ᒉᓂᓯᐢ 30
30
1ᐃᐢᐱ ᒫᑲ ᕒᐁᒋᓬ ᐃᐧᔮᐸᐦᑕᕽ ᐁᑳ ᐁ ᐅᐟ ᐊᐋᐧᓯᒥᓯᐟ, ᕒᐁᒋᓬ ᑭ ᐃᓴᐋᐧᓇᑫᔨᒧ ᐅᒥᓴ ᐅᐦᒋ, ᐅᒥᓯ ᒫᑲ ᑭ ᐃᑌᐤ ᒉᑲᐸ, ᒥᔨᐣ ᓂᐢᑕ ᑭᑕ ᐅᐟ ᐊᐋᐧᓯᒥᔭᐣ ᐊᐦᐳ ᑭᑕ ᓂᐱᔮᐣ. 2ᒉᑲᑊ ᒫᑲ ᑭ ᑭᓯᐁᐧᔨᑕᒥᐃᐠ ᕒᐁᒋᓬᐊ, ᐁᑯᓯ ᑭ ᐃᑌᐤ, ᓂᔭ ᒋ ᓂ ᑖᐱᐢᑲᒪᐋᐤ ᑭᓭᒪᓂᑐ ᑳ ᑭ ᑭᐱᑎᓇᒫᐢᐠ ᑭᑕ ᓂᐦᑖᐃᐧᑭᐦᐋᐊᐧᓱᔭᐣ? 3ᑭ ᐃᑌᐧᐤ ᒫᑲ, ᒫᑎᑳᓇ ᓂᐟ ᐊᑐᐢᑫᔮᑲᓂᐢᑫᐧᒼ ᐱᓬᐦᐋ, ᐱᑐᑲᐤ, ᑭᑕ ᓂᐦᑖᐃᐧᑭᓈᐊᐧᓱ ᒫᑲ ᓂᐦᒋᑲᐧᓂᕽ, ᓂᐢᑕ ᑭᑕ ᐅᐟ ᐊᐋᐧᓯᒥᓯᔮᐣ ᐃᐧᔭ ᐅᐦᒋ. 4ᑭ ᒥᔦᐤ ᒫᑲ ᐱᓬᐦᐋᐊᐧ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐃᐧᐃᐧᔨᐟ, ᒉᑲᑊ ᒫᑲ ᑭ ᐱᑐᑲᐁᐧᐤ. 5ᐱᓬᐦᐋ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁᑯᓯ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ, 6ᕒᐁᒋᓬ ᒫᑲ ᑭ ᐃᑌᐧᐤ, ᑭᓭᒪᓂᑐ ᓂ ᑭ ᐅᔭᓱᐋᐧᑎᐠ, ᒥᓇ ᑭ ᐯᑕᒼ ᓂᐟ ᐃᑌᐧᐃᐧᐣ, ᒥᓇ ᓂ ᑭ ᒥᔨᐠ ᑭᑕ ᐅᑯᓯᓯᐋᐧᐠ; ᑖᐣ ᒫᑲ ᑭ ᐃᓯᔨᐦᑳᑌᐤ. 7ᐱᓬᐦᐋ ᒫᑲ ᕒᐁᒋᓬ ᐅᐟ ᐊᑐᐢᑫᔮᑲᓂᐢᑫᐧᒪ, ᒥᓇ ᑭ ᐊᔮᐁᐧᐤ ᐊᐋᐧᓯᓴ, ᐁᑯᓯ ᐁᑲᐧ ᓂᓵᐧᐤ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓴ. 8ᕒᐁᒋᓬ ᒫᑲ ᑭ ᐃᑌᐧᐤ, ᑭᐦᒋ ᒫᓯᐃᑐᐃᐧᓂᕽ ᓂ ᑭ ᒫᓯᐋᐤ ᓂᒥᐢ, ᒥᓇ ᓂ ᑭ ᓵᑯᐋᐧᐤ; ᓈᑊᑕᓬᐊᐩ ᒫᑲ ᑭ ᐃᓯᔨᐦᑳᑌᐤ.
9ᐃᐢᐱ ᒫᑲ ᓬᐃᐋ ᐃᐧᔮᐸᐦᑕᕽ ᐁ ᐳᓂ ᐅᐟ ᐊᐋᐧᓯᒥᓯᐟ, ᑭ ᐅᑎᓀᐤ ᓯᓬᐹᐊᐧ ᐅᐟ ᐊᑐᐢᑫᔮᑲᓂᐢᑫᐧᒪ, ᐁᑯᓯ ᐁ ᑭ ᒥᔮᐟ ᒉᑲᐸ ᑭᑕ ᐃᐧᐃᐧᔨᐟ. 10ᓯᓬᐹ ᒫᑲ ᓬᐃᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ. 11ᓬᐃᐋ ᒫᑲ ᑭ ᐃᑌᐧᐤ, ᐅᓇᑐᐸᔨᐊᐧᐠ ᐯᑖᐊᐧᔨᑐᐊᐧᐠ, ᑳᐟ ᒫᑲ ᑭ ᐃᓯᔨᐦᑳᑌᐤ. 12ᓯᓬᐹ ᒫᑲ ᓬᐃᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ ᐁᑲᐧ ᓂᓵᐧᐤ. 13ᓬᐃᐋ ᒫᑲ ᑭ ᐃᑌᐧᐤ, ᓂ ᑲ ᒥᔦᐧᔨᒧᐣ ᒋᑫᒫ ᐅᑖᓂᓯᒫᐊᐧᐠ ᓴᐁᐧᔨᑖᑯᓯᐤ ᓂ ᑲ ᐃᑎᑲᐧᐠ, ᐋᓴᕒ ᒫᑲ ᑭ ᐃᓯᔨᐦᑳᑌᐤ.
