Luka 3
3
Yohana nee dɨ ɗadə tɨfe gə Yesu
(Matta 3.1-12; Markus 1.1-8; Yohana 1.19-28)
1A vor kyawatə bəw a mbiɗi-tuf Kaisar Tibariya nə həmə kpanə njiya Roma. Itɨngɨn Pontus Bilatus mgban nə nggwamnatɨ Yawudiya, Hiridus nə hama Galili, jibiyəngɨn Filibus nə hama Ituriya ka Trakonitas, ndi Lisaniyas mgban sɨnə hama Abilin. 2A vor kiwata Kɨsahəmə kpane da Yawude, a hwoɗye mya dɨ wa atɨ Kayafas, ka Kɨsahəmə kpane Anas. Itɨngɨn kormi Həmɨnpwa a shi ka Yohana nze da Zakariya a vor kaake. 3Yohana a dɨmə a woyo a mbəgə hee ta koɗə wake vɨree a gombo gbɨnuwo Urdun, ndi ta hiwa ɓwaare ka le da Həmɨnpwa, ndi ta sarən atɨ, “Porom-njiya gə mya ɗəwnə batisɨmatə ka haɓye, gə Həmɨnpwa a nggurəwnəgə səhase dəwnə.” 4Angɨn nə ɓətɨ mya doro vor malɨmta kpala mya wa atɨ Ishaya,
“Kormə mangɨn nə
dɨ wagaha a vor kaake atɨ,
‘Ɗamdə tɨfe da Həmɨnpwa,
sɨnə ɗadə nzaasəwnə,
naa tɨfe a tɨɗə shant.
5Nagi ndo gomboha a nda mbɨɗa,
mogye mgban a pukə həlkət.
Təfəgyee puwa-puwa a təɗə,
təfəgyee fare-fare
a pukə ɓuk-ɓuk.
6Mi vɨratə kat ɓa naa mbəha da Həmɨnpwa.’ ”#3.6 Naasə: Ishaya 40.3-5.
7Ite təkə-təkətɨ ɓwaare maɗa dɨ shi haka Yohana gə nda ɗarən batisɨmatə, nda sarən atɨ, “Hwun rokonyi hashe, a je da səfwakshike! Ɓə wonə she gɨrarəwnə atɨ gyeɓəm gə hwuna mbəgə ɓashita Həmɨnpwa ite dɨ shi nəngəwna? 8Bɨləmdə sate atɨ hwun por-njiya ka səhase dəwnə, ɓe hwunaa sa atɨ hwunə je da Ibɨraim gə-angɨn hwun ɓa ɗɨm mbətə. Diyalə na dɨ boyownə Həmɨnpwa nee ka gətə nda mɨndə faree təna gəə je da Ibɨraim. 9Di mye nggur shere ɓa ɗawgə kada kat ka kworyingɨn. Kadaa kat mbwosən aa wula, mye ɓa ɗawo a ɗongə ɗiye.”
10Ɓwaare hananang a ɗiyən, “Mɨnə kana hina ɗa gəngnə?”
11Yohana a sarən, “Ɓə kana ma ka ɓarawye kpe, nda nggur ite hiɗə a və ma tam kaarə, ma ka sɨzɨmtə mgban ɓə kana nda ɗaasə.”
12Ji-luu taa shemte də mgban 'ye shi gə mya ɗarən batisɨmatə, a ɗi le atɨ, “Nzə-kəndəshe mɨnə kana hina ɗa?”
13Nda sarən, “Ɓe hwunaa luu sa pɨrgə a mya boyownə atɨ hwuna luwo haka ɓwaare.”
14Imi di vor ji-pakawatə#3.14 Ji-gyelmbutə nə soje. a ɗiyən, “Mɨnə mgban kana hina ɗa?”
Nda sarən, “Ɓe hwunaa ɗa sɨmwarashe a lugə ɓwaare taa darən a maase. Ɓe hwuna ɗɨkərən le ɓaa a nə jeronye. Kɨsəm sa mya mbownə, ɗam lyentə kan ɓəmbə.”
15Giɓə ɓwaare kat nee dɨ kula shita Ma Həmɨnpwa a Yaɓwarən tən ta ndələ hubosərən atɨ, “Yohana nə Ma Həmɨnpwa a Yaɓwarəntɨngɨn ma?” 16Yohana a sarən kat atɨ, “Hɨnggi hɨn na dɨ ɗa batisɨmatə ka haɓye ɓəmbə. Ma dɨ kwaɗa beeshi pɨrgi ka gətə, mangɨn nagi salaki hwanye dan nə, hɨn taa kəni, na kupo a para. Sɨnə ɓa ɗəwnə batisɨmatə ka Pitɨ Ɗəmɗəmtə ka ɗiye. 17Kpee sharashe dan nee a tɨfəngɨn ndi ɓa fiyagə kpərətə, nda shara shee, shifətə a dɨmə a ɗaka daase. Ndi ɓa ɗɨkdə daase a bongge, nda hina shifətə ka ɗiya aawa mbɨrə.” 18Ka ləməgi gɨraha som-som Yohana a hiwa ɓwaare lə femə mbəha da Həmɨnpwa.
