Ma-thi-ơ 10
10
Brah sach jmơt baar jơt jơng
(Mak 3:13-19; Lu-ka 6:12-16)
1Brah Jê-sus khuôl jmơt baar jơrnơ lôh, ươn ch'bap kmheng jah prơh bơl wêêng 'bưn jrah, u tơmbah jôm pơrtanh, ji kôr. 2Au laa chhak jmơt baar du jơt jơng: Noor leq laa Si-môn, kot chôôl laa Phi-e-rơ, u Anh-rê, oh bu; Ja-kơ, koon Sê-bê-đê ri, u Jang, oh bu; 3Phi-lip u Ba-thê-lê-mi; Thô-ma u Ma-thi-ơ, bnih nhôq prak; Ja-kơ, koon A-phê ri, u Tha-đê; 4Si-môn, bnih kot pôl Ka-na-nê-an,#10:4 Ka-na-nê-an: Lôh baak teh A-ram geh rpaich laa “rong sang, dang rmeh”. U kươi, phung au geh chhak Hi-lap lah “Sê-lôt”, di phung pơrgum bnih Jo-thai êch teh daak đat ir, ta wal kươi teh daak La-ma. u Ju-đa Ich-ka-ri-ôt, bah ndun Pang.
5Brah Jê-sus maanh jmơt baar jơt jơng au han u pn'ak laah: “Khơm han mưt kwaal bnih raih agaih, kot khơơm mưt di poh êch raih Sa-ma-ri ri; 6dôh klanh huôih, phrui lôh n'hai bơl koon bưr tơrlêêng I-sra-ên ri. 7Tơt han troong, phrui chhuôr laah: ‘Nggoor trôôk ja lôh dơơh.’ 8Phrui tơmbah bnih pơrtanh, lơh bnih chhưt rêh kươi, lơh jrah bnih dưn, u prơh chaak. Bơl 'bei ja pơih rơi, nei phrui aan rơi. 9Khơơm liêu prak, kaih, maih diên knông wơnh buq; 10kot khơơm liêu thong han troong, paich baar ao, paich sroom paich tong jra, đươm bnih lơh kaar dip kươt griêng sa.#I Kô 9:14; I Ti 5:18. 11Tơt mưt paich poh êch paich laa poh dêq êch, phrui wơng ôp a nei geh 'bơơn laa bnih klanh dip, nei phrui gôq kươi ktôk nei aan lôh plah han. 12Tơt mưt nhi êch, phrui chak sroong boong aan nhi nei; 13mơq nhi nei klanh dip, nei baak sroong boong bơl 'bei ri a kươi lôh n'hai bu; mơq 'bưn, baak sroong boong bơl 'bei ri a kươi plơq siq n'hai bơl 'bei. 14Mơq 'bơơn 'bưn wơơt, paich 'bưn iat baak bơl 'bei nei lơơi nhi paich poh nei, phrui tơrpôih pưn druih put ktôk jơng bơl 'bei.#Kênh 13:51. 15A ngan, Hei maanh bơl 'bei, lôh nar pơrkat, teh Sô-đôm u Gô-mô-rơ a kươi dol phaat hôông huôih poh nei.#Mat 11:24.#Lu 10:4-12.
16Au, Hei maanh bơl 'bei bei han koon bưr klung phung sôw bri. Bei nei phrui jhai rpach bei bêh, lơ ut lơ mư bei pi traap.#Lu 10:3. 17Phrui nhjrang bu, đươm bu a kươi ndơơp bơl 'bei aan phung jmlưm u pơm bơl 'bei knông nhi pơrgum. 18Đươm Hei, bơl 'bei a kươi dol têêk lôh di mat bơl yau tông u bơl snđach, jah lơh ndraanh aan bu u bơl raih agaih. 19Dôh tơt bu liêu ndơơp bơl 'bei, khơơm gênh phrui mor bei êch, paich mor ntil ơơn; knông bêl nei, ntil ơơn phrui mor a kươi kươt ươn aan bơl 'bei. 20Đươm 'bưn geh bơl 'bei mor êêng laang, dôh Brah Wêêng bươp bơl 'bei ri a kươi mor rlach bơl 'bei.#Mak 13:9-11; Lu 12:11-12; 21:12-15. 21Bi a kươi ndơơp oh jah dol lưm, bươp a kươi ndơơp koon, koon sau a kươi hao kmang kơơi mei bươp u lơh bu phrui chhưt.#Mak 13:12; Lu 21:16. 22Bơl 'bei a kươi dol jôm raih a kiêr đươm saak Hei, dôh 'bơơn jap chưt aan tơt ptut nei a kươi kươt đoh kwaai.#Mat 24:9,13; Mak 13:13; Lu 21:17. 23Tơt bu nday nhôp kơt bơl 'bei knông poh au, phrui kup rlach poh tôw; đươm ngan, Hei maanh bơl 'bei, bơl 'bei ndah han leq pal poh I-sra-ên ri nei Koon Bnih ja lôh hơơi.
