Matie 18
18
Zo mɛ aɔ afɔ̃ lo zu
(Mar. 9.33-37; Luk. 9.46-48)
1Bo na ngoi ko la ava Yezo ai tɛrɛ la ka gunda lo, ahũnda lo ya: “Wa zo mɛ aɔ afɔ̃ lo zu ka Kɔdɔrɔ Gbia tɛ Nzapa na?” 2Yezo ĩ ma so ko, aili nyingambi kɔi aga, alonzi lo so gbɛlɛ ava lo, 3apa hɛ̃ la ya: “Mbi pa hɛ̃ ĩ ti bɛta tɛnɛ ya, se ta ĩ gbinya bɛ ĩ, ĩ ti nga ma ayangambi ma ko, ta ĩ si gbanda ka Kɔdɔrɔ Gbia tɛ Nzapa ma. 4Kai ko, zo mɛ aɔ afɔ̃ lo zu la zo mɛ ndongara tɛrɛ lo, zo mɛ ati nga ma nyingambi olo mɛ. 5Wa zo ko la ayamba nyingambi nga ma nyingambi olo na lo tɛ mbi ko, afa ya, lo yamba nga mbi nvɛni la.”
Lingɔ siɔ ye adu siɔni buai (Mar. 9.42-48; Luk. 17.1-2)
6“Zo ko la afa siɔ lɛ lo na nyingambi kɔi na popo tɛ ayangambi olo mɛ aye lo tɛ mbi, ko nyingambi ni ali siɔ ye ko, nzɔ̃ni ale agbe kota tɛ́nɛ na gɔ̃ zo ni ko, abi lo ka gbɛ kota ngu. 7Kota vundu ati na azi ti lɛ sese, na lo mɛ ya, ambanga alo mɛ andohanda azi ya, ala li siɔ ye da. Gi tɛrɛ asiɔ lo ni ko ndosi ngoi zu, kanda vundu na tingɔ na zo ko la ndofa siɔ lɛ lo na afɔ̃ lo ya, ala li siɔ ye.
8“Se adu na lo ti ti mɔ, bere na lo ti gɛrɛ mɔ la mɔ ndoli siɔ ye ko, fa ni, mɔ bi yɔngɔrɔni. Lingɔ mɔ ka yayu na mbage ti mɔ kɔi, bere mbage gɛrɛ mɔ kɔi, adu nzɔ̃ni aɔ omɛ se mɔ du na ti mɔ zu sɛ, bere gɛrɛ mɔ zu sɛ, ko abi mɔ ka ya wá mɛ ta ndomingɔ bɛ gbɔ ma. 9Se adu na lo ti mbage lɛ mɔ la mɔ ndoli siɔ ye ko, hã ni, mɔ bi yɔngɔrɔni. Lingɔ mɔ ka yayu na mbage lɛ mɔ kɔi, adu nzɔ̃ni aɔ omɛ se mɔ du na lɛ mɔ zu sɛ, ko abi mɔ na ni ka ya wá ti lifɛlo.”
Matɔ tɛ ngasã ngbaga mɛ agere la alua lo
(Luk. 15.3-7)
10“I du na kpengba lɛ ya ta ĩ samana na nyingambi kɔi so popo tɛ ayangambi olo ma. Mbi pa hɛ̃ ĩ ti bɛta tɛnɛ ya, aangelo tɛ la mɛ ka yayu ndolonga ngoi zu ka gbɛlɛ To mbi mɛ ka yayu. [ 11Ko mbi Nyi Zo, mbi ga so songɔ azi mɛ ayu lege.]
12“Ĩ da bɛ ĩ ya nɛ? Se zo adu na angasã ngbaga ngbangbo kɔi, ko kɔi agere ko, ye mɛ lo na lingɔ nɛ? Lo na ziangɔ atanga ni ko sui gumbaya ndoni gumbaya ka ndo hɔtɔ, ya ni nɔ ni gi oko kɔi mɛ agere. 13Mbi pa hɛ̃ ĩ ya, se lo lua ni ko, bɛ lo ade zɔgɔrɔ, ko dengɔ bɛ ni aɔ omɛ lo na ni na lo tɛ atangani ko sui gumbaya ndoni gumbaya. 14Ko To ĩ mɛ ka yayu ko, se mɛ nga ta lo ndoye ya, bɛ nyingambi kɔi na popo tɛ ayangambi olo agere ma la.
