Ma-thi-ơ 9
9
Brah Jê-sus tơmbah pơrtanh awiêl
(Mak 2:1-12; Lu-ka 5:17-26)
1Brah Jê-sus jưr duuk, glat daak rmưt plơq siq poh nơơm.#9:1 poh nơơm: Nei lah poh Ka-bê-na-um (mơq Mat 4:13). 2Bu nday liêu lôh aan Pang mbu bnih awiêl bêch lơ ndơl. Brah Jê-sus sau chưt jơrnơ bu ri nei lah n'hai bnih awiêl laah: “Ơi koon, phrui jap chưt, dôih 'baap koon ja kươt krôih.” 3Tơt nei, geh pal du yau gưt jhai gênh rôk laah: “Bnih au mor đam điêl.” 4Brah Jê-sus gưt gơrninh bu mơ lah: “A hay knông chưt bơl 'bei leet geh rnđêch ap bei nei? 5Lwah baar ndroong mor: ‘Dôih 'baap 'bei ja kươt krôih,’ paich ‘Phrui ta yoong chwaat han,’ ndroong êch snôk huôih? 6Dôh, jah bơl 'bei gưt laah Koon Bnih a swich teh geh ch'bap kmheng krôih dôih” — nei Pang lah n'hai bnih awiêl “Phrui ta yoong, tung ndơl plơq siq u nhi.” 7Bnih awiêl ta yoong u han siq nhi nơơm. 8Phung raih mơq sau baak kaar kot n'hông, u tư wơơl Brah Ưn, Yaang ja ươn aan koon bnih ch'bap kmheng bei nei.
Brah Jê-sus khuôl duôn Ma-thi-ơ. – Baak ơt jrơng
(Mak 2:13-17; Lu-ka 5:27-32)
9Lơơi ktôk nei, Brah Jê-sus sau mbu bnih chhak laa Ma-thi-ơ plah gôq tu lwing wal suai; Pang lah n'hai bu: “Phrui tênh Hei.” Ma-thi-ơ ta yoong, han tênh Pang.
10Plah gôq sôông knông nhi, geh ơk bnih nhôq prak u bah geh dôih lôh gôq n'hai Brah Jê-sus u bơl jơrnơ Pang. 11Sau bei nei, bnih Pha-ri-si mor n'hai jơrnơ Pang: “A hay Yau bơl bi sôông pôl n'hai bnih nhôq prak u bơl bnih dôih 'baap?”#Lu 15:1-2. 12Tơt ttang ntil nei, Brah Jê-sus lah: “Bnih kmlang 'bưn chkhôm yau kơrya, dôh bnih tanh ji mơ chkhôm. 13Phrui han, u riên aan gưt rpach ndroong au: ‘Hei êch chưt gmaak huôih pai thwaai.’ Đươm Hei lôh 'bưn geh jah khuôl bnih sêch song, dôh khuôl bah geh dôih.”
14Tơt nei bơl jơrnơ Jang ri lôh, ôp Brah Jê-sus: “Đươm a hay bơl hei u bnih Pha-ri-si rnđơơih ơt jrơng, nha bơl jơrnơ Yau ri 'bưn ơt jrơng?” 15Brah Jê-sus ơh: “Geh bei êch bnach joq sa kliêr leet chhong rmlơng knông plah sai klau nha gôq n'hai bu laang? Dôh lôh tơt sai klau kươt liêu rlach bu, nei plah nei bu mơ ơt jrơng. 16'Bưn 'bơơn jhênh plơơp knat mhei teq u ao ndơm đươm plơơp jhênh a kươi klôp a yah ao ndơm, lơh aan ktôk a yah jrơơk huôih. 17Kot 'bưn geh 'bơơn khut bih mhei teq u pi đông pêêk ndơm; mơq lơh bei nei, pi đông a kươi đang, bih a chai, u pi đông dol khuich. Dôh bu nday khut bih mhei mưt pi đông pêêk mhei jah leq baar ơk kươt bei ơơm.”
Koon ur Jai-ru u dơur ruung mhaam
(Mak 5:21-43; Lu-ka 8:40-56)
18Plah Brah Jê-sus nha lah pal baak au nei geh mbu kan bôôk nhi pơrgum lôh, kơltut kôq tang dan jjuh: “Koon ur hei mhei chhưt! Dan Yau han tơt dơih ti lơ drêên jah bu kươt rêh.” 19Brah Jê-sus ta yoong, pôl bơl jơrnơ han tênh yau kan bôôk.
20Bei au, geh mbu dơur dol ruung mhaam jmơt baar snam hôm, lôh mak kơơi u buut mưt bơr ao Pang. 21Đươm mei gênh êêng laah: “Mơq dơơn buut kươt teq u ao Pang ei, hei a kươi kươt baaq.” 22Brah Jê-sus wih kơơi, sau mei nei lah: “Ơi koon, phrui sroong boong! Chưt jơrnơ koon ri ja đoh koon.” Kơndaal bêl nei, bnih dơur au kươt baaq pơrtanh.
23Brah Jê-sus mưt nhi yau kan bôôk nhi pơrgum, sau phung khôm tơrnêt u phung raih lơh krưsik, 24Pang maanh: “Phrui rônh! Drêên ur au 'bưn geh chhưt laang, dôh bu plah bêch.” Bơl nei gươm đam Pang. 25Tơt phung ơk dol prơh sot hôm, Pang chwaat mưt, kan ti ur drêên nei bu drơh kah kơơt. 26Baak au kươt lư sot rlum kwaal nei.
Brah Jê-sus tơmbah pal pơrtanh nday
27Tơt Brah Jê-sus lơơi ktôk nei, geh baar du tiah han tênh Pang, u khuôl dan laah: “Ơi Koon Đa-wit, dan gmaak bơl hei!” 28Di kươi mưt nhi, baar du tiah lôh dơơh Pang. Brah Jê-sus lah n'hai bu laah: “Bơl 'bei geh jơ Hei lơh kươt ntil bơl 'bei êch kơndưng 'bưn?” Bu ơh: “Ơi Brah, bơl hei jơ.” 29Pang buut mưt mat bu u lah: “Bơl 'bei jơ bei êch nei a kươi kươt bei nei.” 30Mat bu drơh kươt aang. Brah Jê-sus rôn baak maanh bu: “Phrui njrang, khơơm aan 'bơơn gưt kaar au.” 31Dôh bu han sot u lư saak Pang jôm kwaal.
32Tơt lơơi ktôk nei, bu nday liêu lôh aan Pang mbu bnih kơrlôw dol chaak rup. 33Chaak dol prơh sot u bnih kơrlôw mor kươt. Phung raih kot êêng aang, mor laah: “Ndah khal êch sau di kaar bei nei a I-sra-ên.” 34Đươm bei nei, bnih Pha-ri-si leet mor: “Bu nei chkhôm snđach chaak mưt jah prơh chaak.”#9:34 Knông m'baak plơơp 'bian ti 'bưn geh ndroong 34.#Mat 10:25; 12:24; Mak 3:22; Lu 11:15.
35Brah Jê-sus han rlum pal poh, pal poh dêq, kne knông pal nhi pơrgum, chhuôr Baak Sroong Klanh u nggoor trôôk u tơmbah jôm pơrtanh.#Mat 4:23; Mak 1:39; Lu 4:44. 36Tơt sau bơl phung bnih ơk, Pang uôl chưt gmaak đươm bu r'baak u tơrlêêng bei bưr 'bưn geh bnih gwaal.#Mak 6:34. 37Pang lah n'hai bơl jơrnơ laah: “Khal kach nei lluh ngan dôh bnih kach nei ndêq. 38Bei nei, phrui r'bon dan Brah khal kach maanh ơk bnih kach mưt u khal kach Pang ri.”#Lu 10:2.