24Bơl jơrnơ 'bưn huôih yau, dêch 'bưn huôih nnơơm.#Lu 6:40; Ja 13:16; 15:20. 25Jơrnơ kươt bei yau, dêch kươt bei nnơơm nei sơp hơơi. Nnơơm nhi nha chôôl laa Bê-ên-sê-bun, huôih ơơn laa bnih nhi!#Mat 9:34; 12:24; Mak 3:22; Lu 11:15. 26Bei nei, bơl 'bei khơơm n'hông bu; Đươm 'bưn geh ntil ơơn pôn kơndơp baah 'bưn dol tơrsau; 'bưn geh ntil ơơn pileng baah 'bưn dol tơrsau.#Mak 4:22; Lu 8:17. 27Nei mơ ntil ơơn Hei mor n'hai bơl 'bei knông jơ ngôw, phrui mor sot agaih rơn aang; ntil ơơn bơl 'bei iat chhuôch knông tôr, phrui tơmbơh lơ kmbung nhi. 28Khơơm n'hông bơl lưm chhak jan baah 'bưn lưm kươt wêêng yaang, dôh n'hông Yaang awap lơh luôch lêêk leq wêêng u pêêk pai knông gưndrung ôinh. 29Baar pi chum srai 'bưn dơơn tech kươt di slưng laang? Bei nei, 'bưn mlơm êch a tup u teh agaih rnđêch Bươp bơl 'bei ri. 30Leq dơng chhok lơ bôôk bơl 'bei kot ja kơơp leq hơơi. 31Đươm bei nei, khơơm n'hông, đươm bơl 'bei thlay ơk huôih chum srai. 32Bei nei mơ, 'bơơn chôôl saak Hei di mat swich teh, Hei a kươi kot chôôl saak bnih nei di mat Bươp Hei a lơ trôôk; 33nha 'bơơn dmôw teq Hei di mat swich teh, Hei a kươi kot dmôw teq bu di mat Bươp Hei a lơ trôôk.#II Ti 2:12.
34Khơơm kơn ơơn Hei lôh jah liêu sroong boong aan swich teh. Hei lôh, 'bưn geh jah liêu sroong boong, baah laa pêh taak.
35Hei lôh jah pơrgah koon klau n'hai Bươp,
Koon ur n'hai mei,
Koon pơr sa n'hai mei pôw;
36u bah kmang bu nday ri kơơi laa bnih nhi bu ri ei.#Mat 7:6.
37'Bơơn srlanh bươp paich mei huôih Hei nei 'bưn klanh dip n'hai Hei; 'Bơơn srlanh koon klau paich koon ur huôih Hei kot 'bưn klanh dip n'hai Hei. 38'Bơơn 'bưn tung chhư rglaang nơơm baah tênh Hei nei 'bưn klanh dip n'hai Hei.#Mat 16:24; Mak 8:34; Lu 9:23. 39'Bơơn wơng sm'boh rêh bơn nei a kươi saap; nha 'bơơn đươm Hei baah saap sm'boh rêh nei a kươi wơng kơơi kươt.#Mat 16:25; Mak 8:35; Lu 9:24; 17:33; Ja 12:25.
40'Bơơn wơơt bơl 'bei laa wơơt Hei; 'bơơn wơơt Hei laa wơơt Yaang ja maanh Hei.#Mak 9:37; Lu 9:48; 10:16; Ja 13:20. 41'Bơơn wơơt mbu grnưt noor đươm laa grnưt noor, nei a kươi pơih tkôm grnưt noor ri; 'bơơn wơơt mbu bnih sêch song đươm laa bnih sêch song, nei a kươi pơih tkôm bnih sêch song ri. 42'Bơơn aan mbu knông pal bnih dêq drêên au dơơn di koot daak lngơt, đươm bnih nei laa jơrnơ Hei ri; ngan, Hei lah bơl 'bei, bnih nei a kươi 'bưn saap tkôm bơn ri laang.”
