Eleabwa Ato aga mbɔʼ aŋwɛʼrɛ zɔnɔ

Ato aga mbɔʼ aŋwɛʼrɛ zɔnɔ

Aŋwɛʼrɛ Eleabwa na fɔɔ embè ene aŋwɛʼrɛ Luk. A na ga mbɔʼ aŋu azhwɛɛrɛ à gbee bɔ bɛɛrɛ abwa Yeso, angɔ sɛɛrɛ ekɔn ǹchwɔ̀ mbɔʼ engɔ “Efwɔ Jerusalɛm, efwɔ Judeya gimkpaʼ, a Samariya mane efwɔ engudu ese” ngɛ. (1.8) Ewunɔ ne nklama mbɔʼ ebwa bɔ kristo aŋu â klada abwaʼ bɔ Juu gɛrɛ sɛ̂ʼ efwɔ ese gimkpaʼ ngɛ. Angam aŋwɛʼrɛ zɔnɔ gɛrɛ we le bɔ nɛɛ kpe bɔ kristo ke ma bɔ m̀pɛ̀ʼ ebe abɛ Rom bo, gɛ̀rɛ̀ kpe ebɛrɛtaa bɔ kristo ne é le ebwa Ngwe bɔ Juu gli éŋwaʼa.

E ne gɛ̀bɛ aŋwɛʼrɛ Eleabwa ene entiri tɛd, mà gà aŋu a ma sɛ̀ɛrɛ̀ ekɔn ǹchwɔ̀ mbɔʼ Yeso Kristo gɛrɛ ma klada ndɔngwe ngɛ. (1) Eklada ene ǹtìmi bɔ kristo a Jerusalɛm nyɛ̀rɛ̀ zèʼe aŋu Yeso à ngɔɔ ekere ngɛ; (2) Aŋu ebwa Ngwe à sɛ̂ʼ ngɔ̀ɔ efwɔ entiri akwa tsɛrɛ a Palistayn; (3) Ebwa Ngwe gɛrɛ wu sɛ̀ʼ ngɔɔ abɛɛ ese Meditereniyan ngɔɔ bwɛrɛ a Rom ngɛ.

Ebwa wɛ me nu ato efwɔ aŋwɛʼrɛ Eleabwa ngɛ na abwa yɛ azhwɛɛrɛ pɛ à le ngɛ. Â zeʼ nè ekama anji Pɛntɛkɔst gɛrɛ fɔɔ embè sa gbee gɛ̀rɛ̀ ndɛʼ ekama ebe ndɔngwe mane eto akyɛ gimkpaʼ aŋu e me ga efwɔ aŋwɛʼrɛ mɔmbwo ngɛ. E be ga ekɔn ebe bɔ kristo ambèmbè ngɛ me tsɛddɛ tsɛddɛ. Abwa yɛ e me ŋwɛʼrɛ efwɔ aŋwɛʼrɛ Eleabwa ngɛ na tee ekama yɛ ekɔn wunɔ me le efwɔ etsɔmɔ bɔ kristo mane aŋu ndɔngwe ma tsɔmɔ ene ebwa ŋwaʼ ngɛ.

Aŋu e me gɛ̀bbɛ abwa efwɔ aŋwɛʼrɛ zɔnɔ

Bɔ ndeere amɔ é sɛɛrɛ 1:1-26 a. Etsɛrɛ ngùdu Yeso mane etɔ̧ɔrɔ yɛ engɔ à le ngɛ 1:1-14 b. Egho wɛ à nu afwɔ Judas ngɛ 1:15-26

E sɛɛrɛ a Jerusalɛm 2:1–8:3

E sɛɛrɛ a Judeya mane Samariya 8:4–12:25

Afwɛʼ Paalo 13:1–28:31 a. Eghɛb mbèmbè 13:1–14:28 b. Eshunu a Jerusalɛm. 15:1-35 c. Eghɛb nùrù fyee 15:36–18:22 d. Eghɛb nùrù tɛd 18:23–21:16 e. Paalo nyii dzɔm a Jerusalɛm, Kaysarya mane a Rom 21:17–28:31

လက္ရွိေရြးခ်ယ္ထားမွု

Eleabwa Ato aga mbɔʼ aŋwɛʼrɛ zɔnɔ: nbt

အေရာင္မွတ္ခ်က္

မၽွေဝရန္

ကူးယူ