يوحنای انجیل 1
1
کلمه انسؤن بنه
1از اول کلمه بو و کلمه خدا اَمره بو و کلمه، خدا بو؛ 2هو، از اول خدا اَمره بو. 3همه چی بواسطه او بوجود بومَه، و هرچی جَی که بوجود بومَه، هیچ چی بدون او بوجود نومَه.
4اونه میئن زندگی هنّه بو و او زندگی، آدمی أنِ نور بو. 5ایی نور ظلمات میئن فوتؤئنه و ظلمات اونه دنکوشؤنِه.
6یکته مرداک بو که خدا اونه سرا دا بو؛ اونه ایسم یحیی بو. 7یحیی گوایی دئنِ به بومه، گوایی دَئن او نورِ باره، تا همه بواسطه او ایمون بأرَن. 8یحیی او نور نبو، بلکه بومَه تا او نورِ باره گوایی بدای. 9او حقیقی نور که هر آدمیِ روشنایی بخشنه، دونیا میئن اَمَه.
10او دونیا میئن ایسه بو و دونیا بواسطه او بوجود بومَه؛ با ایی حال دونیا اونه نشنأخته. 11او خو قوم میئن بومَه، ولی خوشِ قوم، اونه قبول نؤدَن. 12امّا تمؤمِ اوشؤنی که اونه قبول بودَن، یعنی هر کسیِ که اونه ایسم ایمؤن بأرده، ایی حق هَدأ که خدا زأکون بوبؤن؛ 13او زاکؤنی که نه گوشت و خونَ جی، نه تنِ خواسته جی و نه یکته مردِ خواسته، بلکه خدا جَی بدونیا بومَئن.
14کلمه، انسؤن بوبُؤ و امه میئن ساکینَ بؤ. اَمه اونه جلالِ بدیم، جلالی، لایق اونه یکدنه ریکه که پِئر جی بومَه، که فیض و حقیقتَ جی پورِ. 15یحیی اونه باره گوایی دا و پیله صدا أمره گوت: «ایی، او کسی ایسه که اونه باره بوتَم: ”اونیکه بعدِ مو هنه، می جَی سرتر ایسّه، چونکه می جَی پیشتر، ایسابو.“» 16أمه همه اونه پوری جی هیتیم، فیض، فیضِ سر. 17چونکه شریعت بواسطه موسی پیغمبر هَده بوبؤ؛ ولی فیض و حقیقت، بواسطه عیسی مسیح بومَه. 18هیشکس هرگی خدا بدِه ندئنه. او یکته ریکه که پِئر ورجه ایسه، او، خدا آشکارَ گوده.
تعمید دهنده یحیی گوایی
19اینه تعمید دهنده یحیی گوایی او زمونی که یهودی أن، اورشلیم شهر جی، کاهنون و لاویونِ، یحیی ورجه سرادَئن تا اونای بپورسَن که «تو کی ایسّی؟» 20یحیی اعتراف بوده و حَشا نؤده، بلکه اعتراف بوده که: «مو مسیح موعود نییم.» 21اوشؤن اونای بپورسِئن: «پس کی ایسّی؟ ایلیای پیغمبر ایسّی؟» یحیی بوته: «نییَم.» اوشؤن بپُورسئن: «تو هو پیغمبری ایسّی که موسی بوته بو هنه؟» یحیی جواب بدَه: «نه!» 22هو وخت اونه بوتَن: «پس کی ایسّی؟ أمه باء یکته جواب اوشونی که اَمره سرادائنِ بدیم، تی باره چی گونی؟» 23یحیی بوته:
«مو صدای او کسی ایسّم که بیابونِ میئن فریاد زِئنه و گونه:
”خداوند راهِ صافَ کونین.“»
درست هوطوری که اِشعَیای پیغمبر بوته بو.
24اوشونی که فریسی فرقه عالمونِ طرفای سرادا بوبوئن، 25یحیی جَی بپورسِئن: «اگه تو نه مسیحِ موعودی، نه ایلیای پیغمبر و نه او پیغمبر، پس چَره غسل تعمید دِئنی؟» 26یحیی جواب بده: «مو آؤ اَمره غسل تعمید دِئنم، امّا شیمه میئن ینفر ایسأ که شمه اونه نشنأسنین، 27او هونی ایسّه که بعدِ مو هنه و مو حتی قابیل نییَم اونه چاروقِ بندِ بازَ کونَم.» 28ایشون همه، بِیت‌عَنْیا دهاتِ میئن که اوطرف اُردنِ روخونه بو اتفاق دکته، اوره که یحیی غسل تعمید داء.