14ᕒᐅᐱᐣ ᒫᑲ ᑭ ᓯᐯᐧᑌᐤ ᒣᑳᐧᐨ ᐁ ᑭᐢᑭᓱᒥᐦᐟ ᐸᐦᑫᐧᓯᑲᓂᑳᓇ, ᐁ ᑭ ᒥᐢᑲᐋᐧᐟ ᒫᑲ ᒫᐣᑕᕒᐁᑲ ᑭᐢᑎᑳᓂᕽ ᐁᑯᓯ ᐁ ᑭ ᐯᑕᒪᐋᐧᐟ ᓬᐃᐋᐊᐧ ᐅᑳᐃᐧᔭ. ᕒᐁᒋᓬ ᒫᑲ ᐅᒥᓯ ᑭ ᐃᑌᐤ ᓬᐃᐋᐊᐧ, ᒥᔨᐣ ᑭ ᐸᑯᓭᔨᒥᑎᐣ ᑭᑯᓯᐢ ᐅ ᒫᐣᑕᕒᐁᑭᒪ. 15ᐅᒥᓯ ᒫᑲ ᑭ ᐃᑎᐠ, ᐊᐱᐢᑌᔨᑖᑲᐣ ᒋ ᐁ ᑭ ᒪᐢᑲᒥᔭᐣ ᓂ ᓈᐯᒼ? ᐁᑯᓯ ᒋ ᒥᓇ ᑭ ᐃᐧ ᒪᐢᑲᒫᐤ ᓂᑯᓯᐢ ᐅ ᒫᐣᑕᕒᐁᑭᒪ? ᕒᐁᒋᓬ ᒫᑲ ᑭ ᐃᑌᐤ, ᐁᐊᐧᑯᓂ ᑭᔮᒼ ᐅᐦᒋ ᑭᑯᓯᐢ ᐅ ᒫᐣᑕᕒᐁᑭᒪ ᑭ ᑲ ᐃᐧᒉᐃᐧᐠ ᑫ ᑎᐱᐢᑳᐠ. 16ᒉᑲᑊ ᒫᑲ ᑭ ᐯ ᑭᐁᐧᐤ ᑭᐢᑎᑳᓂᕽ ᐅᐦᒋ ᐁ ᐅᑖᑯᓯᓂᔨᐠ, ᐁᑯᓯ ᓬᐃᐋᐊᐧ ᑭ ᓇᑕᐃᐧ ᓇᑭᐢᑳᐠ ᒥᓇ ᑭ ᐃᑎᐠ, ᑭ ᑲ ᐯ ᐱᑐᑲᐃᐧᐣ ᓂᔭ, ᒋᑫᒫ ᑫᐦᒋᓈ ᑭ ᑭ ᒪᓯᓇᐦᐃᑫᐃᑎᐣ ᓂᑯᓯᐢ ᐅ ᒫᐣᑕᕒᐁᑭᒪ ᐅᐦᒋ. ᐁᑯᓯ ᑭ ᐃᐧᒉᐁᐧᐤ ᐁᐊᐧᑯ ᐁ ᑎᐱᐢᑳᐠ. 17ᑭᓭᒪᓂᑐᐊᐧ ᒫᑲ ᑭ ᓇᑐᐦᑖᐠ ᓬᐃᐋ, ᑭ ᐊᔮᐁᐧᐤ ᒫᑲ ᐊᐋᐧᓯᓴ ᒥᓇ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓴ, ᐁᑲᐧ ᓂᔮᓇᐣ. 18ᓬᐃᐋ ᒫᑲ ᑭ ᐃᑌᐧᐤ, ᑭᓭᒪᓂᑐ ᓂ ᑭ ᒥᔨᐠ ᓂ ᑎᐸᐦᐊᒫᑯᐃᐧᐣ, ᒋᑫᒫ ᐁ ᑭ ᒥᔭᐠ ᓂ ᓈᐯᒼ ᓂᐟ ᐊᑐᐢᑫᔮᑲᓂᐢᑫᐧᒪ; ᑭ ᐃᓯᔨᐦᑳᑌᐤ ᒫᑲ ᐃᓵᑲᕒ. 19ᓬᐃᐋ ᒫᑲ ᒥᓇ ᑭ ᐊᔮᐁᐧᐤ ᐊᐋᐧᓯᓴ, ᐁᑯᓯ ᐁ ᑭ ᓂᐦᑖᐃᐧᑭᑕᒪᐋᐧᐟ ᒉᑲᐸ ᐅᑯᓯᓴ, ᐁᑲᐧ ᓇᑯᑖᐧᓯᐠ. 20ᓬᐃᐋ ᒫᑲ ᑭ ᐃᑌᐤ, ᑭᓭᒪᓂᑐ ᓂ ᑭ ᒥᔨᐠ ᒣᔮᐧᓯᐠ ᑕᑯᐃᑐᐃᐧᐣ, ᐁᑲᐧ ᒫᑲ ᑫ ᐃᐧᑕᐱᒥᐟ ᓂ ᓈᐯᒼ, ᒋᑫᒫ ᓂ ᑭ ᓂᐦᑖᐃᐧᑭᑕᒪᐋᐧᐤ ᓂᑯᑖᐧᓯᐠ ᐅᑯᓯᓴ; ᓭᑊᔪᓬᐊᐣ ᒫᑲ ᑭ ᐃᓯᔨᐦᑳᑌᐤ. 21ᒣᐧᐢᑕᐢ ᐃᔨᑯᕽ ᒫᑲ ᑭ ᐅᑖᓂᓯᐤ, ᐁᑯᓯ ᑖᐃᓇ ᑭ ᐃᓯᔨᐦᑳᑌᐤ.
22ᑭᓭᒪᓂᑐ ᒫᑲ ᑭ ᑭᐢᑭᓯᑐᑕᐁᐧᐤ ᕒᐁᒋᓬᐊ, ᒥᓇ ᑭᓭᒪᓂᑐ ᑭ ᓇᑐᐦᑕᐁᐧᐤ, ᐁᑯᓯ ᐁ ᑭ ᑕᐃᐧᓇᒪᐋᐧᐟ ᑭᑕ ᐅᐟ ᐊᐋᐧᓯᒥᓯᔨᐟ. 23ᑭ ᐊᔮᐁᐧᐤ ᒫᑲ ᐊᐋᐧᓯᓴ, ᐁᑯᓯ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ, ᒥᓇ ᑭ ᐃᑌᐧᐤ, ᑭᓭᒪᓂᑐ ᑭ ᐅᑎᓇᒼ ᑳ ᑭ ᓀᐯᐃᐧᐃᑯᔮᐣ. 24ᒍᓯᑊ ᒫᑲ ᑭ ᐃᓯᔨᐦᑳᑌᐤ, ᐁ ᐃᑌᐧᐟ, ᑳ ᑎᐯᔨᐦᒋᑫᐟ ᓂ ᑲ ᐃᐧ ᑕᑯ ᒥᔨᐠ ᑯᑕᑲ ᑭᑕ ᐅᑯᓯᓯᔮᐣ.