Siɔ ye mɛ nyita mɔ ali tɛrɛ mɔ
15“Se nyita mɔ ali siɔ ye tɛrɛ mɔ ko, nɔ mɔ tã lo, ĩ na lo sɛ ĩ du na kunɛ ĩ, wa mɔ pa hɛ̃ lo siɔ ye mɛ lo li tɛrɛ mɔ. Se lo ma mɔ ko, ĩ na lo ĩ dungbi songo fani mɛ ndɛ̃. 16Se lo kɛ̃ mangɔ mɔ ko, mu zo kɔi, bere azi mɛ ndɛ̃ osɛ, nga ma se mɛ Buku tɛ Nzapa apa na ni ya: ‘Tɛnɛ tɛ azi osɛ bere ota la alengbi ti fangɔ ngbanga ti alo zu.’ 17Se lo kɛ̃ mangɔ la ko, si na tɛnɛ ni ka gbɛlɛ azi ti Eklezia. Wa se lo kɛ̃ nga mangɔ azi ti Eklezia ko, mu lo ka lɛ mɔ nga ma paganɔ, bere nga ma wa lingɔ siɔ ye.”
Gbanzingɔ ye na zingɔ lege ya ali ye
18“Mbi pa hɛ̃ ĩ ti bɛta tɛnɛ ya, ye zu mɛ ĩ na gbanzingɔ ge lɛ sese ko, Nzapa nga na gbanzingɔ ni ka yayu. Ye zu mɛ ĩ na zingɔ lege ya ali ge lɛ sese ko, Nzapa nga na zingɔ lege ya, ali ka yayu.
19“Mbi pa nga hɛ̃ ĩ ya, ge lɛ sese ko, se azi osɛ na popo tɛ ĩ amangbi ya, ani yɔ ye ka ti To mbi Nzapa mɛ ka yayu, ko bɛ se ye ni adu sia ko, To mbi ahɛ̃ la. 20Ta sanga ma, ndo ko la azi osɛ bere ota abombi tɛrɛ da na ili mbi ko, mbi nga na popo tɛ la.”
Matɔ tɛ wa kwa mɛ akɛ mangɔ vundu tɛ fɔ̃ lo
21La Petro ai tɛrɛ lo ka tɔ̃nda Yezo, ahũnda lo ya: “Gbia, se fɔ̃ mbi ababa bo lingɔ siɔ ye tɛrɛ mbi ko, mbi lengbi ti kangɔ lɛ mbi ndo siɔ ye tɛ lo ni fani kɛ̃? Mbi ka lɛ mbi ndo ni ngbĩi fani mbara mbara?” 22La Yezo agbinya hɛ̃ lo ya: “Ipɔ, ta mbi pa hɛ̃ mɔ ya, mɔ ka lɛ mɔ ndo asiɔ ye mɛ fɔ̃ mɔ ali tɛrɛ mɔ, ngbĩi fani mbara mbara gɛgɛrɛ ma. Kanda ale mɔ ka lɛ mɔ ndo ni, ngbĩi ati sui mbara mbara fani mbara mbara. 23Na lo ni ko, lo Lɛngɔ Gbia tɛ Nzapa adu nga so mɛ: lá kɔi ko, mbanga gbia kɔi aye dikɔngɔ faranga tɛ lo mɛ ka ti awa kwa tɛ lo. 24Ngoi mɛ lo ĩ to nda dikɔngɔ ni ko, azi aga na mbanga wa kwa tɛ lo mɛ na sende ka li lo koto na koto. 25Ta wa kwa ni ko ndo na ye kɔi na ti lo ti tiɔngɔ na sende ni ma. Gbia tɛ lo ĩ hũ so ko, ahɛ̃ nyɔ ya, aka lo, na ya lo, na aya lo, nga na aye tɛ lo zu, wa amu faranga ni atiɔ na sende ko la na li lo. 26Wa kwa tɛ gbia ĩ ma so ko, akuku gbɛlɛ gbia tɛ lo, adema tɛrɛ lo hɛ̃ lo ya: ‘Zu na bɛ mɔ, mbi na tiɔngɔ̃ sende ni zu!’ 27Gbia ama vundu tɛ lo, azia, sende ni ka li lo, azia lo, lo gwe. 28“Wa kwa ko ĩ si ko, atengbi na fɔ̃ lo wa kwa kɔi mɛ ndo anzɛ̃ faranga ngbangbo kɔi ka ti lo. Wa kwa ko agbɔ̃ gɔ̃ fɔ̃ lo ni ko, apɛtɛ legɔ̃ lo, apa hɛ̃ lo ya: ‘Tiɔ sende tɛ mbi!’