လက္ရွိေရြးခ်ယ္ထားမွု
Ma-thi-ơ 9: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 9
9
Brah Jê-sus tơmbah pơrtanh awiêl
(Mak 2:1-12; Lu-ka 5:17-26)
1Brah Jê-sus jưr duuk, glat daak rmưt plơq siq poh nơơm.#9:1 poh nơơm: Nei lah poh Ka-bê-na-um (mơq Mat 4:13). 2Bu nday liêu lôh aan Pang mbu bnih awiêl bêch lơ ndơl. Brah Jê-sus sau chưt jơrnơ bu ri nei lah n'hai bnih awiêl laah: “Ơi koon, phrui jap chưt, dôih 'baap koon ja kươt krôih.” 3Tơt nei, geh pal du yau gưt jhai gênh rôk laah: “Bnih au mor đam điêl.” 4Brah Jê-sus gưt gơrninh bu mơ lah: “A hay knông chưt bơl 'bei leet geh rnđêch ap bei nei? 5Lwah baar ndroong mor: ‘Dôih 'baap 'bei ja kươt krôih,’ paich ‘Phrui ta yoong chwaat han,’ ndroong êch snôk huôih? 6Dôh, jah bơl 'bei gưt laah Koon Bnih a swich teh geh ch'bap kmheng krôih dôih” — nei Pang lah n'hai bnih awiêl “Phrui ta yoong, tung ndơl plơq siq u nhi.” 7Bnih awiêl ta yoong u han siq nhi nơơm. 8Phung raih mơq sau baak kaar kot n'hông, u tư wơơl Brah Ưn, Yaang ja ươn aan koon bnih ch'bap kmheng bei nei.
Brah Jê-sus khuôl duôn Ma-thi-ơ. – Baak ơt jrơng
(Mak 2:13-17; Lu-ka 5:27-32)
9Lơơi ktôk nei, Brah Jê-sus sau mbu bnih chhak laa Ma-thi-ơ plah gôq tu lwing wal suai; Pang lah n'hai bu: “Phrui tênh Hei.” Ma-thi-ơ ta yoong, han tênh Pang.
10Plah gôq sôông knông nhi, geh ơk bnih nhôq prak u bah geh dôih lôh gôq n'hai Brah Jê-sus u bơl jơrnơ Pang. 11Sau bei nei, bnih Pha-ri-si mor n'hai jơrnơ Pang: “A hay Yau bơl bi sôông pôl n'hai bnih nhôq prak u bơl bnih dôih 'baap?”#Lu 15:1-2. 12Tơt ttang ntil nei, Brah Jê-sus lah: “Bnih kmlang 'bưn chkhôm yau kơrya, dôh bnih tanh ji mơ chkhôm. 13Phrui han, u riên aan gưt rpach ndroong au: ‘Hei êch chưt gmaak huôih pai thwaai.’ Đươm Hei lôh 'bưn geh jah khuôl bnih sêch song, dôh khuôl bah geh dôih.”
14Tơt nei bơl jơrnơ Jang ri lôh, ôp Brah Jê-sus: “Đươm a hay bơl hei u bnih Pha-ri-si rnđơơih ơt jrơng, nha bơl jơrnơ Yau ri 'bưn ơt jrơng?” 15Brah Jê-sus ơh: “Geh bei êch bnach joq sa kliêr leet chhong rmlơng knông plah sai klau nha gôq n'hai bu laang? Dôh lôh tơt sai klau kươt liêu rlach bu, nei plah nei bu mơ ơt jrơng. 16'Bưn 'bơơn jhênh plơơp knat mhei teq u ao ndơm đươm plơơp jhênh a kươi klôp a yah ao ndơm, lơh aan ktôk a yah jrơơk huôih. 17Kot 'bưn geh 'bơơn khut bih mhei teq u pi đông pêêk ndơm; mơq lơh bei nei, pi đông a kươi đang, bih a chai, u pi đông dol khuich. Dôh bu nday khut bih mhei mưt pi đông pêêk mhei jah leq baar ơk kươt bei ơơm.”
