Matie 17
17
Tɛrɛ Yezo na bɔngɔ tɛ lo agbinyangbi
(Mar. 9.2-13; Luk. 9.28-36)
1Ĩ la so pɛni bi nga ma mana ko, Yezo amu Petro, na Zaki, na Yoanɛ mɛ nyita Zaki, ala ma ka ndo kota hɔtɔ na kunɛ la. 2Ala ĩ si kai ko, tɛrɛ Yezo agbinyangbi so gbɛlɛ la, yangba lɛ lo asũ nga ma lá, bɔngɔ tɛ lo ati mbufuni pɛ pɛ pɛ. 3So pɛni, ava lo ko ota ahũ Mɔizɛ na Elia mɛ ndo akpili, ala na Yezo so ndotɛnɛ tɛnɛ. 4La Petro apa hɛ̃ Yezo ya: “Gbia, nzɔ̃ni la e ndo mɛ. Se mɔ ye ko, mbi wa gofa ota, kɔi tɛ mɔ, kɔi tɛ Mɔizɛ, kɔi tɛ Elia.” 5Ngoi mɛ Petro so ndotɛnɛ tɛnɛ ko, da baba mɛ mbufuni aga, gbede ni ati ndo la, ko ala ma legɔ̃ zo ka ya da baba ni so ndotɛnɛ tɛnɛ ya: “Nyi mbi ti kpɔ̃ bɛ mbi mɛ bɛ mbi ndode na lo tɛ lo sĩ lo mɛ, ĩ ma lo!” 6Ava Yezo ĩ ma so ko, mbɛtɔ agbɔ̃ la sĩ, ala sa tise, atolo lɛ la tise. 7Yezo ai tɛrɛ lo ka tɔ̃nda la, akpã ti lo ndo la, apa hɛ̃ la ya: “Ĩ longa ndozu, ĩ zia mbɛtɔ.” 8Ala ĩ ya lɛ la ko, ta ala hũ zo mɛ ndɛ̃ ma, wenge bo Yezo.
9Ngoi mɛ ala lo ka ndo hɔtɔ so ndozu ko, Yezo ahɛ̃ la nyɔ ya: “Ye mɛ ĩ hũ ko, ta ĩ pa hɛ̃ zo kɔi ma, nga ka mbi Nyi Zo mbi so na pɛ kwá hĩ wadila.” 10La ava lo ahũnda lo ya: “Nda mɛ awa hangɔ ndia ndopa ya, ale Elia la aga uzu, wa Mɛsia aga nɛ?” 11La Yezo agbinya hɛ̃ la ya: “Ale Elia aga uzu, alɛkɛ ye zu na seni hĩ wadila. 12Kanda mbi pa hɛ̃ ĩ ya, Elia aga wɛ, ko ta azi ahĩnga lo ma, ala gia lo nga ma se mɛ bɛ la aye. Se mɛ ala nga na giangɔ na mbi Nyi Zo la.”
13Ngoi mɛ ava lo ahĩnga ya, lo ndotɛnɛ lo tɛ Yoanɛ wa hɛ̃ngɔ batisimɔ la.
Yezo asara nyingambi mɛ na siɔ tɔrɔ ya tɛrɛ lo
(Mar. 9.14-29; Luk. 9.37-43a)
14Ala ĩ ga, ĩ si na ndo mɛ azi da butu butu ko, mbanga kɔli kɔi anɔ ka tɛ Yezo, akuku gbɛlɛ lo, 15apa hɛ̃ lo ya: “Wa hangɔ lo tɛ Nzapa, ma vundu tɛ nyi mbi. Lo wa pupuluka, ko pupuluka ni ndogia lo kpengbani. Fani sĩni ko, andobi lo na ya wá bere na ya ngu. 16Mbi ga na lo hɛ̃ ava mɔ, ko ala ha sarangɔ lo gba.” 17Yezo ĩ ma so ko, agbinya ya: “Ee! Ĩ du azi mɛ ta ĩ ye lo tɛ Nzapa ma, ĩ nga azi ti lingɔ asiɔ ye! Mbi ngbã gbanda ngoi zu ndoni kɔi na ĩ, nga na gbengɔ bɛ mbi na lo tɛ ĩ? Wa ĩ ga na nyingambi ni hɛ̃ mbi.” La ala ga na lo hɛ̃ Yezo. 18Yezo agbo ndo siɔ tɔrɔ ni kpengbani, siɔ tɔrɔ asi na ya tɛrɛ nyingambi ko, la tɛrɛ lo ahã bo na ngoi mɛ siɔ tɔrɔ asi.
