Гелип чыкыш 32
32
32‑нҗи бап
Якуп Ысав билен душушыга тайынланяр
1Якуп өз ёлы билен гидип барярка, Худайың перишделери оны гаршылады. 2Якуп олары гөрүп: «Бу Худайың дүшелгеси» дийди. Шейдип, Якуп ол ери Маханайым#32:2 Маханайым – бу сөз ики дүшелге диймеги аңладяр. дийип атландырды.
3-4Якуп Эдом юрдуның Сегир дийилйән ерине, доганы Ысавың янына хабарчы ёллап: «Мениң җенабым Ысава шейле дийиң» дийип, өз хабарчыларына шу сөзлери айтмаклыгы буюрды: «Сениң гулуң Якуп шейле диййәр: „Мен Лабаныңкыда шу вагта ченли гелмишек болуп яшадым. 5Мен энчеме өкүзли, эшекли, доварлы хем гул-гырнаклы болдум. Сениң гөвнүңи тапарым ялы, мен саңа хабар ёллаярын“». 6Хабарчылар Якубың янына гайдып гелдилер. Олар: «Биз сениң доганың Ысавың янына бардык. Ол сени гаршыламага гелйәр. Онуң янында дөрт йүз адам бар» дийдилер. 7-8Муны эшидип, Якуп җуда горкды. Ол өз янындан: «Эгер Ысав бир топарың үстүне чозуп, оны басып алаянда-да, бейлеки топар гутулар» дийип, өз адамларыны, овнуклы-ирили малларыны хем дүелерини ики топара бөлди.
9Соңра Якуп шейле дилег этди: «Эй, маңа: „Өз юрдуңа, өз доган-гарындашларыңың арасына долан, Мен саңа ягшылык эдерин“ диен Реббим, атам Ыбрайым билен какам Ысхагың Худайы! 10Мен Сениң садык сөйгиңе ве вепалылыгыңа мынасып дәлдирин. Иордан дерясындан геченимде, элимдәки хасамдан башга задым ёкды. Инди болса мен ики топарың эеси болдум. 11Ялбарярын, мени өз доганым Ысавың элинден халас эт! Мен онуң гелип, бизиң хеммәмизи, чагалары хем оларың эҗелерини өлдүреринден горкярын. 12Сен маңа: „Мен саңа ягшылык эдерин, сениң неслиңи деңиз якасындакы сан-саҗаксыз чәгелер дей көпелдерин“ дийипдиң».
13-15Якуп ол гиҗәни шол ерде гечирди. Өзүнде бар болан маллардан ики йүз гечи билен йигрими эркеҗи, ики йүз гоюн билен йигрими гочы, отуз саны көшекли саглык дүйәни, кырк сыгыр билен он өкүзи ве йигрими саны уркачы эшек билен он саны эркек эшеги өз доганы Ысава совгат этмек үчин сайлап алды. 16Якуп олары айры-айры сүрүлер эдип, өз гулларының өңүне салды ве олара: «Менден өңде йөрәң ве хер сүриниң арасында чәк саклаң» дийип табшырды. 17-18Якуп оларың илкинҗисине шейле табшырык берди: «Доганым Ысав өңүңден чыкып: „Сен кимиң адамы? Угруң нирә? Өңүңдәки сүри кимиңки?“ дийип сораса: „Булар гулуң Якубыңкы. Якуп булары өз җенабы Ысава совгат иберди. Ызымыздан онуң өзи-де гелйәр“ дийиң». 19Якуп икинҗи, үчүнҗи гулуна, сүрүлериң ызына дүшүп гиден әхли гулларына-да шол бир табшырыгы берип: «Ысава душаныңызда, хут шол бир сөзлери айдарсыңыз. 20Шейле хем сиз: „Гулуң Якуп-да ыздан гелйәр“ диерсиңиз» дийди. Чүнки Якуп өз янындан: «Шу өңден уградян совгатларым билен мен Ысавың йүрегини юмшадарын. Соңра мен онуң билен йүзбе-йүз гөршерин. Ол, белки, мени кабул эдер» дийип ойланды. 21Шейдип, Якуп совгатлары өзүнден өң иберип, шол гиҗәни дүшелгеде гечирди.
Якуп гөреш тутяр
22Шол гиҗе Якуп туруп, ики аялыны, ики гырнагыны хем-де он бир чагасыны алып, Ябок дерясының гүзеринден гечди. 23Олары деряның аңырсына гечиренден соң, Якуп янындакы мал-мүлклериниң әхлисини хем деряның аңырсына иберди. 24Якубың еке өзи галды. Тә даң шапагы догянча, бир киши билен гөреш тутды. 25Якубың баш бермейәндигини гөренсоң, ол киши Якубың уйлугының ойҗугына уруп, онуң уйлугыны яздырды. 26Ол Якуба: «Даң шапагы догуп гелйәр, мени гойбер!» дийди. Якуп оңа: «Тә маңа пата берйәнчәң, мен сени гойбермерин» дийди. 27Ол адам Якупдан: «Адың нәме?» дийип сорады. Ол: «Якуп» дийип җогап берди. 28Ол адам Якуба: «Инди сениң адың Якуп дәл-де, Ысрайыл болар, чүнки сен Худай хем адамлар билен гөреш тутушып#32:28 Ысрайыл… гөреш тутушып – еврейче Ысрайыл ве Худай билен гөреш тутушяр диен сөзлеминиң айдылышы меңзешдир., олардан үстүн чыкдың» дийди. 29Якуп ондан: «Сениң адың нәме?» дийип сорады. Ол: «Мениң адымы нәме үчин сораярсың?» дийип, шол ерде Якуба пата берди. 30Якуп ол ери «Пениел»#32:30 Еврейче Пениел ве Худайың йүзи диен сөзлериң айдылышы меңзешдир. дийип атландырды. Якуп: «Чүнки мен Худайы йүзбе-йүз гөрүбем, дири галдым» дийди. 31Якуп Пениелден#32:31 Пениел – еврейче Пенувел. Бу Пениелиң бейлеки адыдыр. чыкып барярка, Гүн догды. Ол уйлугына деглендиги себәпли агсаярды. 32(Ысрайыллар хенизе ченли уйлукдакы сиңри иймейәрлер, чүнки Худай Якубың уйлугындакы сиңре дегипди.)
လက္ရွိေရြးခ်ယ္ထားမွု
Гелип чыкыш 32: TukCyr16
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© Мукаддес Китап Терҗиме Институты, 2016