19Ite Yohana a gɨra həmɨn Hiridus gələ nda lugə jibiyəngɨn metə, a mete mya dɨ wa atɨ Hirodiya a nza kaarə. Yohana a mɨna dɨkan ndi Hiridus gə i shi hashi 'ye nda ɗa. 20Mɨni səhasa Hiridus a ɗa nə ite nda ɗɨkdə Yohana a gbərəwe.
Yohana a ɗa Yesu batisɨmatə
(Matta 3.13-17; Markus 1.9-11)
21Ite myaa nda ɗɨkdə Yohana a gbərəwe, ɓwaare hananang a shi gə mya ɗarən batisɨmatə, də a itɨngɨn mgban Yesu a shi gə mya ɗan batisɨmatə. Də a hangɨn ite sɨne dɨ ɗa hiwtə, pwa a wunə bwang, 22Pitɨ Ɗəmɗəmtə a janga a nəngɨn ɓətɨ nji-gulati. Korme a dɨma dɨ vor pwa a sa atɨ, “Nze de nə anə, a na dɨ mwo, haa a dɨ nɨnyi kan kɨr-kɨr.”
Kwirə yə jigə Yesu
(Matta 1.1-17)
23Yesu nee ka kyawatə ɓa ɗa bəwtə mwaakɨn nda ɓə tiya hiwatə ka kəndə ləməgye da Həmɨnpwa. Ɓwaare nee dɨ kana atɨ Yesu nə nze da Yusufu,
Yusufu nə nze da Heli,
24Helinə nze da Matat,
Matat nə nze da Levi,
Levi nə nze da Melki,
Melki nə nze da Janai,
Janai nə nze da Yusufu,
25Yusufu nə nze da Matayas,
Matayas nə nze da Amos,
Amos nə nze da Nahum,
Nahum nə nze da Azaliya,
Azaliya nə nze da Naggai,
26Naggai nə nze da Maata,
Maata nə nze da Matayas,
Matayas nə nze da Shimeya,
Shimeya nə nze da Yosek,
Yosek nə nze da Yoda,
27Yoda nə nze da Juwana,
Juwana nə nze da Resa,
Resa nə nze da Zerubabel,
Zerubabel nə nze da Sheyaltiyel,
Sheyaltiyel nə nze da Niri,
28Niri nə nze da Melki,
Melki nə nze da Addi,
Addi nə nze da Kosama,
Kosama nə nze da Elmadama,
Elmadama nə nze da Er,
29Er nə nze da Josuwa,
Josuwa nə nze da Eliyeza,
Eliyeza nə nze da Yorim,
Yorim nə nze da Matat,
Matat nə nze da Levi,
30Levi nə nze da Simiyon,
Simiyon nə nze da Yawuda,
Yawuda nə nze da Yusufu,
Yusufu nə nze da Yonam,
Yonam nə nze da Eliyakim,
31Eliyakim nə nze da Meliya,
Meliya nə nze da Menna,
Menna nə nze da Matata,
Matata nə nze da Natan,
Natan nə nze da Dawuda,
32Dawuda nə nze da Jesi,
Jesi nə nze da Obed,
Obed nə nze da Bowaz,
Bowaz nə nze da Salmon,
Salmon nə nze da Nashon,
33Nashon nə nze da Aminadab,
Aminadab nə nze da Admin,
Admin nə nze da Arni,
Arni nə nze da Hezron,
Hezron nə nze da Perez,
Perez nə nze da Yawuda,
34Yawuda nə nze da Yakubu,
Yakubu nə nze da Ishaku,
Ishaku nə nze da Ibɨraim,
Ibɨraim nə nze da Tera,
Tera nə nze da Nahor,
35Nahor nə nze da Serug,
Serug nə nze da Reyu,
Reyu nə nze da Peleg,
Peleg nə nze da Eber,
Eber nə nze da Shela,
36Shela nə nze da Kenan,
Kenan nə nze da Arpakshad,
Arpakshad nə nze da Shem,
Shem nə nze da Nuhu,
Nuhu nə nze da Lamek,
37Lamek nə nze da Metusela,
Metusela nə nze da Enok,
Enok nə nze da Jared,
Jared nə nze da Mahalalel,
Mahalalel nə nze da Kenan,
38Kenan nə nze da Enosh,
Enosh nə nze da Set,
Set nə nze da Adamu,
Adamu nə nze da Həmɨnpwa.