လက္ရွိေရြးခ်ယ္ထားမွု
Ma-thi-ơ 10: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 10
10
Brah sach jmơt baar jơt jơng
(Mak 3:13-19; Lu-ka 6:12-16)
1Brah Jê-sus khuôl jmơt baar jơrnơ lôh, ươn ch'bap kmheng jah prơh bơl wêêng 'bưn jrah, u tơmbah jôm pơrtanh, ji kôr. 2Au laa chhak jmơt baar du jơt jơng: Noor leq laa Si-môn, kot chôôl laa Phi-e-rơ, u Anh-rê, oh bu; Ja-kơ, koon Sê-bê-đê ri, u Jang, oh bu; 3Phi-lip u Ba-thê-lê-mi; Thô-ma u Ma-thi-ơ, bnih nhôq prak; Ja-kơ, koon A-phê ri, u Tha-đê; 4Si-môn, bnih kot pôl Ka-na-nê-an,#10:4 Ka-na-nê-an: Lôh baak teh A-ram geh rpaich laa “rong sang, dang rmeh”. U kươi, phung au geh chhak Hi-lap lah “Sê-lôt”, di phung pơrgum bnih Jo-thai êch teh daak đat ir, ta wal kươi teh daak La-ma. u Ju-đa Ich-ka-ri-ôt, bah ndun Pang.
5Brah Jê-sus maanh jmơt baar jơt jơng au han u pn'ak laah: “Khơm han mưt kwaal bnih raih agaih, kot khơơm mưt di poh êch raih Sa-ma-ri ri; 6dôh klanh huôih, phrui lôh n'hai bơl koon bưr tơrlêêng I-sra-ên ri. 7Tơt han troong, phrui chhuôr laah: ‘Nggoor trôôk ja lôh dơơh.’ 8Phrui tơmbah bnih pơrtanh, lơh bnih chhưt rêh kươi, lơh jrah bnih dưn, u prơh chaak. Bơl 'bei ja pơih rơi, nei phrui aan rơi. 9Khơơm liêu prak, kaih, maih diên knông wơnh buq; 10kot khơơm liêu thong han troong, paich baar ao, paich sroom paich tong jra, đươm bnih lơh kaar dip kươt griêng sa.#I Kô 9:14; I Ti 5:18. 11Tơt mưt paich poh êch paich laa poh dêq êch, phrui wơng ôp a nei geh 'bơơn laa bnih klanh dip, nei phrui gôq kươi ktôk nei aan lôh plah han. 12Tơt mưt nhi êch, phrui chak sroong boong aan nhi nei; 13mơq nhi nei klanh dip, nei baak sroong boong bơl 'bei ri a kươi lôh n'hai bu; mơq 'bưn, baak sroong boong bơl 'bei ri a kươi plơq siq n'hai bơl 'bei. 14Mơq 'bơơn 'bưn wơơt, paich 'bưn iat baak bơl 'bei nei lơơi nhi paich poh nei, phrui tơrpôih pưn druih put ktôk jơng bơl 'bei.#Kênh 13:51. 15A ngan, Hei maanh bơl 'bei, lôh nar pơrkat, teh Sô-đôm u Gô-mô-rơ a kươi dol phaat hôông huôih poh nei.#Mat 11:24.#Lu 10:4-12.
16Au, Hei maanh bơl 'bei bei han koon bưr klung phung sôw bri. Bei nei phrui jhai rpach bei bêh, lơ ut lơ mư bei pi traap.#Lu 10:3. 17Phrui nhjrang bu, đươm bu a kươi ndơơp bơl 'bei aan phung jmlưm u pơm bơl 'bei knông nhi pơrgum. 18Đươm Hei, bơl 'bei a kươi dol têêk lôh di mat bơl yau tông u bơl snđach, jah lơh ndraanh aan bu u bơl raih agaih. 19Dôh tơt bu liêu ndơơp bơl 'bei, khơơm gênh phrui mor bei êch, paich mor ntil ơơn; knông bêl nei, ntil ơơn phrui mor a kươi kươt ươn aan bơl 'bei. 20Đươm 'bưn geh bơl 'bei mor êêng laang, dôh Brah Wêêng bươp bơl 'bei ri a kươi mor rlach bơl 'bei.#Mak 13:9-11; Lu 12:11-12; 21:12-15. 21Bi a kươi ndơơp oh jah dol lưm, bươp a kươi ndơơp koon, koon sau a kươi hao kmang kơơi mei bươp u lơh bu phrui chhưt.#Mak 13:12; Lu 21:16. 22Bơl 'bei a kươi dol jôm raih a kiêr đươm saak Hei, dôh 'bơơn jap chưt aan tơt ptut nei a kươi kươt đoh kwaai.#Mat 24:9,13; Mak 13:13; Lu 21:17. 23Tơt bu nday nhôp kơt bơl 'bei knông poh au, phrui kup rlach poh tôw; đươm ngan, Hei maanh bơl 'bei, bơl 'bei ndah han leq pal poh I-sra-ên ri nei Koon Bnih ja lôh hơơi.
