Eyɔɔ 21
21
Yeso tee amɔ ebe bɔ bɛɛrɛ abwa sàambyɛ
1Aŋu abwa zɔnɔ à shi fɔɔ ngɛ, Yeso wu tee amɔ ebe bɔ bɛɛrɛ abwa mɔ ekyɛ tsɛrɛ ŋwaʼ eba ndim Tibɛryas wɛ â gɛrɛ ma zɔʼrɔ kpe ebɔrɔndim Galilii ngɛ. Ne énde à mwɔ. 2Shimun Petoro, Tɔmas wɛ â ma zɔʼrɔ kpe ŋwɔ Ngwe ngɛ, Natanyɛ wɛ à me zeʼe a Kanan efwɔ abɛ Galilii ngɛ, bwɔanɔm Zɛbɛdii mane bɔ bɛɛrɛ abwa tsɛrɛ èfyee â na afwɔbi. 3Éngɛ Shimun Petoro ga ebe angɔ kpe, “Mmɛ wa ngo sòʼ shuuru.” Angɔ gɛrɛ ga kpe, “Mbyɛɛ ba zeʼe abwaʼ njɛ.” Angɔ gli ngɔɔ ese gɛ̀rɛ̀ nu ekpe nyii efwɔ, bɛʼngɛ ǹklì anji yɛ angɔ à ke bere ala deʼ bo. 4E tam enchwenchwe ntwɛn, Yeso tam eba ji, bɛʼngɛ bɔ bɛɛrɛ abwa â ke nɛɛ kpe na Yeso bo. 5Yeso zɔʼ angɔ kpe, “Asɔrɔ ndza, mbɔn ke shi bere shuuru deʼ bo?” Angɔ gii kpe, “keʼ, ka ala deʼ nɔ.” 6Éngɛ engɔ ga kpe, “Mbɔn ndwa jɛ̂ ndzɔn ene abɛɛ abwo anɔm ene ekpe, shi mbɔn ba bèrè edeʼ.” Èndzobo chɛ angɔ à le éngɛ ngɛ, angɔ sa mɔ é gòo jɛ̂ amɔ é gè efwɔ ekpe tsɛ̀ʼ, mbɔʼnga nuru shuuru wɛ angɔ à me bere ngɛ â ne ghɛʼ. 7Éngɛ gho bɛ̀ɛrɛ abwa wɛ Yeso à me doʼo ghɛʼ ngɛ ga ebe Petoro kpe, “Na Masakɛ.” Èndzobo chɛ Shimun Petoro à zo kpe na Yeso ngɛ, engɔ furu angwa ǹdi mɔ ge ekwa mɔ mbɔʼnga engɔ à shi chi, gɛ̀rɛ̀ turu efwɔ ndim. 8Abɔ bɛɛrɛ abwa abê tiri ekpe zeʼe eba ji mane jɛ̂ yɛ shuuru â me shwe efwɔ ngɛ. Angɔ à ke me ezhin dɔɔdɔɔ é bwɛn ewee eji bo. À ne mwɔ na ebwo èsama fyee tɛʼ wum nɔ. 9Èndzobo chɛ angɔ à bwɛn ewee eji ngɛ, angɔ à zɔ éwu deʼ ma bɔ ene enkiriwu, shuuru deʼ â gɛrɛ ne mwɔ edɔm mane ǹgoŋ deʼ. 10Éngɛ Yeso gâ ebe angɔ kpe, “Mbɔn bwɛ shuuru deʼ abwaʼ shuuru chɛ mbɔn à bere ngɛ zeʼe.” 11Éngɛ Shimun Petoro kwaʼ ngɔɔ efwɔ ekpe, gɛ̀rɛ̀ gòo jɛ̂ yɛ zeʼe ewee eji. Jɛ̂ à ne shwe ene shuuru. Â ne mwɔ na shuuru eko nè èsama fyee tɛʼ wum ǹchwɔ̀ tɛd nɔ. Bɛʼngɛ jɛ̂ à ke pan bo. 12Éngɛ Yeso gâ ebe angɔ kpe, “Mbɔn zeʼe nɔmɔ aklo ndzɔn.” Gho bɛ̀ɛrɛ abwa deʼ à ke biiri ebe engɔ kpe, “Ngwo na awɛ bo?” Angɔ à le éngɛ mbɔʼnga angɔ à ne nɛɛ kpe na Masakɛ. 13Éngɛ Yeso zeʼ nu ǹgoŋ yɛ gɛ̀bbɛ̀ ndɛ̀ʼ ebe angɔ, gɛ̀rɛ̀ le nkirinkin nè shuuru chɛ. 14Ezɔnɔ à na akyɛ nùrù yɛ tɛd aŋu Yeso a tee amɔ ebe bɔ bɛɛrɛ abwa mɔ ngɛ aŋu engɔ à zhwɛm ene ewu ngɛ.
Yeso ga ebe Petoro
15Èndzobo chɛ angɔ à shi mɛ̀ɛrɛ nde ngɛ, Yeso ga ebe Shimun Petoro kpe, “Shimun, ŋwɔ Eyɔɔ, ngwo we doʼo angu fɔɔ aŋu abɔ abê me doʼo angu ngɛ?” Engɔ gii kpe, “Ɔ̧̀ɔɔ, Masakɛ ngwo we nɛɛ kpe mmɛ we doʼo awɛ.” Yeso gâ ebe engɔ kpe, “Kɔʼɔ bwɔ ǹglɔ̀rɔ̀ mbu.” 16Yeso gɛrɛ wu ga kpe, “Shimun ŋwɔ Eyɔɔ ngwo we doʼo angu?” Engɔ gii kpe, “Ɔ̧̀ɔɔ Masakɛ ngwo we nɛɛ kpe mmɛ we doʼo awɛ.” Yeso gâ ebe engɔ kpe, “kɔʼɔ ǹglɔ̀rɔ̀ ntsa.” 17Yeso wu ga ebe engɔ e bwɛn ene akyɛ tɛd kpe, “Shimun, ŋwɔ Eyɔɔ, ngwo we doʼo angu?” Petoro gii kpe, “Masakɛ, ngwo we nɛɛ abwa gimkpaʼ. Ngwo we nɛɛ kpe mmɛ we doʼo awɛ.” Yeso ga kpe, “Kɔʼɔ ǹglɔ̀rɔ̀ ntsa! 18Mmɛ na ga éŋwaʼa endɔn, èndzobo chɛ mbɔn à mwɔ àghobo ngɛ, mbɔn à na ndèerè akwa ndzɔn, gɛ̀rɛ̀ ngɔɔ ene akwâ yɛ mbɔn me doʼo ngɛ. Bɛʼngɛ èndzobo chɛ mbɔn shi nuru ngɛ, mbɔn ba sa ndɛ̀rɛ ebwo mbɔn ese. Éngɛ abɔ tsɛrɛ sa gè ǹdiri akwa ndzɔn, gɛrɛ sa nu angɔn ngɔɔ ene akwâ yɛ mbɔn ne me doʼo é ngɔ̀ɔ bo ngɛ.” 19Yeso à na ga ebwa wunɔ ma two aghɛʼnji yɛ Petoro ma ngo ku é ndɛʼ eghɔ ebe Ngwe ngɛ. Éngɛ Yeso ga ebe engɔ kpe, “Kiri angu.” 20Petoro ghɛɛbɛ amɔ è zɔ kpe gho bɛ̀ɛrɛ abwa wɛ Yeso à me doʼo ngɛ a na kìrì angɔ. Engɔ wɛ à zɔʼrɔ amɔ ekwa Yeso gɛrɛ biiri ebe engɔ kpe, “Masakɛ na awɛ ma ngo fɛrɛ awɛ?” 21Èndzobo chɛ Petoro à zɔ egho wunɔ ngɛ, è biiri ebe Yeso kpe, “Masakɛ egho wunɔ nyɛ?” 22Éngɛ Yeso gíì kpe, “Mala mmɛ me doʼo kpe engɔ tsɔmɔ bwɛn èndzobo chɛ mmɛ ma wu ghɛɛbɛ ngɛ, mwɔ esɛʼ ngwɛ? Kiri angu.” 23Enkpee andɔɔ à sɛ̂ʼ mbɔʼ ebwa wunɔ abwaʼ abɔ byɛ â me bɛrɛ ngɛ kpe gho bɛ̀ɛrɛ abwa wunɔ yà ne kú. Bɛʼngɛ Yeso à ke ga kpe egho bɛ̀ɛrɛ abwa mɔmbwo yà ne kú bo. Engɔ à ga kpe, “Mala mmɛ me doʼo kpe engɔ tsɔmɔ ekɔʼɔ bwɛn èndzobo chɛ mmɛ ma wu zeʼe ngɛ mwɔ esɛʼ ngwɛ?” 24Ewùnɔ na egho bɛ̀ɛrɛ abwa wɛ à ga apɛpɛ mbɔʼ abwa zɔnɔ ngɛ. Ne engɔ à gɛrɛ ŋwɛ̀ʼrɛ̀ abwa yɛ a chwâ. Éngɛ ntsɔ gɛrɛ be nɛɛ kpe ebwa wɛ engɔ à ga ngɛ ne éŋwaʼa.
Engudu
25Éngɛ Yeso à le abwa tsɛrɛ akɛkɛ. Mala â me ŋwɛʼrɛ abwa zɔnɔ gimkpaʼ a chwâ, éŋwaʼaŋwâʼ, shi mmɛ we zhuŋu kpe, ese gimkpaʼ a ne kpɛɛ é beʼ eŋwɛʼrɛ gimkpaʼ byɛ à ye ma ŋwɛ̀ʼrɛ̀ ngɛ.
လက္ရွိေရြးခ်ယ္ထားမွု
Eyɔɔ 21: nbt
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022, CABTAL
Eyɔɔ 21
21
Yeso tee amɔ ebe bɔ bɛɛrɛ abwa sàambyɛ
1Aŋu abwa zɔnɔ à shi fɔɔ ngɛ, Yeso wu tee amɔ ebe bɔ bɛɛrɛ abwa mɔ ekyɛ tsɛrɛ ŋwaʼ eba ndim Tibɛryas wɛ â gɛrɛ ma zɔʼrɔ kpe ebɔrɔndim Galilii ngɛ. Ne énde à mwɔ. 2Shimun Petoro, Tɔmas wɛ â ma zɔʼrɔ kpe ŋwɔ Ngwe ngɛ, Natanyɛ wɛ à me zeʼe a Kanan efwɔ abɛ Galilii ngɛ, bwɔanɔm Zɛbɛdii mane bɔ bɛɛrɛ abwa tsɛrɛ èfyee â na afwɔbi. 3Éngɛ Shimun Petoro ga ebe angɔ kpe, “Mmɛ wa ngo sòʼ shuuru.” Angɔ gɛrɛ ga kpe, “Mbyɛɛ ba zeʼe abwaʼ njɛ.” Angɔ gli ngɔɔ ese gɛ̀rɛ̀ nu ekpe nyii efwɔ, bɛʼngɛ ǹklì anji yɛ angɔ à ke bere ala deʼ bo. 4E tam enchwenchwe ntwɛn, Yeso tam eba ji, bɛʼngɛ bɔ bɛɛrɛ abwa â ke nɛɛ kpe na Yeso bo. 5Yeso zɔʼ angɔ kpe, “Asɔrɔ ndza, mbɔn ke shi bere shuuru deʼ bo?” Angɔ gii kpe, “keʼ, ka ala deʼ nɔ.” 6Éngɛ engɔ ga kpe, “Mbɔn ndwa jɛ̂ ndzɔn ene abɛɛ abwo anɔm ene ekpe, shi mbɔn ba bèrè edeʼ.” Èndzobo chɛ angɔ à le éngɛ ngɛ, angɔ sa mɔ é gòo jɛ̂ amɔ é gè efwɔ ekpe tsɛ̀ʼ, mbɔʼnga nuru shuuru wɛ angɔ à me bere ngɛ â ne ghɛʼ. 7Éngɛ gho bɛ̀ɛrɛ abwa wɛ Yeso à me doʼo ghɛʼ ngɛ ga ebe Petoro kpe, “Na Masakɛ.” Èndzobo chɛ Shimun Petoro à zo kpe na Yeso ngɛ, engɔ furu angwa ǹdi mɔ ge ekwa mɔ mbɔʼnga engɔ à shi chi, gɛ̀rɛ̀ turu efwɔ ndim. 8Abɔ bɛɛrɛ abwa abê tiri ekpe zeʼe eba ji mane jɛ̂ yɛ shuuru â me shwe efwɔ ngɛ. Angɔ à ke me ezhin dɔɔdɔɔ é bwɛn ewee eji bo. À ne mwɔ na ebwo èsama fyee tɛʼ wum nɔ. 9Èndzobo chɛ angɔ à bwɛn ewee eji ngɛ, angɔ à zɔ éwu deʼ ma bɔ ene enkiriwu, shuuru deʼ â gɛrɛ ne mwɔ edɔm mane ǹgoŋ deʼ. 10Éngɛ Yeso gâ ebe angɔ kpe, “Mbɔn bwɛ shuuru deʼ abwaʼ shuuru chɛ mbɔn à bere ngɛ zeʼe.” 11Éngɛ Shimun Petoro kwaʼ ngɔɔ efwɔ ekpe, gɛ̀rɛ̀ gòo jɛ̂ yɛ zeʼe ewee eji. Jɛ̂ à ne shwe ene shuuru. Â ne mwɔ na shuuru eko nè èsama fyee tɛʼ wum ǹchwɔ̀ tɛd nɔ. Bɛʼngɛ jɛ̂ à ke pan bo. 12Éngɛ Yeso gâ ebe angɔ kpe, “Mbɔn zeʼe nɔmɔ aklo ndzɔn.” Gho bɛ̀ɛrɛ abwa deʼ à ke biiri ebe engɔ kpe, “Ngwo na awɛ bo?” Angɔ à le éngɛ mbɔʼnga angɔ à ne nɛɛ kpe na Masakɛ. 13Éngɛ Yeso zeʼ nu ǹgoŋ yɛ gɛ̀bbɛ̀ ndɛ̀ʼ ebe angɔ, gɛ̀rɛ̀ le nkirinkin nè shuuru chɛ. 14Ezɔnɔ à na akyɛ nùrù yɛ tɛd aŋu Yeso a tee amɔ ebe bɔ bɛɛrɛ abwa mɔ ngɛ aŋu engɔ à zhwɛm ene ewu ngɛ.