29Wa sende akuku gbɛlɛ lo, adema tɛrɛ lo hɛ̃ lo ya: ‘Zu na bɛ mɔ, mbi na tiɔngɔ sende tɛ mɔ!’ 30Ko wa kwa ko akɛ̃, agbɔ̃ fɔ̃ lo, abi lo bɔlɔkɔ ya, lo ngbã kai, nga ka lo tiɔ sende tɛ ni kwɛ, wadila azi lo. 31Ngoi mɛ ambanga awa kwa mɛ ndɛ̃ ĩ hũ so ko, vundu agbɔ̃ la sĩ nvɛni, ko ala nɔ apa lo ni zu hɛ̃ gbia tɛ la. 32La gbia ato azi ya, aga na wa kwa mɛ abi fɔ̃ lo bɔlɔkɔ. Ala ĩ ga na lo ko, gbia apa hɛ̃ lo ya: ‘Mɔ siɔ wa kwa! Mbi zia fɛrɛ sende tɛ mɔ zu ka li mɔ, na lo mɛ ya, mɔ dema fɛrɛ tɛrɛ mɔ hɛ̃ mbi. 33Ko ale mɔ ma nga vundu tɛ fɔ̃ mɔ, nga ma se mɛ nga mbi ma na vundu tɛ mɔ.’ 34Ngɔnzɔ agbɔ̃ gbia sĩ, lo to wa kwa ko ka bɔlɔkɔ ya, ahɛ̃ lo etumbu, nga ka lo tiɔ sende tɛ lo zu, wadila azi lo.” 35La Yezo apa nga ya: “So popo tɛ ĩ, se ta zo kɔi kɔi aka lɛ lo ti buai na ndo siɔ ye mɛ fɔ̃ lo ali tɛrɛ lo ma ko, se mɛ nga To mbi mɛ ka yayu na lingɔ na ni tɛrɛ lo la.”
လက္ရွိေရြးခ်ယ္ထားမွု
Matie 18: NGB87
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.
Matie 18
18
Zo mɛ aɔ afɔ̃ lo zu
(Mar. 9.33-37; Luk. 9.46-48)
1Bo na ngoi ko la ava Yezo ai tɛrɛ la ka gunda lo, ahũnda lo ya: “Wa zo mɛ aɔ afɔ̃ lo zu ka Kɔdɔrɔ Gbia tɛ Nzapa na?” 2Yezo ĩ ma so ko, aili nyingambi kɔi aga, alonzi lo so gbɛlɛ ava lo, 3apa hɛ̃ la ya: “Mbi pa hɛ̃ ĩ ti bɛta tɛnɛ ya, se ta ĩ gbinya bɛ ĩ, ĩ ti nga ma ayangambi ma ko, ta ĩ si gbanda ka Kɔdɔrɔ Gbia tɛ Nzapa ma. 4Kai ko, zo mɛ aɔ afɔ̃ lo zu la zo mɛ ndongara tɛrɛ lo, zo mɛ ati nga ma nyingambi olo mɛ. 5Wa zo ko la ayamba nyingambi nga ma nyingambi olo na lo tɛ mbi ko, afa ya, lo yamba nga mbi nvɛni la.”
Lingɔ siɔ ye adu siɔni buai (Mar. 9.42-48; Luk. 17.1-2)
6“Zo ko la afa siɔ lɛ lo na nyingambi kɔi na popo tɛ ayangambi olo mɛ aye lo tɛ mbi, ko nyingambi ni ali siɔ ye ko, nzɔ̃ni ale agbe kota tɛ́nɛ na gɔ̃ zo ni ko, abi lo ka gbɛ kota ngu. 7Kota vundu ati na azi ti lɛ sese, na lo mɛ ya, ambanga alo mɛ andohanda azi ya, ala li siɔ ye da. Gi tɛrɛ asiɔ lo ni ko ndosi ngoi zu, kanda vundu na tingɔ na zo ko la ndofa siɔ lɛ lo na afɔ̃ lo ya, ala li siɔ ye.