25ᑭ ᐊᔨᑭᐣ ᒫᑲ ᐃᐢᐱ ᕒᐁᒋᓬ ᑳ ᓂᐦᑖᐃᐧᑭᐦᐋᐟ ᒍᓯᐸ, ᒉᑲᑊ ᑭ ᐃᑌᐤ ᓬᐁᐹᓇ, ᓯᐯᐧᑎᓴᐅᐣ ᐁᑲᐧ, ᑭᑕ ᐃᑐᐦᑌᔮᐣ ᑎᐱᔭᐤ ᓂᐟ ᐃᐦᑖᐃᐧᓂᕽ ᒥᓇ ᓂᐟ ᐊᐢᑭᕽ. 26ᒥᔨᐣ ᓂᐊᐧᐠ ᒥᓇ ᓂᐟ ᐊᐋᐧᓯᒥᓴᐠ ᐊᓂᑭ ᑳ ᑭ ᐅᐦᒋ ᐊᑐᐢᑫᐢᑖᑖᐣ, ᐁᑯᓯ ᐸᑭᑎᓂᐣ; ᒋᑫᒫ ᑭ ᑭ ᑭᐢᑫᔨᑌᐣ ᓂᐟ ᐊᑐᐢᑫᐃᐧᐣ ᑳ ᑭ ᐃᓯ ᐊᑐᐢᑫᐢᑖᑖᐣ. 27ᓬᐁᐹᐣ ᒫᑲ ᐅᒥᓯ ᑭ ᐃᑌᐤ, ᑭᐢᐱᐣ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐧᐸᒥᔭᐣ, ᑭᔮᒼ ᐅᑕ ᐊᔮ; ᒋᑫᒫ ᑫᐦᒋᓇᐅᐃᐧᓂᕽ ᓂ ᑭ ᐅᐦᒋ ᑭᐢᑫᔨᑌᐣ, ᑳ ᑎᐯᔨᐦᒋᑫᐟ ᐁ ᑭ ᓴᐁᐧᔨᒥᐟ ᑭᔭ ᐅᐦᒋ. 28ᑭ ᐃᑌᐧᐤ ᒫᑲ, ᐅᔭᑭᑕ ᑫ ᐃᓯ ᑎᐸᐦᐊᒫᑖᐣ, ᑭ ᑲ ᒥᔨᑎᐣ ᒫᑲ. 29ᐅᒥᓯ ᒫᑲ ᑭ ᐃᑌᐤ, ᑭ ᑭᐢᑫᔨᑌᐣ ᑳ ᑭ ᐃᓯ ᐊᑐᐢᑫᐢᑖᑖᐣ ᒥᓇ ᑳ ᑭ ᐃᓯ ᐸᐯᐁᐧᒋᐠ ᑭᐟ ᐊᐊᐧᑳᓇᐠ. 30ᒋᑫᒫ ᓈᐢᐱᐨ ᐊᐱᓯᐢ ᑫᑲᐧᐩ ᑭ ᑭ ᐊᔮᐣ ᐃᐢᐱ ᑳ ᑕᑯᓯᓈᐣ, ᐁᑲᐧ ᒫᑲ ᓈᐢᐱᐨ ᐅᓵᒣᔭᑎᐣ; ᒥᓇ ᑳ ᑎᐯᔨᐦᒋᑫᐟ ᑭ ᑭ ᓴᐁᐧᔨᒥᐠ ᐊᐢᐱᐣ ᑳ ᑕᑯᓯᓈᐣ; ᐁᑲᐧ ᒫᑲ ᑖᓂᐢᐱ ᑫ ᐅᐦᑎᓇᒪᐋᐧᑕᒫᐣ ᑎᐱᔭᐤ ᓂᑭ? 31ᐅᒥᓯ ᒫᑲ ᑭ ᐃᑌᐧᐤ, ᑫᑲᐧᐩ ᑫ ᒥᔨᑖᐣ? ᒉᑲᑊ ᒫᑲ ᑭ ᐃᑌᐧᐤ, ᓇᒪ ᑫᑲᐧᐩ ᑭ ᑲ ᒥᔨᐣ; ᑭᐢᐱᐣ ᐅᒪ ᑫ ᑐᑕᒧᐊᐧᓀ ᓂ ᑲ ᐊᓴᒫᐊᐧᐠ ᒥᓇ ᓂ ᑲ ᑲᓇᐁᐧᔨᒫᐊᐧᐠ ᑭ ᐱᓯᐢᑭᒪᐠ. 32ᓂ ᑲ ᐊᑎ ᓵᐳᐢᑲᐋᐧᐊᐧᐠ ᑲᐦᑭᔭᐤ ᑭ ᐱᓯᐢᑭᒪᐠ ᐊᓄᐦᐨ ᑳ ᑭᓯᑳᐠ, ᑭᑕ ᐱᐢᑭᑕᔭᑭᐠ ᑲᐦᑭᔭᐤ ᑳ ᒪᓯᓈᓱᒋᐠ ᐊᐊᐧᑳᓇᐠ, ᒥᓇ ᑲᐦᑭᔭᐤ ᑳ ᑲᐢᑭᑌᓯᒋᐠ ᒫᔭᑎᐦᑲᐧᐠ, ᒥᓇ ᑲᐦᑭᔭᐤ ᑳ ᒪᓯᓈᓱᒋᐠ ᐋᐧᐸᑎᑲᐧᐠ; ᐁᑯ ᑐᐃᐧᕽ ᒫᑲ ᑫ ᐅᐦᑎᓇᒫᐣ ᓂ ᑎᐸᐦᐊᒫᑯᐃᐧᐣ. 33ᐁᑯᓯ ᒫᑲ ᓂ ᑲᐧᔭᐢᑭᑖᑎᓯᐃᐧᐣ ᓂ ᑲ ᓇᐢᑫᐧᐊᐧᓯᐃᐁᐧᐢᑕᒫᑯᐣ ᒣᐧᐢᑕᐢ ᐃᔨᑯᕽ ᐃᐢᐱ ᐯ ᓇᑕᐃᐧ ᑭᑌᔨᑕᒪᐃᐧᔭᓂ ᓂ ᑎᐸᐦᐊᒫᑯᐃᐧᐣ ᑭᑕ ᐋᐧᐸᐦᑕᒪᐣ; ᑕᐦᑐ ᐁᑳ ᑳ ᒪᓯᓈᓱᒋᐠ ᐋᐧᐸᑎᑲᐧᐠ ᐊᐦᐳ ᐁᑳ ᑳ ᑲᐢᑭᑌᓯᒋᐠ ᒫᔭᑎᐦᑲᐧᐠ ᑭᐢᐱᐣ ᐁᑯᑐᐊᐧ ᒥᐢᑳᐦᒋ ᐁ ᐊᔮᐊᐧᐠ ᐁ ᑭᒧᑎᔭᐣ ᑭᑕ ᐃᑕᑭᒫᐤ. 34ᓬᐁᐹᐣ ᒫᑲ ᑭ ᐃᑌᐧᐤ, ᒫᑎᑲ, ᐱᑕᓀ ᐃᑭᕽ ᐊᓂᒪ ᑳ ᐃᑌᐧᔭᐣ. 35ᑭ ᐱᐢᑭᑕᔦᐤ ᒫᑲ ᐁᐊᐧᑯ ᐁ ᑭᓯᑳᐠ ᔮᐯᐋᐧᐸᑎᑲᐧ ᑳ ᐯᐦᐯᓯᓯᔨᐟ ᒥᓇ ᑳ ᒪᓯᓈᓱᔨᐟ, ᒥᓇ ᑲᐦᑭᔭᐤ ᓄᓭᐋᐧᐸᑎᑲᐧ ᑳ ᐹᐦᐸᐦᑌᐃᐧᓯᔨᐟ ᒥᓇ ᑳ ᒪᓯᓈᓱᔨᐟ, ᑕᐦᑐ ᐹᐸᐦᑭ ᑳ ᐋᐧᐱᐢᑭᓯᔨᐟ, ᒥᓇ ᑲᐦᑭᔭᐤ ᑳ ᑲᐢᑭᑌᓯᔨᐟ ᒫᔭᑎᐦᑲᐧ, ᐁᑯᓯ ᐁ ᑭ ᑲᓄᐢᑯᑎᐋᐟ ᐅᑯᓯᓴ. 36ᓂᐢᑐ ᑭᓯᑳᐤ ᒫᑲ ᐱᒥᐱᒋᐃᐧᐣ ᐃᔨᑯᕽ ᐹᐸᑳᐣ ᑭ ᐊᔮᐊᐧᐠ ᐃᐧᔭ ᒥᓇ ᒉᑲᑊ; ᒉᑲᑊ ᒫᑲ ᑭ ᐊᓴᒣᐤ ᑲᐦᑭᔭᐤ ᓬᐁᐹᓇ ᐅᐟ ᐊᐊᐧᑳᓂᔨᐊᐧ.
