ᒉᓂᓯᐢ 31
31
1ᑭ ᐯᑕᒼ ᒫᑲ ᐁ ᐃᑌᐧᔨᐟ ᓬᐁᐹᐣ ᐅᑯᓯᓯᔨᐊᐧ ᐅᒥᓯ ᐁ ᐃᑌᐧᔨᐟ, ᒉᑲᑊ ᑭ ᐅᑎᓇᒼ ᑲᐦᑭᔭᐤ ᑫᑲᐧᐩ ᑯᑖᐃᐧᓇᐤ ᑳ ᑭ ᐊᔮᐟ; ᒥᓇ ᑲᐦᑭᔭᐤ ᑫᑲᐧᐩ ᑯᑖᐃᐧᓇᐤ ᑳ ᑭ ᐊᔮᐟ ᐁᑯᑕ ᑭ ᐅᐦᑎᓇᐣ ᐅ ᑭᐢᑌᔨᑖᑯᓯᐃᐧᐣ. 2ᒉᑲᑊ ᒫᑲ ᑭ ᐱᓯᐢᑳᐸᒣᐤ ᓬᐁᐹᓇ ᐁ ᐃᓯ ᑲᓇᐋᐧᐸᒥᑯᐟ, ᐳᑎ ᒫᑲ ᓇᒪᐃᐧᔭ ᑖᐱᐢᑯᐨ ᑲᔭᐦᑌ ᑳ ᑭ ᐃᓯ ᑲᓇᐋᐧᐸᒥᑯᐟ. 3ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒉᑲᐸ, ᑭᐁᐧ ᐁᑲᐧ ᑯᑖᐃᐧᔭᐠ ᐅᐟ ᐊᓯᑭᐋᐧᕽ, ᒥᓇ ᐃᑕ ᐁ ᐊᔮᒋᐠ ᑭ ᐋᐧᑯᒫᑲᓇᐠ; ᑭ ᑲ ᐃᐧᒉᐃᐧᑎᐣ ᒫᑲ.
4ᒉᑲᑊ ᒫᑲ ᑭ ᓇᑐᒣᐤ ᕒᐁᒋᓬᐊ ᒥᓇ ᓬᐃᐋ ᐅᐦᐱᒣ ᐃᑕ ᐁ ᐊᔮᔨᐟ ᐊᐊᐧᑳᓇ; 5ᐅᒥᓯ ᒫᑲ ᐁ ᑭ ᐃᑖᐟ, ᓂ ᐋᐧᐸᐦᑌᐣ ᐁᑳ ᐁ ᐃᓯ ᑲᓇᐋᐧᐸᒥᐟ ᑯᑖᐃᐧᐋᐧᐤ ᑖᐱᐢᑯᐨ ᑲᔭᐦᑌ; ᒫᑲ ᐅ ᑭᓭᒪᓂᑐᒪ ᓄᑖᐃᐧ ᓂ ᑭ ᐃᐧᒉᐃᐧᐠ. 6ᑭ ᑭᐢᑫᔨᑌᓈᐋᐧᐤ ᒫᑲ ᐁ ᐃᓯ ᑲᐢᑭᑖᔮᐣ ᐁ ᑭ ᐊᑐᐢᑲᐊᐧᐠ ᑯᑖᐃᐧᐋᐧᐤ. 7ᒥᓇ ᑯᑖᐃᐧᐋᐧᐤ ᐁ ᑭ ᐊᐧᔦᓯᐃᐟ, ᒥᓇ ᒥᑖᐦᑖᐧᐤ ᐁ ᑭ ᐋᑕᐢᑖᐟ ᓂ ᑎᐸᐦᐊᒫᑯᐃᐧᐣ; ᒫᑲ ᑭᓭᒪᓂᑐᐊᐧ ᓇᒪᐃᐧᔭ ᐃᔨᓇᒫᐠ ᑭᑕ ᑭᑎᒪᐦᐃᐟ. 8ᑭᐢᐱᐣ ᐅᒥᓯ ᐁᑌᐧᒋ, ᐁ ᒪᓯᓈᓱᒋᐠ ᑭ ᑲ ᐅᐦᒋ ᑎᐸᐦᐊᒫᓱᐣ, ᐁᑯᓯ ᑲᐦᑭᔭᐤ ᐊᐊᐧᑳᓇᐠ ᑭ ᓂᐦᑖᐃᐧᑭᐁᐊᐧᐠ ᐁ ᒪᓯᓈᓱᔨᐟ; ᒫᑲ ᑭᐢᐱᐣ ᐁᑌᐧᒋ, ᑳ ᐯᐯᓯᓯᒋᐠ ᑭ ᑲ ᐅᐦᒋ ᑎᐸᐦᐊᒫᓱᐣ, ᑲᐦᑭᔭᐤ ᐊᐊᐧᑳᓇᐠ ᑭ ᓂᐦᑖᐃᐧᑭᐁᐊᐧᐠ ᐯ ᐯᐯᓯᓯᔨᐟ. 9ᐁᑯᓯ ᒫᑲ ᑭᓭᒪᓂᑐ ᑳ ᐃᓯ ᒪᐢᑲᒫᐟ ᐅᐟ ᐊᐊᐧᑳᓂᔨᐊᐧ ᑯᑖᐃᐧᐋᐧᐊᐧ ᐁ ᑭ ᒥᔨᐟ ᒫᑲ ᓂᔭ. 10ᑭ ᐊᔨᑭᐣ ᒫᑲ ᐃᑕ ᐊᓂᒪ ᑳ ᐊᑎ ᐊᐦᒉᓱᒋᐠ ᐊᐊᐧᑳᓇᐠ, ᓂ ᑭ ᐃᑖᐱᐣ, ᐁᑯᓯ ᐁ ᑭ ᐋᐧᐸᐦᑕᒫᐣ ᐸᐋᐧᒥᐃᐧᓂᕽ, ᐳᑎ ᒫᑲ ᐊᓂᑭ ᔮᐯᐊᐧᐠ ᑳ ᓄᒋᐃᑐᒋᐠ ᑭ ᐯᐯᓯᓯᐊᐧᐠ ᒥᓇ ᑭ ᒪᓯᓈᓱᐊᐧᐠ ᒥᓇ ᑭ ᒋᑭᓈᑯᐁᐧᐊᐧᐠ. 11ᐅᑭᓯᑯᒪ ᒫᑲ ᑭᓭᒪᓂᑐ ᓂ ᑭ ᑭᑐᑎᐠ ᐸᐋᐧᒥᐃᐧᓂᕽ, ᐁ ᐃᓯᐟ, ᒉᑲᑊ, ᓂ ᑭ ᐃᑖᐧᐣ ᒫᑲ, ᐅᑕ ᓂᐟ ᐊᔮᐣ. 12ᓂ ᑭ ᐃᑎᐠ ᒫᑲ, ᐃᑖᐱ, ᐋᐧᐸᒥᐠ ᒫᑲ ᑲᐦᑭᔭᐤ ᐊᓂᑭ ᔮᐯᐊᐧᐠ ᑳ ᓄᒋᐃᑐᒋᐠ ᐯᐯᓴᓯᓈᓱᐊᐧᐠ ᒥᓇ ᒪᓯᓈᓱᐊᐧᐠ ᒥᓇ ᒋᑭᓈᑯᐁᐧᐊᐧᐠ; ᒋᑫᒫ ᓂ ᑭ ᐋᐧᐸᐦᑌᐣ ᑲᐦᑭᔭᐤ ᐊᓂᒪ ᓬᐁᐹᐣ ᑳ ᐃᐦᑐᑖᐢᐠ. 13#ᒉᓂᓯᐢ 28:18-22ᓂᔭ ᑭᓭᒪᓂᑐ ᐯᐦᑎᓬᐃᕽ ᑳ ᑭ ᑭᑐᑎᑖᐣ, ᐃᑕ ᑳ ᑭ ᑐᒥᓇᒪᐣ ᑳ ᑭ ᒋᒪᑖᔭᐣ, ᒥᓇ ᐃᑕ ᑳ ᑭ ᑭᐦᒋ ᐊᓱᑕᒪᐃᐧᔭᐣ, ᐁᑲᐧ ᒫᑲ ᐸᓯᑯ, ᓇᑲᑕ ᐅᒪ ᐊᐢᑭ, ᑭᐁᐧ ᒫᑲ ᐅᐟ ᐊᐢᑭᐋᐧᕽ ᑭ ᐋᐧᑯᒫᑲᓇᐠ. 14ᕒᐁᒋᓬ ᒫᑲ ᒥᓇ ᓬᐃᐋ ᑭ ᓇᐢᑫᐧᐊᐧᓯᒣᐊᐧᐠ, ᐅᒥᓯ ᐁ ᑭ ᐃᑖᒋᐠ, ᐃᐦᑕᑲᐧᐣ ᒋ ᑫᔮᐱᐨ ᑎᐱᔭᐁᐧᐃᐧᓯᐃᐧᐣ ᐊᐦᐳ ᑎᐯᔨᒋᑲᐣ ᑫ ᐊᔮᔮᕽ ᓄᑖᐃᐧᓈᐣ ᐃᐧᑭᕽ? 15ᓇᒪ ᒋ ᑖᐱᐢᑯᐨ ᐁ ᒫᓂᑌᐃᐧᔮᕽ ᓂᐟ ᐃᓯ ᑲᓇᐋᐧᐸᒥᑯᓈᐣ, ᒋᑫᒫ ᓂ ᑭ ᐊᑖᐋᐧᑳᑎᑯᓈᐣ, ᒥᓇ ᒥᑐᓂ ᐁ ᑭ ᑭᑕᒫᐧᐟ ᓂ ᓱᓂᔮᒥᓈᓇ: 16ᒋᑫᒫ ᑲᐦᑭᔭᐤ ᐁᐧᔪᑎᓯᐃᐧᐣ ᑭᓭᒪᓂᑐ ᑳ ᑭ ᒪᐢᑲᒫᐟ ᓄᑖᐃᐧᓈᓇ, ᑭᔮᓇᐤ ᑯᑕᔮᓂᓈᓇᐤ ᒥᓇ ᑭᐟ ᐊᐋᐧᓯᒥᓯᓇᐊᐧᐠ, ᐁᑲᐧ ᒫᑲ ᐃᐦᑐᑕ ᐱᑯ ᑫᑲᐧᐩ ᑭᓭᒪᓂᑐ ᑲ ᐃᑎᐢᑫᐧ.
