Yoane 15
15
Bomwe Bosoti
1Mbi nadi bomwe bosoti, na Sangwa’mbi adi mobanei ogbie. 2Iyo atɛndɔkɔ bitape bimbi bisusu bia bidi pɛ bobota mbuma. Na alenaka suka jibitape bisusu bia bibotaka, bo libota lihɛe. 3Ino odini na bosɛnɔ edɛye a mojɔ moekenge ebali mbi na nu. 4Yeyoani a tei embi, na mbi nâyeyoa a tei enu. Etape, oko etape ngasa, editi nongo na libota. Emiti da a tei ebomwe, etabota nongo mbuma; ino koko boa, omiti yeyoani a tei embi, ôtabotani nongo mbuma. 5Mbi nadi bomwe, ino odini bitape. Yona oyeyoaka a tei embi, na mbi a tei ende, abotaka mbuma jinɛnɛ. Mojɔ bo okabɔtɔnɔni na mbi, otahɔnɔkɔni bokɔ nongo eka. 6Moto amiti yeyoa a tei embi, âdumbama o ekɔmɛli eetape, na âhɔlɔngɔnɔ. Bandoaka bitape bimina, babidumbaka a mosa na bingoaka. 7Okayeyoani a tei embi, na bikenge bimbi bikayeyoa a tei enu, obwanini bonga mojɔ mopalaka no, na ôsɔni. 8Okabotani mbuma jinɛnɛ a boneja bo odini bacingami bambi, Sangwa’mbi adi bosɔ ekumu na mojɔ momina. 9Sango adi na mbi ngɛnjɔ. Mbi nadi na nu ngɛnjɔ koko boa. Yeyoani a tei engɛnjɔ embi. 10Okasumani mibeko mimbi, ôyeyoani a tei engɛnjɔ embi, o asumaka mbi mibeko miSangwa’mbi, na o ayeyoaka mbi a tei engɛnjɔ ende. 11Mbi nabali na nu mijɔ mimi, bo sepi embi edae a tei enu, na bo olumeni na sepi botɔ.
12Mobeko mombi modi oko mu; Toma palanani o apalaka mbi no. 13Ngɛnjɔ yena enɔi edi oko ye, bo moto apɛ mohelo monde a mojɔ mobina’nde. 14Ino odini bma’mbi okakɔni ngando jibekeaka mbi no. 15Te nayake bala na nu o bakɔmɛli, mojɔ bo mokɔmɛli t’ajebake mua mokɔkɔ moswa’nde. Mbi ko nabali na nu o bma’mbi, mojɔ bo najebejai no ngando jisusu jikaki mbi na Sangwa’mbi. 16Ino oihɔni mbi. Mbi ko nahɔ no, na nahɛngɛ no bo okɛeni a bobota mbuma, mbuma jiboyeyoa, bo oka’ngani Sango eka a kombe embi, yo apɛ no. 17Mojɔ mobekeaka mbi no modi oko bo opalaneni.
18Ngondo ekada na nu soki, ojebakani bo edaka na mbi soki boso. 19Akɔki no da bato bangondo, ka ngondo epali no. Ngondo ko edi na nu soki, mojɔ bo oditini bato bangondo, na mojɔ bo mbi nahɔ no a bobɔtɔnɔ na ngondo. 20T’obosaeni oko ekenge ebali mbi na nu bo, Mokɔmɛli t’anɔke moswa’nde. Anɔngejai bo mbi, bânɔngeja no pongono. Akɔki bo suma bokoja bombi, ka bâsuma bokoja bonu pongono. 21Ibo ko bâkɔ ngando ji jisusu ai no a mojɔ mokombe embi, ema bo batajebaka yona olomani. 22Eipeta da bo mbi nadoi a bobala na bu, ka baditi na lindo. Edɛye ko bapeliti nongo mokalo a mojɔ mobobe bobu. 23Iyona odi na mbi soki, adi na Sangwa’mbi soki pongono. 24Pɛpɛ nongo okina otongo okɔ bilomu bikɔkɔ mbi a tei ebu. Eipeta da boa, ka baditi na lindo. Edɛye ko bani mbi, na badi na mbi soki, na badi na Sangwa’mbi soki pongono. 25Oko boa ekenge yena esɔnɔmɔ a Mibeko mibu engami bo,
Badaka na mbi soki ngasa, pɛpɛ cina.
26Mbi ko nâ lomea no Mokɔmeja, oko Mwembo mosoti mua momanaka ai Sango. Mokɔmeja omina adonga ai Sango, na akadoa, yo ada motati ombi. 27Ino ôdani batati pongono, mojɔ bo odakani na mbi oko a bobanga.
လက္ရွိေရြးခ်ယ္ထားမွု
Yoane 15: NTNG61
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Alliance Biblique de la R. D. Congo