Piiluu 1
1
Naaŋmen Naŋ Iri A Sazu Ane A Teŋɛ
1 #
Yiel 104; Tom 17:24; Yuo 4:11; Hib 11:3; Gyn 1:1-3 A piiluu saŋ, Naaŋmen da iri la a sazu ane a teŋɛ, 2a teŋɛ da ba taa waaloŋ zaa. A teŋɛ da waa la vuo ane zaglaa lɛ, ka ligruŋ da page a zizuluŋ kyɛ ka a Naaŋmen Vooroŋ da yɔ laara a koɔ̃ zu. 3#Yiel 33:9; 2 Kor 4:6 Lɛ la ka Naaŋmen da yeli, “Vɛŋ ka kyaane bebe”; ka a kyaane wa bebe. 4Naaŋmen da nyɛ la a kyaane ka o soma; ka O da wɛle a kyaane yi a ligruŋ poɔ. 5Naaŋmen da pore la a kyaane yuori ka Ŋmenaa kyɛ pore a ligruŋ ka Tensogɔ. Lɛ la ka zie da maa, a nyaa baguo saŋ, a bebi-dɛndɛŋ soba.
6Naaŋmen da la yelee la, “Vɛŋ ka begraa wa be a koɔ̃ sogɔŋ, a poŋ a koɔ̃ ziiri ayi.” 7#Yiel 19:1 Lɛ la ka Naaŋmen da maale a begraa, a wɛle a koɔ̃ naŋ da be a begraa puliŋ yi a koɔ̃ naŋ be a begraa zusogɔ. Ka a da e a lɛ. 8Naaŋmen da pore la a begraa yuori ka Saluoni. Lɛ la ka zie da maa, a nyaa baguo saŋ, a bebie ayi soba.
9 #
2 Pit 3:5; Gyob 38:8-11 Naaŋmen da la yelee la, “Vɛŋ ka a koɔ̃ naŋ be a saluoni puliŋ tage lantaa ziyeni kyɛ vɛŋ ka a teŋkuoŋaa yi sãã.” Ka a da e a lɛ. 10Naaŋmen da pore la a teŋkuoŋaa yuori ka Teŋɛ kyɛ pore a koɔ̃ naŋ lantaa ka Mama. Naaŋmen da nyɛɛ la ka a soma. 11Lɛ la ka Naaŋmen da la yeli, “Vɛŋ ka a teŋɛ buli boma: boma naŋ eŋnɛ bie ane teboorɔ zaa naŋ wɔnɔ wɔmɔ a eŋnɛ bie be a teŋɛzu.” Ka a da e a lɛ. 12A teŋɛ da buli la boma: a bomboorɔ zaa naŋ eŋnɛ bie ane teboorɔ zaa naŋ wɔnɔ wɔmɔ ka bie be a wɔmɔ poɔ. Naaŋmen da nyɛɛ la ka a soma. 13Zie da maaɛ la, a nyaa baguo saŋ, a bebie ata soba.
14 #
Yiel 74:16
Naaŋmen da la yelee la, “Vɛŋ ka kyaane be a saluoni a sazu poɔ a wɛle a ŋmenaa ane a tensogɔ taa; ka a wullo a sẽɛ, uoni, bebie ane a yuomo, 15a vɛŋ ka a e kyaane a saluoni poɔ a korɔ a teŋɛzu kyaane.” Ka a da e a lɛ. 16#Yiel 136:7-9 Naaŋmen da iri la kyaane bombɛrɛ ayi; a kyãã-kpoŋ soba da puri la a ŋmenaa saŋ kyɛ ka a kyãã-bile soba puri a tensogɔ saŋ. O da iri la a ŋmarbie meŋ. 17Naaŋmen da de a la eŋ a saluoni poɔ ka a korɔ a tendaa kyaane, 18a na di naaloŋ a ŋmenaa ane a tensogɔ zu kyɛ wɛle a kyaane yi a ligruŋ poɔ. Naaŋmen da nyɛɛ la ka a soma. 19Zie da maaɛ la, a nyaa baguo saŋ, a beri anaare soba.