17ᒉᑲᑊ ᒫᑲ ᑭ ᐸᓯᑯ ᐁ ᑭ ᑌᐦᑕᐱᐋᐟ ᐅᑯᓯᓴ ᒥᓇ ᐃᐧᐊᐧ ᐱᐢᑳᐧᐃᐧᑲᓇ. 18ᑭ ᓯᐯᐧᑕᐁᐤ ᒫᑲ ᑲᐦᑭᔭᐤ ᐅᐟ ᐊᐊᐧᑳᓇ ᒥᓇ ᑲᐦᑭᔭᐤ ᐅᐟ ᐊᔮᐃᐧᓇ ᑳ ᑭ ᑲᐢᑭᑖᐟ, ᒥᓇ ᐊᐊᐧᑳᓇ ᐃᔨᑯᕽ ᑳ ᑭ ᑳᐦᒋᑎᓈᐟ, ᐊᓂᐦᐃ ᑳ ᑭ ᑲᐢᑭᐋᐟ ᐊᓂᑕ ᐹᑕᓀᕒᐋᒥᕽ, ᐁ ᐃᐧ ᓈᑖᐟ ᐅᑖᐃᐧᔭ ᐋᐃᓴᑲ ᑫᓇᐣ ᐊᐢᑭᕽ. 19ᓬᐁᐹᐣ ᒫᑲ ᑭ ᓇᑕᐃᐧ ᐸᐢᑯᓭᐧᐤ ᐅ ᒫᔭᑎᐦᑯᒪ, ᐁᑯᓯ ᕒᐁᒋᓬ ᑭ ᑭᒧᑎᐤ ᐅᑖᐃᐧᔭ ᐅ ᓇᐢᐱᓯᒋᑲᓂᔨᐊᐧ. 20ᒉᑲᑊ ᒫᑲ ᑭᒧᐨ ᑭ ᓯᐯᐧᑌᐤ ᐁᑳ ᐁ ᑭᐢᑫᔨᒥᑯᐟ ᓬᐁᐹᓇ, ᐁᑳ ᐁ ᐃᐧᐦᑕᒪᐋᐧᐟ ᐁ ᐃᐧ ᑕᐸᓯᐟ. 21ᐁᑯᓯ ᒫᑲ ᑭ ᑭᑭ ᑕᐸᓯᐤ ᑲᐦᑭᔭᐤ ᑳ ᐃᓯ ᐊᔮᐟ, ᑭ ᐸᓯᑯ ᒫᑲ ᐁ ᑭ ᐊᓱᐊᐧᐊᕽ ᓯᐱ, ᑭᓬᐃᔭᐟ ᐊᐧᒋᕽ ᒫᑲ ᑭ ᐊᑎ ᐃᑐᑌᐤ.
22ᑭ ᐃᐧᐦᑕᒪᐋᐧᐤ ᒫᑲ ᓬᐁᐹᐣ ᐁ ᐊᑎ ᓂᐢᑐ ᑭᓯᑳᔨᐠ, ᒉᑲᑊ ᐁ ᑭ ᑕᐸᓯᐟ. 23ᑭ ᐃᐧᒉᐁᐧᐤ ᒫᑲ ᐅᒋᐋᐧᒪ ᐁ ᑭ ᐱᒥᑎᓴᐋᐧᐟ ᑌᐳᑯᑊ ᑭᓯᑳᐤ ᐱᒥᐱᒋᐃᐧᐣ ᐃᔨᑯᕽ; ᑭ ᐊᑎᒥᓀᐁᐧᐊᐧᐠ ᒫᑲ ᐊᓂᑕ ᑭᓬᐃᔭᐟ ᐊᐧᒋᕽ. 24ᑭᓭᒪᓂᑐ ᒫᑲ ᑭ ᐅᑎᐦᑌᐤ ᓬᐁᐹᓇ ᐊᓂᐦᐃ ᓯᕒᐃᔭᓇ ᐸᐋᐧᒥᐃᐧᓂᕽ ᐁ ᒣᑳᐧ ᑎᐱᐢᑳᔨᐠ, ᐅᒥᓯ ᐁ ᑭ ᐃᑖᐟ, ᒣᔮᑳᐧᒼ ᐁᑳ ᓈᐣᑕᐤ ᑭᑕ ᐃᑕᐟ ᒉᑲᑊ, ᑳ ᒥᔮᐧᓯᐠ ᐊᐦᐳ ᑳ ᒫᔮᑕᕽ.
25ᓬᐁᐹᐣ ᒫᑲ ᑭ ᐊᑎᒥᓀᐁᐧᐤ ᒉᑲᐸ. ᒉᑲᑊ ᒫᑲ ᑭ ᑲᐯᓯᐤ ᐊᓂᑕ ᐊᐧᒋᕽ; ᓬᐁᐹᐣ ᒫᑲ ᒥᓇ ᐅᒋᐋᐧᒪ ᑭ ᑲᐯᓯᐊᐧᐠ ᐊᓂᑕ ᑭᓬᐃᔭᐟ ᐊᐧᒋᕽ. 26ᓬᐁᐹᐣ ᒫᑲ ᑭ ᐃᑌᐤ ᒉᑲᐸ, ᑫᑲᐧᐩ ᑳ ᑭ ᑐᑕᒪᐣ, ᑭᒧᐨ ᑳ ᑭ ᓯᐯᐧᑌᔭᐣ ᐁᑳ ᐁ ᑭᐢᑫᔨᑕᒫᐣ, ᐁᑯᓯ ᐁ ᑭ ᓯᐯᐧᑕᐊᒋᐠ ᓂᑖᓂᓴᐠ ᑖᐱᐢᑯᐨ ᒧᐢᑎᓈᑲᓇᐠ ᐃᓴᐁᐧᐢᐠ ᐁ ᐅᐦᒋ ᐅᑎᓂᐦᒋᐠ. 27ᑖᓀᐦᑭ ᑭᒧᐨ ᑳ ᑭ ᑕᐸᓯᔭᐣ ᒥᓇ ᑳ ᑭ ᓇᑲᓯᔭᐣ; ᐁᑳ ᒫᑲ ᐁ ᑭ ᐃᐧᐦᑕᒪᐃᐧᔭᐣ, ᑭᑕ ᑭ ᓯᐯᐧᑎᓴᐅᑖᐣ ᒥᔭᐋᐧᑕᒧᐃᐧᓂᕽ, ᓂᑲᒧᐃᐧᓂᕽ, ᒪᑌᐧᔮᐱᑫᐃᑫᐃᐧᓂᕽ, ᒥᓇ ᑭᑐᐦᒋᑫᐃᐧᓂᕽ? 28ᐁᑳ ᒫᑲ ᐁ ᑭ ᐃᔨᓇᒪᐃᐧᔭᐣ ᑭᑕ ᐅᒉᒪᑭᐠ ᓂᑯᓯᓴᐠ ᒥᓇ ᓂᑖᓂᓴᐠ? ᐁᑲᐧ ᑭ ᑭ ᑲᑫᐸᒋᑐᑌᐣ ᐁᑯᓯ ᑳ ᑭ ᑐᑕᒪᐣ. 29ᓂᐟ ᐊᔮᐣ ᐃᐧᔭ ᑲᐢᑭᐦᐁᐃᐧᓯᐃᐧᐣ ᓂᒋᐦᒋᕽ ᓈᐣᑕᐤ ᑭᑕ ᐃᐦᑐᑖᑖᐣ; ᒫᑲ ᐅ ᑭᓭᒪᓂᑐᒪ ᑯᑖᐃᐧ ᓂ ᑭ ᐊᔭᒥᐃᐠ ᐊᐊᐧᓯᑎᐱᐢᑯᕽ ᐅᒥᓯ ᐁ ᐃᓯᐟ, ᒣᔮᑳᐧᒼ ᐁᑳ ᑭᑕ ᐃᑕᐟ ᒉᑲᑊ ᐃᐦᑕᐋᐧᐣ ᑳ ᒥᔮᐧᓯᐠ ᐊᐦᐳ ᑳ ᒫᔮᑕᕽ. 30ᐊᓄᐦᐨ ᒫᑲ ᐋᑕᐃᐧᔭ ᐊᔨᐋᐧᐠ ᐁ ᓄᐦᑌ ᓯᐯᐧᑌᔭᐣ ᒋᑫᒫ ᐁ ᐱᑭᐢᑳᑕᒪᐣ ᑯᑖᐃᐧ ᐃᐧᑭ, ᐁᔨᐁᐧᕽ ᑖᓀᐦᑭ ᑳ ᑭ ᑭᒧᑎᔭᐣ ᓂ ᒪᓂᑐᒪᐠ? 31ᒉᑲᑊ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᓬᐁᐹᓇ, ᓂ ᑭ ᐊᐢᑖᓯᐣ; ᒋᑫᒫ ᓂ ᑭ ᐃᑖᐧᐣ, ᒫᐢᑯᐨ ᓂ ᑲ ᒪᐢᑲᒥᐠ ᐅᑖᓂᓴ. 32ᐊᐃᐧᔭᐠ ᑫ ᒥᐢᑲᐋᐧᐊᐧᑌ ᐁ ᐊᔮᐋᐧᐟ ᑭ ᒫᓂᑐᒪ, ᑭᔮᒼ ᐁᑳᐃᐧᔭ ᑭᑕ ᐱᒫᑎᓯᐤ, ᐁ ᐋᐧᐸᐦᑕᐦᑭᐠ ᑭᒋᐋᐧᒥᓇᐊᐧᐠ ᓇᓈᑕᐃᐧ ᓂᓯᑕᐃᐧᓇ ᐊᓂᒪ ᑭᔭ ᑳ ᐅᐟ ᐊᔮᓂᔭᐣ, ᐅᑎᓇᒫᓱ ᒫᑲ. ᒋᑫᒫ ᒉᑲᑊ ᓇᒪᐃᐧᔭ ᑭᐢᑫᔨᑕᒼ ᕒᐁᒋᓬᐊ ᐁ ᑭ ᑭᒧᑌᔨᐟ.