خدا قوربؤنی برّه
29فردأیی، یحیی بدِه که عیسی اونه طرف أمَئدره، بوته: «بَینین، اینه خدا قوربؤنی برّه، که دونیا جی گوناهِ ویگینه! 30ایی، اونی ایسّه که مو اونه باره بوتَم، ”بعدِ مو مردی هنه که می جَی سرتره، چونکه می جَی پیشتر، ایسابو.“ 31مو خودم اونه نشناختَم، ولی هینه وسه بومَئم که آؤ اَمره غسلِ تعمید بدِم که او اسرائیلِ قومِ بِه آشکارَ بی.» 32یحیی گوایی بده و بوته: «خدا روحِ بدِم که کبتره مورسون آسمؤنای جیر بومَه و اونه سر بومؤنسه. 33مو خودم اونه نشناختَم، امّا اونی که مَه سرادا تا آؤ اَمره تعمید بدِم، مه بوته: ”هر زمون بدِی که خدا روح، ینفر سر جیر بومَه و اونه سر بومؤنسه، بودؤن او، هونی ایسّه که روح‌القدسِ أمره تعمید دِئنه.“ 34و مو بدِم و گوایی دِئنم که ایی خدا ریکاکه!»
عیسی اوّلی شاگردؤن
35فردأیی، یبارده یحیی خوشِ دوته از شاگردؤنِ اَمره ایسأ بو. 36یحیی، عیسی که اورای ردّ بودبؤ، نیگاه بُوده و بوته: «بَینین، اینه خدا قوربونی برّه!» 37وختی، او دوته شاگرد اونه گبِ بشتؤسَن، عیسی دومبالسر راه دکتن. 38عیسی وگرسه و بدِه که اونه دومبالسر أمَئدرن، ایشؤنه بوته: «چی دومبال گردنین؟» اوشون بوُتن: «رابّی، یعنی اوستاد، کورا ایسنی؟» 39عیسی جواب بدا: «بأین و بَینین.» پس او دوته شاگرد بوشؤن و بدِئن که عیسی کورا ایسنه، و او روزِ اونه اَمره بیسَئن. چونکه، ساعت دوروبرِ چهار بعدظهر بو.
40یکته او دونفر که یحیی گبؤنِ ایشتوسَنِ أمره عیسی دومبالسر بوشو، آندریاس، شمعون پطرس بَرأر بو. 41او اوّل خوشِ بَرأر شمعونِ بیاتّه و اونه بوته: «أمه ماشِیَح بیاتیم.» هو مسیحِ موعودِ. 42آندریاس، شمعونِ عیسی ورجه ببورده. عیسی اونه نیگاه بُوده و بوته: «تو شمعون، یونا ریکاکی. تو ”کِیفا“ دوخونده بَنی.» کیفا یعنی سنگ.
عیسی، فیلیپس و نتنائِیل دعوت کوئنه
43فردایی عیسی تصمیم بیته بشی جلیل ولایت. او فیلیپس پیدا گوده و اونه بوته: «می دومبال بیه!» 44فیلیپس، بیت صیدا شهرِ شی، و آندریاس و پطرس همشهری بو. 45فیلیپس، نتنائِیل بیاته و اونه بوته: «أمه او کسیِ که موسی توراتِ میئن و پیغمبرونم خوشونِ نیویشته أنِ میئن اونه باره بنویشتنِ، بیاتیم! او عیسی، یوسف ریکه، ناصره شهر جی ایسّه!» 46نَتَنائیل اونه بوته: «مگر بنه که ناصره شهرَ جی هم خوروم چی بیرون بای؟» فیلیپس بوته: «بیه و بَین.» 47وختی عیسی بدِه که نتنائیل اونه طرف أمَئدره، اونه باره بوته: «بینین، ایی مردکای یکته حقیقی اسرائیلیِ ایسه که هیچ دوز و کلکی ندَئنه!» 48نتنائیل اونه بوته: «مَه کورهَ جی شنأسَنی؟» عیسی جواب بدا: «قبل اونکه فیلیپس تَه دوخُنی، هو موقع که تو حله انجیر دار جیر ایسابی، مو تَه بدِئم.» 49نتنائیل جواب بدا: «اوستاد تو خدا ریکاکی! تو اسرائیل پادشاهی!» 50عیسی جواب بده: «اینه واسه که بوُتم، ”تَه انجیردار جیر بدِئم،“ مَه ایمؤن اَبِئنی؟ خیلی پیله تر از ایی چیزون اینی.» 51اونه بوته: «راست راستِ شمره گونم، شمه آسمونِ بازَه بو اینین و خدا فرشتهأنِ اینین که انسونِ ریکه ورجای جؤر شنن و جیر هنن.