8“Se adu na lo ti ti mɔ, bere na lo ti gɛrɛ mɔ la mɔ ndoli siɔ ye ko, fa ni, mɔ bi yɔngɔrɔni. Lingɔ mɔ ka yayu na mbage ti mɔ kɔi, bere mbage gɛrɛ mɔ kɔi, adu nzɔ̃ni aɔ omɛ se mɔ du na ti mɔ zu sɛ, bere gɛrɛ mɔ zu sɛ, ko abi mɔ ka ya wá mɛ ta ndomingɔ bɛ gbɔ ma. 9Se adu na lo ti mbage lɛ mɔ la mɔ ndoli siɔ ye ko, hã ni, mɔ bi yɔngɔrɔni. Lingɔ mɔ ka yayu na mbage lɛ mɔ kɔi, adu nzɔ̃ni aɔ omɛ se mɔ du na lɛ mɔ zu sɛ, ko abi mɔ na ni ka ya wá ti lifɛlo.”
Matɔ tɛ ngasã ngbaga mɛ agere la alua lo
(Luk. 15.3-7)
10“I du na kpengba lɛ ya ta ĩ samana na nyingambi kɔi so popo tɛ ayangambi olo ma. Mbi pa hɛ̃ ĩ ti bɛta tɛnɛ ya, aangelo tɛ la mɛ ka yayu ndolonga ngoi zu ka gbɛlɛ To mbi mɛ ka yayu. [ 11Ko mbi Nyi Zo, mbi ga so songɔ azi mɛ ayu lege.]
12“Ĩ da bɛ ĩ ya nɛ? Se zo adu na angasã ngbaga ngbangbo kɔi, ko kɔi agere ko, ye mɛ lo na lingɔ nɛ? Lo na ziangɔ atanga ni ko sui gumbaya ndoni gumbaya ka ndo hɔtɔ, ya ni nɔ ni gi oko kɔi mɛ agere. 13Mbi pa hɛ̃ ĩ ya, se lo lua ni ko, bɛ lo ade zɔgɔrɔ, ko dengɔ bɛ ni aɔ omɛ lo na ni na lo tɛ atangani ko sui gumbaya ndoni gumbaya. 14Ko To ĩ mɛ ka yayu ko, se mɛ nga ta lo ndoye ya, bɛ nyingambi kɔi na popo tɛ ayangambi olo agere ma la.
Siɔ ye mɛ nyita mɔ ali tɛrɛ mɔ
15“Se nyita mɔ ali siɔ ye tɛrɛ mɔ ko, nɔ mɔ tã lo, ĩ na lo sɛ ĩ du na kunɛ ĩ, wa mɔ pa hɛ̃ lo siɔ ye mɛ lo li tɛrɛ mɔ. Se lo ma mɔ ko, ĩ na lo ĩ dungbi songo fani mɛ ndɛ̃. 16Se lo kɛ̃ mangɔ mɔ ko, mu zo kɔi, bere azi mɛ ndɛ̃ osɛ, nga ma se mɛ Buku tɛ Nzapa apa na ni ya: ‘Tɛnɛ tɛ azi osɛ bere ota la alengbi ti fangɔ ngbanga ti alo zu.’ 17Se lo kɛ̃ mangɔ la ko, si na tɛnɛ ni ka gbɛlɛ azi ti Eklezia. Wa se lo kɛ̃ nga mangɔ azi ti Eklezia ko, mu lo ka lɛ mɔ nga ma paganɔ, bere nga ma wa lingɔ siɔ ye.”
Gbanzingɔ ye na zingɔ lege ya ali ye
18“Mbi pa hɛ̃ ĩ ti bɛta tɛnɛ ya, ye zu mɛ ĩ na gbanzingɔ ge lɛ sese ko, Nzapa nga na gbanzingɔ ni ka yayu. Ye zu mɛ ĩ na zingɔ lege ya ali ge lɛ sese ko, Nzapa nga na zingɔ lege ya, ali ka yayu.
19“Mbi pa nga hɛ̃ ĩ ya, ge lɛ sese ko, se azi osɛ na popo tɛ ĩ amangbi ya, ani yɔ ye ka ti To mbi Nzapa mɛ ka yayu, ko bɛ se ye ni adu sia ko, To mbi ahɛ̃ la. 20Ta sanga ma, ndo ko la azi osɛ bere ota abombi tɛrɛ da na ili mbi ko, mbi nga na popo tɛ la.”