33ᓬᐁᐹᐣ ᒫᑲ ᑭ ᐱᐦᑐᑫᐤ ᒉᑲᑊ ᐅ ᒥᑭᐋᐧᐱᕽ, ᒥᓇ ᓬᐃᐋ ᐅ ᒥᑭᐋᐧᐱᕽ, ᒥᓇ ᐊᓂᐦᐃ ᓂᓱ ᐊᑐᐢᑫᔮᑲᓂᐢᑫᐧᐊᐧ ᐅ ᒥᑭᐋᐧᐱᔨᕽ, ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ. ᑭ ᐊᐧᔭᐃᐧᐤ ᒫᑲ ᓬᐃᐋ ᐅ ᒥᑭᐋᐧᐱᕽ ᐅᐦᒋ ᐁ ᑭ ᐱᐦᑐᑫᐟ ᕒᐁᒋᓬ ᐅ ᒥᑭᐋᐧᐱᕽ. 34ᕒᐁᒋᓬ ᒫᑲ ᑭ ᐅᑎᓀᐤ ᐊᓂᐦᐃ ᓇᐢᐱᓯᒋᑲᓇ, ᐁ ᑭ ᐊᔭᐟ ᐊᓂᑕ ᐱᐢᑳᐧᐃᐧᑲᓀᐃᐧ ᐊᐢᐸᐱᐃᐧᓂᕽ, ᐁ ᑭ ᐹᑕᑯᐢᑲᐋᐧᐟ ᒫᑲ. ᓬᐁᐹᐣ ᒫᑲ ᒥᓯᐁᐧ ᒥᑭᐋᐧᐱᕽ ᑭ ᓇᓈᑐᓂᑫᐤ, ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ. 35ᐅᒥᓯ ᒫᑲ ᑭ ᐃᑌᐤ ᐅᑖᐃᐧᔭ, ᑭᔮᒼ ᐁᑳᐃᐧᔭ ᑭᑕ ᓇᔦᑖᐁᐧᔨᑕᒼ ᓂᐟ ᐅᑭᒫᒼ ᐁᑳ ᐁ ᑭ ᐸᓯᑯᐢᑖᑖᐣ, ᒋᑫᒫ ᑳ ᐃᓯ ᐊᔮᒋᐠ ᐃᐢᑫᐧᐊᐧᐠ ᓂᐟ ᐃᓯ ᐋᔭᐣ. ᐁᑯᓯ ᑭ ᓇᓈᑐᓂᑫᐤ ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ ᓇᐢᐱᓯᒋᑲᓇ.
36ᒉᑲᑊ ᒫᑲ ᑭ ᑭᓯᐋᐧᓯᐤ ᐁᑯᓯ ᐁ ᑭ ᑭᓯᑭᑐᑖᐟ ᓬᐁᐹᓇ; ᒉᑲᑊ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᓬᐁᐹᓇ, ᑫᑲᐧᐩ ᑳ ᐊᐧᓂᑐᑕᒫᐣ ᑳ ᑭ ᐅᐦᒋ ᑭᓯᐢᑳ ᓇᐊᐧᓵᐧᓯᔭᐣ? 37ᐋᑕ ᒥᓯᐁᐧ ᐁ ᑭ ᓇᓈᑐᓂᑫᔭᐣ ᑳ ᑕᐦᑎᑭ ᓂᐟ ᐊᔮᐃᐧᓇ, ᑫᑲᐧᐩ ᑳ ᒥᐢᑲᒪᐣ ᐁᑯᑕ ᑭᑭᕽ ᐁ ᑭ ᐅᐦᒋ ᐅᑎᓂᑳᑌᐟ, ᐊᔭᐢᑖ ᐅᑕ ᑭᑕ ᐋᐧᐸᐦᑕᐦᑭᐠ ᓂᒋᐋᐧᒪᐠ ᒥᓇ ᑭᔭ ᑭᒋᐋᐧᒫᐠ, ᑭᑕ ᐅᓇᓱᐋᐧᑎᑯᔭᑯᐠ ᑳ ᐃᓯ ᓂᓯᔭᕽ. 38ᐁᐊᐧᑯ ᐅᒪ ᓂᓯᑕᓇᐤ ᑕᐦᑐ ᐱᐳᐣ ᐁ ᑫ ᐃᐧᒋᐊᔮᒥᑖᐣ; ᑭ ᓄᓭᒫᔭᑎᑯᒪᐠ ᒥᓇ ᑭ ᓄᓯᐋᐧᐸᑎᑯᒪᐠ ᓇᒪᐃᐧᔭ ᑭ ᐁᐧᐱᓄᓭᐊᐧᐠ, ᒥᓇ ᔭᐯᒫᔭᑎᑲᐧᐠ ᑭ ᒫᔭᑎᐦᑯᒪᐠ ᓇᒪᐃᐧᔭ ᓄᐦ ᒧᐋᐧᐊᐧᐠ. 39ᐊᓂᑭ ᑳ ᐱᑯᐱᑎᑯᒋᐠ ᐱᓯᐢᑭᐊᐧ ᓇᒪᐃᐧᔭ ᑭ ᐯᑕᒫᑎᐣ, ᓂᔭ ᓂ ᑭ ᐊᐧᓂᒋᑳᐣ, ᓂᒋᐦᒋᕽ ᑭ ᑭ ᓇᑕᐁᐧᔨᑕᒪᐃᐧᐣ ᑭᐢᐱᐣ ᐁ ᑭ ᑭᒧᑎᓈᓂᐊᐧᕽ ᐁ ᒣᑲᐧ ᑭᓯᑳᐠ ᐊᐦᐳ ᐁ ᑭ ᑭᒧᑎᓈᓂᐊᐧᕽ ᐁ ᒣᑳᐧ ᑎᐱᐢᑳᐠ. 40ᐁᑯᓯ ᐅᒪ ᑳ ᐃᓯ ᐊᔮᔮᐣ; ᐁ ᑭᓯᑳᐠ ᓂ ᑭ ᓂᐸᐦᐋᐹᑲᐧᐣ, ᒥᓇ ᑌᐱᐢᑳᑭ ᓂ ᑭ ᑲᐊᐧᒋᐣ, ᒥᓇ ᐁᑳ ᐁ ᑭ ᓂᐹᔮᐣ. 41ᐁᑯᓯ ᐅᒪ ᑳ ᐃᓯ ᐊᔮᔮᐣ ᓂᓯᑕᓇᐤ ᑕᐦᑐ ᐱᐳᐣ ᑭᑭᕽ; ᒥᑖᑕᐦᐟ ᓀᐅᓵᑊ ᑕᐦᑐ ᐱᐳᐣ ᑭ ᑭ ᐊᑐᐢᑫᐢᑖᑎᐣ ᐁ ᓂᓯᒋᐠ ᑭᑖᓂᓴᐠ ᐅᐦᒋ, ᒥᓇ ᓂᑯᑖᐧᓯᐠ, ᑭᐟ ᐊᐊᐧᑳᓇᐠ ᐅᐦᒋ; ᒥᓇ ᒥᑖᐦᑖᐧᐤ ᑭ ᑭ ᐋᑕᐢᑖᐣ ᓂ ᑎᐸᐦᐊᒫᑯᐃᐧᐣ. 42ᑭᐢᐱᐣ ᐁᑳ ᐅ ᑭᓭᒪᓂᑐᒪ ᓄᑖᐃᐧ, ᐅ ᑭᓭᒪᓂᑐᒪ ᐁᑊᕒᐁᐋᒼ ᒥᓇ ᐅ ᑯᐢᑖᑲᓇ ᐋᐃᓴᐠ ᑭ ᐃᐧᒉᐃᐧᐟ, ᑫᐦᒋᓈ ᐊᓄᐦᐨ ᐱᓯᓯᐠ ᑭ ᑲ ᑭ ᓯᐯᐧᑎᓴᐦᐅᐣ. ᑭᓭᒪᓂᑐ ᑭ ᐋᐧᐸᐦᑕᒼ ᓂ ᑯᑕᑭᑖᐃᐧᐣ, ᒥᓇ ᓂᐟ ᐊᑐᐢᑫᐃᐧᐣ ᓂᒋᐦᒋᕽ, ᑳ ᑭ ᐅᐦᒋ ᑭᑕᐦᐊᒫᐢᐠ ᐊᐊᐧᓯᑎᐱᐢᑯᕽ.
