Luk 11
11
Ịdi ạJizos ạtughemi mọ ọoḅereghi ghan
(Matiu 6.9-13; 7.7-11)
1Eniin aḍio ạJizos ạrol li eniin esi ạaḅereghi ghan Ẹnaan. Kụ rọoḅereghi rọman, kụ oniin ạmatuan phọ ọdi ạḅeni nyọdi mọ, “Ọmoogh-we, ụtughemi iyoor ịlo ọoḅereghi ghan, ịdipho ạJon ạtughemi bọ bụmatuan phọ ọdi.”
2Kụ ạJizos ạḅeni bịdi mọ, “Mem lọ nyina rẹeḅereghi, ịḅem ghan mọ,
“‘Ọde,
eegu ẹrolonaan ḍien phọ ạna!
Ọmar phọ ạna aru ni!
3Ụngo ghan iyoor eḍien ẹlo aḍio ḍio ḍio.
4Sạr ịkaraph phọ ayoor ụwilenaan iyoor,
ịdipho yoor rọbilenaan ghan bọ tọrobo ọlo uḍighi iyoor ịkaraph.
Kámeera yoor omeel oḍighinaan ọdegh ophogh.’”
5Kụ ạJizos ạḅeni bụmatuan phọ ọdi mọ, “Eḍighi mạar dị oniin ọnyo anyina ạghi kꞌọyaghiri ọdi ogbo aḍughul kụ ạlom mọ, ‘Ụngaani ịraar iiḅoghoḍi ạbred. 6Ọyaghiri ạmi dị odi erelhe aḍigh ni ọmiin ạmi, kụ ịyaar ọngo ịmi ílho.’ 7Kụ eḍighi mạar dị oye phọ amegheron ẹpe ologhi otu phọ kụ ạḅem mọ, ‘Ịmi kụ́uḅaghami yogh. Mị maghughi otu phọ. Ạnmuny ạmi rꞌạmi mọmina yogh. Mị kátue mun aḅetenu ạngo nyịna ịyaar.’ 8Eḍighi ịduon phọ, koḍighi ika? Mị rịḅeni ghan inyina mọ ghạlamo ọdi káḅetenu ni ạngo nyịna ạbred phọ loor esi dị ọdi aḍighi bọ ọyaghiri ạna, kụ ạri ọdi kaḅetenu ni ạngo nyịna oomo phọ ịpe ekuom bọ nyịna loor esi dị umugholoor nyịna rásiph ọlom ghan ọdi.
9“Kụ mị rịḅeni ghan inyina mọ ịlom ghan, kịngo ni inyina. Ịwa ghan, nyina kẹmiin ni. Ikar ghan, kighughuronaan ni inyina. 10Tọrobo oye lọ ạlom, kọngo ni nyọdi. Oye lọ ạwa kạmiin ni. Oye lọ akar, kokughuronaan ni nyọdi. 11Ọghen ọde sịphe ogbo phọ anyina kụ ọdi ọony ọdi kạlom ena kụ kạḅile ạsighe ẹkaraph-ịyaar ạngo nyọdi? 12Mọ ọdi ạlhom eghelhe ạkenegh kụ kạsighe ḍikororoph ạnyu ade ạngo nyọdi? 13Ghạlamo nyina ạbukaraph phọ bịn rẹngo ghan ni nmụny anyina igey ạraraar kụ ẹghiom nụun ologhi ịdi Ọde phọ anyina odi bọ kꞌạke phọ kạngo bụphe ọlom bọ nyọdi Uwaloor Iigbia phọ?”
ẠJizos rꞌaBielzebul
(Matiu 12.22-30; Mạk 3.20-27)
14Eniin aḍio ạJizos aphorogh ni ọkaraph uwaloor dị ụ́ḅa ghan. Ọdi rophorogh ọkaraph uwaloor phọ, kụ oye ekpom ọka phọ amiigh ọḅa. Iḍighi ni iikia esi aḍita awe phọ, 15#Mat 9.34; 10.25dị buniin ọḅem ni mọ, “Ọdi ạsighe ịikpo aBielzebul ọkpana aruru phọ kụ raporoghom ghan bọ ruru phọ.”