Matɔ tɛ wa kwa mɛ akɛ mangɔ vundu tɛ fɔ̃ lo
21La Petro ai tɛrɛ lo ka tɔ̃nda Yezo, ahũnda lo ya: “Gbia, se fɔ̃ mbi ababa bo lingɔ siɔ ye tɛrɛ mbi ko, mbi lengbi ti kangɔ lɛ mbi ndo siɔ ye tɛ lo ni fani kɛ̃? Mbi ka lɛ mbi ndo ni ngbĩi fani mbara mbara?” 22La Yezo agbinya hɛ̃ lo ya: “Ipɔ, ta mbi pa hɛ̃ mɔ ya, mɔ ka lɛ mɔ ndo asiɔ ye mɛ fɔ̃ mɔ ali tɛrɛ mɔ, ngbĩi fani mbara mbara gɛgɛrɛ ma. Kanda ale mɔ ka lɛ mɔ ndo ni, ngbĩi ati sui mbara mbara fani mbara mbara. 23Na lo ni ko, lo Lɛngɔ Gbia tɛ Nzapa adu nga so mɛ: lá kɔi ko, mbanga gbia kɔi aye dikɔngɔ faranga tɛ lo mɛ ka ti awa kwa tɛ lo. 24Ngoi mɛ lo ĩ to nda dikɔngɔ ni ko, azi aga na mbanga wa kwa tɛ lo mɛ na sende ka li lo koto na koto. 25Ta wa kwa ni ko ndo na ye kɔi na ti lo ti tiɔngɔ na sende ni ma. Gbia tɛ lo ĩ hũ so ko, ahɛ̃ nyɔ ya, aka lo, na ya lo, na aya lo, nga na aye tɛ lo zu, wa amu faranga ni atiɔ na sende ko la na li lo. 26Wa kwa tɛ gbia ĩ ma so ko, akuku gbɛlɛ gbia tɛ lo, adema tɛrɛ lo hɛ̃ lo ya: ‘Zu na bɛ mɔ, mbi na tiɔngɔ̃ sende ni zu!’ 27Gbia ama vundu tɛ lo, azia, sende ni ka li lo, azia lo, lo gwe. 28“Wa kwa ko ĩ si ko, atengbi na fɔ̃ lo wa kwa kɔi mɛ ndo anzɛ̃ faranga ngbangbo kɔi ka ti lo. Wa kwa ko agbɔ̃ gɔ̃ fɔ̃ lo ni ko, apɛtɛ legɔ̃ lo, apa hɛ̃ lo ya: ‘Tiɔ sende tɛ mbi!’
29Wa sende akuku gbɛlɛ lo, adema tɛrɛ lo hɛ̃ lo ya: ‘Zu na bɛ mɔ, mbi na tiɔngɔ sende tɛ mɔ!’ 30Ko wa kwa ko akɛ̃, agbɔ̃ fɔ̃ lo, abi lo bɔlɔkɔ ya, lo ngbã kai, nga ka lo tiɔ sende tɛ ni kwɛ, wadila azi lo. 31Ngoi mɛ ambanga awa kwa mɛ ndɛ̃ ĩ hũ so ko, vundu agbɔ̃ la sĩ nvɛni, ko ala nɔ apa lo ni zu hɛ̃ gbia tɛ la. 32La gbia ato azi ya, aga na wa kwa mɛ abi fɔ̃ lo bɔlɔkɔ. Ala ĩ ga na lo ko, gbia apa hɛ̃ lo ya: ‘Mɔ siɔ wa kwa! Mbi zia fɛrɛ sende tɛ mɔ zu ka li mɔ, na lo mɛ ya, mɔ dema fɛrɛ tɛrɛ mɔ hɛ̃ mbi. 33Ko ale mɔ ma nga vundu tɛ fɔ̃ mɔ, nga ma se mɛ nga mbi ma na vundu tɛ mɔ.’ 34Ngɔnzɔ agbɔ̃ gbia sĩ, lo to wa kwa ko ka bɔlɔkɔ ya, ahɛ̃ lo etumbu, nga ka lo tiɔ sende tɛ lo zu, wadila azi lo.” 35La Yezo apa nga ya: “So popo tɛ ĩ, se ta zo kɔi kɔi aka lɛ lo ti buai na ndo siɔ ye mɛ fɔ̃ lo ali tɛrɛ lo ma ko, se mɛ nga To mbi mɛ ka yayu na lingɔ na ni tɛrɛ lo la.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Ngbandi New Testament © United Bible Societies, 1987.