San Mateo 2
2
Bene sinha zake galha rhalhaj gbidza yiajyoke Jesús
1Jesús golhaje yechhi Belén, to yechhi nababa Judea, lo tiembo kati Herodes goke bene rne'abe'a ki yechhi xhen na. Bchhinka balaka bene sinha lo yechhi Jerusalén zake yechhi dia galha rhalhaj gbidza te nakake bene nose'adike kika belhaj, 2te gnabake:
—¿Nona bene rne'abe kika judíos bene ne'ake golhaje? Le'a ble'eto broaj belhaj kie' te za'ato de gue'antobi xhen.
3Herodes bene rne'abe gokiexinhenhe kati benhene ten, le'aksikan goka ki yogote'a bene Jerusalén. 4Bene rne'abe gsele ka bene zajledzake yogoka xan ka bxozi kan muestro ki xhba'a, te gnabene le'ake noga galhaj Cristo. 5Le'ake rhe'ake le'ake:
—Galhaje yechhi Belén, nababa Judea; le'a kan bzoaj bene btzalaje laza Diozo:
6Na kano loe', yechhi Belén, yo' nababa Judá,
labi nakalo mazirhe zingo
de ka yechhi yajlo nababaka Judá;
le'a lo yechhi kio' srhoaj to bene sne'abe,
bene xhche toneza yechhi kia' Israel.
7Na'arhe Herodes, bledze balanzi ka bene sinha, na bsnisiene le'ake nobata yiajse'a belhaj na. 8Na gsele le'ake Belén, te rhe le'ake:
—Letzeaj yechhi Belén, te leyebeajnia gakati se'akielhe ki bindo na; te kati yedzelhelebi, nan dedixaje'elhe ne'adia, te le'aksikan ne'adia tza'a dzaje'anhabi xhen.
9De bze'anagake ka' rhe'a bene rne'abe le'ake, ka bene sinha zeyiajke. Na belhaj ble'ekene broaj zeaj loke, kanirhe yajse'a lo lataj ga' dia bindo na. 10Kati ka bene sinha ble'ekene belhaj, bebekeguezene. 11Na'arhe guio'oke lo yo'o, te ble'ekene bindo le'an María, xhnabi; te bze'acho xhibike be'ankebi xhen. Gsalhajke gui'in na noake te gleajke tan rzi lawe oro, ya'alhaj kan tan rzi lawe mirra na bdeke kie'abi. 12Na'arhe, bsnisie le'ake lo chigalhe labi rheyala yiajke ga' ze'a Herodes, na beguie'alake neza yobilha beyiajke yechhi kie'ake.
Bxhonajke zeajke Egipto
13De beza'aka bene sinha na, José gnene ye'alha ble'ene to angle ki Diozo, te rhe'a angle le': Guiasa, te gche'a bindo na le'an xhnabi, te bxhonaj guiaj Egipto. Nazi bega'an kati snirheda galha yiajlho, le'a Herodes wayeguilhaje bindo na kinda gotiebi.
14José guiase, gche bindo na le'an xhnabi, te broajke rhe'alhalha zeajke Egipto, 15nazi bega'anke kati gotite'arhe Herodes. Ten goka kinda gaka kumplirhe ka' gne'a Diozo tan bzoaj to bene btzalaje laza Diozo kati gne': Ga' rzi lawe Egipto boledza Xhi'inha.
Herodes gsele ka bene zaje'atike ka bindo
16Kati gokiebe Herodes ka bene sinha na gxhiekene ye'a le', te gchixieguezene te gsele ka bene zaje'atike yogo ka bindo zeajkebi chopa yiza de chhi'ilha zoakabi lo yechhhi Belén le'an yechhi rhoalawe, ka' tiembo gochhika bene sinha le'. 17Na kan goka kumplirhe tan bzoaj bene btzalaje laza Diozo grelawe Jeremías:
18Bye'an to chi'i nigolha lo yechhi Ramá,
rbechhie le'an rhelenhenhe.
Nigolha na grelawe Raquel, rbechhie kika xhi'inhe
le'an labi rhe'anhene no' yeyoe lachhi lee
le'a chinati ka xhi'inhe.
Rkoa to dia'adza lo yechhi Nazaret
19De goti Herodes, to angle ki Diozo yajtzague José lo chigalhe, lo yechhi Egipto, te gochhie le': 20Guiasa, beche'a bindo na le'an xhnabi, te beyiaj yechhi Israel, le'a chigotika bene go'onkene gotike bindo na.
21José guiase beche' bindo na le'an xhnabi te zeyiaje yechhi Israel. 22Te kati gnisienhe Arquelao nake gobiarne ki Judea laza xoze Herodes, bdzebe tzeaje na'; le'a Diozo bsnisiene le' lo chigalhe, beyiaje ga' nababa Galilea. 23Kati bchhinhe'e, guiaje yajsoe' lo yechhi rhelawe Nazaret. Ten goka kinda gaka kumplirhe tan gne'a ka bene btzalajke laza Diozo: Jesús ye'ake le' bene Nazaret.
လက္ရွိေရြးခ်ယ္ထားမွု
San Mateo 2: XDZPY
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Porciones en Zapoteco de Yalahui, Oaxaca, México © Sociedad Bíblica de México, A.C.