16 #
Mat 12.38; 16.1; Mạk 8.11 Buniin ụwa ghan ịlo ọdegh ọdi ophogh kụ ọḅeni nyọdi mọ ọdi ạsighe eḍeenaan kꞌạke aḍeenaan bụno. 17Kụ ạJizos malhegheri bọ ịitughian phọ ạbidi kụ ạḅeni bịdi mọ, “Ọmar lọ ạaya kape ni, kụ eghunotu lọ ạaya kemeel li. 18Kụ eḍighi mạar dị aSetan ạwaanaan sighiton loor phọ ọdi kụ ạaya, pọ ọmar phọ ọdi kạ́meera. Ịduon nyina rẹḅem ghan bọ mọ ạmi ụsighe ịikpo aBielzebul kụ raporoghom bọ ruru phọ, 19mụdi ịikpo phọ ạbumatuan phọ anyina ọsighe bọ roporoghom ghan ruru phọ ịḍua ẹghen kụ emite? Ạbumatuan phọ anyina kụ ugananami ọkpe phọ anyina. 20Ịikpo phọ Ẹnaan kụ ẹdi mị ạsighe bọ raporoghom ruru phọ. Kụ ịduon phọ reḍeenaan ghan mọ ọmar phọ kꞌẸnaan maru ni sịen ogbo phọ anyina, kụ nyina ílegheri.
21“Mem dị ọkparam-ịikpo mạnyaaghian ịinya ẹgham kụ rakoriom otu phọ ọdi, oomo ạraraar phọ ọdi mekpetenaan rụḅa. 22Kụ oye dị ạmoogh ịikpo apu nyọdi kụ azuom nyọdi ạkpar apu, pọ katool li oomo ịinya ẹgham mọ uwotu phọ aḍuom bọ ologhi phọ, ạḍuanam kụ adi rạraar phọ ọdi amiighi bọ aakpomoghi.
23 #
Mạk 9.40
“Oye lọ ịmi úḍighan, pọ rueenom ịmi ẹgham; kụ oye lọ ịmi úḍighan ookpomoghi iyool-ịga phọ, pọ rạwalalami ghan bịdi.”
Ọkaraph uwaloor ạḅile aḅula
(Matiu 12.43-45)
24“Mem lọ ọkaraph uwaloor amite loor oye ạḍua, ọdi ratelhe yogh ghan rikpisi lọ ạmuum úlho ọwa amarugh. Kụ eru mạar dị ụ́miin, kụ ạḅem mọ, ‘Mị kạḅile ni aḅula otu phọ ạmi mị ạḍua bọ kụ amite.’ 25Kụ ọdi atu ạmiin dị moḅeer esi phọ oselemi. 26Kụ ọdi ạki ạsighe oḍual ịnon ịkaraph aruwaloor dị eeph epu nyọdi, kụ etu etugh sịphe phọ kụ ạdol oye phọ ọpo kebeeph epu ḍịḅel phọ.”
Ọkaraghi aḍigey ạḍiseph
27Mem dị ạJizos ạghaaph bọ ịphen phọ ạmadan, oniin ạnir dị ạrol sịphe ogbo aḍita awe phọ ạḅeni ni nyọdi mọ, “Ạḍiseph edianaan ni ạnir phọ ọpo ạmar bọ nyịna, ạḅile ạngo mạmaam.”
28Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”
Opuru ọmiin aani eḍeenaan
(Matiu 12.38-42)
29 #
Mat 16.4; Mạk 8.12 Mem dị aḍita phọ okoom bọ Jịzos rẹbugh, ọdi ạḅem ni mọ, “Uḍighi ika kụ awe ạnyiidipho eeph bọ ịduon phọ! Bịdi rọwa ghan eḍeenaan kꞌạke, kụ eḍeenaan dị kọngo bịdi ílho emuton eḍeenaan phọ aJona oyil phọ Ẹnaan. 30#Jona 3.4Ịdipho aJona oyil phọ Ẹnaan kụ aḍighi bọ eḍeenaan dị Ẹnaan ẹngo weye phọ aNineve kụ ịdi Ọony phọ Oye kaḍighi aani eḍeenaan dị ẹngo we phọ ạnyiidipho. 31#1 Ạbud 10.1-10; 2 Krọ 9.1-12Ḍio ịiruen phọ, ukueni-ạnir phọ ọpo ạda bọ Siba kaḅetenu ni kụ ạgba iphume inyina, ịdi eḍighi bọ ọdi ạḍua kꞌegher ekpisi kụ aru ọnaghan ọghaaph olegheri-ịyaar phọ ạSolomon, kụ ịnaghan, ịyaar dị ẹman ịyaar epu Sọlomon edi ni sịen. 32#Jona 3.5Ḍio ịiruen phọ, aweye aNineve koḅetenu aani ni kụ ọgba iphume inyina, ịdi eḍighi bọ bịdi ụnaghanan ni ọghaaph phọ aJona kụ okiton esi ịkaraph phọ ạbidi, kụ ịnaghan, ịyaar dị ẹman ịyaar epu Jona edi ni sịen.”
Ọtozi aloor oye
(Matiu 5.15; 6.22-23)
33 #
Mat 5.15; Mạk 4.21; Luk 8.16 “Oye ólho dị kạsu ọtozi kụ ạbooghi, ḅịle kẹn ạsighe ịyaar aakpereghiom. Kạḅam ghan ghụn ạnyu igbogh ịkasi pịdi awe lọ oḍigh otu phọ ọmiin ghan eten. 34Ariḍien phọ ạna kụ ọtozi aloor phọ ạna. Eḍighi mạar dị nạ ạmoogh eeḅi ekpeḍien, pọ ạḍiḅaal kụ imuza oomo aloor phọ ạna. Kụ eḍighi mạar dị nạ ạmoogh ẹkaraph ekpeḍien, pọ ufiri maḍigh loor phọ ạna amuza. 35Loor ịphen phọ, imiigha loor ọbo ekpeḍien phọ rẹngo ghan bọ ọmiin eten loor phọ ạna keḍighi ghan bọ ufiri. 36Eḍighi mạar dị ạḍiḅaal kụ emuza oomo aloor phọ ạna kụ ufiri úloom, pọ kẹmu ni ekitonom nyịna, ịdipho ọtozi rasoorom ghan bọ oye kạngo ḍịḅaal.”
ẠJizos ạpur rụru ịlo otul aFarisi phọ ḅịle rꞌạbutughemia iilogh phọ
(Matiu 23.1-36; Mạk 12.38-40)
37Mem dị ạJizos ạghaaph bọ ạmadan, kụ oniin ọnyo aFarisi ạmagh nyọdi mọ aru kꞌọno olian eḍien. Kụ ọdi ạghi ạrol ude olian eḍien phọ. 38Ịpher ri ọnyo aFarisi phọ mem dị ạmiin bọ mọ ạJizos amiigh ni olhe eḍien phọ rꞌịipuan pụupuan ạraghaagh. 39Kụ Ọmoogh-we phọ ạḅeni nyọdi mọ, “Nyina ạbuo aFarisi phọ reetologh ghan sịgbagba rꞌạrukpa kẹḅaalami ẹphen ạnyu phọ, kụ ekpooko rꞌịkaraph kụ imuza sịphe iloghi phọ anyina. 40Rolologhi, Ẹnaan phọ ẹlhem bọ ạnyu phọ kụ ị́lem aani bọ ologhi phọ ḍụghum? 41Ịsighe ịpe edi bọ sịgbagba rꞌạrukpa phọ anyina ẹngo rukulom, bịn oomo ạraraar mịḅaalanaan inyina.