37ᒉᑲᑊ ᒫᑲ ᑭ ᐅᑎᓇᒼ ᐊᐢᑳᑎᑯᐃᐧ ᒥᑐᓵᑎᑯᓴ, ᒥᓇ ᐸᑲᓂᒥᓈᑎᑲᐧ, ᒥᓇ ᐃᔨᓈᑎᑲᐧ ᑭ ᐯᐯᓵᐢᑯᐱᑕᒼ ᒫᑲ ᐁ ᑭ ᐋᐧᐋᐧᓯᑯᑕᕽ ᐊᓂᐦᐃ ᒥᐢᑎᑯᓴ. 38ᑭ ᐊᐢᑖᐤ ᒫᑲ ᐊᓂᐦᐃ ᒥᐢᑎᑯᓴ ᑳ ᑭ ᐋᐧᓵᐢᑯᐱᑕᕽ ᐃᑕ ᑭᑕ ᐋᐧᐸᐦᑕᒥᔨᐟ ᒫᔭᑎᐦᑲᐧ ᐋᐧᔨᑲᐦᐃᑲᓂᕽ ᐃᑕ ᑳ ᒥᓂᐦᑫᐧᐦᐋᐟ ᐊᐊᐧᑳᓇ ᑭᑕ ᐊᐦᒉᓱᒋᐠ ᐃᐢᐱ ᐱᔦ ᓇᑕᐃᐧ ᒥᓂᐦᑫᐧᑖᐧᐃᐧ. 39ᐊᓂᑭ ᒫᑲ ᐊᐊᐧᑳᓇᐠ ᑭ ᐊᒉᓱᐊᐧᐠ ᐊᓂᑕ ᐁ ᐊᔮᔨᑭ ᒥᐢᑎᑯᓴ, ᐁ ᑭ ᓂᐦᑖᐃᐧᑭᐦᐋᒋᐠ ᒫᑲ ᐅᐢᑳᔨᓴ ᐁ ᐯᐯᓯᓯᔨᐟ ᐁ ᒪᓯᓈᓱᔨᐟ ᒥᓇ ᐁ ᐸᐸᑌᐃᐧᓯᔨᐟ. 40ᒉᑲᑊ ᒫᑲ ᑭ ᐱᐢᑭᑕᔦᐤ ᒫᔭᑎᐦᑯᓯᓴ ᒥᓇ ᐁ ᑭ ᑲᓇᐋᐧᐸᐦᑕᒧᐋᐟ ᐊᐊᐧᑳᓇ ᐊᓂᐦᐃ ᑳ ᐯᐯᓯᓯᔨᐟ, ᒥᓇ ᑲᐦᑭᔭᐤ ᑳ ᑲᐢᑭᑌᓯᔨᐟ ᐅᐟ ᐊᐊᐧᑳᓂᔨᐊᐧ ᓬᐁᐹᓇ; ᐸᐦᑳᐣ ᒫᑲ ᑭ ᐊᔦᐤ ᐃᐧᔭ ᐅᐟ ᐊᐊᐧᑳᓇ ᓇᒪᐃᐧᔭ ᐃᐧᒉᑕᐁᐤ ᓬᐁᐹᓇ ᐅᐟ ᐊᐊᐧᑳᓂᔨᐊᐧ. 41ᑭ ᐊᔨᑭᐣ ᒫᑲ ᐃᐢᐱ ᑳ ᒪᐢᑲᐃᐧᓯᒋᐠ ᐊᐊᐧᑳᓇᐠ ᐁ ᐊᐦᒉᓱᒋᐠ, ᒉᑲᑊ ᑭ ᑲᓇᐋᐧᐸᐦᑕᒧᐁᐤ ᒥᐢᑎᑯᓴ ᐊᓂᐦᐃ ᐊᐊᐧᑳᓇ ᐋᐧᔨᑲᐦᐃᑲᓂᕽ, ᑭᑕ ᐊᒉᓱᔨᐟ ᒣᑳᐧᐨ ᐁᑯᑕ ᒥᐢᑎᑯᓴ ᐁ ᐊᔮᑭ. 42ᒫᑲ ᑭᐢᐱᐣ ᐊᐊᐧᑳᓇ ᐁ ᓂᔭᒥᓯᔨᐟ ᓇᒪᐃᐧᔭ ᑭ ᐊᐢᑖᐤ; ᐁᑯᓯ ᒫᑲ ᑳ ᓂᔭᒥᓯᔨᐟ ᓬᐁᐹᐣ ᑭ ᐊᔮᐁᐧᐤ ᒫᑲ ᑳ ᒪᐢᑲᐃᐧᓯᔨᐟ ᒉᑲᑊ ᑭ ᐊᔮᐁᐧᐤ. 43ᐊᓇ ᒫᑲ ᐊᔨᓯᔨᓂᐤ ᐋᑳᐧᐢᑲᒼ ᑭ ᐊᑎ ᐁᐧᔪᑎᓯᐤ, ᒥᓇ ᐁ ᑭ ᒥᐦᒉᑎᔨᐟ ᐅᐟ ᐊᐊᐧᑳᓇ, ᒥᓇ ᐃᐢᑫᐧᐊᐧᑐᐢᑫᔮᑲᓇ ᒥᓇ ᓈᐯᐊᐧᑐᐢᑫᔮᑲᓇ ᒥᓇ ᐱᐢᑳᐧᐃᐧᑲᓇ ᒥᓇ ᓱᓱᒥᐢᑕᑎᒪᐧ.