43ᓬᐁᐹᐣ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᒉᑲᐸ, ᐅᑭ ᐅᑖᓂᓯᒫᐊᐧᐠ ᓂᔭ ᓂᑖᓂᓴᐠ, ᒥᓇ ᐅᑭ ᐊᐋᐧᓯᓴᐠ ᓂᔭ ᓂᐟ ᐊᐋᐧᓯᒥᓴᐠ, ᒥᓇ ᐅᑭ ᐊᐊᐧᑳᓇᐠ ᓂᔭ ᓂᐟ ᐊᐊᐧᑳᓇᐠ, ᒥᓇ ᑕᐦᑐ ᑫᑲᐧᐩ ᑳ ᐋᐧᐸᐦᑕᒪᐣ ᓂᔭ ᓂᐟ ᐊᔮᐣ; ᑫᑲᐧᐩ ᒫᑲ ᑫ ᑭ ᑐᑕᐊᐧᑭᐠ ᐅᑭ ᓂᑖᓂᓴᐠ ᐊᓄᐦᐨ ᑳ ᑭᓯᑳᐠ, ᐊᐦᐳ ᐊᓂᐦᐃ ᐅᐟ ᐊᐋᐧᓯᒥᓯᐋᐧᐊᐧ ᑳ ᑭ ᓂᐦᑖᐃᐧᑭᐦᐋᒋᐠ? 44ᐁᑲᐧ ᒫᑲ ᑭᔮᒼ ᐃᐧᒋᐦᐃᓯᒋᑫᒥᑐᑖᐠ, ᓂᔭ ᒥᓇ ᑭᔭ; ᑭᔮᒼ ᒫᑲ ᐁᐊᐧᑯ ᑭ ᑲ ᐋᒋᒥᑯᓈᓇᐤ ᓂᔭ ᒥᓇ ᑭᔭ.
45ᒉᑲᑊ ᒫᑲ ᑭ ᐅᑎᓀᐤ ᐊᓯᓂᔭ ᐁᑯᓯ ᐁ ᑭ ᒋᒪᔮᐟ. 46ᐁᑯᓯ ᒉᑲᑊ ᑭ ᐃᑌᐤ ᐅᒋᐋᐧᒪ, ᒧᓴᑭᓂᑯᐠ ᐊᓯᓂᔭᐠ; ᑭ ᐅᑎᓀᐊᐧᐠ ᒫᑲ ᐊᓯᓂᔭ ᐁ ᑭ ᐱᐢᑲᐧᔮᒋᐠ, ᑕᐦᑯᐨ ᒫᑲ ᐁᑯᑕ ᐱᐢᑲᐧᓯᓂᕽ ᑭ ᒥᒋᓱᐊᐧᐠ. 47ᓬᐁᐹᐣ ᒫᑲ ᒋᑲᕒᓭᐋᑐᐦᑕ ᑭ ᐃᓯᔨᐦᑳᑕᒼ; ᒫᑲ ᒉᑲᑊ ᑳᓬᐃᐟ ᑭ ᐃᓯᔨᐦᑳᑕᒼ. 48ᓬᐁᐹᐣ ᒫᑲ ᑭ ᐃᑌᐧᐤ, ᐅᒪ ᐱᐢᑲᐧᓯᓂᑳᐣ ᑭ ᑲ ᐋᒋᒥᑯᓈᓇᐤ ᐁᓯ ᓂᓯᔭᕽ ᐊᓄᐦᐨ ᑳ ᑭᓯᑳᐠ; ᐁᐊᐧᑯ ᒫᑲ ᐅᐦᒋ ᑳᓬᐃᐟ ᑳ ᑭ ᐃᓯᔨᐦᑳᑌᐠ. 49ᒥᓇ ᒥᐢᐸ, ᒋᑫᒫ ᑭ ᐃᑌᐧᐤ, ᑳ ᑎᐯᔨᐦᒋᑫᐟ ᑭ ᑲ ᓈᑲᑕᐋᐧᐸᒥᑯᓇᐤ ᑳ ᐃᓯ ᓂᓯᔭᕽ, ᐃᐢᐱ ᐁᑳ ᐋᐧᐸᐦᑐᔭᑯ. 50ᑭᐢᐱᐣ ᑯᑕᑭᐊᑖᐧᐃᐧ ᓂᑖᓂᓴᐠ, ᒥᓇ ᑭᐢᐱᐣ ᑯᑕᑲᐠ ᐃᐧᐃᐧᔭᓂ ᐁ ᐋᑕ ᐃᐧᐃᐧᔭᐣ ᓂᑖᓂᓴᐠ, ᓇᒪᐃᐧᔭ ᐊᐃᐧᔭᐠ ᑭ ᐃᐧᒉᑯᓇᐤ, ᐋᐧᐸᐦᑕ, ᑭᓭᒪᓂᑐ ᑭ ᑲ ᐋᒋᒥᑯᓇᐤ ᑳ ᐃᓯ ᓂᓯᔭᕽ. 51ᓬᐁᐹᐣ ᒫᑲ ᑭ ᐃᑌᐤ ᒉᑲᐸ, ᐋᐧᐸᐦᑕ ᐅᒪ ᑳ ᐱᐢᑲᐧᐢᑌᐠ ᒥᓇ ᐋᐧᐸᐦᑕ ᐅᒪ ᑳ ᒋᒪᑌᐠ, ᑳ ᑭ ᐸᑭᑎᓇᒫᐣ ᑭᔮᓇᐤ ᐁ ᐃᓯ ᓂᓯᔭᕽ ᐅᐦᒋ. 52ᐅᒪ ᐱᐢᑲᐧᓯᓂᑳᐣ ᑭᑕ ᐋᒋᒧᒪᑲᐣ, ᒥᓇ ᐅᒪ ᑳ ᒋᒪᑌᐠ ᑭᑕ ᐋᒋᒧᒪᑲᐣ, ᐁᑳ ᑭᑕ ᒪᔮᐢᑲᒫᐣ ᐅᒪ ᑳ ᐃᐢᐸᐢᑌᐠ ᑭᑕ ᐯ ᓈᑎᑖᐣ, ᒥᓇ ᑭᔭ ᐁᑳ ᑭᑕ ᒪᔮᐢᑲᒪᐣ ᐅᒪ ᑳ ᐃᐢᐸᐢᑌᐠ ᐊᐦᐳ ᐅᒪ ᑳ ᒋᒪᑌᐠ ᑭᑕ ᐯ ᓈᓯᔭᐣ, ᐊᐧᓂᑐᑖᑐᐃᐧᐣ ᐅᐦᒋ. 53ᐅ ᑭᓭᒪᓂᑐᒪ ᐁᑊᕒᐁᐋᒼ, ᐅ ᑭᓭᒪᓂᑐᒪ ᓀᐦᐅᕒ. ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐧᐊᐧ ᑭ ᑲ ᐅᔭᓱᐋᐧᑎᑯᓇᐤ ᑳ ᐃᓯ ᓂᓯᔭᕽ, ᒉᑲᑊ ᒫᑲ ᑭ ᐊᐢᐱ ᑭᐦᒋᐃᑌᐧᐤ ᐅ ᑯᐢᑖᑲᓂᔨᐊᐧ ᐅᑖᐃᐧᔭ ᐋᐃᓴᐠ.
54ᒉᑲᑊ ᒫᑲ ᑭ ᐸᑭᑎᓈᓱ ᐁᑯᑕ ᐊᐧᒋᕽ, ᐁᑯᓯ ᐁ ᑭ ᓇᑐᒫᐟ ᐅᒋᐋᐧᒪ ᑭᑕ ᒧᐋᐧᔨᐟ ᐸᐦᑫᐧᓯᑲᓇ; ᑭ ᒧᐁᐧᐊᐧᐠ ᒫᑲ ᐸᐦᑫᐧᓯᑲᓇ, ᒥᓇ ᑳᐯᑎᐱᐢᐠ ᐁ ᑭ ᐊᔮᒋᐠ ᐊᐧᒋᕽ. 55ᐃᐧᐸᐨ ᒫᑲ ᐁ ᐊᑎ ᑫᑭᓭᐹᔮᐠ ᓬᐁᐹᐣ ᑭ ᐊᐧᓂᐢᑳᐤ, ᐁ ᑭ ᐅᒉᒫᐟ ᐅᑯᓯᓴ ᒥᓇ ᐅᑖᓂᓴ, ᒥᓇ ᐁ ᑭ ᓴᓴᐁᐧᔨᒫᐟ; ᓬᐁᐹᐣ ᒫᑲ ᑭ ᓯᐯᐧᑌᐤ, ᐅᐟ ᐊᐢᑭᕽ ᐁ ᑭ ᐃᓯ ᑭᐁᐧᐟ.