42 #
Lịv 27.30
“Pọ eeghe ọdo ịminimiin dị kịrolonaan inyina aFarisi phọ! Nyina redi ghan ghạlamo rꞌịikiripha amooboph ḍioph abin kẹsighe muniin ẹngo Ẹnaan, kụ meghel asiph rꞌakeel rꞌẹphomoghian phọ Ẹnaan. Iḍighi ghan ịphen phọ kụ egbi ghan ọḅaram ịpheri phọ.
43“Pọ eeghe ọdo ịminimiin dị kịrolonaan inyina aFarisi phọ, ịdi eḍighi bọ ọrologhu ghan ariisi eghuan ẹpe arubughotu phọ, rꞌịimaghaghan eghuan ẹpe asiḍighi phọ kụ ịḅeeraan inyina! 44Pọ eeghe ọdo ịminimiin dị kịrolonaan inyina. Nyina ẹkigh iiḍi dị úlegheri mun kụ aweye rọozeghi ghan koten bịn ọopuan loor!”
45Oniin ọgbaam iilogh phọ ạḅeni ni nyọdi mọ, “Ọtughemia, ịphen nạ ạḅem bọ nạ ruufolomiom aani ni iyoor.”
46Kụ ọdi mọ, “Pọ eeghe ọdo ịminimiin dị kịrolonaan aani inyina ạbugbaam iilogh phọ! Nyina rẹgban ghan sidool dị kótue otool kelereghi bụnon aweye, kụ ạri rꞌạghunugh anyina rạ́ḅogh aani ni rꞌaḍiniin adool phọ. 47Pọ eeghe ọdo ịminimiin dị kịrolonaan inyina! Nyina ẹsimenti yogh ạnyu iiḍi ariil phọ Ẹnaan ạburude ạburude phọ anyina ọzeeghi bọ. 48Loor ịphen phọ nyina mẹgba emitiom rꞌaloor anyina, mọ ịpe ạburude phọ anyina oḍighi yogh bọ ịḅeeraan ni inyina, ịdipho nyina mẹsimenti yogh bọ iiḍi ạbuphe ạburude ạburude phọ anyina ọzeeghi bọ. 49Esi ịduon phọ, Ẹnaan ẹḅem ni sịphe ạḍinya olegheri-ịyaar phọ ọdi mọ, ‘Mị katom ni riil rꞌabutelhedom ạkiom bịdi, kụ bịdi kọze ni buniin, ọgbiphoghom buniin.’ 50Ịduon kụ iḍighi kụ kọsighe ghẹlhe ọzeeghi oomo ariil phọ kꞌẹḅel egbiom aḅirini phọ ọḅam rụmhu aweye oghiil phọ ọphon, 51#Emi 4.8; 2 Krọ 24.20, 21emiigh kꞌEbel kụ ẹteeny Zẹkaraya, ọpo oghiigh bọ sịphe ogbo ọgbanaghi ịyaar aghuḍum mọ rꞌẠdol Iigbia Otu Ịiḅereghi phọ. Mị ạkar rịḅeni ghan inyina mọ ạghelhe oomo ạraraar phọ ịphen kạtolonaan ni weye oghiil phọ ọphon.
52“Pọ eeghe ọdo ịminimiin dị kịrolonaan inyina ạbugbaam iilogh phọ! Nyina mẹsighe ịsabi otu olegheri-ịyaar phọ ẹḍuanam. Nyina rꞌaloor anyina ímeera ni iḍigh, kụ imirighan ni bụphe ọwa ghan bọ oḍigh phọ.”
53Mem dị ạJizos amite bọ sịphe phọ ạḍua, ạbutughemia iilogh phọ rꞌaFarisi phọ ụḍagha ni nyọdi iboom, ọbo eḍigh ọnhu ọdi ọghaaphogh ịbadi ạraraar. 54Bịdi ugon ghan ni ọnaghan ạḍughum ọnhu ọdi kụ ọsighe osiphom ọdi.