လက္ရွိေရြးခ်ယ္ထားမွု
Luka 3: bcy
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Luka 3
3
Yohana nee dɨ ɗadə tɨfe gə Yesu
(Matta 3.1-12; Markus 1.1-8; Yohana 1.19-28)
1A vor kyawatə bəw a mbiɗi-tuf Kaisar Tibariya nə həmə kpanə njiya Roma. Itɨngɨn Pontus Bilatus mgban nə nggwamnatɨ Yawudiya, Hiridus nə hama Galili, jibiyəngɨn Filibus nə hama Ituriya ka Trakonitas, ndi Lisaniyas mgban sɨnə hama Abilin. 2A vor kiwata Kɨsahəmə kpane da Yawude, a hwoɗye mya dɨ wa atɨ Kayafas, ka Kɨsahəmə kpane Anas. Itɨngɨn kormi Həmɨnpwa a shi ka Yohana nze da Zakariya a vor kaake. 3Yohana a dɨmə a woyo a mbəgə hee ta koɗə wake vɨree a gombo gbɨnuwo Urdun, ndi ta hiwa ɓwaare ka le da Həmɨnpwa, ndi ta sarən atɨ, “Porom-njiya gə mya ɗəwnə batisɨmatə ka haɓye, gə Həmɨnpwa a nggurəwnəgə səhase dəwnə.” 4Angɨn nə ɓətɨ mya doro vor malɨmta kpala mya wa atɨ Ishaya,
“Kormə mangɨn nə
dɨ wagaha a vor kaake atɨ,
‘Ɗamdə tɨfe da Həmɨnpwa,
sɨnə ɗadə nzaasəwnə,
naa tɨfe a tɨɗə shant.
5Nagi ndo gomboha a nda mbɨɗa,
mogye mgban a pukə həlkət.
Təfəgyee puwa-puwa a təɗə,
təfəgyee fare-fare
a pukə ɓuk-ɓuk.
6Mi vɨratə kat ɓa naa mbəha da Həmɨnpwa.’ ”#3.6 Naasə: Ishaya 40.3-5.
7Ite təkə-təkətɨ ɓwaare maɗa dɨ shi haka Yohana gə nda ɗarən batisɨmatə, nda sarən atɨ, “Hwun rokonyi hashe, a je da səfwakshike! Ɓə wonə she gɨrarəwnə atɨ gyeɓəm gə hwuna mbəgə ɓashita Həmɨnpwa ite dɨ shi nəngəwna? 8Bɨləmdə sate atɨ hwun por-njiya ka səhase dəwnə, ɓe hwunaa sa atɨ hwunə je da Ibɨraim gə-angɨn hwun ɓa ɗɨm mbətə. Diyalə na dɨ boyownə Həmɨnpwa nee ka gətə nda mɨndə faree təna gəə je da Ibɨraim. 9Di mye nggur shere ɓa ɗawgə kada kat ka kworyingɨn. Kadaa kat mbwosən aa wula, mye ɓa ɗawo a ɗongə ɗiye.”
10Ɓwaare hananang a ɗiyən, “Mɨnə kana hina ɗa gəngnə?”
11Yohana a sarən, “Ɓə kana ma ka ɓarawye kpe, nda nggur ite hiɗə a və ma tam kaarə, ma ka sɨzɨmtə mgban ɓə kana nda ɗaasə.”
12Ji-luu taa shemte də mgban 'ye shi gə mya ɗarən batisɨmatə, a ɗi le atɨ, “Nzə-kəndəshe mɨnə kana hina ɗa?”
13Nda sarən, “Ɓe hwunaa luu sa pɨrgə a mya boyownə atɨ hwuna luwo haka ɓwaare.”
14Imi di vor ji-pakawatə#3.14 Ji-gyelmbutə nə soje. a ɗiyən, “Mɨnə mgban kana hina ɗa?”
Nda sarən, “Ɓe hwunaa ɗa sɨmwarashe a lugə ɓwaare taa darən a maase. Ɓe hwuna ɗɨkərən le ɓaa a nə jeronye. Kɨsəm sa mya mbownə, ɗam lyentə kan ɓəmbə.”
15Giɓə ɓwaare kat nee dɨ kula shita Ma Həmɨnpwa a Yaɓwarən tən ta ndələ hubosərən atɨ, “Yohana nə Ma Həmɨnpwa a Yaɓwarəntɨngɨn ma?” 16Yohana a sarən kat atɨ, “Hɨnggi hɨn na dɨ ɗa batisɨmatə ka haɓye ɓəmbə. Ma dɨ kwaɗa beeshi pɨrgi ka gətə, mangɨn nagi salaki hwanye dan nə, hɨn taa kəni, na kupo a para. Sɨnə ɓa ɗəwnə batisɨmatə ka Pitɨ Ɗəmɗəmtə ka ɗiye. 17Kpee sharashe dan nee a tɨfəngɨn ndi ɓa fiyagə kpərətə, nda shara shee, shifətə a dɨmə a ɗaka daase. Ndi ɓa ɗɨkdə daase a bongge, nda hina shifətə ka ɗiya aawa mbɨrə.” 18Ka ləməgi gɨraha som-som Yohana a hiwa ɓwaare lə femə mbəha da Həmɨnpwa.
