ᒉᓂᓯᐢ 29
29
1ᒉᑲᑊ ᒫᑲ ᑭ ᐊᑎ ᓯᐯᐧᑌᐤ ᐁᑯᓯ ᐁ ᑭ ᑕᑯᓯᕽ ᐊᓂᑕ ᐅᐟ ᐊᐢᑭᔨᕽ ᐋᐧᐸᓄᐃᐧ ᐊᔨᓯᔨᓂᐊᐧ. 2ᑭ ᐃᑖᐱᐤ ᒫᑲ, ᐳᑎ ᐅᐦᑕᐃᐹᐣ ᑭ ᐊᔮᐤ ᒪᐢᑯᑌᕽ ᐁᑯᑕ ᒫᑲ ᑭ ᐱᒥᓯᓇᐧᐠ ᓂᐢᑕᐧᔭᐠ ᒫᔭᑎᐦᑲᐧᐠ; ᒋᑫᒫ ᐁᑯᑕ ᐅᐦᑕᐃᐹᓂᕽ ᑭ ᐅᐦᒋ ᒥᓇᐁᐊᐧᐠ ᒫᔭᑎᐦᑲᐧ; ᐁᑯᓯ ᐊᓯᓂ ᐁ ᑭᐸᐱᐟ ᐃᑕ ᐁ ᐅᐦᒋ ᐅᑎᓂᑳᑌᐠ ᓂᐱ, ᓈᐢᐱᐨ ᑭ ᒥᐦᒑᐱᐢᑭᓯᐤ. 3ᐁᑯᑕ ᒫᑲ ᑭ ᒫᐊᐧᒋᐃᑐᐊᐧᐠ ᑲᐦᑭᔭᐤ ᒫᔭᑎᐦᑲᐧᐠ; ᐁᑯᓯ ᑭ ᐃᑲᑌᑎᐦᑎᐱᓀᐊᐧᐠ ᒫᑲ ᐊᓯᓂᔭ ᐁ ᔪᐦᑌᔮᐠ ᒧᓇᐦᐃᐹᐣ ᐅᐦᒋ, ᐁ ᒥᓇᐋᒋᐠ ᒫᑲ ᒫᔭᑎᐦᑲᐧ, ᐁᑯᓯ ᑳᐃᐧ ᒥᓇ ᐁ ᑭᐸᔮᒋᐠ ᐊᓯᓂᔭ ᐃᑕ ᐁ ᔪᑌᔮᐠ ᒧᓇᐦᐃᐹᐣ. 4ᒉᑲᑊ ᒫᑲ ᑭ ᐃᑌᐤ, ᓂᒋᐋᐧᒥᑎᐠ ᑖᓂᑌ ᐁᐧᒋᔦᐠ? ᑭ ᐃᑎᐠ ᒫᑲ, ᐦᐊᕒᐋᐣ ᓄᐦᒋᓈᐣ. 5ᐅᒥᓯ ᒫᑲ ᑭ ᐃᑌᐤ, ᑭ ᑭᐢᑫᔨᒫᐋᐧᐤ ᒋ ᓬᐁᐹᐣ ᐅᑯᓯᓴ ᓀᐦᐅᕒ? ᑭ ᐃᑎᐠ ᒫᑲ, ᓂ ᑭᐢᑫᔨᒫᓈᐣ. 6ᐅᒥᓯ ᒫᑲ ᑭ ᐃᑌᐤ, ᒥᔪ ᐊᔮᐤ ᒋ? ᑭ ᐃᑎᐠ, ᒥᔪ ᐊᔮᐤ, ᒋᐢᐟ ᒫᑲ ᕒᐁᒋᓬ ᐅᑖᓂᓴ ᐯ ᐃᐧᒉᐁᐧᔨᐊᐧ ᒫᔭᑎᐦᑲᐧ. 7ᑭ ᐃᑌᐤ ᒫᑲ, ᒋᐢᐟ, ᑫᔮᐱᐨ ᐃᐢᐱ ᑭᓯᑳᐤ, ᓇᒣᐢᑲᐧ ᐅᑎᐦᒋᐸᔨᐤ ᐊᐊᐧᑳᓇᐠ ᑭᑕ ᒫᐊᐧᒋᐦᐃᐦᒋᐠ, ᒥᓇᐦᐃᐦᑯᐠ ᒫᔭᑎᐦᑲᐧᐠ ᒥᓇ ᓇᑕᐃᐧ ᐊᓴᒣᐦᑯᐠ. 8ᐅᒥᓯ ᒫᑲ ᑭ ᐃᑎᐠ, ᓇᒪᐃᐧᔭ ᓂ ᑲ ᑭ ᑐᑌᓈᐣ ᐹᑎᒫ ᐱᑯ ᑲᐦᑭᔭᐤ ᒫᔭᑎᐦᑲᐧᐠ ᑭ ᒫᐊᐧᒋᐦᐃᐦᑖᐧᐃᐧ, ᒥᓇ ᐹᑎᒫ ᑭ ᐃᑲᑌᓈᑖᐧᐃᐧ ᐊᓯᓂᔭ ᒧᓇᐃᐹᓂᕽ ᐅᐦᒋ; ᐁᑫᐧᔮᐠ ᑫ ᑭ ᒥᓇᐋᔮᑭᐠ ᒫᔭᑎᐦᑲᐧᐠ.
