Ma-thi-ơ 8
8
Brah Jê-sus tơmbah pơrtanh dưn
(Mak 1:40-45; Lu-ka 5:12-16)
1Tơt Brah Jê-sus jưr a lơ bnơm, phung bnih ơk đat han tênh Pang. 2Tôw, geh mbu bnih dưn#8:2 dưn: Knông klap Brah Jê-sus, pơrtanh dưn lah tơt ơk til pơrtanh agaih pêêk êêng nday. Tênh ch'bap Môi-se, bnih geh pơrtanh au dol mơq lah jrơơk jrơơm. lôh kơltut di mat Pang u lah: “Smbah Brah, mơq Brah êch, awap Brah lơh koon kươt jrah.” 3Brah Jê-sus ndơơp koon ti buut tơt bnih nei, u lah: “Hei êch, phrui jrơh ơơi.” Kơndaal, bnih dưn kươt jrơh. 4Brah Jê-sus pn'ak: “Phrui njrang, khơơm mor ơơn n'hai 'bơơn, dôh phrui han tơrsau yau thwaai u piyơ griêng thwaai baah Môi-se ja kne, bei di baak ndraanh aan jôm bnih.”
Brah Jê-sus tơmbah dêch yau kan bôôk
(Lu-ka 7:1-10)
5Tơt Brah Jê-sus mưt poh Ka-bê-na-um, geh mbu yau kan bôôk lôh dan jjuh Pang: 6“Ơi Brah, dêch hei ri but a wiêl, bêch wiêl a nhi, ji kôr đat.” 7Brah Jê-sus lah: “Hei a kươi lôh, tơmbah aan bu.” 8Yau kan bôôk ơh: “Brah ơi, hei 'bưn klanh dip jah wơơt Brah mưt u nhi, dơơn dan Brah lah di baak nei dêch hei a kươi kươt baaq. 9Đươm nơơm hei gôq a teh kmheng bnih nday, hei kot geh bơl lênh a teh kmheng hei; hei maanh bnih au: ‘Han!’ nei bu han; maanh bnih nday: ‘Lôh!’ nei bu lôh; u maanh dêch hei ri: ‘Lơh kaar au!’ nei bu lơh.” 10Iat bei nei, Brah Jê-sus êêng aang u lah n'hai pal bnih han tênh Pang laah: “Ngan, Hei lah bơl 'bei, Hei ndah sau 'bơơn knông I-sra-ên geh chưt jơrnơ bei au. 11Hei lah aan bơl 'bei gưt: A mak kơơt nar, mak nhơp nar a kươi geh ơk bnih lôh gôq pôl kơđaar n'hai Ap-ra-ham, I-sak, u Ja-kôp knông nggoor trôôk.#Lu 13:29. 12Dôh bơl 'bei nggoor ri kơơi dol jang sot ktôk mang jơ ngôw mak gaaih, ktôk a kươi geh nhim ngliêng u kap chhêk.”#Mat 22:13; 25:30; Lu 13:28. 13Ja nei Brah Jê-sus lah n'hai yau kan bôôk: “Phrui siq han! 'Bơơn jơ bei êch, nei a kươi kươt bei nei.” Plah knông bêl nei, bnih dêch kươt baaq.
Brah Jê-sus tơmbah mei pôw Phi-e-rơ u ơk bnih nday
(Mak 1:29-34; Lu-ka 4:38-41)
14Gêêng nei, Brah Jê-sus mưt nhi Phi-e-rơ, sau mei pôw bu lôh pơrtanh, bêch lơ ndơl. 15Pang buut ti mei ur, pơrtanh lơơi rlach mei ur; ja nei mei ur ta yoong jraih kaar Pang.
16Jơ ngôw lôh, bu nday liêu tơt u Pang ơk bnih but chaak rup; Pang pơih baak lah prơh chaak sot u tơmbah jôm bnih pơrtanh. 17Bei nei, baak Ê-sai yau grnưt noor:
“Nơơm Pang ja aanh pơih chook trei bơl bơn ri,
U aanh pơih jôm pơrtanh bơl bơn ri,”#Êsai 53:4. ja kươt dip plak.
Ntil phrui geh tênh Brah
(Lu-ka 9:57-62)
18Tơt sau bơl phung bnih ơk đat rlum, Brah Jê-sus maanh han rlach mak tôw kơh. 19Mbu yau gưt jhai lôh lah n'hai Pang: “Ơi Yau, Yau han đêch, hei a kươi tênh u nei.” 20Brah Jê-sus ơh: “Yan khaar geh rung, chum trôôk geh chhôm, dôh Koon Bnih 'bưn geh ktôk jah kơơl bôôk.” 21Mbu jơrnơ nday ơh n'hai Pang: “Smbah Brah, dan aan ch'bap hei siq jah rôôp bươp hei noor.” 22Dôh Brah Jê-sus ơh: “Phrui tênh Hei, teq bah chhưt rôôp bơl chhưt bu ri.”
