေါ်ပြီး အီဂျစ်ပြည် ကို ထွက်ပြေးတော့၊ ငါရဲ့အမိန့်ရမှာသာ ပြန်လာပါ၊ ဘာကြောင့်လဲဆိုတော့ ဟေရုဒ်ဘုရင်ဟာ ကလေးကိုသတ်ဖို့ ရှာဖွေနေတယ်”ဟု အိပ်မက်ပေးလေသည်။