9ᒣᑳᐧᐨ ᐅᒪ ᐁ ᐃᐧᒋᐱᑭᐢᑫᐧᒫᐟ, ᕒᐁᒋᓬ ᑭ ᐯ ᐃᑐᐦᑕᐦᐃᒣᐤ ᐅᑖᐃᐧᔭ ᐅ ᒫᔭᑎᐦᑯᒥᔨᐊᐧ; ᒋᑫᒫ ᐃᐧᔭ ᑭ ᑲᓇᐁᐧᔨᒣᐤ. 10ᑭ ᐃᐢᐸᔨᐤ ᒫᑲ ᐃᐢᐱ ᒉᑲᑊ ᐃᐧᔮᐸᒫᐟ ᕒᐁᒋᓬᐊ, ᐅᑖᓂᓯᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ, ᒥᓇ ᐅ ᒫᔭᑎᐦᑯᒥᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ, ᒉᑲᑊ ᑭᓯᐋᐧᐠ ᑭ ᐃᑐᐦᑌᐤ, ᐁ ᑭ ᐃᑲᑌᑎᐦᑎᐱᓈᐟ ᐊᓯᓂᔭ ᐃᑕ ᐁ ᔪᑌᔮᐠ ᒧᓇᐦᐃᐹᐣ ᐅᐦᒋ, ᐁᑯᓯ ᐁ ᑭ ᒥᓇᐦᐃᒫᐟ ᐅ ᒫᔭᑎᐦᑯᒥᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ. 11ᒉᑲᑊ ᒫᑲ ᑭ ᐅᒉᒣᐤ ᕒᐁᒋᓬᐊ ᐁᑯᓯ ᐁ ᒧᐢᑫᐧᔨᑕᕽ ᑭ ᒫᑐ. 12ᒉᑲᑊ ᒫᑲ ᑭ ᐃᐧᐦᑕᒪᐁᐧᐤ ᕒᐁᒋᓬᐊ ᐅᑖᐃᐧᔨᐊᐧ ᐁ ᐅᓯᓯᐟ ᒥᓇ ᕒᐃᐯᑲᐊᐧ ᐁ ᐅᑳᐃᐧᐟ; ᑭ ᐃᐢᐸᑖᐤ ᒫᑲ ᐁ ᓇᑕᐃᐧ ᐃᐧᐦᑕᒪᐋᐧᐟ ᐅᑖᐃᐧᔭ.
13ᑭ ᐊᔨᑭᐣ ᒫᑲ ᐃᐢᐱ ᓬᐁᐹᐣ ᐱᔦᐦᑕᕽ ᐁ ᐋᒋᒥᒥᐦᐟ ᒉᑲᐸ ᐅᑕᐁᐧᒫᐊᐧ ᐅᑯᓯᓯᔨᐊᐧ, ᑭ ᐃᐢᐸᑖᐤ ᑭᑕ ᓇᑭᐢᑲᐋᐧᐟ, ᐁᑯᓯ ᐁ ᑭ ᐊᑕᒥᐢᑲᐋᐧᐟ, ᒥᓇ ᐁ ᑭ ᐅᒉᒫᐟ, ᒥᓇ ᐁ ᑭ ᐱᑐᑲᐋᐟ ᐃᐧᑭᕽ, ᑭ ᐃᐧᐦᑕᒪᐁᐧᐤ ᒫᑲ ᓬᐁᐹᓇ ᑲᐦᑭᔭᐤ. 14ᓬᐁᐹᓇ ᒫᑲ ᑭ ᐃᑎᐠ, ᑭᔭ ᒫᑲ ᑖᐯᐧ ᓂᐢᑲᐣ ᒥᓇ ᓂ ᐃᐧᔮᐢ. ᐯᔭᐠ ᐱᓯᒼ ᒫᑲ ᑭ ᐃᐧᒋᐊᔮᒣᐤ. 15ᐁᑯᓯ ᓬᐁᐹᐣ ᑭ ᐃᑌᐤ ᒉᑲᐸ, ᐅᒪ ᐁ ᐅᑎᑲᐧᑎᒥᒥᑖᐣ ᐁᐊᐧᑯ ᒋ ᐅᐦᒋ ᐱᑯᓇᑐ ᑭᑕ ᐊᑐᐢᑲᐃᐧᔭᐣ? ᐃᐧᐦᑕᒪᐃᐧᐣ ᑫᑲᐧᐩ ᑫ ᑎᐸᐦᐊᒫᑖᐣ? 16ᓬᐁᐹᐣ ᒫᑲ ᑭ ᓂᓯᔨᐊᐧ ᐅᑖᓂᓴ, ᓬᐃᐋ ᑭ ᐃᓯᔨᐦᑳᓱᔨᐊᐧ ᐅᒥᓯᒫᐊᐧ, ᕒᐁᒋᓬ ᒫᑲ ᑭ ᐃᓯᔨᐦᑳᓱᔨᐊᐧ ᐅᓯᒥᒫᐊᐧ. 17ᓬᐃᐋ ᒫᑲ ᑭ ᓀᓱᐊᐧᓂᔨᐊᐧ ᐅᐢᑭᓯᑲᐧ, ᒫᑲ ᕒᐁᒋᓬ ᑭ ᑲᑕᐊᐧᓯᓯᐤ ᒥᓇ ᑭ ᒥᔪᓈᑯᓯᐤ. 18ᒉᑲᑊ ᒫᑲ ᑭ ᓵᑭᐦᐁᐤ ᕒᐁᒋᓬᐊ; ᐅᒥᓯ ᒫᑲ ᑭ ᐃᑌᐤ, ᑌᐸᑯᑊ ᑕᐦᑐ ᐊᐢᑭ ᑭ ᑲ ᐊᑐᐢᑫᐢᑖᑎᐣ ᕒᐁᒋᓬ ᐅᓯᒥᒫᐤ ᑭᑖᓂᐢ ᐅᐦᒋ. 19ᓬᐁᐹᐣ ᒫᑲ ᑭ ᐃᑌᐧᐤ, ᓇᐊᐧᐨ ᒥᔮᐧᓯᐣ ᑭᔭ ᑭᑕ ᒥᔨᑖᐣ, ᐃᔨᑯᕽ ᑭᑕ ᒥᔭᐠ ᑯᑕᐠ ᐊᔨᓯᔨᓂᐤ; ᑭᔮᒼ ᐃᐧᒋᐊᔮᒥᐣ. 20ᒉᑲᑊ ᒫᑲ ᑭ ᐊᑐᐢᑫᐤ ᑌᐸᑯᑊ ᑕᐦᑐ ᐊᐢᑭ ᕒᐁᒋᓬᐊ ᐅᐦᒋ, ᒥᑐᓂ ᒫᑲ ᒐᑲᐋᐧᓯᐢ ᑭᓯᑳᐊᐧ ᑭ ᐃᑌᔨᑕᒼ ᐁ ᐃᐢᐱᐦᒋ ᓵᑭᐦᐋᐟ.