လက္ရွိေရြးခ်ယ္ထားမွု
ᒉᓂᓯᐢ 30: KKMs
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 30
30
1ᐃᐢᐱ ᒫᑲ ᕒᐁᒋᓬ ᐃᐧᔮᐸᐦᑕᕽ ᐁᑳ ᐁ ᐅᐟ ᐊᐋᐧᓯᒥᓯᐟ, ᕒᐁᒋᓬ ᑭ ᐃᓴᐋᐧᓇᑫᔨᒧ ᐅᒥᓴ ᐅᐦᒋ, ᐅᒥᓯ ᒫᑲ ᑭ ᐃᑌᐤ ᒉᑲᐸ, ᒥᔨᐣ ᓂᐢᑕ ᑭᑕ ᐅᐟ ᐊᐋᐧᓯᒥᔭᐣ ᐊᐦᐳ ᑭᑕ ᓂᐱᔮᐣ. 2ᒉᑲᑊ ᒫᑲ ᑭ ᑭᓯᐁᐧᔨᑕᒥᐃᐠ ᕒᐁᒋᓬᐊ, ᐁᑯᓯ ᑭ ᐃᑌᐤ, ᓂᔭ ᒋ ᓂ ᑖᐱᐢᑲᒪᐋᐤ ᑭᓭᒪᓂᑐ ᑳ ᑭ ᑭᐱᑎᓇᒫᐢᐠ ᑭᑕ ᓂᐦᑖᐃᐧᑭᐦᐋᐊᐧᓱᔭᐣ? 3ᑭ ᐃᑌᐧᐤ ᒫᑲ, ᒫᑎᑳᓇ ᓂᐟ ᐊᑐᐢᑫᔮᑲᓂᐢᑫᐧᒼ ᐱᓬᐦᐋ, ᐱᑐᑲᐤ, ᑭᑕ ᓂᐦᑖᐃᐧᑭᓈᐊᐧᓱ ᒫᑲ ᓂᐦᒋᑲᐧᓂᕽ, ᓂᐢᑕ ᑭᑕ ᐅᐟ ᐊᐋᐧᓯᒥᓯᔮᐣ ᐃᐧᔭ ᐅᐦᒋ. 4ᑭ ᒥᔦᐤ ᒫᑲ ᐱᓬᐦᐋᐊᐧ ᐅᐟ ᐊᑐᐢᑫᔮᑲᓂᐢᑫᐧᒪ ᑭᑕ ᐃᐧᐃᐧᔨᐟ, ᒉᑲᑊ ᒫᑲ ᑭ ᐱᑐᑲᐁᐧᐤ. 5ᐱᓬᐦᐋ ᒫᑲ ᑭ ᐊᔮᐁᐧᐤ ᐊᐋᐧᓯᓴ ᐁᑯᓯ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ, 6ᕒᐁᒋᓬ ᒫᑲ ᑭ ᐃᑌᐧᐤ, ᑭᓭᒪᓂᑐ ᓂ ᑭ ᐅᔭᓱᐋᐧᑎᐠ, ᒥᓇ ᑭ ᐯᑕᒼ ᓂᐟ ᐃᑌᐧᐃᐧᐣ, ᒥᓇ ᓂ ᑭ ᒥᔨᐠ ᑭᑕ ᐅᑯᓯᓯᐋᐧᐠ; ᑖᐣ ᒫᑲ ᑭ ᐃᓯᔨᐦᑳᑌᐤ. 7ᐱᓬᐦᐋ ᒫᑲ ᕒᐁᒋᓬ ᐅᐟ ᐊᑐᐢᑫᔮᑲᓂᐢᑫᐧᒪ, ᒥᓇ ᑭ ᐊᔮᐁᐧᐤ ᐊᐋᐧᓯᓴ, ᐁᑯᓯ ᐁᑲᐧ ᓂᓵᐧᐤ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓴ. 8ᕒᐁᒋᓬ ᒫᑲ ᑭ ᐃᑌᐧᐤ, ᑭᐦᒋ ᒫᓯᐃᑐᐃᐧᓂᕽ ᓂ ᑭ ᒫᓯᐋᐤ ᓂᒥᐢ, ᒥᓇ ᓂ ᑭ ᓵᑯᐋᐧᐤ; ᓈᑊᑕᓬᐊᐩ ᒫᑲ ᑭ ᐃᓯᔨᐦᑳᑌᐤ.
9ᐃᐢᐱ ᒫᑲ ᓬᐃᐋ ᐃᐧᔮᐸᐦᑕᕽ ᐁ ᐳᓂ ᐅᐟ ᐊᐋᐧᓯᒥᓯᐟ, ᑭ ᐅᑎᓀᐤ ᓯᓬᐹᐊᐧ ᐅᐟ ᐊᑐᐢᑫᔮᑲᓂᐢᑫᐧᒪ, ᐁᑯᓯ ᐁ ᑭ ᒥᔮᐟ ᒉᑲᐸ ᑭᑕ ᐃᐧᐃᐧᔨᐟ. 10ᓯᓬᐹ ᒫᑲ ᓬᐃᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ. 11ᓬᐃᐋ ᒫᑲ ᑭ ᐃᑌᐧᐤ, ᐅᓇᑐᐸᔨᐊᐧᐠ ᐯᑖᐊᐧᔨᑐᐊᐧᐠ, ᑳᐟ ᒫᑲ ᑭ ᐃᓯᔨᐦᑳᑌᐤ. 12ᓯᓬᐹ ᒫᑲ ᓬᐃᐋ ᐅᐟ ᐊᑐᐢᑫᔮᑲᓂᐢᑫᐧᒪ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓯᔨᐊᐧ ᐁᑲᐧ ᓂᓵᐧᐤ. 13ᓬᐃᐋ ᒫᑲ ᑭ ᐃᑌᐧᐤ, ᓂ ᑲ ᒥᔦᐧᔨᒧᐣ ᒋᑫᒫ ᐅᑖᓂᓯᒫᐊᐧᐠ ᓴᐁᐧᔨᑖᑯᓯᐤ ᓂ ᑲ ᐃᑎᑲᐧᐠ, ᐋᓴᕒ ᒫᑲ ᑭ ᐃᓯᔨᐦᑳᑌᐤ.