လက္ရွိေရြးခ်ယ္ထားမွု
ᒉᓂᓯᐢ 31: KKMs
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 31
31
1ᑭ ᐯᑕᒼ ᒫᑲ ᐁ ᐃᑌᐧᔨᐟ ᓬᐁᐹᐣ ᐅᑯᓯᓯᔨᐊᐧ ᐅᒥᓯ ᐁ ᐃᑌᐧᔨᐟ, ᒉᑲᑊ ᑭ ᐅᑎᓇᒼ ᑲᐦᑭᔭᐤ ᑫᑲᐧᐩ ᑯᑖᐃᐧᓇᐤ ᑳ ᑭ ᐊᔮᐟ; ᒥᓇ ᑲᐦᑭᔭᐤ ᑫᑲᐧᐩ ᑯᑖᐃᐧᓇᐤ ᑳ ᑭ ᐊᔮᐟ ᐁᑯᑕ ᑭ ᐅᐦᑎᓇᐣ ᐅ ᑭᐢᑌᔨᑖᑯᓯᐃᐧᐣ. 2ᒉᑲᑊ ᒫᑲ ᑭ ᐱᓯᐢᑳᐸᒣᐤ ᓬᐁᐹᓇ ᐁ ᐃᓯ ᑲᓇᐋᐧᐸᒥᑯᐟ, ᐳᑎ ᒫᑲ ᓇᒪᐃᐧᔭ ᑖᐱᐢᑯᐨ ᑲᔭᐦᑌ ᑳ ᑭ ᐃᓯ ᑲᓇᐋᐧᐸᒥᑯᐟ. 3ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᒉᑲᐸ, ᑭᐁᐧ ᐁᑲᐧ ᑯᑖᐃᐧᔭᐠ ᐅᐟ ᐊᓯᑭᐋᐧᕽ, ᒥᓇ ᐃᑕ ᐁ ᐊᔮᒋᐠ ᑭ ᐋᐧᑯᒫᑲᓇᐠ; ᑭ ᑲ ᐃᐧᒉᐃᐧᑎᐣ ᒫᑲ.
4ᒉᑲᑊ ᒫᑲ ᑭ ᓇᑐᒣᐤ ᕒᐁᒋᓬᐊ ᒥᓇ ᓬᐃᐋ ᐅᐦᐱᒣ ᐃᑕ ᐁ ᐊᔮᔨᐟ ᐊᐊᐧᑳᓇ; 5ᐅᒥᓯ ᒫᑲ ᐁ ᑭ ᐃᑖᐟ, ᓂ ᐋᐧᐸᐦᑌᐣ ᐁᑳ ᐁ ᐃᓯ ᑲᓇᐋᐧᐸᒥᐟ ᑯᑖᐃᐧᐋᐧᐤ ᑖᐱᐢᑯᐨ ᑲᔭᐦᑌ; ᒫᑲ ᐅ ᑭᓭᒪᓂᑐᒪ ᓄᑖᐃᐧ ᓂ ᑭ ᐃᐧᒉᐃᐧᐠ. 6ᑭ ᑭᐢᑫᔨᑌᓈᐋᐧᐤ ᒫᑲ ᐁ ᐃᓯ ᑲᐢᑭᑖᔮᐣ ᐁ ᑭ ᐊᑐᐢᑲᐊᐧᐠ ᑯᑖᐃᐧᐋᐧᐤ. 7ᒥᓇ ᑯᑖᐃᐧᐋᐧᐤ ᐁ ᑭ ᐊᐧᔦᓯᐃᐟ, ᒥᓇ ᒥᑖᐦᑖᐧᐤ ᐁ ᑭ ᐋᑕᐢᑖᐟ ᓂ ᑎᐸᐦᐊᒫᑯᐃᐧᐣ; ᒫᑲ ᑭᓭᒪᓂᑐᐊᐧ ᓇᒪᐃᐧᔭ ᐃᔨᓇᒫᐠ ᑭᑕ ᑭᑎᒪᐦᐃᐟ. 8ᑭᐢᐱᐣ ᐅᒥᓯ ᐁᑌᐧᒋ, ᐁ ᒪᓯᓈᓱᒋᐠ ᑭ ᑲ ᐅᐦᒋ ᑎᐸᐦᐊᒫᓱᐣ, ᐁᑯᓯ ᑲᐦᑭᔭᐤ ᐊᐊᐧᑳᓇᐠ ᑭ ᓂᐦᑖᐃᐧᑭᐁᐊᐧᐠ ᐁ ᒪᓯᓈᓱᔨᐟ; ᒫᑲ ᑭᐢᐱᐣ ᐁᑌᐧᒋ, ᑳ ᐯᐯᓯᓯᒋᐠ ᑭ ᑲ ᐅᐦᒋ ᑎᐸᐦᐊᒫᓱᐣ, ᑲᐦᑭᔭᐤ ᐊᐊᐧᑳᓇᐠ ᑭ ᓂᐦᑖᐃᐧᑭᐁᐊᐧᐠ ᐯ ᐯᐯᓯᓯᔨᐟ. 9ᐁᑯᓯ ᒫᑲ ᑭᓭᒪᓂᑐ ᑳ ᐃᓯ ᒪᐢᑲᒫᐟ ᐅᐟ ᐊᐊᐧᑳᓂᔨᐊᐧ ᑯᑖᐃᐧᐋᐧᐊᐧ ᐁ ᑭ ᒥᔨᐟ ᒫᑲ ᓂᔭ. 10ᑭ ᐊᔨᑭᐣ ᒫᑲ ᐃᑕ ᐊᓂᒪ ᑳ ᐊᑎ ᐊᐦᒉᓱᒋᐠ ᐊᐊᐧᑳᓇᐠ, ᓂ ᑭ ᐃᑖᐱᐣ, ᐁᑯᓯ ᐁ ᑭ ᐋᐧᐸᐦᑕᒫᐣ ᐸᐋᐧᒥᐃᐧᓂᕽ, ᐳᑎ ᒫᑲ ᐊᓂᑭ ᔮᐯᐊᐧᐠ ᑳ ᓄᒋᐃᑐᒋᐠ ᑭ ᐯᐯᓯᓯᐊᐧᐠ ᒥᓇ ᑭ ᒪᓯᓈᓱᐊᐧᐠ ᒥᓇ ᑭ ᒋᑭᓈᑯᐁᐧᐊᐧᐠ. 11ᐅᑭᓯᑯᒪ ᒫᑲ ᑭᓭᒪᓂᑐ ᓂ ᑭ ᑭᑐᑎᐠ ᐸᐋᐧᒥᐃᐧᓂᕽ, ᐁ ᐃᓯᐟ, ᒉᑲᑊ, ᓂ ᑭ ᐃᑖᐧᐣ ᒫᑲ, ᐅᑕ ᓂᐟ ᐊᔮᐣ. 12ᓂ ᑭ ᐃᑎᐠ ᒫᑲ, ᐃᑖᐱ, ᐋᐧᐸᒥᐠ ᒫᑲ ᑲᐦᑭᔭᐤ ᐊᓂᑭ ᔮᐯᐊᐧᐠ ᑳ ᓄᒋᐃᑐᒋᐠ ᐯᐯᓴᓯᓈᓱᐊᐧᐠ ᒥᓇ ᒪᓯᓈᓱᐊᐧᐠ ᒥᓇ ᒋᑭᓈᑯᐁᐧᐊᐧᐠ; ᒋᑫᒫ ᓂ ᑭ ᐋᐧᐸᐦᑌᐣ ᑲᐦᑭᔭᐤ ᐊᓂᒪ ᓬᐁᐹᐣ ᑳ ᐃᐦᑐᑖᐢᐠ. 13#ᒉᓂᓯᐢ 28:18-22ᓂᔭ ᑭᓭᒪᓂᑐ ᐯᐦᑎᓬᐃᕽ ᑳ ᑭ ᑭᑐᑎᑖᐣ, ᐃᑕ ᑳ ᑭ ᑐᒥᓇᒪᐣ ᑳ ᑭ ᒋᒪᑖᔭᐣ, ᒥᓇ ᐃᑕ ᑳ ᑭ ᑭᐦᒋ ᐊᓱᑕᒪᐃᐧᔭᐣ, ᐁᑲᐧ ᒫᑲ ᐸᓯᑯ, ᓇᑲᑕ ᐅᒪ ᐊᐢᑭ, ᑭᐁᐧ ᒫᑲ ᐅᐟ ᐊᐢᑭᐋᐧᕽ ᑭ ᐋᐧᑯᒫᑲᓇᐠ. 14ᕒᐁᒋᓬ ᒫᑲ ᒥᓇ ᓬᐃᐋ ᑭ ᓇᐢᑫᐧᐊᐧᓯᒣᐊᐧᐠ, ᐅᒥᓯ ᐁ ᑭ ᐃᑖᒋᐠ, ᐃᐦᑕᑲᐧᐣ ᒋ ᑫᔮᐱᐨ ᑎᐱᔭᐁᐧᐃᐧᓯᐃᐧᐣ ᐊᐦᐳ ᑎᐯᔨᒋᑲᐣ ᑫ ᐊᔮᔮᕽ ᓄᑖᐃᐧᓈᐣ ᐃᐧᑭᕽ? 15ᓇᒪ ᒋ ᑖᐱᐢᑯᐨ ᐁ ᒫᓂᑌᐃᐧᔮᕽ ᓂᐟ ᐃᓯ ᑲᓇᐋᐧᐸᒥᑯᓈᐣ, ᒋᑫᒫ ᓂ ᑭ ᐊᑖᐋᐧᑳᑎᑯᓈᐣ, ᒥᓇ ᒥᑐᓂ ᐁ ᑭ ᑭᑕᒫᐧᐟ ᓂ ᓱᓂᔮᒥᓈᓇ: 16ᒋᑫᒫ ᑲᐦᑭᔭᐤ ᐁᐧᔪᑎᓯᐃᐧᐣ ᑭᓭᒪᓂᑐ ᑳ ᑭ ᒪᐢᑲᒫᐟ ᓄᑖᐃᐧᓈᓇ, ᑭᔮᓇᐤ ᑯᑕᔮᓂᓈᓇᐤ ᒥᓇ ᑭᐟ ᐊᐋᐧᓯᒥᓯᓇᐊᐧᐠ, ᐁᑲᐧ ᒫᑲ ᐃᐦᑐᑕ ᐱᑯ ᑫᑲᐧᐩ ᑭᓭᒪᓂᑐ ᑲ ᐃᑎᐢᑫᐧ.
