Ma-thi-ơ 7
7
Baak pơrkat
(Lu-ka 6:37,38,41,42)
1“Khơơm pơrkat 'bơơn jah bơl 'bei rlach dol pơrkat. 2Đươm bơl 'bei pơrkat bu nday bei êch nei bơl 'bei a kươi kot dol pơrkat bei nei, bơl 'bei weh aan bu nday ggơr êch nei bơl 'bei a kươi kot dol weh kơơi ggơr nei.#Mak 4:24. 3A hay 'bei sau pưn druih knông pi mat oh bi, baah leet 'bưn sau tơơm pkaang knông pi mat nơơm? 4A hay 'bei leet maanh oh bi: ‘Jah hei pơih pưn druih rlach pi mat oh bi,’ knông plah tơơm pkaang nha nh'ơơm bêch knông pi mat nơơm? 5Ơi bơl pưl baar taap! Noor leq phrui pơih tơơm pkaang rlach mat bơn ơơi, ja nei mơ sau srlah baah pơih pưn druih rlach mat oh bi kươt.”
Jôm baak pn'ak nday
(Lu-ka 11:9-13; 13:24)
6“Khơơm aan sôw pal griêng jrah, kot khơơm jang pi khiêp aan sôr, ach bơl bu jaq a teh jơng, u bu wih kơơi kap chhêêk bơl 'bei 'bưn.
7Phrui dan, a kươi kươt; phrui wơng, a kươi mơp; phrui goh lpôông, a kươi pơơk aan bơl 'bei. 8Đươm 'bơơn dan nei kươt; 'bơơn wơng nei a mơp; u 'bơơn goh lpôông nei a kươi kươt pơơk. 9Geh 'bơơn knông bơl 'bei, tơt koon bơn dan nom leet aan tmau? 10Paich laa dan ka, baah leet aan bêh pan? 11Bei nei mơq bơl 'bei kot laa bnih ap, nha gưt aan koon pal griêng klanh, huôih ơơn Bươp bơl 'bei lơ trôôk leet 'bưn ươn pal griêng klanh aan bơl bnih dan Pang laang?
12Bei nei, paich ntil ơơn bơl 'bei êch bu nday lơh aan 'bei, phrui lơh ntil nei aan bu, đươm nei laa ch'bap u baak grnưt noor.#Lu 6:31.
13Phrui mưt lpôông wêt, đươm lpôông ngwi u troong rhông rhơi#7:13 đươm lpôông ngwi u troong rhông rhơi: Knông m'baak plơơp 'bian ti laa troong ngwi n'hai rhông rhơi. liêu tơt baak luôch lêêk, bnih mưt tôw nei ơk. 14Nha lpôông wêt u troong haat liêu lôh baak rêh, bnih wơng sau kươt nei ndêq.”
Ndroong pơih gưt bơl grnưt noor lhiat
(Lu-ka 6:43,44)
15“Phrui nhjrang bơl grnưt noor lhiat, laa bơl ndau pêêk pi bưr lôh n'hai bơl 'bei, dôh mak klung laa sôw bri bu kap chhêêk. 16Bơl 'bei pơih gưt bu chkhôm kao play bu ri. Au geh 'bơơn pleh play nho ktôk pih look, paich play lwi ktôk pih pum khal êch? 17Bei nei, mơq tơơm klanh nei lôh play klanh; nha tơơm khih nei lôh play khih. 18Tơơm klanh 'bưn geh lôh play khih, nha tơơm khih kot 'bưn lôh play klanh kươt. 19Paich tơơm êch 'bưn lôh play klanh, nei dol gôt u jang mưt ôinh.#Mat 3:10; Lu 3:9. 20Bei nei, chkhôm kao play, bơl 'bei a kươi pơih gưt kươt bơl bu.#Mat 12:33.
21'Bưn geh paich 'bơơn mor n'hai Hei: ‘Smbah Brah, smbah Brah’, kot kươt mưt kươt nggoor trôôk laang; dôh dơơn bnih êch lơh tênh rnđêch Bươp Hei ri lơ trôôk nei ei. 22Laap Nar nei, ơk bnih a kươi ơh n'hai Hei: ‘Smbah Brah, smbah Brah! Bơl hei ja 'bưn geh tơmoh Brah mor grnưt noor, tơmoh Brah prơh chaak, tơmoh Brah lơh ơk chmlih chmleek nei laang?’ 23Tơt nei, Hei a kươi lah srlah n'hai bu laah: ‘Ơi pal bah lơh đơơk, phrui rônh sot rlach Hei, Hei 'bưn gưt bơl 'bei khal êch!’”
Phrui lơh tênh baak Brah
(Lu-ka 6:47-49)
24“Bei nei, 'bơơn iat baak Hei u lơh tênh nei bei mbu bnih jhai, sun nhi bơn lơ tmau. 25Paich geh mi hooch jưr, daak loh rlaai tơt, chaal kơndang, nhi nei nha jap, đươm ja kươt sun lơ tmau. 26Nha 'bơơn iat baak Hei, dôh 'bưn lơh tênh, nei bei bnih kơrlung kơrlong, sun nhi lơ rka. 27Tơt mi hooch jưr, daak loh rlaai tơt, chaal kơndang nhi nei a rlơm, khuit khwait jjơk mơt.”
28Tơt Brah Jê-sus lah pal baak nei luôih, phung raih êêng aang teq u baak kne Pang ri; 29đươm Pang kne di troong geh ch'bap kmheng, 'bưn bei bơl yau gưt jhai.#Mak 1:22; Lu 4:32.