လက္ရွိေရြးခ်ယ္ထားမွု
يوحنای انجیل 1: EGB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
يوحنای انجیل 1
1
کلمه انسؤن بنه
1از اول کلمه بو و کلمه خدا اَمره بو و کلمه، خدا بو؛ 2هو، از اول خدا اَمره بو. 3همه چی بواسطه او بوجود بومَه، و هرچی جَی که بوجود بومَه، هیچ چی بدون او بوجود نومَه.
4اونه میئن زندگی هنّه بو و او زندگی، آدمی أنِ نور بو. 5ایی نور ظلمات میئن فوتؤئنه و ظلمات اونه دنکوشؤنِه.
6یکته مرداک بو که خدا اونه سرا دا بو؛ اونه ایسم یحیی بو. 7یحیی گوایی دئنِ به بومه، گوایی دَئن او نورِ باره، تا همه بواسطه او ایمون بأرَن. 8یحیی او نور نبو، بلکه بومَه تا او نورِ باره گوایی بدای. 9او حقیقی نور که هر آدمیِ روشنایی بخشنه، دونیا میئن اَمَه.
10او دونیا میئن ایسه بو و دونیا بواسطه او بوجود بومَه؛ با ایی حال دونیا اونه نشنأخته. 11او خو قوم میئن بومَه، ولی خوشِ قوم، اونه قبول نؤدَن. 12امّا تمؤمِ اوشؤنی که اونه قبول بودَن، یعنی هر کسیِ که اونه ایسم ایمؤن بأرده، ایی حق هَدأ که خدا زأکون بوبؤن؛ 13او زاکؤنی که نه گوشت و خونَ جی، نه تنِ خواسته جی و نه یکته مردِ خواسته، بلکه خدا جَی بدونیا بومَئن.
14کلمه، انسؤن بوبُؤ و امه میئن ساکینَ بؤ. اَمه اونه جلالِ بدیم، جلالی، لایق اونه یکدنه ریکه که پِئر جی بومَه، که فیض و حقیقتَ جی پورِ. 15یحیی اونه باره گوایی دا و پیله صدا أمره گوت: «ایی، او کسی ایسه که اونه باره بوتَم: ”اونیکه بعدِ مو هنه، می جَی سرتر ایسّه، چونکه می جَی پیشتر، ایسابو.“» 16أمه همه اونه پوری جی هیتیم، فیض، فیضِ سر. 17چونکه شریعت بواسطه موسی پیغمبر هَده بوبؤ؛ ولی فیض و حقیقت، بواسطه عیسی مسیح بومَه. 18هیشکس هرگی خدا بدِه ندئنه. او یکته ریکه که پِئر ورجه ایسه، او، خدا آشکارَ گوده.
تعمید دهنده یحیی گوایی
19اینه تعمید دهنده یحیی گوایی او زمونی که یهودی أن، اورشلیم شهر جی، کاهنون و لاویونِ، یحیی ورجه سرادَئن تا اونای بپورسَن که «تو کی ایسّی؟» 20یحیی اعتراف بوده و حَشا نؤده، بلکه اعتراف بوده که: «مو مسیح موعود نییم.» 21اوشؤن اونای بپورسِئن: «پس کی ایسّی؟ ایلیای پیغمبر ایسّی؟» یحیی بوته: «نییَم.» اوشؤن بپُورسئن: «تو هو پیغمبری ایسّی که موسی بوته بو هنه؟» یحیی جواب بدَه: «نه!» 22هو وخت اونه بوتَن: «پس کی ایسّی؟ أمه باء یکته جواب اوشونی که اَمره سرادائنِ بدیم، تی باره چی گونی؟» 23یحیی بوته:
«مو صدای او کسی ایسّم که بیابونِ میئن فریاد زِئنه و گونه:
”خداوند راهِ صافَ کونین.“»
درست هوطوری که اِشعَیای پیغمبر بوته بو.
24اوشونی که فریسی فرقه عالمونِ طرفای سرادا بوبوئن، 25یحیی جَی بپورسِئن: «اگه تو نه مسیحِ موعودی، نه ایلیای پیغمبر و نه او پیغمبر، پس چَره غسل تعمید دِئنی؟» 26یحیی جواب بده: «مو آؤ اَمره غسل تعمید دِئنم، امّا شیمه میئن ینفر ایسأ که شمه اونه نشنأسنین، 27او هونی ایسّه که بعدِ مو هنه و مو حتی قابیل نییَم اونه چاروقِ بندِ بازَ کونَم.» 28ایشون همه، بِیت‌عَنْیا دهاتِ میئن که اوطرف اُردنِ روخونه بو اتفاق دکته، اوره که یحیی غسل تعمید داء.