21ᒉᑲᑊ ᒫᑲ ᑭ ᐃᑌᐤ ᓬᐁᐹᓇ, ᒥᔨᐣ ᐁᑲᐧ ᓂᐊᐧ ᒋᑫᒫ ᓵᓴᐩ ᑎᐱᐸᔨᐊᐧ ᓂ ᑭᓯᑳᒪ, ᑭᑕ ᐱᑐᑲᐊᐧᐠ. 22ᓬᐁᐹᐣ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᐊᔨᓯᔨᓂᐊᐧ ᐁᑯᑕ ᑳ ᐊᔮᔨᐟ, ᐁᑯᓯ ᐁ ᑭ ᐃᐧᑯᑫᐟ. 23ᑭ ᐊᔨᑭᐣ ᒫᑲ ᐃᐢᐱ ᐁᐧᑖᑯᓯᓂᔨᐠ, ᑭ ᐅᑎᓀᐤ ᓬᐃᐋᐊᐧ ᐅᑖᓂᓴ ᐁ ᑭ ᐃᑐᐦᑕᐦᐃᒫᐟ ᒫᑲ, ᐁᑯᓯ ᑭ ᐱᑐᑲᐁᐧᔨᐊᐧ. 24ᓬᐁᐹᐣ ᒫᑲ ᑭ ᒥᔦᐤ ᓬᐃᐋ ᐅᑖᓂᓴ, ᓯᓬᐹ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐅᐟ ᐊᑐᐢᑫᔮᑲᓂᐢᑫᐧᒥᔨᐟ. 25ᑭ ᐊᔨᑭᐣ ᒫᑲ ᐃᐢᐱ ᐁ ᑫᑭᓭᐹᔮᔨᐟ ᐳᑎ ᐅᐦᐃ ᓬᐃᐋᐊᐧ; ᐁᑯᓯ ᑭ ᐃᑌᐤ ᓬᐁᐹᓇ, ᑫᑲᐧᐩ ᐅᒪ ᑳ ᑭ ᑐᑕᐃᐧᔭᐣ? ᓇᒪ ᒋ ᑭ ᑭ ᐊᑐᐢᑫᐢᑖᑎᐣ ᕒᐁᒋᓬ ᐅᐦᒋ? ᑫᑲᐧᐩ ᒫᑲ ᐅᐦᒋ ᑳ ᑭ ᑲᔦᓯᐃᔭᐣ? 26ᓬᐁᐹᐣ ᒫᑲ ᑭ ᐃᑌᐧᐤ, ᓇᒪᐃᐧᔭ ᐁᑯᓯ ᐃᑐᒋᑳᑌᐤ ᓂᐟ ᐊᐢᑭᓈᕽ, ᑭᑕ ᒣᑭᕽ ᐅᓯᒥᒫᐤ ᒪᐧᔦᐢ ᐅᒥᓯᒫᐤ. 27ᑎᐱᐸᔨᑐ ᐯᔭᑳᐧᐤ ᐁ ᐃᐢᐸᔨᐠ, ᐁᑯᓯ ᑭ ᑲ ᒥᔨᑎᓈᐣ ᒥᓇ ᐊᐊᐧ ᐊᑐᐢᑫᐃᐧᐣ ᐅᐦᒋ ᑫ ᐃᓯ ᐊᑐᐢᑲᐃᐧᔭᐣ ᑫᔮᐱᐨ ᑌᐸᑯᑊ ᑕᐦᑐ ᐊᐢᑭ. 28ᒉᑲᑊ ᒫᑲ ᐁᑯᓯ ᑭ ᑐᑕᒼ, ᐁ ᑭ ᑎᐱᐸᔨᑐᐋᐧᐟ ᐯᔭᐠ ᐁ ᐃᐢᐸᔨᐠ, ᒥᓇ ᒫᑲ ᑭ ᒥᔨᐠ ᕒᐁᒋᓬᐊ ᐅᑖᓂᓴ ᑭᑕ ᐃᐧᐃᐧᐟ. 29ᓬᐁᐹᐣ ᒫᑲ ᑭ ᒥᔦᐤ ᕒᐁᒋᓬᐊ ᐅᑖᓂᓴ, ᐱᓬᐦᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐅᐟ ᐊᑐᐢᑫᔮᑲᓂᐢᑫᐧᒥᔨᐟ. 30ᑭ ᐱᑐᑲᐁᐧᐤ ᒫᑲ ᕒᐁᒋᓬᐊ ᒥᓇ ᑭ ᓵᑭᐦᐁᐤ ᕒᐁᒋᓬᐊ ᐊᐊᐧᓯᒣ ᐃᔨᑯᕽ ᓬᐃᐋᐊᐧ, ᑫᔮᐱᐨ ᒫᑲ ᑌᐸᑯᑊ ᑕᐦᑐ ᐊᐢᑭ ᑭ ᐊᑐᐢᑲᐁᐧᐤ.