လက္ရွိေရြးခ်ယ္ထားမွု
Luk 11: ẠḌI
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Luk 11
11
Ịdi ạJizos ạtughemi mọ ọoḅereghi ghan
(Matiu 6.9-13; 7.7-11)
1Eniin aḍio ạJizos ạrol li eniin esi ạaḅereghi ghan Ẹnaan. Kụ rọoḅereghi rọman, kụ oniin ạmatuan phọ ọdi ạḅeni nyọdi mọ, “Ọmoogh-we, ụtughemi iyoor ịlo ọoḅereghi ghan, ịdipho ạJon ạtughemi bọ bụmatuan phọ ọdi.”
2Kụ ạJizos ạḅeni bịdi mọ, “Mem lọ nyina rẹeḅereghi, ịḅem ghan mọ,
“‘Ọde,
eegu ẹrolonaan ḍien phọ ạna!
Ọmar phọ ạna aru ni!
3Ụngo ghan iyoor eḍien ẹlo aḍio ḍio ḍio.
4Sạr ịkaraph phọ ayoor ụwilenaan iyoor,
ịdipho yoor rọbilenaan ghan bọ tọrobo ọlo uḍighi iyoor ịkaraph.
Kámeera yoor omeel oḍighinaan ọdegh ophogh.’”
5Kụ ạJizos ạḅeni bụmatuan phọ ọdi mọ, “Eḍighi mạar dị oniin ọnyo anyina ạghi kꞌọyaghiri ọdi ogbo aḍughul kụ ạlom mọ, ‘Ụngaani ịraar iiḅoghoḍi ạbred. 6Ọyaghiri ạmi dị odi erelhe aḍigh ni ọmiin ạmi, kụ ịyaar ọngo ịmi ílho.’ 7Kụ eḍighi mạar dị oye phọ amegheron ẹpe ologhi otu phọ kụ ạḅem mọ, ‘Ịmi kụ́uḅaghami yogh. Mị maghughi otu phọ. Ạnmuny ạmi rꞌạmi mọmina yogh. Mị kátue mun aḅetenu ạngo nyịna ịyaar.’ 8Eḍighi ịduon phọ, koḍighi ika? Mị rịḅeni ghan inyina mọ ghạlamo ọdi káḅetenu ni ạngo nyịna ạbred phọ loor esi dị ọdi aḍighi bọ ọyaghiri ạna, kụ ạri ọdi kaḅetenu ni ạngo nyịna oomo phọ ịpe ekuom bọ nyịna loor esi dị umugholoor nyịna rásiph ọlom ghan ọdi.
9“Kụ mị rịḅeni ghan inyina mọ ịlom ghan, kịngo ni inyina. Ịwa ghan, nyina kẹmiin ni. Ikar ghan, kighughuronaan ni inyina. 10Tọrobo oye lọ ạlom, kọngo ni nyọdi. Oye lọ ạwa kạmiin ni. Oye lọ akar, kokughuronaan ni nyọdi. 11Ọghen ọde sịphe ogbo phọ anyina kụ ọdi ọony ọdi kạlom ena kụ kạḅile ạsighe ẹkaraph-ịyaar ạngo nyọdi? 12Mọ ọdi ạlhom eghelhe ạkenegh kụ kạsighe ḍikororoph ạnyu ade ạngo nyọdi? 13Ghạlamo nyina ạbukaraph phọ bịn rẹngo ghan ni nmụny anyina igey ạraraar kụ ẹghiom nụun ologhi ịdi Ọde phọ anyina odi bọ kꞌạke phọ kạngo bụphe ọlom bọ nyọdi Uwaloor Iigbia phọ?”
ẠJizos rꞌaBielzebul
(Matiu 12.22-30; Mạk 3.20-27)
14Eniin aḍio ạJizos aphorogh ni ọkaraph uwaloor dị ụ́ḅa ghan. Ọdi rophorogh ọkaraph uwaloor phọ, kụ oye ekpom ọka phọ amiigh ọḅa. Iḍighi ni iikia esi aḍita awe phọ, 15#Mat 9.34; 10.25dị buniin ọḅem ni mọ, “Ọdi ạsighe ịikpo aBielzebul ọkpana aruru phọ kụ raporoghom ghan bọ ruru phọ.”