Koon ur Jai-ru u dơur ruung mhaam
(Mak 5:21-43; Lu-ka 8:40-56)
18Plah Brah Jê-sus nha lah pal baak au nei geh mbu kan bôôk nhi pơrgum lôh, kơltut kôq tang dan jjuh: “Koon ur hei mhei chhưt! Dan Yau han tơt dơih ti lơ drêên jah bu kươt rêh.” 19Brah Jê-sus ta yoong, pôl bơl jơrnơ han tênh yau kan bôôk.
20Bei au, geh mbu dơur dol ruung mhaam jmơt baar snam hôm, lôh mak kơơi u buut mưt bơr ao Pang. 21Đươm mei gênh êêng laah: “Mơq dơơn buut kươt teq u ao Pang ei, hei a kươi kươt baaq.” 22Brah Jê-sus wih kơơi, sau mei nei lah: “Ơi koon, phrui sroong boong! Chưt jơrnơ koon ri ja đoh koon.” Kơndaal bêl nei, bnih dơur au kươt baaq pơrtanh.
23Brah Jê-sus mưt nhi yau kan bôôk nhi pơrgum, sau phung khôm tơrnêt u phung raih lơh krưsik, 24Pang maanh: “Phrui rônh! Drêên ur au 'bưn geh chhưt laang, dôh bu plah bêch.” Bơl nei gươm đam Pang. 25Tơt phung ơk dol prơh sot hôm, Pang chwaat mưt, kan ti ur drêên nei bu drơh kah kơơt. 26Baak au kươt lư sot rlum kwaal nei.
Brah Jê-sus tơmbah pal pơrtanh nday
27Tơt Brah Jê-sus lơơi ktôk nei, geh baar du tiah han tênh Pang, u khuôl dan laah: “Ơi Koon Đa-wit, dan gmaak bơl hei!” 28Di kươi mưt nhi, baar du tiah lôh dơơh Pang. Brah Jê-sus lah n'hai bu laah: “Bơl 'bei geh jơ Hei lơh kươt ntil bơl 'bei êch kơndưng 'bưn?” Bu ơh: “Ơi Brah, bơl hei jơ.” 29Pang buut mưt mat bu u lah: “Bơl 'bei jơ bei êch nei a kươi kươt bei nei.” 30Mat bu drơh kươt aang. Brah Jê-sus rôn baak maanh bu: “Phrui njrang, khơơm aan 'bơơn gưt kaar au.” 31Dôh bu han sot u lư saak Pang jôm kwaal.
32Tơt lơơi ktôk nei, bu nday liêu lôh aan Pang mbu bnih kơrlôw dol chaak rup. 33Chaak dol prơh sot u bnih kơrlôw mor kươt. Phung raih kot êêng aang, mor laah: “Ndah khal êch sau di kaar bei nei a I-sra-ên.” 34Đươm bei nei, bnih Pha-ri-si leet mor: “Bu nei chkhôm snđach chaak mưt jah prơh chaak.”#9:34 Knông m'baak plơơp 'bian ti 'bưn geh ndroong 34.#Mat 10:25; 12:24; Mak 3:22; Lu 11:15.
35Brah Jê-sus han rlum pal poh, pal poh dêq, kne knông pal nhi pơrgum, chhuôr Baak Sroong Klanh u nggoor trôôk u tơmbah jôm pơrtanh.#Mat 4:23; Mak 1:39; Lu 4:44. 36Tơt sau bơl phung bnih ơk, Pang uôl chưt gmaak đươm bu r'baak u tơrlêêng bei bưr 'bưn geh bnih gwaal.#Mak 6:34. 37Pang lah n'hai bơl jơrnơ laah: “Khal kach nei lluh ngan dôh bnih kach nei ndêq. 38Bei nei, phrui r'bon dan Brah khal kach maanh ơk bnih kach mưt u khal kach Pang ri.”#Lu 10:2.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.