31ᐃᐢᐱ ᒫᑲ ᑳ ᑎᐯᔨᐦᒋᑫᐟ ᐃᐧᔮᐸᐦᑕᕽ ᓬᐃᐋᐊᐧ ᐁ ᐸᑳᐧᑎᒥᐦᐟ ᑭ ᒥᔦᐤ ᑭᑕ ᐅᐟ ᐊᐋᐧᓯᒥᓯᔨᐟ, ᒫᑲ ᕒᐁᒋᓬ ᓇᒪᐃᐧᔭ ᑭ ᐅᐟ ᐊᐋᐧᓯᒥᓯᐤ. 32ᓬᐃᐋ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᒥᓇ ᑭ ᓂᐦᑖᐃᐧᑭᐦᐁᐤ ᐅᑯᓯᓴ, ᕒᐅᐱᐣ ᒫᑲ ᑭ ᐃᓯᔨᐦᑳᑌᐤ, ᒋᑫᒫ ᑭ ᐃᑌᐧᐤ, ᑫᐦᒋᓈ ᑳ ᑎᐯᔨᐦᒋᑫᐟ ᑭ ᑲᓇᐋᐧᐸᐦᑕᒼ ᓂ ᑯᑕᑭᑖᐃᐧᐣ; ᐁᑲᐧ ᒫᑲ ᑫ ᓵᑭᐦᐃᐟ ᓂ ᓈᐯᒼ. 33ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁ ᑭ ᓂᐦᑖᐃᐧᑭᐦᐋᐟ ᒫᑲ ᐅᑯᓯᓴ, ᐅᒥᓯ ᒫᑲ ᐁ ᑭ ᐃᑌᐧᐟ, ᐃᐧᔭ ᑳ ᑎᐯᔨᐦᒋᑫᐟ ᑭ ᐯᐦᑕᒼ ᐁ ᐸᑳᐧᑎᑲᐃᐧᐊᐧᐠ ᐁᐊᐧᑯ ᒫᑲ ᐅᐦᒋ ᓂ ᑭ ᒥᔨᐠ ᑭᑕ ᐅᑯᓯᓯᐊᐧᐠ, ᓯᒥᔭᐣ ᒫᑲ ᑭ ᐃᓯᔨᐦᑳᑌᐤ. 34ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᑭ ᓂᐦᑖᐃᐧᑭᐦᐁᐤ ᒫᑲ ᐅᑯᓯᓴ, ᐅᒥᓯ ᒫᑲ ᑭ ᐃᑌᐧᐤ, ᐁᑲᐧ ᑖᐯᐧ ᑫ ᐃᐧᒉᐃᐧᐟ ᓂ ᓈᐯᒼ, ᒋᑫᒫ ᓵᓴᐩ ᓂᐢᑐ ᓂ ᑭ ᓂᐦᑖᐃᐧᑭᑕᒪᐋᐧᐤ ᐅᑯᓯᓴ, ᐁᐊᐧᑯ ᐅᐦᒋ ᒫᑲ ᓬᐃᐸᐩ ᑭ ᐃᓯᔨᐦᑳᑌᐤ. 35ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁᑯᓯ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ, ᐅᒥᓯ ᒫᑲ ᑭ ᐃᑌᐧᐤ, ᐁᑲᐧ ᓂ ᑲ ᒪᒥᐦᒋᒫᐤ ᑳ ᑎᐯᔨᐦᒋᑫᐟ; ᐁᐊᐧᑯ ᐅᐦᒋ ᒍᑕ ᑭ ᐃᓯᔨᐦᑳᑌᐤ. ᐁᑯᓯ ᒫᑲ ᑭ ᐳᓂ ᐅᐟ ᐊᐋᐧᓯᒥᓯᐤ.