16 #
Mat 12.38; 16.1; Mạk 8.11 Buniin ụwa ghan ịlo ọdegh ọdi ophogh kụ ọḅeni nyọdi mọ ọdi ạsighe eḍeenaan kꞌạke aḍeenaan bụno. 17Kụ ạJizos malhegheri bọ ịitughian phọ ạbidi kụ ạḅeni bịdi mọ, “Ọmar lọ ạaya kape ni, kụ eghunotu lọ ạaya kemeel li. 18Kụ eḍighi mạar dị aSetan ạwaanaan sighiton loor phọ ọdi kụ ạaya, pọ ọmar phọ ọdi kạ́meera. Ịduon nyina rẹḅem ghan bọ mọ ạmi ụsighe ịikpo aBielzebul kụ raporoghom bọ ruru phọ, 19mụdi ịikpo phọ ạbumatuan phọ anyina ọsighe bọ roporoghom ghan ruru phọ ịḍua ẹghen kụ emite? Ạbumatuan phọ anyina kụ ugananami ọkpe phọ anyina. 20Ịikpo phọ Ẹnaan kụ ẹdi mị ạsighe bọ raporoghom ruru phọ. Kụ ịduon phọ reḍeenaan ghan mọ ọmar phọ kꞌẸnaan maru ni sịen ogbo phọ anyina, kụ nyina ílegheri.
21“Mem dị ọkparam-ịikpo mạnyaaghian ịinya ẹgham kụ rakoriom otu phọ ọdi, oomo ạraraar phọ ọdi mekpetenaan rụḅa. 22Kụ oye dị ạmoogh ịikpo apu nyọdi kụ azuom nyọdi ạkpar apu, pọ katool li oomo ịinya ẹgham mọ uwotu phọ aḍuom bọ ologhi phọ, ạḍuanam kụ adi rạraar phọ ọdi amiighi bọ aakpomoghi.
23 #
Mạk 9.40
“Oye lọ ịmi úḍighan, pọ rueenom ịmi ẹgham; kụ oye lọ ịmi úḍighan ookpomoghi iyool-ịga phọ, pọ rạwalalami ghan bịdi.”
Ọkaraph uwaloor ạḅile aḅula
(Matiu 12.43-45)
24“Mem lọ ọkaraph uwaloor amite loor oye ạḍua, ọdi ratelhe yogh ghan rikpisi lọ ạmuum úlho ọwa amarugh. Kụ eru mạar dị ụ́miin, kụ ạḅem mọ, ‘Mị kạḅile ni aḅula otu phọ ạmi mị ạḍua bọ kụ amite.’ 25Kụ ọdi atu ạmiin dị moḅeer esi phọ oselemi. 26Kụ ọdi ạki ạsighe oḍual ịnon ịkaraph aruwaloor dị eeph epu nyọdi, kụ etu etugh sịphe phọ kụ ạdol oye phọ ọpo kebeeph epu ḍịḅel phọ.”
Ọkaraghi aḍigey ạḍiseph
27Mem dị ạJizos ạghaaph bọ ịphen phọ ạmadan, oniin ạnir dị ạrol sịphe ogbo aḍita awe phọ ạḅeni ni nyọdi mọ, “Ạḍiseph edianaan ni ạnir phọ ọpo ạmar bọ nyịna, ạḅile ạngo mạmaam.”
28Kụ ạJizos mọ, “Ạḍiseph edianaan ghụn ni bụphe rọnaghan ghan bọ ọghaaph phọ Ẹnaan kọḅile ooko.”