14ᕒᐅᐱᐣ ᒫᑲ ᑭ ᓯᐯᐧᑌᐤ ᒣᑳᐧᐨ ᐁ ᑭᐢᑭᓱᒥᐦᐟ ᐸᐦᑫᐧᓯᑲᓂᑳᓇ, ᐁ ᑭ ᒥᐢᑲᐋᐧᐟ ᒫᑲ ᒫᐣᑕᕒᐁᑲ ᑭᐢᑎᑳᓂᕽ ᐁᑯᓯ ᐁ ᑭ ᐯᑕᒪᐋᐧᐟ ᓬᐃᐋᐊᐧ ᐅᑳᐃᐧᔭ. ᕒᐁᒋᓬ ᒫᑲ ᐅᒥᓯ ᑭ ᐃᑌᐤ ᓬᐃᐋᐊᐧ, ᒥᔨᐣ ᑭ ᐸᑯᓭᔨᒥᑎᐣ ᑭᑯᓯᐢ ᐅ ᒫᐣᑕᕒᐁᑭᒪ. 15ᐅᒥᓯ ᒫᑲ ᑭ ᐃᑎᐠ, ᐊᐱᐢᑌᔨᑖᑲᐣ ᒋ ᐁ ᑭ ᒪᐢᑲᒥᔭᐣ ᓂ ᓈᐯᒼ? ᐁᑯᓯ ᒋ ᒥᓇ ᑭ ᐃᐧ ᒪᐢᑲᒫᐤ ᓂᑯᓯᐢ ᐅ ᒫᐣᑕᕒᐁᑭᒪ? ᕒᐁᒋᓬ ᒫᑲ ᑭ ᐃᑌᐤ, ᐁᐊᐧᑯᓂ ᑭᔮᒼ ᐅᐦᒋ ᑭᑯᓯᐢ ᐅ ᒫᐣᑕᕒᐁᑭᒪ ᑭ ᑲ ᐃᐧᒉᐃᐧᐠ ᑫ ᑎᐱᐢᑳᐠ. 16ᒉᑲᑊ ᒫᑲ ᑭ ᐯ ᑭᐁᐧᐤ ᑭᐢᑎᑳᓂᕽ ᐅᐦᒋ ᐁ ᐅᑖᑯᓯᓂᔨᐠ, ᐁᑯᓯ ᓬᐃᐋᐊᐧ ᑭ ᓇᑕᐃᐧ ᓇᑭᐢᑳᐠ ᒥᓇ ᑭ ᐃᑎᐠ, ᑭ ᑲ ᐯ ᐱᑐᑲᐃᐧᐣ ᓂᔭ, ᒋᑫᒫ ᑫᐦᒋᓈ ᑭ ᑭ ᒪᓯᓇᐦᐃᑫᐃᑎᐣ ᓂᑯᓯᐢ ᐅ ᒫᐣᑕᕒᐁᑭᒪ ᐅᐦᒋ. ᐁᑯᓯ ᑭ ᐃᐧᒉᐁᐧᐤ ᐁᐊᐧᑯ ᐁ ᑎᐱᐢᑳᐠ. 17ᑭᓭᒪᓂᑐᐊᐧ ᒫᑲ ᑭ ᓇᑐᐦᑖᐠ ᓬᐃᐋ, ᑭ ᐊᔮᐁᐧᐤ ᒫᑲ ᐊᐋᐧᓯᓴ ᒥᓇ ᑭ ᓂᐦᑖᐃᐧᑭᑕᒪᐁᐧᐤ ᒉᑲᐸ ᐅᑯᓯᓴ, ᐁᑲᐧ ᓂᔮᓇᐣ. 18ᓬᐃᐋ ᒫᑲ ᑭ ᐃᑌᐧᐤ, ᑭᓭᒪᓂᑐ ᓂ ᑭ ᒥᔨᐠ ᓂ ᑎᐸᐦᐊᒫᑯᐃᐧᐣ, ᒋᑫᒫ ᐁ ᑭ ᒥᔭᐠ ᓂ ᓈᐯᒼ ᓂᐟ ᐊᑐᐢᑫᔮᑲᓂᐢᑫᐧᒪ; ᑭ ᐃᓯᔨᐦᑳᑌᐤ ᒫᑲ ᐃᓵᑲᕒ. 19ᓬᐃᐋ ᒫᑲ ᒥᓇ ᑭ ᐊᔮᐁᐧᐤ ᐊᐋᐧᓯᓴ, ᐁᑯᓯ ᐁ ᑭ ᓂᐦᑖᐃᐧᑭᑕᒪᐋᐧᐟ ᒉᑲᐸ ᐅᑯᓯᓴ, ᐁᑲᐧ ᓇᑯᑖᐧᓯᐠ. 20ᓬᐃᐋ ᒫᑲ ᑭ ᐃᑌᐤ, ᑭᓭᒪᓂᑐ ᓂ ᑭ ᒥᔨᐠ ᒣᔮᐧᓯᐠ ᑕᑯᐃᑐᐃᐧᐣ, ᐁᑲᐧ ᒫᑲ ᑫ ᐃᐧᑕᐱᒥᐟ ᓂ ᓈᐯᒼ, ᒋᑫᒫ ᓂ ᑭ ᓂᐦᑖᐃᐧᑭᑕᒪᐋᐧᐤ ᓂᑯᑖᐧᓯᐠ ᐅᑯᓯᓴ; ᓭᑊᔪᓬᐊᐣ ᒫᑲ ᑭ ᐃᓯᔨᐦᑳᑌᐤ. 21ᒣᐧᐢᑕᐢ ᐃᔨᑯᕽ ᒫᑲ ᑭ ᐅᑖᓂᓯᐤ, ᐁᑯᓯ ᑖᐃᓇ ᑭ ᐃᓯᔨᐦᑳᑌᐤ.
22ᑭᓭᒪᓂᑐ ᒫᑲ ᑭ ᑭᐢᑭᓯᑐᑕᐁᐧᐤ ᕒᐁᒋᓬᐊ, ᒥᓇ ᑭᓭᒪᓂᑐ ᑭ ᓇᑐᐦᑕᐁᐧᐤ, ᐁᑯᓯ ᐁ ᑭ ᑕᐃᐧᓇᒪᐋᐧᐟ ᑭᑕ ᐅᐟ ᐊᐋᐧᓯᒥᓯᔨᐟ. 23ᑭ ᐊᔮᐁᐧᐤ ᒫᑲ ᐊᐋᐧᓯᓴ, ᐁᑯᓯ ᐁ ᑭ ᓂᐦᑖᐃᐧᑭᐦᐋᐟ ᐅᑯᓯᓴ, ᒥᓇ ᑭ ᐃᑌᐧᐤ, ᑭᓭᒪᓂᑐ ᑭ ᐅᑎᓇᒼ ᑳ ᑭ ᓀᐯᐃᐧᐃᑯᔮᐣ. 24ᒍᓯᑊ ᒫᑲ ᑭ ᐃᓯᔨᐦᑳᑌᐤ, ᐁ ᐃᑌᐧᐟ, ᑳ ᑎᐯᔨᐦᒋᑫᐟ ᓂ ᑲ ᐃᐧ ᑕᑯ ᒥᔨᐠ ᑯᑕᑲ ᑭᑕ ᐅᑯᓯᓯᔮᐣ.