လက္ရွိေရြးခ်ယ္ထားမွု
ᒉᓂᓯᐢ 29: KKMs
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 29
29
1ᒉᑲᑊ ᒫᑲ ᑭ ᐊᑎ ᓯᐯᐧᑌᐤ ᐁᑯᓯ ᐁ ᑭ ᑕᑯᓯᕽ ᐊᓂᑕ ᐅᐟ ᐊᐢᑭᔨᕽ ᐋᐧᐸᓄᐃᐧ ᐊᔨᓯᔨᓂᐊᐧ. 2ᑭ ᐃᑖᐱᐤ ᒫᑲ, ᐳᑎ ᐅᐦᑕᐃᐹᐣ ᑭ ᐊᔮᐤ ᒪᐢᑯᑌᕽ ᐁᑯᑕ ᒫᑲ ᑭ ᐱᒥᓯᓇᐧᐠ ᓂᐢᑕᐧᔭᐠ ᒫᔭᑎᐦᑲᐧᐠ; ᒋᑫᒫ ᐁᑯᑕ ᐅᐦᑕᐃᐹᓂᕽ ᑭ ᐅᐦᒋ ᒥᓇᐁᐊᐧᐠ ᒫᔭᑎᐦᑲᐧ; ᐁᑯᓯ ᐊᓯᓂ ᐁ ᑭᐸᐱᐟ ᐃᑕ ᐁ ᐅᐦᒋ ᐅᑎᓂᑳᑌᐠ ᓂᐱ, ᓈᐢᐱᐨ ᑭ ᒥᐦᒑᐱᐢᑭᓯᐤ. 3ᐁᑯᑕ ᒫᑲ ᑭ ᒫᐊᐧᒋᐃᑐᐊᐧᐠ ᑲᐦᑭᔭᐤ ᒫᔭᑎᐦᑲᐧᐠ; ᐁᑯᓯ ᑭ ᐃᑲᑌᑎᐦᑎᐱᓀᐊᐧᐠ ᒫᑲ ᐊᓯᓂᔭ ᐁ ᔪᐦᑌᔮᐠ ᒧᓇᐦᐃᐹᐣ ᐅᐦᒋ, ᐁ ᒥᓇᐋᒋᐠ ᒫᑲ ᒫᔭᑎᐦᑲᐧ, ᐁᑯᓯ ᑳᐃᐧ ᒥᓇ ᐁ ᑭᐸᔮᒋᐠ ᐊᓯᓂᔭ ᐃᑕ ᐁ ᔪᑌᔮᐠ ᒧᓇᐦᐃᐹᐣ. 4ᒉᑲᑊ ᒫᑲ ᑭ ᐃᑌᐤ, ᓂᒋᐋᐧᒥᑎᐠ ᑖᓂᑌ ᐁᐧᒋᔦᐠ? ᑭ ᐃᑎᐠ ᒫᑲ, ᐦᐊᕒᐋᐣ ᓄᐦᒋᓈᐣ. 5ᐅᒥᓯ ᒫᑲ ᑭ ᐃᑌᐤ, ᑭ ᑭᐢᑫᔨᒫᐋᐧᐤ ᒋ ᓬᐁᐹᐣ ᐅᑯᓯᓴ ᓀᐦᐅᕒ? ᑭ ᐃᑎᐠ ᒫᑲ, ᓂ ᑭᐢᑫᔨᒫᓈᐣ. 6ᐅᒥᓯ ᒫᑲ ᑭ ᐃᑌᐤ, ᒥᔪ ᐊᔮᐤ ᒋ? ᑭ ᐃᑎᐠ, ᒥᔪ ᐊᔮᐤ, ᒋᐢᐟ ᒫᑲ ᕒᐁᒋᓬ ᐅᑖᓂᓴ ᐯ ᐃᐧᒉᐁᐧᔨᐊᐧ ᒫᔭᑎᐦᑲᐧ. 7ᑭ ᐃᑌᐤ ᒫᑲ, ᒋᐢᐟ, ᑫᔮᐱᐨ ᐃᐢᐱ ᑭᓯᑳᐤ, ᓇᒣᐢᑲᐧ ᐅᑎᐦᒋᐸᔨᐤ ᐊᐊᐧᑳᓇᐠ ᑭᑕ ᒫᐊᐧᒋᐦᐃᐦᒋᐠ, ᒥᓇᐦᐃᐦᑯᐠ ᒫᔭᑎᐦᑲᐧᐠ ᒥᓇ ᓇᑕᐃᐧ ᐊᓴᒣᐦᑯᐠ. 8ᐅᒥᓯ ᒫᑲ ᑭ ᐃᑎᐠ, ᓇᒪᐃᐧᔭ ᓂ ᑲ ᑭ ᑐᑌᓈᐣ ᐹᑎᒫ ᐱᑯ ᑲᐦᑭᔭᐤ ᒫᔭᑎᐦᑲᐧᐠ ᑭ ᒫᐊᐧᒋᐦᐃᐦᑖᐧᐃᐧ, ᒥᓇ ᐹᑎᒫ ᑭ ᐃᑲᑌᓈᑖᐧᐃᐧ ᐊᓯᓂᔭ ᒧᓇᐃᐹᓂᕽ ᐅᐦᒋ; ᐁᑫᐧᔮᐠ ᑫ ᑭ ᒥᓇᐋᔮᑭᐠ ᒫᔭᑎᐦᑲᐧᐠ.
9ᒣᑳᐧᐨ ᐅᒪ ᐁ ᐃᐧᒋᐱᑭᐢᑫᐧᒫᐟ, ᕒᐁᒋᓬ ᑭ ᐯ ᐃᑐᐦᑕᐦᐃᒣᐤ ᐅᑖᐃᐧᔭ ᐅ ᒫᔭᑎᐦᑯᒥᔨᐊᐧ; ᒋᑫᒫ ᐃᐧᔭ ᑭ ᑲᓇᐁᐧᔨᒣᐤ. 10ᑭ ᐃᐢᐸᔨᐤ ᒫᑲ ᐃᐢᐱ ᒉᑲᑊ ᐃᐧᔮᐸᒫᐟ ᕒᐁᒋᓬᐊ, ᐅᑖᓂᓯᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ, ᒥᓇ ᐅ ᒫᔭᑎᐦᑯᒥᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ, ᒉᑲᑊ ᑭᓯᐋᐧᐠ ᑭ ᐃᑐᐦᑌᐤ, ᐁ ᑭ ᐃᑲᑌᑎᐦᑎᐱᓈᐟ ᐊᓯᓂᔭ ᐃᑕ ᐁ ᔪᑌᔮᐠ ᒧᓇᐦᐃᐹᐣ ᐅᐦᒋ, ᐁᑯᓯ ᐁ ᑭ ᒥᓇᐦᐃᒫᐟ ᐅ ᒫᔭᑎᐦᑯᒥᔨᐊᐧ ᓬᐁᐹᓇ ᐅᑳᐃᐧᔭ ᐅᑕᐁᐧᒫᔨᐊᐧ. 11ᒉᑲᑊ ᒫᑲ ᑭ ᐅᒉᒣᐤ ᕒᐁᒋᓬᐊ ᐁᑯᓯ ᐁ ᒧᐢᑫᐧᔨᑕᕽ ᑭ ᒫᑐ. 12ᒉᑲᑊ ᒫᑲ ᑭ ᐃᐧᐦᑕᒪᐁᐧᐤ ᕒᐁᒋᓬᐊ ᐅᑖᐃᐧᔨᐊᐧ ᐁ ᐅᓯᓯᐟ ᒥᓇ ᕒᐃᐯᑲᐊᐧ ᐁ ᐅᑳᐃᐧᐟ; ᑭ ᐃᐢᐸᑖᐤ ᒫᑲ ᐁ ᓇᑕᐃᐧ ᐃᐧᐦᑕᒪᐋᐧᐟ ᐅᑖᐃᐧᔭ.
13ᑭ ᐊᔨᑭᐣ ᒫᑲ ᐃᐢᐱ ᓬᐁᐹᐣ ᐱᔦᐦᑕᕽ ᐁ ᐋᒋᒥᒥᐦᐟ ᒉᑲᐸ ᐅᑕᐁᐧᒫᐊᐧ ᐅᑯᓯᓯᔨᐊᐧ, ᑭ ᐃᐢᐸᑖᐤ ᑭᑕ ᓇᑭᐢᑲᐋᐧᐟ, ᐁᑯᓯ ᐁ ᑭ ᐊᑕᒥᐢᑲᐋᐧᐟ, ᒥᓇ ᐁ ᑭ ᐅᒉᒫᐟ, ᒥᓇ ᐁ ᑭ ᐱᑐᑲᐋᐟ ᐃᐧᑭᕽ, ᑭ ᐃᐧᐦᑕᒪᐁᐧᐤ ᒫᑲ ᓬᐁᐹᓇ ᑲᐦᑭᔭᐤ. 14ᓬᐁᐹᓇ ᒫᑲ ᑭ ᐃᑎᐠ, ᑭᔭ ᒫᑲ ᑖᐯᐧ ᓂᐢᑲᐣ ᒥᓇ ᓂ ᐃᐧᔮᐢ. ᐯᔭᐠ ᐱᓯᒼ ᒫᑲ ᑭ ᐃᐧᒋᐊᔮᒣᐤ. 15ᐁᑯᓯ ᓬᐁᐹᐣ ᑭ ᐃᑌᐤ ᒉᑲᐸ, ᐅᒪ ᐁ ᐅᑎᑲᐧᑎᒥᒥᑖᐣ ᐁᐊᐧᑯ ᒋ ᐅᐦᒋ ᐱᑯᓇᑐ ᑭᑕ ᐊᑐᐢᑲᐃᐧᔭᐣ? ᐃᐧᐦᑕᒪᐃᐧᐣ ᑫᑲᐧᐩ ᑫ ᑎᐸᐦᐊᒫᑖᐣ? 16ᓬᐁᐹᐣ ᒫᑲ ᑭ ᓂᓯᔨᐊᐧ ᐅᑖᓂᓴ, ᓬᐃᐋ ᑭ ᐃᓯᔨᐦᑳᓱᔨᐊᐧ ᐅᒥᓯᒫᐊᐧ, ᕒᐁᒋᓬ ᒫᑲ ᑭ ᐃᓯᔨᐦᑳᓱᔨᐊᐧ ᐅᓯᒥᒫᐊᐧ. 17ᓬᐃᐋ ᒫᑲ ᑭ ᓀᓱᐊᐧᓂᔨᐊᐧ ᐅᐢᑭᓯᑲᐧ, ᒫᑲ ᕒᐁᒋᓬ ᑭ ᑲᑕᐊᐧᓯᓯᐤ ᒥᓇ ᑭ ᒥᔪᓈᑯᓯᐤ. 18ᒉᑲᑊ ᒫᑲ ᑭ ᓵᑭᐦᐁᐤ ᕒᐁᒋᓬᐊ; ᐅᒥᓯ ᒫᑲ ᑭ ᐃᑌᐤ, ᑌᐸᑯᑊ ᑕᐦᑐ ᐊᐢᑭ ᑭ ᑲ ᐊᑐᐢᑫᐢᑖᑎᐣ ᕒᐁᒋᓬ ᐅᓯᒥᒫᐤ ᑭᑖᓂᐢ ᐅᐦᒋ. 19ᓬᐁᐹᐣ ᒫᑲ ᑭ ᐃᑌᐧᐤ, ᓇᐊᐧᐨ ᒥᔮᐧᓯᐣ ᑭᔭ ᑭᑕ ᒥᔨᑖᐣ, ᐃᔨᑯᕽ ᑭᑕ ᒥᔭᐠ ᑯᑕᐠ ᐊᔨᓯᔨᓂᐤ; ᑭᔮᒼ ᐃᐧᒋᐊᔮᒥᐣ. 