Opuru ọmiin aani eḍeenaan
(Matiu 12.38-42)
29 #
Mat 16.4; Mạk 8.12 Mem dị aḍita phọ okoom bọ Jịzos rẹbugh, ọdi ạḅem ni mọ, “Uḍighi ika kụ awe ạnyiidipho eeph bọ ịduon phọ! Bịdi rọwa ghan eḍeenaan kꞌạke, kụ eḍeenaan dị kọngo bịdi ílho emuton eḍeenaan phọ aJona oyil phọ Ẹnaan. 30#Jona 3.4Ịdipho aJona oyil phọ Ẹnaan kụ aḍighi bọ eḍeenaan dị Ẹnaan ẹngo weye phọ aNineve kụ ịdi Ọony phọ Oye kaḍighi aani eḍeenaan dị ẹngo we phọ ạnyiidipho. 31#1 Ạbud 10.1-10; 2 Krọ 9.1-12Ḍio ịiruen phọ, ukueni-ạnir phọ ọpo ạda bọ Siba kaḅetenu ni kụ ạgba iphume inyina, ịdi eḍighi bọ ọdi ạḍua kꞌegher ekpisi kụ aru ọnaghan ọghaaph olegheri-ịyaar phọ ạSolomon, kụ ịnaghan, ịyaar dị ẹman ịyaar epu Sọlomon edi ni sịen. 32#Jona 3.5Ḍio ịiruen phọ, aweye aNineve koḅetenu aani ni kụ ọgba iphume inyina, ịdi eḍighi bọ bịdi ụnaghanan ni ọghaaph phọ aJona kụ okiton esi ịkaraph phọ ạbidi, kụ ịnaghan, ịyaar dị ẹman ịyaar epu Jona edi ni sịen.”
Ọtozi aloor oye
(Matiu 5.15; 6.22-23)
33 #
Mat 5.15; Mạk 4.21; Luk 8.16 “Oye ólho dị kạsu ọtozi kụ ạbooghi, ḅịle kẹn ạsighe ịyaar aakpereghiom. Kạḅam ghan ghụn ạnyu igbogh ịkasi pịdi awe lọ oḍigh otu phọ ọmiin ghan eten. 34Ariḍien phọ ạna kụ ọtozi aloor phọ ạna. Eḍighi mạar dị nạ ạmoogh eeḅi ekpeḍien, pọ ạḍiḅaal kụ imuza oomo aloor phọ ạna. Kụ eḍighi mạar dị nạ ạmoogh ẹkaraph ekpeḍien, pọ ufiri maḍigh loor phọ ạna amuza. 35Loor ịphen phọ, imiigha loor ọbo ekpeḍien phọ rẹngo ghan bọ ọmiin eten loor phọ ạna keḍighi ghan bọ ufiri. 36Eḍighi mạar dị ạḍiḅaal kụ emuza oomo aloor phọ ạna kụ ufiri úloom, pọ kẹmu ni ekitonom nyịna, ịdipho ọtozi rasoorom ghan bọ oye kạngo ḍịḅaal.”
ẠJizos ạpur rụru ịlo otul aFarisi phọ ḅịle rꞌạbutughemia iilogh phọ
(Matiu 23.1-36; Mạk 12.38-40)
37Mem dị ạJizos ạghaaph bọ ạmadan, kụ oniin ọnyo aFarisi ạmagh nyọdi mọ aru kꞌọno olian eḍien. Kụ ọdi ạghi ạrol ude olian eḍien phọ. 38Ịpher ri ọnyo aFarisi phọ mem dị ạmiin bọ mọ ạJizos amiigh ni olhe eḍien phọ rꞌịipuan pụupuan ạraghaagh. 39Kụ Ọmoogh-we phọ ạḅeni nyọdi mọ, “Nyina ạbuo aFarisi phọ reetologh ghan sịgbagba rꞌạrukpa kẹḅaalami ẹphen ạnyu phọ, kụ ekpooko rꞌịkaraph kụ imuza sịphe iloghi phọ anyina. 40Rolologhi, Ẹnaan phọ ẹlhem bọ ạnyu phọ kụ ị́lem aani bọ ologhi phọ ḍụghum? 41Ịsighe ịpe edi bọ sịgbagba rꞌạrukpa phọ anyina ẹngo rukulom, bịn oomo ạraraar mịḅaalanaan inyina.