Kwaih chaal kuông daak rmưt
(Mak 4:35-41; Lu-ka 8:22-25)
23Brah Jê-sus jưr duuk, bơl jơrnơ tênh Pang. 24Kơndaal, lôh mi chaal kuông kơndang kn'hao lơ daak rmưt lôh lơh kmbuôl lngach mưt duuk; dôh Pang plah bêch. 25Bơl jơrnơ lôh pơrlay Pang u khuôl: “Ơi Brah, dan đoh bơl koon! Bơl bơn dơơh chhưt 'bat!” 26Pang lah: “Ơi pal bnih ndêq chưt jơrnơ tôw, a hay bơl 'bei n'hông?” Pang drơh ta yoong sngaanh chaal u daak rmưt, bơl nei lhơn bei ơơm. 27Bơl jơrnơ êêng aang đat, ôp tơrnang nơơm: “Bnih au laa 'bơơn baah leq dơng chaal u daak rmưt kot iat baak bu?”
Baar du but chaak rup a Ga-đa-ra
(Mak 5:1-20; Lu-ka 8:26-39)
28Tơt rlach mak tôw kơh, mưt kwaal raih Ga-đa-ra, Brah Jê-sus mơp baar du but chaak rup a ktôk kmôôch han sot; bơl kraanh đat, lôh lơh 'bưn geh 'bơơn baanh han rloot troong nei. 29Bơl bu troh: “Ơi Koon Brah Ưn, bơl hei geh ta dơơh ơơn n'hai Ay? Ay lôh u đau êch lơh rngiêl bơl hei noor nar pơn nei bơơh?” 30Bei au troong nei 'bưn ngngai, geh di mbal sôr ơk đat plah sa. 31Bơl chaak dan Brah Jê-sus: “Mơq Ay prơh bơl hei sot, dan aan bơl hei rup mưt phung sôr tôw.” 32Pang maanh: “Han han!” Bơl chaak drơh lơơi rlach baar du nei u rup mưt mbal sôr. Kơl dal leq mbal a kơh tmau jroh jưr daak rmưt, chhưt a buk leq. 33Pal bah gwaal sôr tuôt kup, tuôt siq poh, krơơ kơơi jôm kaar, krơơ leq kaar lôh tơt aan baar du dol chaak rup. 34Leq poh lôh a mơp Brah Jê-sus; tơt mhei sau Pang nei dan jjuh Pang du rlach kwaal bu.
လက္ရွိေရြးခ်ယ္ထားမွု
Ma-thi-ơ 8: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 8
8
Brah Jê-sus tơmbah pơrtanh dưn
(Mak 1:40-45; Lu-ka 5:12-16)
1Tơt Brah Jê-sus jưr a lơ bnơm, phung bnih ơk đat han tênh Pang. 2Tôw, geh mbu bnih dưn#8:2 dưn: Knông klap Brah Jê-sus, pơrtanh dưn lah tơt ơk til pơrtanh agaih pêêk êêng nday. Tênh ch'bap Môi-se, bnih geh pơrtanh au dol mơq lah jrơơk jrơơm. lôh kơltut di mat Pang u lah: “Smbah Brah, mơq Brah êch, awap Brah lơh koon kươt jrah.” 3Brah Jê-sus ndơơp koon ti buut tơt bnih nei, u lah: “Hei êch, phrui jrơh ơơi.” Kơndaal, bnih dưn kươt jrơh. 4Brah Jê-sus pn'ak: “Phrui njrang, khơơm mor ơơn n'hai 'bơơn, dôh phrui han tơrsau yau thwaai u piyơ griêng thwaai baah Môi-se ja kne, bei di baak ndraanh aan jôm bnih.”
Brah Jê-sus tơmbah dêch yau kan bôôk
(Lu-ka 7:1-10)
5Tơt Brah Jê-sus mưt poh Ka-bê-na-um, geh mbu yau kan bôôk lôh dan jjuh Pang: 6“Ơi Brah, dêch hei ri but a wiêl, bêch wiêl a nhi, ji kôr đat.” 7Brah Jê-sus lah: “Hei a kươi lôh, tơmbah aan bu.” 8Yau kan bôôk ơh: “Brah ơi, hei 'bưn klanh dip jah wơơt Brah mưt u nhi, dơơn dan Brah lah di baak nei dêch hei a kươi kươt baaq. 9Đươm nơơm hei gôq a teh kmheng bnih nday, hei kot geh bơl lênh a teh kmheng hei; hei maanh bnih au: ‘Han!’ nei bu han; maanh bnih nday: ‘Lôh!’ nei bu lôh; u maanh dêch hei ri: ‘Lơh kaar au!’ nei bu lơh.” 10Iat bei nei, Brah Jê-sus êêng aang u lah n'hai pal bnih han tênh Pang laah: “Ngan, Hei lah bơl 'bei, Hei ndah sau 'bơơn knông I-sra-ên geh chưt jơrnơ bei au. 11Hei lah aan bơl 'bei gưt: A mak kơơt nar, mak nhơp nar a kươi geh ơk bnih lôh gôq pôl kơđaar n'hai Ap-ra-ham, I-sak, u Ja-kôp knông nggoor trôôk.#Lu 13:29. 12Dôh bơl 'bei nggoor ri kơơi dol jang sot ktôk mang jơ ngôw mak gaaih, ktôk a kươi geh nhim ngliêng u kap chhêk.”#Mat 22:13; 25:30; Lu 13:28. 13Ja nei Brah Jê-sus lah n'hai yau kan bôôk: “Phrui siq han! 'Bơơn jơ bei êch, nei a kươi kươt bei nei.” Plah knông bêl nei, bnih dêch kươt baaq.