17ᒉᑲᑊ ᒫᑲ ᑭ ᐸᓯᑯ ᐁ ᑭ ᑌᐦᑕᐱᐋᐟ ᐅᑯᓯᓴ ᒥᓇ ᐃᐧᐊᐧ ᐱᐢᑳᐧᐃᐧᑲᓇ. 18ᑭ ᓯᐯᐧᑕᐁᐤ ᒫᑲ ᑲᐦᑭᔭᐤ ᐅᐟ ᐊᐊᐧᑳᓇ ᒥᓇ ᑲᐦᑭᔭᐤ ᐅᐟ ᐊᔮᐃᐧᓇ ᑳ ᑭ ᑲᐢᑭᑖᐟ, ᒥᓇ ᐊᐊᐧᑳᓇ ᐃᔨᑯᕽ ᑳ ᑭ ᑳᐦᒋᑎᓈᐟ, ᐊᓂᐦᐃ ᑳ ᑭ ᑲᐢᑭᐋᐟ ᐊᓂᑕ ᐹᑕᓀᕒᐋᒥᕽ, ᐁ ᐃᐧ ᓈᑖᐟ ᐅᑖᐃᐧᔭ ᐋᐃᓴᑲ ᑫᓇᐣ ᐊᐢᑭᕽ. 19ᓬᐁᐹᐣ ᒫᑲ ᑭ ᓇᑕᐃᐧ ᐸᐢᑯᓭᐧᐤ ᐅ ᒫᔭᑎᐦᑯᒪ, ᐁᑯᓯ ᕒᐁᒋᓬ ᑭ ᑭᒧᑎᐤ ᐅᑖᐃᐧᔭ ᐅ ᓇᐢᐱᓯᒋᑲᓂᔨᐊᐧ. 20ᒉᑲᑊ ᒫᑲ ᑭᒧᐨ ᑭ ᓯᐯᐧᑌᐤ ᐁᑳ ᐁ ᑭᐢᑫᔨᒥᑯᐟ ᓬᐁᐹᓇ, ᐁᑳ ᐁ ᐃᐧᐦᑕᒪᐋᐧᐟ ᐁ ᐃᐧ ᑕᐸᓯᐟ. 21ᐁᑯᓯ ᒫᑲ ᑭ ᑭᑭ ᑕᐸᓯᐤ ᑲᐦᑭᔭᐤ ᑳ ᐃᓯ ᐊᔮᐟ, ᑭ ᐸᓯᑯ ᒫᑲ ᐁ ᑭ ᐊᓱᐊᐧᐊᕽ ᓯᐱ, ᑭᓬᐃᔭᐟ ᐊᐧᒋᕽ ᒫᑲ ᑭ ᐊᑎ ᐃᑐᑌᐤ.
22ᑭ ᐃᐧᐦᑕᒪᐋᐧᐤ ᒫᑲ ᓬᐁᐹᐣ ᐁ ᐊᑎ ᓂᐢᑐ ᑭᓯᑳᔨᐠ, ᒉᑲᑊ ᐁ ᑭ ᑕᐸᓯᐟ. 23ᑭ ᐃᐧᒉᐁᐧᐤ ᒫᑲ ᐅᒋᐋᐧᒪ ᐁ ᑭ ᐱᒥᑎᓴᐋᐧᐟ ᑌᐳᑯᑊ ᑭᓯᑳᐤ ᐱᒥᐱᒋᐃᐧᐣ ᐃᔨᑯᕽ; ᑭ ᐊᑎᒥᓀᐁᐧᐊᐧᐠ ᒫᑲ ᐊᓂᑕ ᑭᓬᐃᔭᐟ ᐊᐧᒋᕽ. 24ᑭᓭᒪᓂᑐ ᒫᑲ ᑭ ᐅᑎᐦᑌᐤ ᓬᐁᐹᓇ ᐊᓂᐦᐃ ᓯᕒᐃᔭᓇ ᐸᐋᐧᒥᐃᐧᓂᕽ ᐁ ᒣᑳᐧ ᑎᐱᐢᑳᔨᐠ, ᐅᒥᓯ ᐁ ᑭ ᐃᑖᐟ, ᒣᔮᑳᐧᒼ ᐁᑳ ᓈᐣᑕᐤ ᑭᑕ ᐃᑕᐟ ᒉᑲᑊ, ᑳ ᒥᔮᐧᓯᐠ ᐊᐦᐳ ᑳ ᒫᔮᑕᕽ.
25ᓬᐁᐹᐣ ᒫᑲ ᑭ ᐊᑎᒥᓀᐁᐧᐤ ᒉᑲᐸ. ᒉᑲᑊ ᒫᑲ ᑭ ᑲᐯᓯᐤ ᐊᓂᑕ ᐊᐧᒋᕽ; ᓬᐁᐹᐣ ᒫᑲ ᒥᓇ ᐅᒋᐋᐧᒪ ᑭ ᑲᐯᓯᐊᐧᐠ ᐊᓂᑕ ᑭᓬᐃᔭᐟ ᐊᐧᒋᕽ. 26ᓬᐁᐹᐣ ᒫᑲ ᑭ ᐃᑌᐤ ᒉᑲᐸ, ᑫᑲᐧᐩ ᑳ ᑭ ᑐᑕᒪᐣ, ᑭᒧᐨ ᑳ ᑭ ᓯᐯᐧᑌᔭᐣ ᐁᑳ ᐁ ᑭᐢᑫᔨᑕᒫᐣ, ᐁᑯᓯ ᐁ ᑭ ᓯᐯᐧᑕᐊᒋᐠ ᓂᑖᓂᓴᐠ ᑖᐱᐢᑯᐨ ᒧᐢᑎᓈᑲᓇᐠ ᐃᓴᐁᐧᐢᐠ ᐁ ᐅᐦᒋ ᐅᑎᓂᐦᒋᐠ. 27ᑖᓀᐦᑭ ᑭᒧᐨ ᑳ ᑭ ᑕᐸᓯᔭᐣ ᒥᓇ ᑳ ᑭ ᓇᑲᓯᔭᐣ; ᐁᑳ ᒫᑲ ᐁ ᑭ ᐃᐧᐦᑕᒪᐃᐧᔭᐣ, ᑭᑕ ᑭ ᓯᐯᐧᑎᓴᐅᑖᐣ ᒥᔭᐋᐧᑕᒧᐃᐧᓂᕽ, ᓂᑲᒧᐃᐧᓂᕽ, ᒪᑌᐧᔮᐱᑫᐃᑫᐃᐧᓂᕽ, ᒥᓇ ᑭᑐᐦᒋᑫᐃᐧᓂᕽ? 28ᐁᑳ ᒫᑲ ᐁ ᑭ ᐃᔨᓇᒪᐃᐧᔭᐣ ᑭᑕ ᐅᒉᒪᑭᐠ ᓂᑯᓯᓴᐠ ᒥᓇ ᓂᑖᓂᓴᐠ? ᐁᑲᐧ ᑭ ᑭ ᑲᑫᐸᒋᑐᑌᐣ ᐁᑯᓯ ᑳ ᑭ ᑐᑕᒪᐣ. 29ᓂᐟ ᐊᔮᐣ ᐃᐧᔭ ᑲᐢᑭᐦᐁᐃᐧᓯᐃᐧᐣ ᓂᒋᐦᒋᕽ ᓈᐣᑕᐤ ᑭᑕ ᐃᐦᑐᑖᑖᐣ; ᒫᑲ ᐅ ᑭᓭᒪᓂᑐᒪ ᑯᑖᐃᐧ ᓂ ᑭ ᐊᔭᒥᐃᐠ ᐊᐊᐧᓯᑎᐱᐢᑯᕽ ᐅᒥᓯ ᐁ ᐃᓯᐟ, ᒣᔮᑳᐧᒼ ᐁᑳ ᑭᑕ ᐃᑕᐟ ᒉᑲᑊ ᐃᐦᑕᐋᐧᐣ ᑳ ᒥᔮᐧᓯᐠ ᐊᐦᐳ ᑳ ᒫᔮᑕᕽ. 30ᐊᓄᐦᐨ ᒫᑲ ᐋᑕᐃᐧᔭ ᐊᔨᐋᐧᐠ ᐁ ᓄᐦᑌ ᓯᐯᐧᑌᔭᐣ ᒋᑫᒫ ᐁ ᐱᑭᐢᑳᑕᒪᐣ ᑯᑖᐃᐧ ᐃᐧᑭ, ᐁᔨᐁᐧᕽ ᑖᓀᐦᑭ ᑳ ᑭ ᑭᒧᑎᔭᐣ ᓂ ᒪᓂᑐᒪᐠ? 31ᒉᑲᑊ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᓬᐁᐹᓇ, ᓂ ᑭ ᐊᐢᑖᓯᐣ; ᒋᑫᒫ ᓂ ᑭ ᐃᑖᐧᐣ, ᒫᐢᑯᐨ ᓂ ᑲ ᒪᐢᑲᒥᐠ ᐅᑖᓂᓴ. 32ᐊᐃᐧᔭᐠ ᑫ ᒥᐢᑲᐋᐧᐊᐧᑌ ᐁ ᐊᔮᐋᐧᐟ ᑭ ᒫᓂᑐᒪ, ᑭᔮᒼ ᐁᑳᐃᐧᔭ ᑭᑕ ᐱᒫᑎᓯᐤ, ᐁ ᐋᐧᐸᐦᑕᐦᑭᐠ ᑭᒋᐋᐧᒥᓇᐊᐧᐠ ᓇᓈᑕᐃᐧ ᓂᓯᑕᐃᐧᓇ ᐊᓂᒪ ᑭᔭ ᑳ ᐅᐟ ᐊᔮᓂᔭᐣ, ᐅᑎᓇᒫᓱ ᒫᑲ. ᒋᑫᒫ ᒉᑲᑊ ᓇᒪᐃᐧᔭ ᑭᐢᑫᔨᑕᒼ ᕒᐁᒋᓬᐊ ᐁ ᑭ ᑭᒧᑌᔨᐟ.