25ᑭ ᐊᔨᑭᐣ ᒫᑲ ᐃᐢᐱ ᕒᐁᒋᓬ ᑳ ᓂᐦᑖᐃᐧᑭᐦᐋᐟ ᒍᓯᐸ, ᒉᑲᑊ ᑭ ᐃᑌᐤ ᓬᐁᐹᓇ, ᓯᐯᐧᑎᓴᐅᐣ ᐁᑲᐧ, ᑭᑕ ᐃᑐᐦᑌᔮᐣ ᑎᐱᔭᐤ ᓂᐟ ᐃᐦᑖᐃᐧᓂᕽ ᒥᓇ ᓂᐟ ᐊᐢᑭᕽ. 26ᒥᔨᐣ ᓂᐊᐧᐠ ᒥᓇ ᓂᐟ ᐊᐋᐧᓯᒥᓴᐠ ᐊᓂᑭ ᑳ ᑭ ᐅᐦᒋ ᐊᑐᐢᑫᐢᑖᑖᐣ, ᐁᑯᓯ ᐸᑭᑎᓂᐣ; ᒋᑫᒫ ᑭ ᑭ ᑭᐢᑫᔨᑌᐣ ᓂᐟ ᐊᑐᐢᑫᐃᐧᐣ ᑳ ᑭ ᐃᓯ ᐊᑐᐢᑫᐢᑖᑖᐣ. 27ᓬᐁᐹᐣ ᒫᑲ ᐅᒥᓯ ᑭ ᐃᑌᐤ, ᑭᐢᐱᐣ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐧᐸᒥᔭᐣ, ᑭᔮᒼ ᐅᑕ ᐊᔮ; ᒋᑫᒫ ᑫᐦᒋᓇᐅᐃᐧᓂᕽ ᓂ ᑭ ᐅᐦᒋ ᑭᐢᑫᔨᑌᐣ, ᑳ ᑎᐯᔨᐦᒋᑫᐟ ᐁ ᑭ ᓴᐁᐧᔨᒥᐟ ᑭᔭ ᐅᐦᒋ. 28ᑭ ᐃᑌᐧᐤ ᒫᑲ, ᐅᔭᑭᑕ ᑫ ᐃᓯ ᑎᐸᐦᐊᒫᑖᐣ, ᑭ ᑲ ᒥᔨᑎᐣ ᒫᑲ. 29ᐅᒥᓯ ᒫᑲ ᑭ ᐃᑌᐤ, ᑭ ᑭᐢᑫᔨᑌᐣ ᑳ ᑭ ᐃᓯ ᐊᑐᐢᑫᐢᑖᑖᐣ ᒥᓇ ᑳ ᑭ ᐃᓯ ᐸᐯᐁᐧᒋᐠ ᑭᐟ ᐊᐊᐧᑳᓇᐠ. 30ᒋᑫᒫ ᓈᐢᐱᐨ ᐊᐱᓯᐢ ᑫᑲᐧᐩ ᑭ ᑭ ᐊᔮᐣ ᐃᐢᐱ ᑳ ᑕᑯᓯᓈᐣ, ᐁᑲᐧ ᒫᑲ ᓈᐢᐱᐨ ᐅᓵᒣᔭᑎᐣ; ᒥᓇ ᑳ ᑎᐯᔨᐦᒋᑫᐟ ᑭ ᑭ ᓴᐁᐧᔨᒥᐠ ᐊᐢᐱᐣ ᑳ ᑕᑯᓯᓈᐣ; ᐁᑲᐧ ᒫᑲ ᑖᓂᐢᐱ ᑫ ᐅᐦᑎᓇᒪᐋᐧᑕᒫᐣ ᑎᐱᔭᐤ ᓂᑭ? 31ᐅᒥᓯ ᒫᑲ ᑭ ᐃᑌᐧᐤ, ᑫᑲᐧᐩ ᑫ ᒥᔨᑖᐣ? ᒉᑲᑊ ᒫᑲ ᑭ ᐃᑌᐧᐤ, ᓇᒪ ᑫᑲᐧᐩ ᑭ ᑲ ᒥᔨᐣ; ᑭᐢᐱᐣ ᐅᒪ ᑫ ᑐᑕᒧᐊᐧᓀ ᓂ ᑲ ᐊᓴᒫᐊᐧᐠ ᒥᓇ ᓂ ᑲ ᑲᓇᐁᐧᔨᒫᐊᐧᐠ ᑭ ᐱᓯᐢᑭᒪᐠ. 32ᓂ ᑲ ᐊᑎ ᓵᐳᐢᑲᐋᐧᐊᐧᐠ ᑲᐦᑭᔭᐤ ᑭ ᐱᓯᐢᑭᒪᐠ ᐊᓄᐦᐨ ᑳ ᑭᓯᑳᐠ, ᑭᑕ ᐱᐢᑭᑕᔭᑭᐠ ᑲᐦᑭᔭᐤ ᑳ ᒪᓯᓈᓱᒋᐠ ᐊᐊᐧᑳᓇᐠ, ᒥᓇ ᑲᐦᑭᔭᐤ ᑳ ᑲᐢᑭᑌᓯᒋᐠ ᒫᔭᑎᐦᑲᐧᐠ, ᒥᓇ ᑲᐦᑭᔭᐤ ᑳ ᒪᓯᓈᓱᒋᐠ ᐋᐧᐸᑎᑲᐧᐠ; ᐁᑯ ᑐᐃᐧᕽ ᒫᑲ ᑫ ᐅᐦᑎᓇᒫᐣ ᓂ ᑎᐸᐦᐊᒫᑯᐃᐧᐣ. 33ᐁᑯᓯ ᒫᑲ ᓂ ᑲᐧᔭᐢᑭᑖᑎᓯᐃᐧᐣ ᓂ ᑲ ᓇᐢᑫᐧᐊᐧᓯᐃᐁᐧᐢᑕᒫᑯᐣ ᒣᐧᐢᑕᐢ ᐃᔨᑯᕽ ᐃᐢᐱ ᐯ ᓇᑕᐃᐧ ᑭᑌᔨᑕᒪᐃᐧᔭᓂ ᓂ ᑎᐸᐦᐊᒫᑯᐃᐧᐣ ᑭᑕ ᐋᐧᐸᐦᑕᒪᐣ; ᑕᐦᑐ ᐁᑳ ᑳ ᒪᓯᓈᓱᒋᐠ ᐋᐧᐸᑎᑲᐧᐠ ᐊᐦᐳ ᐁᑳ ᑳ ᑲᐢᑭᑌᓯᒋᐠ ᒫᔭᑎᐦᑲᐧᐠ ᑭᐢᐱᐣ ᐁᑯᑐᐊᐧ ᒥᐢᑳᐦᒋ ᐁ ᐊᔮᐊᐧᐠ ᐁ ᑭᒧᑎᔭᐣ ᑭᑕ ᐃᑕᑭᒫᐤ. 34ᓬᐁᐹᐣ ᒫᑲ ᑭ ᐃᑌᐧᐤ, ᒫᑎᑲ, ᐱᑕᓀ ᐃᑭᕽ ᐊᓂᒪ ᑳ ᐃᑌᐧᔭᐣ. 35ᑭ ᐱᐢᑭᑕᔦᐤ ᒫᑲ ᐁᐊᐧᑯ ᐁ ᑭᓯᑳᐠ ᔮᐯᐋᐧᐸᑎᑲᐧ ᑳ ᐯᐦᐯᓯᓯᔨᐟ ᒥᓇ ᑳ ᒪᓯᓈᓱᔨᐟ, ᒥᓇ ᑲᐦᑭᔭᐤ ᓄᓭᐋᐧᐸᑎᑲᐧ ᑳ ᐹᐦᐸᐦᑌᐃᐧᓯᔨᐟ ᒥᓇ ᑳ ᒪᓯᓈᓱᔨᐟ, ᑕᐦᑐ ᐹᐸᐦᑭ ᑳ ᐋᐧᐱᐢᑭᓯᔨᐟ, ᒥᓇ ᑲᐦᑭᔭᐤ ᑳ ᑲᐢᑭᑌᓯᔨᐟ ᒫᔭᑎᐦᑲᐧ, ᐁᑯᓯ ᐁ ᑭ ᑲᓄᐢᑯᑎᐋᐟ ᐅᑯᓯᓴ. 36ᓂᐢᑐ ᑭᓯᑳᐤ ᒫᑲ ᐱᒥᐱᒋᐃᐧᐣ ᐃᔨᑯᕽ ᐹᐸᑳᐣ ᑭ ᐊᔮᐊᐧᐠ ᐃᐧᔭ ᒥᓇ ᒉᑲᑊ; ᒉᑲᑊ ᒫᑲ ᑭ ᐊᓴᒣᐤ ᑲᐦᑭᔭᐤ ᓬᐁᐹᓇ ᐅᐟ ᐊᐊᐧᑳᓂᔨᐊᐧ.