19Ite Yohana a gɨra həmɨn Hiridus gələ nda lugə jibiyəngɨn metə, a mete mya dɨ wa atɨ Hirodiya a nza kaarə. Yohana a mɨna dɨkan ndi Hiridus gə i shi hashi 'ye nda ɗa. 20Mɨni səhasa Hiridus a ɗa nə ite nda ɗɨkdə Yohana a gbərəwe.
Yohana a ɗa Yesu batisɨmatə
(Matta 3.13-17; Markus 1.9-11)
21Ite myaa nda ɗɨkdə Yohana a gbərəwe, ɓwaare hananang a shi gə mya ɗarən batisɨmatə, də a itɨngɨn mgban Yesu a shi gə mya ɗan batisɨmatə. Də a hangɨn ite sɨne dɨ ɗa hiwtə, pwa a wunə bwang, 22Pitɨ Ɗəmɗəmtə a janga a nəngɨn ɓətɨ nji-gulati. Korme a dɨma dɨ vor pwa a sa atɨ, “Nze de nə anə, a na dɨ mwo, haa a dɨ nɨnyi kan kɨr-kɨr.”
Kwirə yə jigə Yesu
(Matta 1.1-17)
23Yesu nee ka kyawatə ɓa ɗa bəwtə mwaakɨn nda ɓə tiya hiwatə ka kəndə ləməgye da Həmɨnpwa. Ɓwaare nee dɨ kana atɨ Yesu nə nze da Yusufu,
Yusufu nə nze da Heli,
24Helinə nze da Matat,
Matat nə nze da Levi,
Levi nə nze da Melki,
Melki nə nze da Janai,
Janai nə nze da Yusufu,
25Yusufu nə nze da Matayas,
Matayas nə nze da Amos,
Amos nə nze da Nahum,
Nahum nə nze da Azaliya,
Azaliya nə nze da Naggai,
26Naggai nə nze da Maata,
Maata nə nze da Matayas,
Matayas nə nze da Shimeya,
Shimeya nə nze da Yosek,
Yosek nə nze da Yoda,
27Yoda nə nze da Juwana,
Juwana nə nze da Resa,
Resa nə nze da Zerubabel,
Zerubabel nə nze da Sheyaltiyel,
Sheyaltiyel nə nze da Niri,
28Niri nə nze da Melki,
Melki nə nze da Addi,
Addi nə nze da Kosama,
Kosama nə nze da Elmadama,
Elmadama nə nze da Er,
29Er nə nze da Josuwa,
Josuwa nə nze da Eliyeza,
Eliyeza nə nze da Yorim,
Yorim nə nze da Matat,
Matat nə nze da Levi,
30Levi nə nze da Simiyon,
Simiyon nə nze da Yawuda,
Yawuda nə nze da Yusufu,
Yusufu nə nze da Yonam,
Yonam nə nze da Eliyakim,
31Eliyakim nə nze da Meliya,
Meliya nə nze da Menna,
Menna nə nze da Matata,
Matata nə nze da Natan,
Natan nə nze da Dawuda,
32Dawuda nə nze da Jesi,
Jesi nə nze da Obed,
Obed nə nze da Bowaz,
Bowaz nə nze da Salmon,
Salmon nə nze da Nashon,
33Nashon nə nze da Aminadab,
Aminadab nə nze da Admin,
Admin nə nze da Arni,
Arni nə nze da Hezron,
Hezron nə nze da Perez,
Perez nə nze da Yawuda,
34Yawuda nə nze da Yakubu,
Yakubu nə nze da Ishaku,
Ishaku nə nze da Ibɨraim,
Ibɨraim nə nze da Tera,
Tera nə nze da Nahor,
35Nahor nə nze da Serug,
Serug nə nze da Reyu,
Reyu nə nze da Peleg,
Peleg nə nze da Eber,
Eber nə nze da Shela,
36Shela nə nze da Kenan,
Kenan nə nze da Arpakshad,
Arpakshad nə nze da Shem,
Shem nə nze da Nuhu,
Nuhu nə nze da Lamek,
37Lamek nə nze da Metusela,
Metusela nə nze da Enok,
Enok nə nze da Jared,
Jared nə nze da Mahalalel,
Mahalalel nə nze da Kenan,
38Kenan nə nze da Enosh,
Enosh nə nze da Set,
Set nə nze da Adamu,
Adamu nə nze da Həmɨnpwa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.