خدا قوربؤنی برّه
29فردأیی، یحیی بدِه که عیسی اونه طرف أمَئدره، بوته: «بَینین، اینه خدا قوربؤنی برّه، که دونیا جی گوناهِ ویگینه! 30ایی، اونی ایسّه که مو اونه باره بوتَم، ”بعدِ مو مردی هنه که می جَی سرتره، چونکه می جَی پیشتر، ایسابو.“ 31مو خودم اونه نشناختَم، ولی هینه وسه بومَئم که آؤ اَمره غسلِ تعمید بدِم که او اسرائیلِ قومِ بِه آشکارَ بی.» 32یحیی گوایی بده و بوته: «خدا روحِ بدِم که کبتره مورسون آسمؤنای جیر بومَه و اونه سر بومؤنسه. 33مو خودم اونه نشناختَم، امّا اونی که مَه سرادا تا آؤ اَمره تعمید بدِم، مه بوته: ”هر زمون بدِی که خدا روح، ینفر سر جیر بومَه و اونه سر بومؤنسه، بودؤن او، هونی ایسّه که روح‌القدسِ أمره تعمید دِئنه.“ 34و مو بدِم و گوایی دِئنم که ایی خدا ریکاکه!»
عیسی اوّلی شاگردؤن
35فردأیی، یبارده یحیی خوشِ دوته از شاگردؤنِ اَمره ایسأ بو. 36یحیی، عیسی که اورای ردّ بودبؤ، نیگاه بُوده و بوته: «بَینین، اینه خدا قوربونی برّه!» 37وختی، او دوته شاگرد اونه گبِ بشتؤسَن، عیسی دومبالسر راه دکتن. 38عیسی وگرسه و بدِه که اونه دومبالسر أمَئدرن، ایشؤنه بوته: «چی دومبال گردنین؟» اوشون بوُتن: «رابّی، یعنی اوستاد، کورا ایسنی؟» 39عیسی جواب بدا: «بأین و بَینین.» پس او دوته شاگرد بوشؤن و بدِئن که عیسی کورا ایسنه، و او روزِ اونه اَمره بیسَئن. چونکه، ساعت دوروبرِ چهار بعدظهر بو.
40یکته او دونفر که یحیی گبؤنِ ایشتوسَنِ أمره عیسی دومبالسر بوشو، آندریاس، شمعون پطرس بَرأر بو. 41او اوّل خوشِ بَرأر شمعونِ بیاتّه و اونه بوته: «أمه ماشِیَح بیاتیم.» هو مسیحِ موعودِ. 42آندریاس، شمعونِ عیسی ورجه ببورده. عیسی اونه نیگاه بُوده و بوته: «تو شمعون، یونا ریکاکی. تو ”کِیفا“ دوخونده بَنی.» کیفا یعنی سنگ.
عیسی، فیلیپس و نتنائِیل دعوت کوئنه
43فردایی عیسی تصمیم بیته بشی جلیل ولایت. او فیلیپس پیدا گوده و اونه بوته: «می دومبال بیه!» 44فیلیپس، بیت صیدا شهرِ شی، و آندریاس و پطرس همشهری بو. 45فیلیپس، نتنائِیل بیاته و اونه بوته: «أمه او کسیِ که موسی توراتِ میئن و پیغمبرونم خوشونِ نیویشته أنِ میئن اونه باره بنویشتنِ، بیاتیم! او عیسی، یوسف ریکه، ناصره شهر جی ایسّه!» 46نَتَنائیل اونه بوته: «مگر بنه که ناصره شهرَ جی هم خوروم چی بیرون بای؟» فیلیپس بوته: «بیه و بَین.» 47وختی عیسی بدِه که نتنائیل اونه طرف أمَئدره، اونه باره بوته: «بینین، ایی مردکای یکته حقیقی اسرائیلیِ ایسه که هیچ دوز و کلکی ندَئنه!» 48نتنائیل اونه بوته: «مَه کورهَ جی شنأسَنی؟» عیسی جواب بدا: «قبل اونکه فیلیپس تَه دوخُنی، هو موقع که تو حله انجیر دار جیر ایسابی، مو تَه بدِئم.» 49نتنائیل جواب بدا: «اوستاد تو خدا ریکاکی! تو اسرائیل پادشاهی!» 50عیسی جواب بده: «اینه واسه که بوُتم، ”تَه انجیردار جیر بدِئم،“ مَه ایمؤن اَبِئنی؟ خیلی پیله تر از ایی چیزون اینی.» 51اونه بوته: «راست راستِ شمره گونم، شمه آسمونِ بازَه بو اینین و خدا فرشتهأنِ اینین که انسونِ ریکه ورجای جؤر شنن و جیر هنن.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company