Akisiakinet NAKESIAUNAK
NAKESIAUNAK
Ekiro be Akisiakinet erai eger keng atamar ageun. Igiritae nakitab naga eger lo asubunere akwap ka itwaan. Igiritae eger lokolong esiakinea akisech ka ngichan anakwap, ka eger lo arukitotor Akuj ka itwaan. Epedorio akitab a Akisiakinet akitiak ngatiaket ngaarei.
1. Ngidorin 1–11: Asubuno a akwap ka ngakiro nakolong a ekingaren a itwaan. Igiritae nege ngakiro a Adam ka Awa, Kain ka Abel, Noa ka ngakalel ta adukuoru a Babilon.
Ngidorin 12–50: Ngakiro kata apaakech a Ngisirael alu ekingaren. Aburaam ngesi erai lo ekingaren. Eyenikinitae ngesi noi kotere anupit keng ka akiwapit ngakiro a Akuj daang. Ani erumor totupuut ngakiro a lokookeng alo anyaritae Isaka, ka ngakiro a etatait keng alo anyaritae Yakobo (ekiro keng eche ngesi Isirael). Totupuut nabo talokookeng a Yakobo lutomon ka ngiarei lu erai nikech esiakineta ngitela lutomon ka ngiarei a Isirael. Elimunitoe lokookeng a Yakobo epei lo anyaritae Yosep ka ngakiro na awoosa Yakobo ka talokookeng luche ta ngawiyei kech toloto akilom Misiri.
Tani kigiritae ngakiro a ngitunga nakitab naga, ngakiro natenoyek kesi na asubi Akuj. Isiakinitae ani idodiunitere atamar asubuni Akuj akwap, tasalut anakichikakinet ana ebeyere erubakini Akuj echoikinit ngitunga keng. Awadaang anakitab kana, Akuj ngesi isileereunitoe ngakiro keng. Akuj ngina ngesi etubi ngakiro a ngitunga keng, kirirae lu esubete naaronok. Erikit ngesi ngitunga keng ingaranakini torionokini ngakiro kech. Egirio akitab nangorot naga kidodiu anupit a ngitunga a Akuj, ka akingarakin anupit ngina torubak eyei.
Eger lo erekinitere na eyakasi
Asubuno a akwap ka itwaan 1:1–2:25
Akisiakin a akisech ka ngichan 3:1-24
Napei ani a Adam tanang nia Noa 4:1–5:32
Noa ka akaale 6:1–10:32
Adukuoru a Babilon 11:1-9
Napei ani a Chem tanang nia Aburaam 11:10-32
Aburaam, ka Isaka ta Yakobo 12:1–35:29
Ngalesea a Esau 36:1-43
Yosep ka talokookeng 37:1–45:28
Ngisirael alo Misiri 46:1–50:26
လက္ရွိေရြးခ်ယ္ထားမွု
Akisiakinet NAKESIAUNAK: ABIBILIA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
BIBLE SOCIETY OF KENYA (c) 1999