33ᓬᐁᐹᐣ ᒫᑲ ᑭ ᐱᐦᑐᑫᐤ ᒉᑲᑊ ᐅ ᒥᑭᐋᐧᐱᕽ, ᒥᓇ ᓬᐃᐋ ᐅ ᒥᑭᐋᐧᐱᕽ, ᒥᓇ ᐊᓂᐦᐃ ᓂᓱ ᐊᑐᐢᑫᔮᑲᓂᐢᑫᐧᐊᐧ ᐅ ᒥᑭᐋᐧᐱᔨᕽ, ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ. ᑭ ᐊᐧᔭᐃᐧᐤ ᒫᑲ ᓬᐃᐋ ᐅ ᒥᑭᐋᐧᐱᕽ ᐅᐦᒋ ᐁ ᑭ ᐱᐦᑐᑫᐟ ᕒᐁᒋᓬ ᐅ ᒥᑭᐋᐧᐱᕽ. 34ᕒᐁᒋᓬ ᒫᑲ ᑭ ᐅᑎᓀᐤ ᐊᓂᐦᐃ ᓇᐢᐱᓯᒋᑲᓇ, ᐁ ᑭ ᐊᔭᐟ ᐊᓂᑕ ᐱᐢᑳᐧᐃᐧᑲᓀᐃᐧ ᐊᐢᐸᐱᐃᐧᓂᕽ, ᐁ ᑭ ᐹᑕᑯᐢᑲᐋᐧᐟ ᒫᑲ. ᓬᐁᐹᐣ ᒫᑲ ᒥᓯᐁᐧ ᒥᑭᐋᐧᐱᕽ ᑭ ᓇᓈᑐᓂᑫᐤ, ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ. 35ᐅᒥᓯ ᒫᑲ ᑭ ᐃᑌᐤ ᐅᑖᐃᐧᔭ, ᑭᔮᒼ ᐁᑳᐃᐧᔭ ᑭᑕ ᓇᔦᑖᐁᐧᔨᑕᒼ ᓂᐟ ᐅᑭᒫᒼ ᐁᑳ ᐁ ᑭ ᐸᓯᑯᐢᑖᑖᐣ, ᒋᑫᒫ ᑳ ᐃᓯ ᐊᔮᒋᐠ ᐃᐢᑫᐧᐊᐧᐠ ᓂᐟ ᐃᓯ ᐋᔭᐣ. ᐁᑯᓯ ᑭ ᓇᓈᑐᓂᑫᐤ ᒫᑲ ᓇᒪᐋᐧᐨ ᑭ ᒥᐢᑲᐁᐧᐤ ᓇᐢᐱᓯᒋᑲᓇ.
36ᒉᑲᑊ ᒫᑲ ᑭ ᑭᓯᐋᐧᓯᐤ ᐁᑯᓯ ᐁ ᑭ ᑭᓯᑭᑐᑖᐟ ᓬᐁᐹᓇ; ᒉᑲᑊ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᓬᐁᐹᓇ, ᑫᑲᐧᐩ ᑳ ᐊᐧᓂᑐᑕᒫᐣ ᑳ ᑭ ᐅᐦᒋ ᑭᓯᐢᑳ ᓇᐊᐧᓵᐧᓯᔭᐣ? 37ᐋᑕ ᒥᓯᐁᐧ ᐁ ᑭ ᓇᓈᑐᓂᑫᔭᐣ ᑳ ᑕᐦᑎᑭ ᓂᐟ ᐊᔮᐃᐧᓇ, ᑫᑲᐧᐩ ᑳ ᒥᐢᑲᒪᐣ ᐁᑯᑕ ᑭᑭᕽ ᐁ ᑭ ᐅᐦᒋ ᐅᑎᓂᑳᑌᐟ, ᐊᔭᐢᑖ ᐅᑕ ᑭᑕ ᐋᐧᐸᐦᑕᐦᑭᐠ ᓂᒋᐋᐧᒪᐠ ᒥᓇ ᑭᔭ ᑭᒋᐋᐧᒫᐠ, ᑭᑕ ᐅᓇᓱᐋᐧᑎᑯᔭᑯᐠ ᑳ ᐃᓯ ᓂᓯᔭᕽ. 38ᐁᐊᐧᑯ ᐅᒪ ᓂᓯᑕᓇᐤ ᑕᐦᑐ ᐱᐳᐣ ᐁ ᑫ ᐃᐧᒋᐊᔮᒥᑖᐣ; ᑭ ᓄᓭᒫᔭᑎᑯᒪᐠ ᒥᓇ ᑭ ᓄᓯᐋᐧᐸᑎᑯᒪᐠ ᓇᒪᐃᐧᔭ ᑭ ᐁᐧᐱᓄᓭᐊᐧᐠ, ᒥᓇ ᔭᐯᒫᔭᑎᑲᐧᐠ ᑭ ᒫᔭᑎᐦᑯᒪᐠ ᓇᒪᐃᐧᔭ ᓄᐦ ᒧᐋᐧᐊᐧᐠ. 39ᐊᓂᑭ ᑳ ᐱᑯᐱᑎᑯᒋᐠ ᐱᓯᐢᑭᐊᐧ ᓇᒪᐃᐧᔭ ᑭ ᐯᑕᒫᑎᐣ, ᓂᔭ ᓂ ᑭ ᐊᐧᓂᒋᑳᐣ, ᓂᒋᐦᒋᕽ ᑭ ᑭ ᓇᑕᐁᐧᔨᑕᒪᐃᐧᐣ ᑭᐢᐱᐣ ᐁ ᑭ ᑭᒧᑎᓈᓂᐊᐧᕽ ᐁ ᒣᑲᐧ ᑭᓯᑳᐠ ᐊᐦᐳ ᐁ ᑭ ᑭᒧᑎᓈᓂᐊᐧᕽ ᐁ ᒣᑳᐧ ᑎᐱᐢᑳᐠ. 40ᐁᑯᓯ ᐅᒪ ᑳ ᐃᓯ ᐊᔮᔮᐣ; ᐁ ᑭᓯᑳᐠ ᓂ ᑭ ᓂᐸᐦᐋᐹᑲᐧᐣ, ᒥᓇ ᑌᐱᐢᑳᑭ ᓂ ᑭ ᑲᐊᐧᒋᐣ, ᒥᓇ ᐁᑳ ᐁ ᑭ ᓂᐹᔮᐣ. 41ᐁᑯᓯ ᐅᒪ ᑳ ᐃᓯ ᐊᔮᔮᐣ ᓂᓯᑕᓇᐤ ᑕᐦᑐ ᐱᐳᐣ ᑭᑭᕽ; ᒥᑖᑕᐦᐟ ᓀᐅᓵᑊ ᑕᐦᑐ ᐱᐳᐣ ᑭ ᑭ ᐊᑐᐢᑫᐢᑖᑎᐣ ᐁ ᓂᓯᒋᐠ ᑭᑖᓂᓴᐠ ᐅᐦᒋ, ᒥᓇ ᓂᑯᑖᐧᓯᐠ, ᑭᐟ ᐊᐊᐧᑳᓇᐠ ᐅᐦᒋ; ᒥᓇ ᒥᑖᐦᑖᐧᐤ ᑭ ᑭ ᐋᑕᐢᑖᐣ ᓂ ᑎᐸᐦᐊᒫᑯᐃᐧᐣ. 42ᑭᐢᐱᐣ ᐁᑳ ᐅ ᑭᓭᒪᓂᑐᒪ ᓄᑖᐃᐧ, ᐅ ᑭᓭᒪᓂᑐᒪ ᐁᑊᕒᐁᐋᒼ ᒥᓇ ᐅ ᑯᐢᑖᑲᓇ ᐋᐃᓴᐠ ᑭ ᐃᐧᒉᐃᐧᐟ, ᑫᐦᒋᓈ ᐊᓄᐦᐨ ᐱᓯᓯᐠ ᑭ ᑲ ᑭ ᓯᐯᐧᑎᓴᐦᐅᐣ. ᑭᓭᒪᓂᑐ ᑭ ᐋᐧᐸᐦᑕᒼ ᓂ ᑯᑕᑭᑖᐃᐧᐣ, ᒥᓇ ᓂᐟ ᐊᑐᐢᑫᐃᐧᐣ ᓂᒋᐦᒋᕽ, ᑳ ᑭ ᐅᐦᒋ ᑭᑕᐦᐊᒫᐢᐠ ᐊᐊᐧᓯᑎᐱᐢᑯᕽ.
