Jenesis 5
5
Olketa laen blong Adam hemi stat long Set, hemi kam kasem Noa
1-2 Stori abaotem Adam wetem laen hemi olsem:
Long taem ya wea God hemi mekem man, hemi mekem hem fo tekem wei blong hem seleva. Fastaem, hemi mekem tufala man nomoa, wanfala wea i man an narafala wea i woman, an long de ya hemi mekem tufala, hemi blesim tufala, an hemi kolem tufala, Man.
3Adam hemi kasem 130 yia blong hem, nao hemi bonem wanfala pikinini boe moa wea i olsem hem seleva an hemi tekem wei blong hem, an hemi kolem pikinini ya Set. 4Nao hemi stap 800 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 5An taem hemi dae, hemi kasem 930 yia blong hem.
6Taem Set hemi kasem 105 yia blong hem, hemi bonem Enos. 7Nao hemi stap 807 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 8An taem hemi dae, hemi kasem 912 yia blong hem.
9Taem Enos hemi kasem 90 yia blong hem, hemi bonem Kenan. 10Nao hemi stap 815 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 11An taem hemi dae, hemi kasem 905 yia blong hem.
12Taem Kenan hemi kasem 70 yia blong hem, hemi bonem Mahelalel. 13Nao hemi stap 840 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 14An taem hemi dae, hemi kasem 910 yia blong hem.
15Taem Mahelalel hemi kasem 65 yia blong hem, hemi bonem Jered. 16Nao hemi stap 830 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 17An taem hemi dae, hemi kasem 895 yia blong hem.
18Taem Jered hemi kasem 162 yia blong hem, hemi bonem Inok. 19Nao hemi stap 800 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 20An taem hemi dae, hemi kasem 962 yia blong hem.
21Taem Inok hemi kasem 65 yia blong hem, hemi bonem Metusela. 22Nao hemi stap 300 yia moa, wea oltaem hemi gohed wetem God, an long taem ya, hemi bonem olketa narafala pikinini moa, samfala wea i boe an samfala wea i gele. 23-24Oltaem long laef blong hem hemi stap fren gud wetem God, nao God hemi tekem hem aot from wol ya taem hemi laef yet, an olketa man i no lukim hem moa. Long taem ya, hemi kasem 365 yia blong hem.
25Taem Metusala hemi kasem 187 yia blong hem, hemi bonem Lamek. 26Nao hemi stap 782 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 27An taem hemi dae, hemi kasem 969 yia blong hem.
28Taem Lamek hemi kasem 182 yia blong hem, nao hemi bonem wanfala pikinini boe. 29Hemi tok olsem, “Pikinini ya bae hemi helpem yumi, mekem yumi res lelebet long olketa hadwaka blong yumi long graon ya, wea Yawe hemi jajem finis an hemi mekem kamap nogud.” Nao hemi kolem pikinini ya Noa. 30Nao hemi stap 595 yia moa, an long taem ya, hemi bonem olketa narafala pikinini moa, samfala wea i boe an samfala wea i gele. 31An taem hemi dae, hemi kasem 777 yia blong hem.
32Taem Noa hemi kasem 500 yia blong hem, hemi bonem trifala pikinini boe wea hemi kolem olketa long Siem, an Ham an Jafet.
လက္ရွိေရြးခ်ယ္ထားမွု
Jenesis 5: SIDC
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Pijin Catholic Bible © Bible Society of the South Pacific, 2008.