42 #
Lịv 27.30
“Pọ eeghe ọdo ịminimiin dị kịrolonaan inyina aFarisi phọ! Nyina redi ghan ghạlamo rꞌịikiripha amooboph ḍioph abin kẹsighe muniin ẹngo Ẹnaan, kụ meghel asiph rꞌakeel rꞌẹphomoghian phọ Ẹnaan. Iḍighi ghan ịphen phọ kụ egbi ghan ọḅaram ịpheri phọ.
43“Pọ eeghe ọdo ịminimiin dị kịrolonaan inyina aFarisi phọ, ịdi eḍighi bọ ọrologhu ghan ariisi eghuan ẹpe arubughotu phọ, rꞌịimaghaghan eghuan ẹpe asiḍighi phọ kụ ịḅeeraan inyina! 44Pọ eeghe ọdo ịminimiin dị kịrolonaan inyina. Nyina ẹkigh iiḍi dị úlegheri mun kụ aweye rọozeghi ghan koten bịn ọopuan loor!”
45Oniin ọgbaam iilogh phọ ạḅeni ni nyọdi mọ, “Ọtughemia, ịphen nạ ạḅem bọ nạ ruufolomiom aani ni iyoor.”
46Kụ ọdi mọ, “Pọ eeghe ọdo ịminimiin dị kịrolonaan aani inyina ạbugbaam iilogh phọ! Nyina rẹgban ghan sidool dị kótue otool kelereghi bụnon aweye, kụ ạri rꞌạghunugh anyina rạ́ḅogh aani ni rꞌaḍiniin adool phọ. 47Pọ eeghe ọdo ịminimiin dị kịrolonaan inyina! Nyina ẹsimenti yogh ạnyu iiḍi ariil phọ Ẹnaan ạburude ạburude phọ anyina ọzeeghi bọ. 48Loor ịphen phọ nyina mẹgba emitiom rꞌaloor anyina, mọ ịpe ạburude phọ anyina oḍighi yogh bọ ịḅeeraan ni inyina, ịdipho nyina mẹsimenti yogh bọ iiḍi ạbuphe ạburude ạburude phọ anyina ọzeeghi bọ. 49Esi ịduon phọ, Ẹnaan ẹḅem ni sịphe ạḍinya olegheri-ịyaar phọ ọdi mọ, ‘Mị katom ni riil rꞌabutelhedom ạkiom bịdi, kụ bịdi kọze ni buniin, ọgbiphoghom buniin.’ 50Ịduon kụ iḍighi kụ kọsighe ghẹlhe ọzeeghi oomo ariil phọ kꞌẹḅel egbiom aḅirini phọ ọḅam rụmhu aweye oghiil phọ ọphon, 51#Emi 4.8; 2 Krọ 24.20, 21emiigh kꞌEbel kụ ẹteeny Zẹkaraya, ọpo oghiigh bọ sịphe ogbo ọgbanaghi ịyaar aghuḍum mọ rꞌẠdol Iigbia Otu Ịiḅereghi phọ. Mị ạkar rịḅeni ghan inyina mọ ạghelhe oomo ạraraar phọ ịphen kạtolonaan ni weye oghiil phọ ọphon.
52“Pọ eeghe ọdo ịminimiin dị kịrolonaan inyina ạbugbaam iilogh phọ! Nyina mẹsighe ịsabi otu olegheri-ịyaar phọ ẹḍuanam. Nyina rꞌaloor anyina ímeera ni iḍigh, kụ imirighan ni bụphe ọwa ghan bọ oḍigh phọ.”
53Mem dị ạJizos amite bọ sịphe phọ ạḍua, ạbutughemia iilogh phọ rꞌaFarisi phọ ụḍagha ni nyọdi iboom, ọbo eḍigh ọnhu ọdi ọghaaphogh ịbadi ạraraar. 54Bịdi ugon ghan ni ọnaghan ạḍughum ọnhu ọdi kụ ọsighe osiphom ọdi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS