Johanes 8
8
Jesu ma bihin sungsou
1Jesu i ndre bahali Oliva. 2Mabing i gina le um ad Jehova lie. Su ndramed masi su la born ndro i. I lugdo, boen i henunuen su. 3Su ndremda hernou, ma su Pharisi, su huri hom bihin le ndro i, i da gin bo sungsou. Be su gin lele i, su gin hosi i, su gin huri le ndro Jesu. 4Su vong, su boi: Ndorlaben, su gin ilndri, bihin ogo gin bo sungsou. 5Mose i gin hondre, su gdaii bihin dagara gle bad. Uo hanguruen sa, aga monen de bui? 6Su gin vong dagara, su beg seslaini Jesu, beg dieni i le nongen aden. Jesu i godurhu, i hondre gle gobnemen le boan. 7Su ndemani i le longu ogo bersi ma bersilie. Boen Jesu i dne, i vong le ndro su: Ar homo bergoln i rosan gane, heb longu momen aden bui, i ghedi bad, i gbieni le ndro bihin hanu. 8Boen i godurhu lie i hondre le boan. 9Be su gin hirong nongen aden, su bieni lundieum, homo ma homo. Su labenen hanu. Jesu ge, ma bihin ogo sor dandon. 10Malabo Jesu i dne, i ndemani bihin: Su da bo gord le ndro uo su da oho? Homo i de gin dieni uo bui? I bode: Ndorlaben, bugane. 11Jesu i vong le ndro i: Io lie, io de dieni uo bui, al um adem, mbue bo momen bersilie.
Jesu ma su Pharisi.
12Jesu i vong le ndro su lie i boi: Io sul ber gor masi, homo i ndrobo, i de irgei le ndrogmoan bui, sul ber lang i da ndro i, i horuan leri. 13Su Pharisi su vong le ndro i: Uo da bosoui nongen ogo gle adem ge, nongen adem molhege. 14Jesu i bode: Be io da bosoui nongen ogo ber ordo ge, io dono nongen ordo monen ge, io dono io gin meher oho ma io dogi oho, de mu ge de danmu bui, io gin meher oho, ma io dogi oho. 15Mu da dieni su ndramed gle longu hendre e hendre danmu lele i, io de gdieni homo bui. 16Be io bo gord, io ghinen i monen ge. Io ge, io homo bui, Bo Domo i da rendegien io, i da baghege ndro io. 17Su gin hondre le Buk Helian, be sor marmou sor bosoui longu hendre bersi, nongen asor i monen. 18Io bosoui longu le ordo, e Bo Domo i da gin rendegien io, i da bosoui longu le ordo lie. 19Malabo su ndemani i: Damen i da oho? Jesu i bode: De danmu io e Bo Domo hebsa bui, ar mu danmu io, danmu Bo Domo lie. 20Nongen ogo i gin bosoui le ndro su, be i da baghege le bogis moni ad Jehova. Homo de gin hosi i bui, rang aden de gin me masou.
21Boen i vong le ndro su lie: Io gal gor manan, mu gahi io, mu na gmed le longu ademu momen. De danmu gmeher le gor ordo bui. 22Su Juda su vong su boi: I beg sindrdi goln, de derbe, i da vong, i bai: Io beg dogi, de danmu meher le logna ordo bui. 23Jesu i vong le ndro su: Mu ber boan ogo io ge ber belengan. Mu ber gor ogo, boan ogo i gor ordo bui. 24Le longu ogo io gin bai, uomu na gmed le longu ademu momen. Ar de danmu boro i bui, io ie, mu na gmed le longu ademu momen. 25Su ndemani i, uo sie? Jesu i bodeie: Io da gin bosoui le ndro mu hanu, dege io gin bosoui le ndro mu malabo lie. 26Longu mabosanged i dandon, io dono bosoui le longu ademu, io dono dieni i. I ge i da gin rendegien io, i monen ndangen, longu masi io da gin hirong i le aden io bosoui le ndro su ndramed ber gor. 27De dansu i bui, nongen ogo i da gin bosoui le ad Damen. 28Boen i vong le ndro su, ar mu gin dadhe Ndurndramed ir gei, muren danmu io ie, io da gin heb mburer ordo bui, io da gin bosoui longu masigane, Bo Domo gin henunuen io leri. 29I ge, i gin rendegien io, i da ndro io, i de gin bieni io bui, io da hinen sidesi mburer aden, dege i ie lengi.
30Be i da gin bosoui nongen dagara, su mabosanged su boro ndoui aden, su lao aden. 31Jesu i vong le ndro su Juda, su da gin boro ndoui le nongen aden, i boi: Ar mu boro ndoui le nongen ordo, mu lao ordo hohunan ndangen. 32Danmu longu masi monen ge, aga i danen rumburdi mu le longu masi momen. 33Su vong le ndro i, su bodeie: Iou ndur ad Abraham ge, iou labenen, iou lao dandendegei bugane. Nongen adem derbe? Su beg rumburdi du? 34Jesu i bode: Ndangen, ndangen io boi le ndro mu, homo ma homo ir bo longu momen, aga lao dandendegei le longu momen. 35Hom lao dandendegei i da le um ad labenan sidesi bui. Ndurn ge, i da le um aden sidesi. 36Ar ndurn i grumburdi mu, mu horuan ge ndangen.
37Io dono, mu ndur Abraham, mu ge, mu beg daii io, nongen ordo de iao le bergolmu bui. 38Longu nasi io da gin ilndri le ad Bo Domo, io bosoui leri. Mu lie, mu ghinen longu masigane, mu gin hirong i le damen ademu. 39Su vong le ndro i, su bodeie: Abraham i damdu. Jesu i bode: Ar mu ndur Abraham, mu ghinen i, dege Abraham gin hinen i. 40Mu beg daii io, beg daii homo, i da gin bohernou nongen hian monen ge dege io da gin hirong le ad bohon Jehova. Abraham de gin hinen i dagara bui. 41Mu da ghinen i, dege damen admu gin hinen i. Su bodeie: Iou ndurn ad damdu ndangen monen ge, homo ge, i damdu, aga Jehova. 42Jesu i vong le ndro su, i boi: Be Jehova i damen ademu, danmu golnisden io. Jehova gin rendegien io. Io de gin me le gor ogo gle molhe bui, Bo Domo gin rendegien io. 43Desa de danmu nongen ordo hebsa bui, mu heb ndoa bugane le boro nongen ordo? Delengamu bui. 44Satan, aga damen ademu, mu ghinen i, dege i da hangungerou sidesi. Satan i hom daiandramed ber nandugian, i da bahilou ge, nongen aden i heb monen bui. Bern aden, aga bahilou ge, i ndremda bahilou. I damen asu ndremda bahilou masi. 45Io ge, io da gin bosoui nongen monen ge ndangen, de danmu boro i hebsa bui. 46Sie ademu i danen bosilieni me ndro io heb longu momen ordo? Be io da bosoui nongen monen ge, desa danmu boro io bui? 47Homo i ad Jehova, i hirong nongen ad Jehova, mu de hirong nongen aden bui, mu ad Jehova bugane.
48Malabo su Juda, su vong le ndro i: Nongen adu i monen ge, iou da gin bosoui, uo ge, homo asu Samaria, ngongong i da ndrnem. 49Jesu i bodeie: Heb ngongong i da le ndrno bui, io bamugueni Bo Domo ge, mu ge, mu beg behena ngoro hian. 50Io de hanguruen ngoro bui, homo ge, i do da, i bamugueni i, ma i gob gord le ndro su, su da boii ngoro. 51Ndangen, ndangen io boi le ndro mu: Ar homo i delengan le nongen ordo, i ghinen i, i de somad bui, i horuan ge sidegesi. 52Su Juda su vong le ndro i, su bodeie: Malabo dandu i ngongong i da ndrnem. Abraham i ginmad, dagara su Provet masi su ginmad. Uo ge, uo boi: Homo i da ghinen nongen adem, i de somad bui, i da mamaren sidegesi. 53Uo manden hanu le ad damen adu, Abraham, i da ginmad lie? Ma su Provet masi su ginmad. Uo da hanguruen sa gle adem? 54Jesu i bodeie: Ar io beg mugueni ngoro, aga molhege, bugane. Bo Domo, i ge, i mugueni io, i ge, mu da bosoui, mu bai, i Jehova admu. 55De danmu Jehova bui, io ge, io dono i. Ar io bai, io de dono i bui, muren io dege mu lie, io bahilou ge. Io dono Jehova, delengo le nongen aden. 56Damen ademu Abraham i ngei, i mugmug ge, be i beg ilndri rang ordo, ma i gin ilndri i. 57Su Juda su vong le ndro i: Uru adem malimungul masou, uo gin ilndri Abraham ie? 58Jesu i bodeie: Ndangen, ndangen io boi le ndro mu, io hanu, Abraham muren. 59Su hedi bad, su beg daii i. Jesu i gorni, boen i bieni um, i gineao.
လက္ရွိေရြးခ်ယ္ထားမွု
Johanes 8: LLENT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Published by the British and Foreign Bible Society 1956