20ᒉᑲᑊ ᒫᑲ ᑭ ᐊᑐᐢᑫᐤ ᑌᐸᑯᑊ ᑕᐦᑐ ᐊᐢᑭ ᕒᐁᒋᓬᐊ ᐅᐦᒋ, ᒥᑐᓂ ᒫᑲ ᒐᑲᐋᐧᓯᐢ ᑭᓯᑳᐊᐧ ᑭ ᐃᑌᔨᑕᒼ ᐁ ᐃᐢᐱᐦᒋ ᓵᑭᐦᐋᐟ.
21ᒉᑲᑊ ᒫᑲ ᑭ ᐃᑌᐤ ᓬᐁᐹᓇ, ᒥᔨᐣ ᐁᑲᐧ ᓂᐊᐧ ᒋᑫᒫ ᓵᓴᐩ ᑎᐱᐸᔨᐊᐧ ᓂ ᑭᓯᑳᒪ, ᑭᑕ ᐱᑐᑲᐊᐧᐠ. 22ᓬᐁᐹᐣ ᒫᑲ ᑭ ᒫᒪᐃᐧ ᒫᐊᐧᒋᐦᐁᐤ ᐊᔨᓯᔨᓂᐊᐧ ᐁᑯᑕ ᑳ ᐊᔮᔨᐟ, ᐁᑯᓯ ᐁ ᑭ ᐃᐧᑯᑫᐟ. 23ᑭ ᐊᔨᑭᐣ ᒫᑲ ᐃᐢᐱ ᐁᐧᑖᑯᓯᓂᔨᐠ, ᑭ ᐅᑎᓀᐤ ᓬᐃᐋᐊᐧ ᐅᑖᓂᓴ ᐁ ᑭ ᐃᑐᐦᑕᐦᐃᒫᐟ ᒫᑲ, ᐁᑯᓯ ᑭ ᐱᑐᑲᐁᐧᔨᐊᐧ. 24ᓬᐁᐹᐣ ᒫᑲ ᑭ ᒥᔦᐤ ᓬᐃᐋ ᐅᑖᓂᓴ, ᓯᓬᐹ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐅᐟ ᐊᑐᐢᑫᔮᑲᓂᐢᑫᐧᒥᔨᐟ. 25ᑭ ᐊᔨᑭᐣ ᒫᑲ ᐃᐢᐱ ᐁ ᑫᑭᓭᐹᔮᔨᐟ ᐳᑎ ᐅᐦᐃ ᓬᐃᐋᐊᐧ; ᐁᑯᓯ ᑭ ᐃᑌᐤ ᓬᐁᐹᓇ, ᑫᑲᐧᐩ ᐅᒪ ᑳ ᑭ ᑐᑕᐃᐧᔭᐣ? ᓇᒪ ᒋ ᑭ ᑭ ᐊᑐᐢᑫᐢᑖᑎᐣ ᕒᐁᒋᓬ ᐅᐦᒋ? ᑫᑲᐧᐩ ᒫᑲ ᐅᐦᒋ ᑳ ᑭ ᑲᔦᓯᐃᔭᐣ? 26ᓬᐁᐹᐣ ᒫᑲ ᑭ ᐃᑌᐧᐤ, ᓇᒪᐃᐧᔭ ᐁᑯᓯ ᐃᑐᒋᑳᑌᐤ ᓂᐟ ᐊᐢᑭᓈᕽ, ᑭᑕ ᒣᑭᕽ ᐅᓯᒥᒫᐤ ᒪᐧᔦᐢ ᐅᒥᓯᒫᐤ. 27ᑎᐱᐸᔨᑐ ᐯᔭᑳᐧᐤ ᐁ ᐃᐢᐸᔨᐠ, ᐁᑯᓯ ᑭ ᑲ ᒥᔨᑎᓈᐣ ᒥᓇ ᐊᐊᐧ ᐊᑐᐢᑫᐃᐧᐣ ᐅᐦᒋ ᑫ ᐃᓯ ᐊᑐᐢᑲᐃᐧᔭᐣ ᑫᔮᐱᐨ ᑌᐸᑯᑊ ᑕᐦᑐ ᐊᐢᑭ. 28ᒉᑲᑊ ᒫᑲ ᐁᑯᓯ ᑭ ᑐᑕᒼ, ᐁ ᑭ ᑎᐱᐸᔨᑐᐋᐧᐟ ᐯᔭᐠ ᐁ ᐃᐢᐸᔨᐠ, ᒥᓇ ᒫᑲ ᑭ ᒥᔨᐠ ᕒᐁᒋᓬᐊ ᐅᑖᓂᓴ ᑭᑕ ᐃᐧᐃᐧᐟ. 29ᓬᐁᐹᐣ ᒫᑲ ᑭ ᒥᔦᐤ ᕒᐁᒋᓬᐊ ᐅᑖᓂᓴ, ᐱᓬᐦᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐅᐟ ᐊᑐᐢᑫᔮᑲᓂᐢᑫᐧᒥᔨᐟ. 30ᑭ ᐱᑐᑲᐁᐧᐤ ᒫᑲ ᕒᐁᒋᓬᐊ ᒥᓇ ᑭ ᓵᑭᐦᐁᐤ ᕒᐁᒋᓬᐊ ᐊᐊᐧᓯᒣ ᐃᔨᑯᕽ ᓬᐃᐋᐊᐧ, ᑫᔮᐱᐨ ᒫᑲ ᑌᐸᑯᑊ ᑕᐦᑐ ᐊᐢᑭ ᑭ ᐊᑐᐢᑲᐁᐧᐤ.