20Naaŋmen da yelee la, “Vɛŋ ka a koɔ̃ taa bonvoba naŋ ba poɔrɔ kyɛ ka a nuuli ɛgrɛ a koɔ̃ zusogɔ a saluoni poɔ.” 21Lɛ la ka Naaŋmen da iri a mane poɔ zomkponni ane a bonvoba boorɔ zaa naŋ yoɔrɔ a koɔ̃ poɔ a paale a koɔ̃ poɔ zaa ane bon-ɛgre boorɔ zaa naŋ taa begɛ. Naaŋmen da nyɛɛ la ka a soma. 22Naaŋmen da maale a la, a yele, “Yɛ dɔgrɔ, a yɛle paale a mama koɔnɛɛ zaa kyɛ ka a bon-ɛgre yɛllɛ a teŋɛzu.” 23Zie da maaɛ la, a nyaa baguo saŋ, a beri anuu soba.
24Naaŋmen da yelee la, “Vɛŋ ka a teŋɛ taa bonvoba boorɔ zaa: nii ane teŋɛ bonvuuri zaa ane a teŋɛzu wɛdomboorɔ zaa.” Ka a da e a lɛ. 25Naaŋmen da iri la a teŋɛzu wɛdomboorɔ ane a naaboorɔ zaa ane a teŋɛzu bonvuuri boorɔ zaa. Naaŋmen da nyɛɛ la ka a soma.
26 #
Yiel 8:5-8
Naaŋmen pãã da yelee la, “Yɛ vɛŋ ka te maale nensaala ka o taa te meɛroŋ, ka te ne o yitaa; a vɛŋ ka o di kpeɛ̃õ a zoma naŋ be a mane poɔ zu, a di kpeɛ̃õ a nuuli naŋ be a sazu poɔ zu, ane a nii zu ane a teŋɛzu wɛdonne zaa ane a bonvuuri zaa naŋ vuuro a teŋɛzu.”
27 #
Efe 4:24; Piil 2:7, 22; Mat 19:4 Lɛ la ka a Naaŋmen da de O meŋɛ meɛroŋ a iri ne nensaala,
Naaŋmen meŋɛ meɛroŋ la ka O da de iri ne ba;
O da iri ba la dɔɔ ane pɔge.
28 #
Tom 17:26
Naaŋmen da maale ba la kyɛ da yeli ko ba, “Yɛ dɔgrɔ, a yɛllɛ, a pore paale a teŋɛ kyɛ di faŋ o zu; a di kpeɛ̃õ a mane poɔ zoma zu, ane a sazu poɔ nuuli ane a bonvoba zaa naŋ be a teŋɛzu.” 29Naaŋmen da yelee la, “Yɛ nyɛ, N ko yɛ la a boma zaa naŋ be a teŋɛzu zie zaa a wɔnɔ wɔmɔ ka a wɔmɔ taa bie ane teere zaa naŋ maŋ wɔŋ ka a wɔmɔ taa bie; a na e la bondirii ko yɛ. 30A donne zaa naŋ be a teŋɛzu, nuuli zaa naŋ be a sazu poɔ ane a teŋɛzu bonvuuri zaa ane bonzaa naŋ voorɔ a taa nyɔvore, N ko yɛ la a vamaara zaa ka a e bondirii ko yɛ.” Ka a da e a lɛ. 31Naaŋmen da nyɛ la a boma zaa O naŋ da iri ka a da sereŋ soma. Zie da maaɛ la, a nyaa baguo saŋ, a beri ayoɔbo soba.
လက္ရွိေရြးခ်ယ္ထားမွု
Piiluu 1: DGA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Dagaare First Bible © The Bible Society of Ghana, 2025.