43ᓬᐁᐹᐣ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ ᒉᑲᐸ, ᐅᑭ ᐅᑖᓂᓯᒫᐊᐧᐠ ᓂᔭ ᓂᑖᓂᓴᐠ, ᒥᓇ ᐅᑭ ᐊᐋᐧᓯᓴᐠ ᓂᔭ ᓂᐟ ᐊᐋᐧᓯᒥᓴᐠ, ᒥᓇ ᐅᑭ ᐊᐊᐧᑳᓇᐠ ᓂᔭ ᓂᐟ ᐊᐊᐧᑳᓇᐠ, ᒥᓇ ᑕᐦᑐ ᑫᑲᐧᐩ ᑳ ᐋᐧᐸᐦᑕᒪᐣ ᓂᔭ ᓂᐟ ᐊᔮᐣ; ᑫᑲᐧᐩ ᒫᑲ ᑫ ᑭ ᑐᑕᐊᐧᑭᐠ ᐅᑭ ᓂᑖᓂᓴᐠ ᐊᓄᐦᐨ ᑳ ᑭᓯᑳᐠ, ᐊᐦᐳ ᐊᓂᐦᐃ ᐅᐟ ᐊᐋᐧᓯᒥᓯᐋᐧᐊᐧ ᑳ ᑭ ᓂᐦᑖᐃᐧᑭᐦᐋᒋᐠ? 44ᐁᑲᐧ ᒫᑲ ᑭᔮᒼ ᐃᐧᒋᐦᐃᓯᒋᑫᒥᑐᑖᐠ, ᓂᔭ ᒥᓇ ᑭᔭ; ᑭᔮᒼ ᒫᑲ ᐁᐊᐧᑯ ᑭ ᑲ ᐋᒋᒥᑯᓈᓇᐤ ᓂᔭ ᒥᓇ ᑭᔭ.
45ᒉᑲᑊ ᒫᑲ ᑭ ᐅᑎᓀᐤ ᐊᓯᓂᔭ ᐁᑯᓯ ᐁ ᑭ ᒋᒪᔮᐟ. 46ᐁᑯᓯ ᒉᑲᑊ ᑭ ᐃᑌᐤ ᐅᒋᐋᐧᒪ, ᒧᓴᑭᓂᑯᐠ ᐊᓯᓂᔭᐠ; ᑭ ᐅᑎᓀᐊᐧᐠ ᒫᑲ ᐊᓯᓂᔭ ᐁ ᑭ ᐱᐢᑲᐧᔮᒋᐠ, ᑕᐦᑯᐨ ᒫᑲ ᐁᑯᑕ ᐱᐢᑲᐧᓯᓂᕽ ᑭ ᒥᒋᓱᐊᐧᐠ. 47ᓬᐁᐹᐣ ᒫᑲ ᒋᑲᕒᓭᐋᑐᐦᑕ ᑭ ᐃᓯᔨᐦᑳᑕᒼ; ᒫᑲ ᒉᑲᑊ ᑳᓬᐃᐟ ᑭ ᐃᓯᔨᐦᑳᑕᒼ. 48ᓬᐁᐹᐣ ᒫᑲ ᑭ ᐃᑌᐧᐤ, ᐅᒪ ᐱᐢᑲᐧᓯᓂᑳᐣ ᑭ ᑲ ᐋᒋᒥᑯᓈᓇᐤ ᐁᓯ ᓂᓯᔭᕽ ᐊᓄᐦᐨ ᑳ ᑭᓯᑳᐠ; ᐁᐊᐧᑯ ᒫᑲ ᐅᐦᒋ ᑳᓬᐃᐟ ᑳ ᑭ ᐃᓯᔨᐦᑳᑌᐠ. 49ᒥᓇ ᒥᐢᐸ, ᒋᑫᒫ ᑭ ᐃᑌᐧᐤ, ᑳ ᑎᐯᔨᐦᒋᑫᐟ ᑭ ᑲ ᓈᑲᑕᐋᐧᐸᒥᑯᓇᐤ ᑳ ᐃᓯ ᓂᓯᔭᕽ, ᐃᐢᐱ ᐁᑳ ᐋᐧᐸᐦᑐᔭᑯ. 50ᑭᐢᐱᐣ ᑯᑕᑭᐊᑖᐧᐃᐧ ᓂᑖᓂᓴᐠ, ᒥᓇ ᑭᐢᐱᐣ ᑯᑕᑲᐠ ᐃᐧᐃᐧᔭᓂ ᐁ ᐋᑕ ᐃᐧᐃᐧᔭᐣ ᓂᑖᓂᓴᐠ, ᓇᒪᐃᐧᔭ ᐊᐃᐧᔭᐠ ᑭ ᐃᐧᒉᑯᓇᐤ, ᐋᐧᐸᐦᑕ, ᑭᓭᒪᓂᑐ ᑭ ᑲ ᐋᒋᒥᑯᓇᐤ ᑳ ᐃᓯ ᓂᓯᔭᕽ. 51ᓬᐁᐹᐣ ᒫᑲ ᑭ ᐃᑌᐤ ᒉᑲᐸ, ᐋᐧᐸᐦᑕ ᐅᒪ ᑳ ᐱᐢᑲᐧᐢᑌᐠ ᒥᓇ ᐋᐧᐸᐦᑕ ᐅᒪ ᑳ ᒋᒪᑌᐠ, ᑳ ᑭ ᐸᑭᑎᓇᒫᐣ ᑭᔮᓇᐤ ᐁ ᐃᓯ ᓂᓯᔭᕽ ᐅᐦᒋ. 52ᐅᒪ ᐱᐢᑲᐧᓯᓂᑳᐣ ᑭᑕ ᐋᒋᒧᒪᑲᐣ, ᒥᓇ ᐅᒪ ᑳ ᒋᒪᑌᐠ ᑭᑕ ᐋᒋᒧᒪᑲᐣ, ᐁᑳ ᑭᑕ ᒪᔮᐢᑲᒫᐣ ᐅᒪ ᑳ ᐃᐢᐸᐢᑌᐠ ᑭᑕ ᐯ ᓈᑎᑖᐣ, ᒥᓇ ᑭᔭ ᐁᑳ ᑭᑕ ᒪᔮᐢᑲᒪᐣ ᐅᒪ ᑳ ᐃᐢᐸᐢᑌᐠ ᐊᐦᐳ ᐅᒪ ᑳ ᒋᒪᑌᐠ ᑭᑕ ᐯ ᓈᓯᔭᐣ, ᐊᐧᓂᑐᑖᑐᐃᐧᐣ ᐅᐦᒋ. 53ᐅ ᑭᓭᒪᓂᑐᒪ ᐁᑊᕒᐁᐋᒼ, ᐅ ᑭᓭᒪᓂᑐᒪ ᓀᐦᐅᕒ. ᐅ ᑭᓭᒪᓂᑐᒥᔨᐊᐧ ᐅᑖᐃᐧᐋᐧᐊᐧ ᑭ ᑲ ᐅᔭᓱᐋᐧᑎᑯᓇᐤ ᑳ ᐃᓯ ᓂᓯᔭᕽ, ᒉᑲᑊ ᒫᑲ ᑭ ᐊᐢᐱ ᑭᐦᒋᐃᑌᐧᐤ ᐅ ᑯᐢᑖᑲᓂᔨᐊᐧ ᐅᑖᐃᐧᔭ ᐋᐃᓴᐠ.
54ᒉᑲᑊ ᒫᑲ ᑭ ᐸᑭᑎᓈᓱ ᐁᑯᑕ ᐊᐧᒋᕽ, ᐁᑯᓯ ᐁ ᑭ ᓇᑐᒫᐟ ᐅᒋᐋᐧᒪ ᑭᑕ ᒧᐋᐧᔨᐟ ᐸᐦᑫᐧᓯᑲᓇ; ᑭ ᒧᐁᐧᐊᐧᐠ ᒫᑲ ᐸᐦᑫᐧᓯᑲᓇ, ᒥᓇ ᑳᐯᑎᐱᐢᐠ ᐁ ᑭ ᐊᔮᒋᐠ ᐊᐧᒋᕽ. 55ᐃᐧᐸᐨ ᒫᑲ ᐁ ᐊᑎ ᑫᑭᓭᐹᔮᐠ ᓬᐁᐹᐣ ᑭ ᐊᐧᓂᐢᑳᐤ, ᐁ ᑭ ᐅᒉᒫᐟ ᐅᑯᓯᓴ ᒥᓇ ᐅᑖᓂᓴ, ᒥᓇ ᐁ ᑭ ᓴᓴᐁᐧᔨᒫᐟ; ᓬᐁᐹᐣ ᒫᑲ ᑭ ᓯᐯᐧᑌᐤ, ᐅᐟ ᐊᐢᑭᕽ ᐁ ᑭ ᐃᓯ ᑭᐁᐧᐟ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
This Bible text is a corrected edition of the 1908 Western Cree Bible; it is in the public domain.