37ᒉᑲᑊ ᒫᑲ ᑭ ᐅᑎᓇᒼ ᐊᐢᑳᑎᑯᐃᐧ ᒥᑐᓵᑎᑯᓴ, ᒥᓇ ᐸᑲᓂᒥᓈᑎᑲᐧ, ᒥᓇ ᐃᔨᓈᑎᑲᐧ ᑭ ᐯᐯᓵᐢᑯᐱᑕᒼ ᒫᑲ ᐁ ᑭ ᐋᐧᐋᐧᓯᑯᑕᕽ ᐊᓂᐦᐃ ᒥᐢᑎᑯᓴ. 38ᑭ ᐊᐢᑖᐤ ᒫᑲ ᐊᓂᐦᐃ ᒥᐢᑎᑯᓴ ᑳ ᑭ ᐋᐧᓵᐢᑯᐱᑕᕽ ᐃᑕ ᑭᑕ ᐋᐧᐸᐦᑕᒥᔨᐟ ᒫᔭᑎᐦᑲᐧ ᐋᐧᔨᑲᐦᐃᑲᓂᕽ ᐃᑕ ᑳ ᒥᓂᐦᑫᐧᐦᐋᐟ ᐊᐊᐧᑳᓇ ᑭᑕ ᐊᐦᒉᓱᒋᐠ ᐃᐢᐱ ᐱᔦ ᓇᑕᐃᐧ ᒥᓂᐦᑫᐧᑖᐧᐃᐧ. 39ᐊᓂᑭ ᒫᑲ ᐊᐊᐧᑳᓇᐠ ᑭ ᐊᒉᓱᐊᐧᐠ ᐊᓂᑕ ᐁ ᐊᔮᔨᑭ ᒥᐢᑎᑯᓴ, ᐁ ᑭ ᓂᐦᑖᐃᐧᑭᐦᐋᒋᐠ ᒫᑲ ᐅᐢᑳᔨᓴ ᐁ ᐯᐯᓯᓯᔨᐟ ᐁ ᒪᓯᓈᓱᔨᐟ ᒥᓇ ᐁ ᐸᐸᑌᐃᐧᓯᔨᐟ. 40ᒉᑲᑊ ᒫᑲ ᑭ ᐱᐢᑭᑕᔦᐤ ᒫᔭᑎᐦᑯᓯᓴ ᒥᓇ ᐁ ᑭ ᑲᓇᐋᐧᐸᐦᑕᒧᐋᐟ ᐊᐊᐧᑳᓇ ᐊᓂᐦᐃ ᑳ ᐯᐯᓯᓯᔨᐟ, ᒥᓇ ᑲᐦᑭᔭᐤ ᑳ ᑲᐢᑭᑌᓯᔨᐟ ᐅᐟ ᐊᐊᐧᑳᓂᔨᐊᐧ ᓬᐁᐹᓇ; ᐸᐦᑳᐣ ᒫᑲ ᑭ ᐊᔦᐤ ᐃᐧᔭ ᐅᐟ ᐊᐊᐧᑳᓇ ᓇᒪᐃᐧᔭ ᐃᐧᒉᑕᐁᐤ ᓬᐁᐹᓇ ᐅᐟ ᐊᐊᐧᑳᓂᔨᐊᐧ. 41ᑭ ᐊᔨᑭᐣ ᒫᑲ ᐃᐢᐱ ᑳ ᒪᐢᑲᐃᐧᓯᒋᐠ ᐊᐊᐧᑳᓇᐠ ᐁ ᐊᐦᒉᓱᒋᐠ, ᒉᑲᑊ ᑭ ᑲᓇᐋᐧᐸᐦᑕᒧᐁᐤ ᒥᐢᑎᑯᓴ ᐊᓂᐦᐃ ᐊᐊᐧᑳᓇ ᐋᐧᔨᑲᐦᐃᑲᓂᕽ, ᑭᑕ ᐊᒉᓱᔨᐟ ᒣᑳᐧᐨ ᐁᑯᑕ ᒥᐢᑎᑯᓴ ᐁ ᐊᔮᑭ. 42ᒫᑲ ᑭᐢᐱᐣ ᐊᐊᐧᑳᓇ ᐁ ᓂᔭᒥᓯᔨᐟ ᓇᒪᐃᐧᔭ ᑭ ᐊᐢᑖᐤ; ᐁᑯᓯ ᒫᑲ ᑳ ᓂᔭᒥᓯᔨᐟ ᓬᐁᐹᐣ ᑭ ᐊᔮᐁᐧᐤ ᒫᑲ ᑳ ᒪᐢᑲᐃᐧᓯᔨᐟ ᒉᑲᑊ ᑭ ᐊᔮᐁᐧᐤ. 43ᐊᓇ ᒫᑲ ᐊᔨᓯᔨᓂᐤ ᐋᑳᐧᐢᑲᒼ ᑭ ᐊᑎ ᐁᐧᔪᑎᓯᐤ, ᒥᓇ ᐁ ᑭ ᒥᐦᒉᑎᔨᐟ ᐅᐟ ᐊᐊᐧᑳᓇ, ᒥᓇ ᐃᐢᑫᐧᐊᐧᑐᐢᑫᔮᑲᓇ ᒥᓇ ᓈᐯᐊᐧᑐᐢᑫᔮᑲᓇ ᒥᓇ ᐱᐢᑳᐧᐃᐧᑲᓇ ᒥᓇ ᓱᓱᒥᐢᑕᑎᒪᐧ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.