मत्ती 16
16
स्वर्ग़ीय निशानी ची मांग
(मरकुस 8:11–13; लूका 12:54–56)
1 #
मत्ती 12:38; लूक 11:16 फरीसी ते सदूकिया ने गोढु आती कर ईशु नु परखणे वास्ते ओनु केहले, “अम्हानु स्वर्ग़ा चा कुई चैन्ह ङिखाण।” 2ओणे वानु उत्तर ङिला, “आथणे तम्ही किहा, ‘मौसम आच्छा रिही, कांकि आसमान लाल छै,’ 3ते सवेले किहा, ‘आज़ अन्धारी आवी, कांकि आसमान लाल ते धुंधला छै।’ तम्ही आसमाना चे लक्षण ङेखती कर ओचा भेद बावड़ सग़ा, पर समय चे चैन्हा चा भेद कां ना बावड़ सग़ा? 4#मत्ती 12:39; लूक 11:29ऐ युगा चे बुरे ते व्यभिचारी लौक चैन्ह सोधणा चाहवी, पर योना भविष्यवक्ता चा चैन्ह छोड़ती कुई नेरा चैन्ह वानु नी ङिला जई।” ते ईशु वानु छोड़ती कर चाह्ला गेला।
फरीसिया ते सदूकिया ची शिक्षा चा खमीर
(मरकुस 8:14–21)
5ईशु चे चैले झील चे ओ पासु पुज़ले, ते वे रोटी आणने भूलती गेलते। 6#लूक 12:1ईशु ने वानु केहले, “ङेखा, फरीसिया ते सदूकिया चे खमीर कनु चौकस रेहजा।” 7वे आपस मां विचार करु लाग़ले, “अम्ही रोटी कोनी आणली ऐवास्ते ओ इसड़े किहे पला।”
8ईं जाणती कर, ईशु ने वानु केहले, “हे अल्पविश्वासी, तम्ही आपस मां कां विचार करा पले कि अम्चे कनु रोटी कोनी? 9#मत्ती 14:17–21का तम्ही हमा तक कोनी समझले? का तम्हानु वां पाँचा हजारा चा पाँच रोटीया याद कोनी, ते ना ईं कि तम्ही कितने टोकरे चले हुते? 10#मत्ती 15:34–38ते ना वा चार हजारा चे वास्ते सात रोटीया, ते ना ईं कि तम्ही कितने टोकरे भरती कर चले हुते? 11तम्ही कां कोनी समझले कि मैं तम्हानु रोटीया चे बारे मां कोनी केहले, पर ईं कि तम्ही फरीसिया ते सदूकिया चे खमीरा कनु चौकस रिहा।”
12बल्ति वांची समझी मां आले कि ओणे रोटी चे खमीर कनु कोनी, पर फरीसिया ते सदूकिया ची शिक्षा कनु चौकस रेहणे वास्ते केहले हुते।
पतरस चे ईशु नु मसीह स्वीकार करने
(मरकुस 8:27–30; लूका 9:18–21)
13ईशु कैसरिया फिलिप्पी चे प्रदेसा मां आला, ते आपणे चैला कनु पूछले, “लौक मैं इन्साना चे पूता नु का किही ?”
14 #
मत्ती 14:1,2; मरकु 6:14,15; लूक 9:7,8 वाणे केहले, “कुई तां यूहन्ना बपतिस्मा ङेणे आला किही। ते कुई एलिय्याह ते कुई यिर्मयाह जा भविष्यवक्ता महु कुई हेक किही।”
15ईशु ने वानु केहले, “पर तम्ही मनु का किहा ?”
16 #
यूह 6:68,69 शमौन पतरस ने उत्तर ङिला, “तु जीते नरीकारा चा पूत मसीह छी।”
17ईशु ने ओनु उत्तर ङिला, “हे शमौन, योना चा पूत, तु धन्न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली। 18ते मैं वी तनु किहे पला कि तु पतरस छी, ते मैं ऐ पत्थरा उपर आपणी कलीसिया बणावी, ते अधोलोक चे फाटक ओचे उपर हावी नी हुवी। 19#मत्ती 18:18; यूह 20:23 मैं तनु स्वर्ग़ा चे राज़ चीया कुंजीया ङिही, ते जको कोच्छ तु धरती उपर ब़ांधे, ऊं स्वर्ग़ा मां ब़झी, ते जको कोच्छ तु धरती उपर खोले, ऊं स्वर्ग़ा मां खुली।”
20तब ओणे चैला नु चिताले कि, “कानु ना केहजा कि मैं मसीह छै।”
आपणी मौत चे बारे मां ईशु ची भविष्यवाणी
(मरकुस 8:31—9:1; लूका 9:22–27)
21ओ समय कनु ईशु आपणे चैला नु बावड़ु लाग़ला, “जरुरी छै कि मैं यरुशलेम नु जाये, ते बङके, ते प्रधान याजका, ते शास्त्री मनु ब़ोहत ङोख ङियो ते मारती नाखो, ते तीजे ङिओ जीता हुती जाये।”
22ऐचे उपर पतरस ओनु अलग़ गेहती कर झिड़कु लाग़ला, “हे प्रभु, नरीकार ना करो! दुधे लारे इसड़े कङी नी हुवी!”
23ईशु ने मुड़ती कर पतरस नु केहले, “हे शैतान, माये सामणे कनु दूर हो! तु माये वास्ते ठोकर ची वजह छी। कांकि तु नरीकारा चीया बाता उपर ना, पर तु इन्साना चीया बाता उपर मन लावी।”
ईशु चे भांसु टुरणे चा मतलब
24 #
मत्ती 10:38; लूक 14:27 बल्ति ईशु ने आपणे चैला नु केहले, “अगर कुई माये भांसु आणा चाहवे, तां आपणे आप कनु इन्कार करो, ते आपणा क्रूस चती कर माये भांसु हुती पड़ो। 25#मत्ती 10:39; लूक 17:33; यूह 12:25कांकि जको कुई आपणी जीन्दगी नु बचावणा चाहवे, ओ विनु गुंती ब़ेसी। पर जको कुई माये वास्ते आपणी जीन्दगी नु गुंवी, ओ विनु बचावी। 26अगर इन्सान सारे संसारा नु हांसिल करे, तां आपणी जीन्दगी चे नुकसान चवे, तां ओनु का फायदा हुवी? जा इन्सान आपणी जीन्दगी चे बदले का ङी? 27#मत्ती 25:31; रोमि 2:6 मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही। 28मैं तम्हानु सच्च किहे पला कि जको भिले, वांचे महु कोच्छ इसड़े छी कि जब तक मैं इन्साना चे पूता नु ओचे राज़ मां आते हुले नी ङेखती गिहे, तब तक मौत चा स्वाद कङी नी चाखे।”
လက္ရွိေရြးခ်ယ္ထားမွု
मत्ती 16: ODR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
CC BY-NC-ND 4.0