Yeso ga ebe Petoro
15Èndzobo chɛ angɔ à shi mɛ̀ɛrɛ nde ngɛ, Yeso ga ebe Shimun Petoro kpe, “Shimun, ŋwɔ Eyɔɔ, ngwo we doʼo angu fɔɔ aŋu abɔ abê me doʼo angu ngɛ?” Engɔ gii kpe, “Ɔ̧̀ɔɔ, Masakɛ ngwo we nɛɛ kpe mmɛ we doʼo awɛ.” Yeso gâ ebe engɔ kpe, “Kɔʼɔ bwɔ ǹglɔ̀rɔ̀ mbu.” 16Yeso gɛrɛ wu ga kpe, “Shimun ŋwɔ Eyɔɔ ngwo we doʼo angu?” Engɔ gii kpe, “Ɔ̧̀ɔɔ Masakɛ ngwo we nɛɛ kpe mmɛ we doʼo awɛ.” Yeso gâ ebe engɔ kpe, “kɔʼɔ ǹglɔ̀rɔ̀ ntsa.” 17Yeso wu ga ebe engɔ e bwɛn ene akyɛ tɛd kpe, “Shimun, ŋwɔ Eyɔɔ, ngwo we doʼo angu?” Petoro gii kpe, “Masakɛ, ngwo we nɛɛ abwa gimkpaʼ. Ngwo we nɛɛ kpe mmɛ we doʼo awɛ.” Yeso ga kpe, “Kɔʼɔ ǹglɔ̀rɔ̀ ntsa! 18Mmɛ na ga éŋwaʼa endɔn, èndzobo chɛ mbɔn à mwɔ àghobo ngɛ, mbɔn à na ndèerè akwa ndzɔn, gɛ̀rɛ̀ ngɔɔ ene akwâ yɛ mbɔn me doʼo ngɛ. Bɛʼngɛ èndzobo chɛ mbɔn shi nuru ngɛ, mbɔn ba sa ndɛ̀rɛ ebwo mbɔn ese. Éngɛ abɔ tsɛrɛ sa gè ǹdiri akwa ndzɔn, gɛrɛ sa nu angɔn ngɔɔ ene akwâ yɛ mbɔn ne me doʼo é ngɔ̀ɔ bo ngɛ.” 19Yeso à na ga ebwa wunɔ ma two aghɛʼnji yɛ Petoro ma ngo ku é ndɛʼ eghɔ ebe Ngwe ngɛ. Éngɛ Yeso ga ebe engɔ kpe, “Kiri angu.” 20Petoro ghɛɛbɛ amɔ è zɔ kpe gho bɛ̀ɛrɛ abwa wɛ Yeso à me doʼo ngɛ a na kìrì angɔ. Engɔ wɛ à zɔʼrɔ amɔ ekwa Yeso gɛrɛ biiri ebe engɔ kpe, “Masakɛ na awɛ ma ngo fɛrɛ awɛ?” 21Èndzobo chɛ Petoro à zɔ egho wunɔ ngɛ, è biiri ebe Yeso kpe, “Masakɛ egho wunɔ nyɛ?” 22Éngɛ Yeso gíì kpe, “Mala mmɛ me doʼo kpe engɔ tsɔmɔ bwɛn èndzobo chɛ mmɛ ma wu ghɛɛbɛ ngɛ, mwɔ esɛʼ ngwɛ? Kiri angu.” 23Enkpee andɔɔ à sɛ̂ʼ mbɔʼ ebwa wunɔ abwaʼ abɔ byɛ â me bɛrɛ ngɛ kpe gho bɛ̀ɛrɛ abwa wunɔ yà ne kú. Bɛʼngɛ Yeso à ke ga kpe egho bɛ̀ɛrɛ abwa mɔmbwo yà ne kú bo. Engɔ à ga kpe, “Mala mmɛ me doʼo kpe engɔ tsɔmɔ ekɔʼɔ bwɛn èndzobo chɛ mmɛ ma wu zeʼe ngɛ mwɔ esɛʼ ngwɛ?” 24Ewùnɔ na egho bɛ̀ɛrɛ abwa wɛ à ga apɛpɛ mbɔʼ abwa zɔnɔ ngɛ. Ne engɔ à gɛrɛ ŋwɛ̀ʼrɛ̀ abwa yɛ a chwâ. Éngɛ ntsɔ gɛrɛ be nɛɛ kpe ebwa wɛ engɔ à ga ngɛ ne éŋwaʼa.
Engudu
25Éngɛ Yeso à le abwa tsɛrɛ akɛkɛ. Mala â me ŋwɛʼrɛ abwa zɔnɔ gimkpaʼ a chwâ, éŋwaʼaŋwâʼ, shi mmɛ we zhuŋu kpe, ese gimkpaʼ a ne kpɛɛ é beʼ eŋwɛʼrɛ gimkpaʼ byɛ à ye ma ŋwɛ̀ʼrɛ̀ ngɛ.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2022, CABTAL