လက္ရွိေရြးခ်ယ္ထားမွု
Ma-thi-ơ 7: SBL2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Ma-thi-ơ 7
7
Baak pơrkat
(Lu-ka 6:37,38,41,42)
1“Khơơm pơrkat 'bơơn jah bơl 'bei rlach dol pơrkat. 2Đươm bơl 'bei pơrkat bu nday bei êch nei bơl 'bei a kươi kot dol pơrkat bei nei, bơl 'bei weh aan bu nday ggơr êch nei bơl 'bei a kươi kot dol weh kơơi ggơr nei.#Mak 4:24. 3A hay 'bei sau pưn druih knông pi mat oh bi, baah leet 'bưn sau tơơm pkaang knông pi mat nơơm? 4A hay 'bei leet maanh oh bi: ‘Jah hei pơih pưn druih rlach pi mat oh bi,’ knông plah tơơm pkaang nha nh'ơơm bêch knông pi mat nơơm? 5Ơi bơl pưl baar taap! Noor leq phrui pơih tơơm pkaang rlach mat bơn ơơi, ja nei mơ sau srlah baah pơih pưn druih rlach mat oh bi kươt.”
Jôm baak pn'ak nday
(Lu-ka 11:9-13; 13:24)
6“Khơơm aan sôw pal griêng jrah, kot khơơm jang pi khiêp aan sôr, ach bơl bu jaq a teh jơng, u bu wih kơơi kap chhêêk bơl 'bei 'bưn.
7Phrui dan, a kươi kươt; phrui wơng, a kươi mơp; phrui goh lpôông, a kươi pơơk aan bơl 'bei. 8Đươm 'bơơn dan nei kươt; 'bơơn wơng nei a mơp; u 'bơơn goh lpôông nei a kươi kươt pơơk. 9Geh 'bơơn knông bơl 'bei, tơt koon bơn dan nom leet aan tmau? 10Paich laa dan ka, baah leet aan bêh pan? 11Bei nei mơq bơl 'bei kot laa bnih ap, nha gưt aan koon pal griêng klanh, huôih ơơn Bươp bơl 'bei lơ trôôk leet 'bưn ươn pal griêng klanh aan bơl bnih dan Pang laang?
12Bei nei, paich ntil ơơn bơl 'bei êch bu nday lơh aan 'bei, phrui lơh ntil nei aan bu, đươm nei laa ch'bap u baak grnưt noor.#Lu 6:31.
13Phrui mưt lpôông wêt, đươm lpôông ngwi u troong rhông rhơi#7:13 đươm lpôông ngwi u troong rhông rhơi: Knông m'baak plơơp 'bian ti laa troong ngwi n'hai rhông rhơi. liêu tơt baak luôch lêêk, bnih mưt tôw nei ơk. 14Nha lpôông wêt u troong haat liêu lôh baak rêh, bnih wơng sau kươt nei ndêq.”
Ndroong pơih gưt bơl grnưt noor lhiat
(Lu-ka 6:43,44)
15“Phrui nhjrang bơl grnưt noor lhiat, laa bơl ndau pêêk pi bưr lôh n'hai bơl 'bei, dôh mak klung laa sôw bri bu kap chhêêk. 16Bơl 'bei pơih gưt bu chkhôm kao play bu ri. Au geh 'bơơn pleh play nho ktôk pih look, paich play lwi ktôk pih pum khal êch? 17Bei nei, mơq tơơm klanh nei lôh play klanh; nha tơơm khih nei lôh play khih. 18Tơơm klanh 'bưn geh lôh play khih, nha tơơm khih kot 'bưn lôh play klanh kươt. 19Paich tơơm êch 'bưn lôh play klanh, nei dol gôt u jang mưt ôinh.#Mat 3:10; Lu 3:9. 20Bei nei, chkhôm kao play, bơl 'bei a kươi pơih gưt kươt bơl bu.#Mat 12:33.
21'Bưn geh paich 'bơơn mor n'hai Hei: ‘Smbah Brah, smbah Brah’, kot kươt mưt kươt nggoor trôôk laang; dôh dơơn bnih êch lơh tênh rnđêch Bươp Hei ri lơ trôôk nei ei. 22Laap Nar nei, ơk bnih a kươi ơh n'hai Hei: ‘Smbah Brah, smbah Brah! Bơl hei ja 'bưn geh tơmoh Brah mor grnưt noor, tơmoh Brah prơh chaak, tơmoh Brah lơh ơk chmlih chmleek nei laang?’ 23Tơt nei, Hei a kươi lah srlah n'hai bu laah: ‘Ơi pal bah lơh đơơk, phrui rônh sot rlach Hei, Hei 'bưn gưt bơl 'bei khal êch!’”
Phrui lơh tênh baak Brah
(Lu-ka 6:47-49)
24“Bei nei, 'bơơn iat baak Hei u lơh tênh nei bei mbu bnih jhai, sun nhi bơn lơ tmau. 25Paich geh mi hooch jưr, daak loh rlaai tơt, chaal kơndang, nhi nei nha jap, đươm ja kươt sun lơ tmau. 26Nha 'bơơn iat baak Hei, dôh 'bưn lơh tênh, nei bei bnih kơrlung kơrlong, sun nhi lơ rka. 27Tơt mi hooch jưr, daak loh rlaai tơt, chaal kơndang nhi nei a rlơm, khuit khwait jjơk mơt.”
28Tơt Brah Jê-sus lah pal baak nei luôih, phung raih êêng aang teq u baak kne Pang ri; 29đươm Pang kne di troong geh ch'bap kmheng, 'bưn bei bơl yau gưt jhai.#Mak 1:22; Lu 4:32.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.