19Gi ava Yezo nvɛni ai tɛrɛ la ka tɔ̃nda Yezo, ahũnda lo ya: “Nda mɛ fɛrɛ e ha tomangɔ siɔ tɔrɔ ko gba nɛ?” 20La Yezo agbinya hɛ̃ la ya: “Na lo mɛ ya, lo yengɔ tɛ ĩ adu bo yakere gɛgɛrɛ. Mbi pa hɛ̃ ĩ ti bɛta tɛnɛ ya, abɛ se lo yengɔ tɛ ĩ adu yakere alengbi na nyi ale tɛ mɛ ili ni la mutardɛ, ko se ĩ pa hɛ̃ hɔtɔ olo ya: ‘Hã so ndo mɛ, mɔ ti kai’ ko, hɔtɔ ni ahã so ndo ko, ati kai. Ta ĩ lengbi ti hangɔ ye kɔi gba ma. [ 21Kanda ĩ lengbi ti tomangɔ gi tɛrɛ siɔ tɔrɔ ko bo na lege ti sambela nga na lege ti kɛ̃ngɔ tɛ so vɔrɔngɔ Nzapa.]”
Yezo ati pa lo ti kwa nga na lo ti songɔ tɛ lo
(Mar. 9.30-32; Luk. 9.43b-45)
22Mbanga lá kɔi, ava Yezo ĩ bombi tɛrɛ la zu ka sese ti Galilea ko, Yezo apa hɛ̃ la ya: “Awa kɛ̃ngɔ mbi na kangɔ mbi Nyi Zo hɛ̃ azi mɛ ndɛ̃, 23ala na hongɔ mbi, ko mbi na songɔ na pɛ bi ta.” Ava lo ĩ ma so ko, vundu agbɔ̃ la sĩ nvɛni.
Yezo afuta lapo ti kota da Nzapa
24Ngoi mɛ Yezo na ava lo ĩ si ka Kapɛrnaumɛ ko, awa sɔrɔngɔ lapo ti kota da Nzapa anɔ ka tɛ Petro, ahũnda lo ya: “Wa hangɔ ĩ na lo tɛ Nzapa ndofuta lapo ti kota da Nzapa nga?” Petro agbinya hɛ̃ la ya: 25“Ĩi ma! Lo ndofuta.” Ngoi mɛ Petro so ndoli ka ya da ko, Yezo ato nda tɛnɛ uzu, ahũnda Simɔ ya: “Simɔ, mɔ da bɛ mɔ ya, azi mɛ ndofuta lapo hɛ̃ agbia ti lɛ sese ko, ala du ana? Ala du azi ti kɔdɔrɔ tɛ gbia ti lɛ sese ni, bere ala du awa ndɛ̃?” 26Petro agbinya hɛ̃ lo ya: “Awa ndɛ̃ la ndofuta ni.” La Yezo apa hɛ̃ Petro ya: “Adu so ko, ta e azi tɛ Nzapa e lengbi ti futangɔ lapo na lo ti kota da Nzapa ma. 27Wa so kpɛngɔ ya, ta e li ya bɛ azi olo asɔ ma ko, gwe ka lɛ kpo, mɔ bi yongo, wa kɔzo susu ko la mɔ hã ko, ngbanda yanga lo. Mɔ na hũngɔ lenge faranga kɔi mɛ alengbi ti futangɔ lapo ti kota da Nzapa na lo tɛ mbi na mɔ. Mu ni, mɔ hɛ̃ la.”
လက္ရွိေရြးခ်ယ္ထားမွု
Matie 17: NGB87
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.
Matie 17
17
Tɛrɛ Yezo na bɔngɔ tɛ lo agbinyangbi
(Mar. 9.2-13; Luk. 9.28-36)
1Ĩ la so pɛni bi nga ma mana ko, Yezo amu Petro, na Zaki, na Yoanɛ mɛ nyita Zaki, ala ma ka ndo kota hɔtɔ na kunɛ la. 2Ala ĩ si kai ko, tɛrɛ Yezo agbinyangbi so gbɛlɛ la, yangba lɛ lo asũ nga ma lá, bɔngɔ tɛ lo ati mbufuni pɛ pɛ pɛ. 3So pɛni, ava lo ko ota ahũ Mɔizɛ na Elia mɛ ndo akpili, ala na Yezo so ndotɛnɛ tɛnɛ. 4La Petro apa hɛ̃ Yezo ya: “Gbia, nzɔ̃ni la e ndo mɛ. Se mɔ ye ko, mbi wa gofa ota, kɔi tɛ mɔ, kɔi tɛ Mɔizɛ, kɔi tɛ Elia.” 5Ngoi mɛ Petro so ndotɛnɛ tɛnɛ ko, da baba mɛ mbufuni aga, gbede ni ati ndo la, ko ala ma legɔ̃ zo ka ya da baba ni so ndotɛnɛ tɛnɛ ya: “Nyi mbi ti kpɔ̃ bɛ mbi mɛ bɛ mbi ndode na lo tɛ lo sĩ lo mɛ, ĩ ma lo!” 6Ava Yezo ĩ ma so ko, mbɛtɔ agbɔ̃ la sĩ, ala sa tise, atolo lɛ la tise. 7Yezo ai tɛrɛ lo ka tɔ̃nda la, akpã ti lo ndo la, apa hɛ̃ la ya: “Ĩ longa ndozu, ĩ zia mbɛtɔ.” 8Ala ĩ ya lɛ la ko, ta ala hũ zo mɛ ndɛ̃ ma, wenge bo Yezo.
9Ngoi mɛ ala lo ka ndo hɔtɔ so ndozu ko, Yezo ahɛ̃ la nyɔ ya: “Ye mɛ ĩ hũ ko, ta ĩ pa hɛ̃ zo kɔi ma, nga ka mbi Nyi Zo mbi so na pɛ kwá hĩ wadila.” 10La ava lo ahũnda lo ya: “Nda mɛ awa hangɔ ndia ndopa ya, ale Elia la aga uzu, wa Mɛsia aga nɛ?” 11La Yezo agbinya hɛ̃ la ya: “Ale Elia aga uzu, alɛkɛ ye zu na seni hĩ wadila. 12Kanda mbi pa hɛ̃ ĩ ya, Elia aga wɛ, ko ta azi ahĩnga lo ma, ala gia lo nga ma se mɛ bɛ la aye. Se mɛ ala nga na giangɔ na mbi Nyi Zo la.”
13Ngoi mɛ ava lo ahĩnga ya, lo ndotɛnɛ lo tɛ Yoanɛ wa hɛ̃ngɔ batisimɔ la.
Yezo asara nyingambi mɛ na siɔ tɔrɔ ya tɛrɛ lo
(Mar. 9.14-29; Luk. 9.37-43a)
14Ala ĩ ga, ĩ si na ndo mɛ azi da butu butu ko, mbanga kɔli kɔi anɔ ka tɛ Yezo, akuku gbɛlɛ lo, 15apa hɛ̃ lo ya: “Wa hangɔ lo tɛ Nzapa, ma vundu tɛ nyi mbi. Lo wa pupuluka, ko pupuluka ni ndogia lo kpengbani. Fani sĩni ko, andobi lo na ya wá bere na ya ngu. 16Mbi ga na lo hɛ̃ ava mɔ, ko ala ha sarangɔ lo gba.” 17Yezo ĩ ma so ko, agbinya ya: “Ee! Ĩ du azi mɛ ta ĩ ye lo tɛ Nzapa ma, ĩ nga azi ti lingɔ asiɔ ye! Mbi ngbã gbanda ngoi zu ndoni kɔi na ĩ, nga na gbengɔ bɛ mbi na lo tɛ ĩ? Wa ĩ ga na nyingambi ni hɛ̃ mbi.” La ala ga na lo hɛ̃ Yezo. 18Yezo agbo ndo siɔ tɔrɔ ni kpengbani, siɔ tɔrɔ asi na ya tɛrɛ nyingambi ko, la tɛrɛ lo ahã bo na ngoi mɛ siɔ tɔrɔ asi.
