Yowano 2
2
Chilika chakumbachisa kulimbo lyaKana
1Halikumbi lyamuchitatu kwapwile chilika chakumbachisa kulimbo lyaKana, kuNgalileya, nanaye yaYesu kwapwile.
2Yesu nawa vamusanyikile natumbaji twenyi kuze kuchilika chakumbachisa.
3Omu vinyo yahwile, naye alwezele Yesu ngwenyi, Kaveshi navinyoko.
4Kaha Yesu amwambile ngwenyi, Ove mama#2:4 MuchiHelase ngwavo, Ove pwevo, oloze kuhanjika ngocho chapwile nakalemesa, nge ngwenyi, Ove Mama., Ami chinangupandama numba? Lwola lwami kanda luhete.
5Naye alwezele vangamba ngwenyi, Cheshocho mwamilweza, chilingenu.
6Jino kuze kwapwile milondo yamalolwa yitanu naumwe, nge mwaya jishimbi javaYuleya jakulitomesa, mumulondo himulondo vakwachililengamo kafwe vyesekelo vivali nyi vitatu ngana vyameya#2:6 Chesekelo kana chapwile kafwe jilita makumi awana (40). Kaha mulondo umwe wapwile kafwe jilita 80 nakuheta ku120..
7Yesu avambile ngwenyi, Zalisenu milondo eyi nameya. Kaha vayizalishile tò-o.
8Avambile ngwenyi, Switenumo jino mumutwalile mukulwane wachilika. Kaha vatwalile.
9Aze meya álumukile kupwa vinyo, omu mukulwane wachilika amakilileko, hakuzeneka kutachikiza oku yafumine (oloze vangamba váswichile meya vatachikijile), asanyikile mwenya-mwenga
10nakumwamba ngwenyi, Vatu vosena veji kuvangila kulovola vinyo yamwaza, kaha omu navalinga vatu vananu lyehi, numbanyi valovole yize yayisamu. Oloze ovenyi, waswekanga vinyo yamwaza nakulwola luno.
11Echi alingile Yesu kuKana, limbo lyakuNgalileya, chikiko chinjikizo chatete kuvinjikizo vyenyi. Asolwele upahu wenyi, kaha tumbaji twenyi vamufwelelele.
12Kufuma haze, ashikumukile kuKapelenau, naIkiye nanaye navasongo jenyi natumbaji twenyi, kaha kavatwamine kuze makumbi amavuluko.
Yesu mwahanga vaka-kusekasanyina muTembele
(Mat 21:12-13; Mako 11:15-18; Luka 19:45-46)
13 Chiwanyino chaKuzomboka chavaYuleya chapwile nakupandama, kaha Yesu akandukile kuYelusalema.
14Kaha muTembele#2:14 Muchipango chaTembele muze vetavililenga vaka-miyachi yeka., awanyine vaze vapwile nakulanjishilamo vangombe namikoko natutela, navaka-kutambasana jimbongo vanatwame.
15Kaha anyotele chikote chajingoji nakuhanga vosena muTembele, namikoko navangombe nawa. Amwangile jimbongo javaka-kutambasana nakukatumuna jimesa javo.
16Avambile vaze valanjishilenga tutela ngwenyi, Fumisenu evi muno, zuvo yaTata kanda muyilingisa kupwa muulanjishiloko.
17Tumbaji twenyi vanukile muze vasoneka ngwavo,
Kusungwila zuvo yove nachingulya#2:17 Yesu alinyengele chikuma hakwenyeka zuvo yaIse. Etavile kufwilaho vene..
18Kaha vaYuleya vakumbulwile nakumuhulisa ngwavo, Chinjikizo muka nautusolwela hakulinga vyuma evi?
19Yesu avakumbulwile ngwenyi, Shiulenu yino Tembele, kaha mumakumbi atatu nanguyikatula#2:19 MuchiHelase ngwavo, Nanguyisangula..
20Shikaho vaYuleya vamwambile ngwavo, Yino Tembele yatungiwile mumyaka makumi awana namyaka yitanu naumwe (46), kaha Ove nauyikatula#2:20 MuchiHelase ngwavo, Uyisangule? mumakumbi atatu?
21Oloze Ikiye apwile nakuvuluka Tembele yamujimba wenyi.
22Kaha omu vamusangwile#2:22 MuchiHelase ngwavo, Omu vamukatwile kufuma muvafu. muvafu tumbaji twenyi vanukile muze ahanjikile, kaha hinavafwelela Mazu-vasoneka-ajila nalizu lize áhanjikile Yesu nawa.
Yesu atachikiza kupwa chavatu
23Jino omu apwile kuYelusalema kuchiwanyino chaKuzomboka, vavavulu vafwelelele#2:23 Vaze vavavulu, vamwene vinjikizo ápwile nakulinga Yesu, nakwitava mumichima yavo nge Yesu apwile pamo kapolofweto wamulemu, áhashile kulinga vyakukomwesa, oloze Mwata atalile mumichima yavo nakumona nge kanda valumuke mumuchima numba vamufwelele nakutambula ulwilo. lijina lyenyi hakumona vize vinjikizo ápwile nakulinga.
24Oloze Ivene Yesu kalihanyine#2:24 MuchiHelase ngwavo, Yesu kavavafweleleleko (mwomwo atachikijile vishinganyeka vyamumichima yavo). kuli vakikoko, mwomwo atachikiza vatu vosena,
25kaha katondele umwe wakumuhana unjiho wakupwa chamutuko, mwomwo Ivene atachikiza vize vyatwama muli mutu.
လက္ရွိေရြးခ်ယ္ထားမွု
Yowano 2: LUE
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Bible Society of Zambia