31ᐃᐢᐱ ᒫᑲ ᑳ ᑎᐯᔨᐦᒋᑫᐟ ᐃᐧᔮᐸᐦᑕᕽ ᓬᐃᐋᐊᐧ ᐁ ᐸᑳᐧᑎᒥᐦᐟ ᑭ ᒥᔦᐤ ᑭᑕ ᐅᐟ ᐊᐋᐧᓯᒥᓯᔨᐟ, ᒫᑲ ᕒᐁᒋᓬ ᓇᒪᐃᐧᔭ ᑭ ᐅᐟ ᐊᐋᐧᓯᒥᓯᐤ. 32ᓬᐃᐋ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᒥᓇ ᑭ ᓂᐦᑖᐃᐧᑭᐦᐁᐤ ᐅᑯᓯᓴ, ᕒᐅᐱᐣ ᒫᑲ ᑭ ᐃᓯᔨᐦᑳᑌᐤ, ᒋᑫᒫ ᑭ ᐃᑌᐧᐤ, ᑫᐦᒋᓈ ᑳ ᑎᐯᔨᐦᒋᑫᐟ ᑭ ᑲᓇᐋᐧᐸᐦᑕᒼ ᓂ ᑯᑕᑭᑖᐃᐧᐣ; ᐁᑲᐧ ᒫᑲ ᑫ ᓵᑭᐦᐃᐟ ᓂ ᓈᐯᒼ. 33ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁ ᑭ ᓂᐦᑖᐃᐧᑭᐦᐋᐟ ᒫᑲ ᐅᑯᓯᓴ, ᐅᒥᓯ ᒫᑲ ᐁ ᑭ ᐃᑌᐧᐟ, ᐃᐧᔭ ᑳ ᑎᐯᔨᐦᒋᑫᐟ ᑭ ᐯᐦᑕᒼ ᐁ ᐸᑳᐧᑎᑲᐃᐧᐊᐧᐠ ᐁᐊᐧᑯ ᒫᑲ ᐅᐦᒋ ᓂ ᑭ ᒥᔨᐠ ᑭᑕ ᐅᑯᓯᓯᐊᐧᐠ, ᓯᒥᔭᐣ ᒫᑲ ᑭ ᐃᓯᔨᐦᑳᑌᐤ. 34ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᑭ ᓂᐦᑖᐃᐧᑭᐦᐁᐤ ᒫᑲ ᐅᑯᓯᓴ, ᐅᒥᓯ ᒫᑲ ᑭ ᐃᑌᐧᐤ, ᐁᑲᐧ ᑖᐯᐧ ᑫ ᐃᐧᒉᐃᐧᐟ ᓂ ᓈᐯᒼ, ᒋᑫᒫ ᓵᓴᐩ ᓂᐢᑐ ᓂ ᑭ ᓂᐦᑖᐃᐧᑭᑕᒪᐋᐧᐤ ᐅᑯᓯᓴ, ᐁᐊᐧᑯ ᐅᐦᒋ ᒫᑲ ᓬᐃᐸᐩ ᑭ ᐃᓯᔨᐦᑳᑌᐤ. 35ᒥᓇ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁᑯᓯ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ, ᐅᒥᓯ ᒫᑲ ᑭ ᐃᑌᐧᐤ, ᐁᑲᐧ ᓂ ᑲ ᒪᒥᐦᒋᒫᐤ ᑳ ᑎᐯᔨᐦᒋᑫᐟ; ᐁᐊᐧᑯ ᐅᐦᒋ ᒍᑕ ᑭ ᐃᓯᔨᐦᑳᑌᐤ. ᐁᑯᓯ ᒫᑲ ᑭ ᐳᓂ ᐅᐟ ᐊᐋᐧᓯᒥᓯᐤ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.