Brah Jê-sus tơmbah mei pôw Phi-e-rơ u ơk bnih nday
(Mak 1:29-34; Lu-ka 4:38-41)
14Gêêng nei, Brah Jê-sus mưt nhi Phi-e-rơ, sau mei pôw bu lôh pơrtanh, bêch lơ ndơl. 15Pang buut ti mei ur, pơrtanh lơơi rlach mei ur; ja nei mei ur ta yoong jraih kaar Pang.
16Jơ ngôw lôh, bu nday liêu tơt u Pang ơk bnih but chaak rup; Pang pơih baak lah prơh chaak sot u tơmbah jôm bnih pơrtanh. 17Bei nei, baak Ê-sai yau grnưt noor:
“Nơơm Pang ja aanh pơih chook trei bơl bơn ri,
U aanh pơih jôm pơrtanh bơl bơn ri,”#Êsai 53:4. ja kươt dip plak.
Ntil phrui geh tênh Brah
(Lu-ka 9:57-62)
18Tơt sau bơl phung bnih ơk đat rlum, Brah Jê-sus maanh han rlach mak tôw kơh. 19Mbu yau gưt jhai lôh lah n'hai Pang: “Ơi Yau, Yau han đêch, hei a kươi tênh u nei.” 20Brah Jê-sus ơh: “Yan khaar geh rung, chum trôôk geh chhôm, dôh Koon Bnih 'bưn geh ktôk jah kơơl bôôk.” 21Mbu jơrnơ nday ơh n'hai Pang: “Smbah Brah, dan aan ch'bap hei siq jah rôôp bươp hei noor.” 22Dôh Brah Jê-sus ơh: “Phrui tênh Hei, teq bah chhưt rôôp bơl chhưt bu ri.”
Kwaih chaal kuông daak rmưt
(Mak 4:35-41; Lu-ka 8:22-25)
23Brah Jê-sus jưr duuk, bơl jơrnơ tênh Pang. 24Kơndaal, lôh mi chaal kuông kơndang kn'hao lơ daak rmưt lôh lơh kmbuôl lngach mưt duuk; dôh Pang plah bêch. 25Bơl jơrnơ lôh pơrlay Pang u khuôl: “Ơi Brah, dan đoh bơl koon! Bơl bơn dơơh chhưt 'bat!” 26Pang lah: “Ơi pal bnih ndêq chưt jơrnơ tôw, a hay bơl 'bei n'hông?” Pang drơh ta yoong sngaanh chaal u daak rmưt, bơl nei lhơn bei ơơm. 27Bơl jơrnơ êêng aang đat, ôp tơrnang nơơm: “Bnih au laa 'bơơn baah leq dơng chaal u daak rmưt kot iat baak bu?”
Baar du but chaak rup a Ga-đa-ra
(Mak 5:1-20; Lu-ka 8:26-39)
28Tơt rlach mak tôw kơh, mưt kwaal raih Ga-đa-ra, Brah Jê-sus mơp baar du but chaak rup a ktôk kmôôch han sot; bơl kraanh đat, lôh lơh 'bưn geh 'bơơn baanh han rloot troong nei. 29Bơl bu troh: “Ơi Koon Brah Ưn, bơl hei geh ta dơơh ơơn n'hai Ay? Ay lôh u đau êch lơh rngiêl bơl hei noor nar pơn nei bơơh?” 30Bei au troong nei 'bưn ngngai, geh di mbal sôr ơk đat plah sa. 31Bơl chaak dan Brah Jê-sus: “Mơq Ay prơh bơl hei sot, dan aan bơl hei rup mưt phung sôr tôw.” 32Pang maanh: “Han han!” Bơl chaak drơh lơơi rlach baar du nei u rup mưt mbal sôr. Kơl dal leq mbal a kơh tmau jroh jưr daak rmưt, chhưt a buk leq. 33Pal bah gwaal sôr tuôt kup, tuôt siq poh, krơơ kơơi jôm kaar, krơơ leq kaar lôh tơt aan baar du dol chaak rup. 34Leq poh lôh a mơp Brah Jê-sus; tơt mhei sau Pang nei dan jjuh Pang du rlach kwaal bu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.