24Bơl jơrnơ 'bưn huôih yau, dêch 'bưn huôih nnơơm.#Lu 6:40; Ja 13:16; 15:20. 25Jơrnơ kươt bei yau, dêch kươt bei nnơơm nei sơp hơơi. Nnơơm nhi nha chôôl laa Bê-ên-sê-bun, huôih ơơn laa bnih nhi!#Mat 9:34; 12:24; Mak 3:22; Lu 11:15. 26Bei nei, bơl 'bei khơơm n'hông bu; Đươm 'bưn geh ntil ơơn pôn kơndơp baah 'bưn dol tơrsau; 'bưn geh ntil ơơn pileng baah 'bưn dol tơrsau.#Mak 4:22; Lu 8:17. 27Nei mơ ntil ơơn Hei mor n'hai bơl 'bei knông jơ ngôw, phrui mor sot agaih rơn aang; ntil ơơn bơl 'bei iat chhuôch knông tôr, phrui tơmbơh lơ kmbung nhi. 28Khơơm n'hông bơl lưm chhak jan baah 'bưn lưm kươt wêêng yaang, dôh n'hông Yaang awap lơh luôch lêêk leq wêêng u pêêk pai knông gưndrung ôinh. 29Baar pi chum srai 'bưn dơơn tech kươt di slưng laang? Bei nei, 'bưn mlơm êch a tup u teh agaih rnđêch Bươp bơl 'bei ri. 30Leq dơng chhok lơ bôôk bơl 'bei kot ja kơơp leq hơơi. 31Đươm bei nei, khơơm n'hông, đươm bơl 'bei thlay ơk huôih chum srai. 32Bei nei mơ, 'bơơn chôôl saak Hei di mat swich teh, Hei a kươi kot chôôl saak bnih nei di mat Bươp Hei a lơ trôôk; 33nha 'bơơn dmôw teq Hei di mat swich teh, Hei a kươi kot dmôw teq bu di mat Bươp Hei a lơ trôôk.#II Ti 2:12.
34Khơơm kơn ơơn Hei lôh jah liêu sroong boong aan swich teh. Hei lôh, 'bưn geh jah liêu sroong boong, baah laa pêh taak.
35Hei lôh jah pơrgah koon klau n'hai Bươp,
Koon ur n'hai mei,
Koon pơr sa n'hai mei pôw;
36u bah kmang bu nday ri kơơi laa bnih nhi bu ri ei.#Mat 7:6.
37'Bơơn srlanh bươp paich mei huôih Hei nei 'bưn klanh dip n'hai Hei; 'Bơơn srlanh koon klau paich koon ur huôih Hei kot 'bưn klanh dip n'hai Hei. 38'Bơơn 'bưn tung chhư rglaang nơơm baah tênh Hei nei 'bưn klanh dip n'hai Hei.#Mat 16:24; Mak 8:34; Lu 9:23. 39'Bơơn wơng sm'boh rêh bơn nei a kươi saap; nha 'bơơn đươm Hei baah saap sm'boh rêh nei a kươi wơng kơơi kươt.#Mat 16:25; Mak 8:35; Lu 9:24; 17:33; Ja 12:25.
40'Bơơn wơơt bơl 'bei laa wơơt Hei; 'bơơn wơơt Hei laa wơơt Yaang ja maanh Hei.#Mak 9:37; Lu 9:48; 10:16; Ja 13:20. 41'Bơơn wơơt mbu grnưt noor đươm laa grnưt noor, nei a kươi pơih tkôm grnưt noor ri; 'bơơn wơơt mbu bnih sêch song đươm laa bnih sêch song, nei a kươi pơih tkôm bnih sêch song ri. 42'Bơơn aan mbu knông pal bnih dêq drêên au dơơn di koot daak lngơt, đươm bnih nei laa jơrnơ Hei ri; ngan, Hei lah bơl 'bei, bnih nei a kươi 'bưn saap tkôm bơn ri laang.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.