19Gi ava Yezo nvɛni ai tɛrɛ la ka tɔ̃nda Yezo, ahũnda lo ya: “Nda mɛ fɛrɛ e ha tomangɔ siɔ tɔrɔ ko gba nɛ?” 20La Yezo agbinya hɛ̃ la ya: “Na lo mɛ ya, lo yengɔ tɛ ĩ adu bo yakere gɛgɛrɛ. Mbi pa hɛ̃ ĩ ti bɛta tɛnɛ ya, abɛ se lo yengɔ tɛ ĩ adu yakere alengbi na nyi ale tɛ mɛ ili ni la mutardɛ, ko se ĩ pa hɛ̃ hɔtɔ olo ya: ‘Hã so ndo mɛ, mɔ ti kai’ ko, hɔtɔ ni ahã so ndo ko, ati kai. Ta ĩ lengbi ti hangɔ ye kɔi gba ma. [ 21Kanda ĩ lengbi ti tomangɔ gi tɛrɛ siɔ tɔrɔ ko bo na lege ti sambela nga na lege ti kɛ̃ngɔ tɛ so vɔrɔngɔ Nzapa.]”
Yezo ati pa lo ti kwa nga na lo ti songɔ tɛ lo
(Mar. 9.30-32; Luk. 9.43b-45)
22Mbanga lá kɔi, ava Yezo ĩ bombi tɛrɛ la zu ka sese ti Galilea ko, Yezo apa hɛ̃ la ya: “Awa kɛ̃ngɔ mbi na kangɔ mbi Nyi Zo hɛ̃ azi mɛ ndɛ̃, 23ala na hongɔ mbi, ko mbi na songɔ na pɛ bi ta.” Ava lo ĩ ma so ko, vundu agbɔ̃ la sĩ nvɛni.
Yezo afuta lapo ti kota da Nzapa
24Ngoi mɛ Yezo na ava lo ĩ si ka Kapɛrnaumɛ ko, awa sɔrɔngɔ lapo ti kota da Nzapa anɔ ka tɛ Petro, ahũnda lo ya: “Wa hangɔ ĩ na lo tɛ Nzapa ndofuta lapo ti kota da Nzapa nga?” Petro agbinya hɛ̃ la ya: 25“Ĩi ma! Lo ndofuta.” Ngoi mɛ Petro so ndoli ka ya da ko, Yezo ato nda tɛnɛ uzu, ahũnda Simɔ ya: “Simɔ, mɔ da bɛ mɔ ya, azi mɛ ndofuta lapo hɛ̃ agbia ti lɛ sese ko, ala du ana? Ala du azi ti kɔdɔrɔ tɛ gbia ti lɛ sese ni, bere ala du awa ndɛ̃?” 26Petro agbinya hɛ̃ lo ya: “Awa ndɛ̃ la ndofuta ni.” La Yezo apa hɛ̃ Petro ya: “Adu so ko, ta e azi tɛ Nzapa e lengbi ti futangɔ lapo na lo ti kota da Nzapa ma. 27Wa so kpɛngɔ ya, ta e li ya bɛ azi olo asɔ ma ko, gwe ka lɛ kpo, mɔ bi yongo, wa kɔzo susu ko la mɔ hã ko, ngbanda yanga lo. Mɔ na hũngɔ lenge faranga kɔi mɛ alengbi ti futangɔ lapo ti kota da Nzapa na lo tɛ mbi na mɔ. Mu ni, mɔ hɛ̃ la.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.