Yohane Ichilongole
Ichilongole
Imbuli inoghile iyandikighwe na Yohana yachitabu chimwe mna ipfitabu pfine ipfili mna Lilaghano lya Sambi ipfilangusa tsimbuli tsa Yesu Kiristu. Chila chimwe chokemighwa “Injili” (mana yake Mbuli inoghile). Ipfitabu apfino pfandikighwa na Matei, Maliki, Luka, na Yohana. Imbuli Inoghile aino yandikighwa na Yohana mna ghumwaka ka ghwa tisini apfino kulawa Yesu hayelekighwe. Hata kama ichitabu achino ng'achilonga baye ka Yohana yuyo iyachandike, lekeni pfachandikighwe cheghala na Ibaluwa ya mwanduso ya Yohana, na ya keli, na ya kadatu. Iwanu wa ghumwande iwang'ali wakwandika wolonga Yohana tsakakala kamna ghumji ghwa Efeso, apfo yakoneka ichitabu achino chandikighwa mna ghumji ghwa Efeso.
Yohana kolonga mwatsimwatsi ka ichinu chikulu ichili mna ichitabu achino ambe ukuwapfila iwanu watoghole ka Yesu yuyo Kiristu, Mwana wa Imlungu yana ugima (20:31). Kwa ukutoghola apfo twakuwa na ugima mna litaghwa lyake. Ichitabu achino tsachandikighwa kwa pfilongotsi wa Wayahudi na wa iwanu iwali si Wayahudi baye. Imbuli Inoghile ya Yohana ng'aighala baye na Imbuli Inoghile ya Matei, Luka, na Maliki. Yohana kakomangitsa ipfinu pfa kukangawatsa pfayatendile Yesu, na ng'andike baye mbuli tsa mifano iyalapfile Yesu. Pfinu pfimwenga ka ukubatitsighwa kwa Yesu, na ukughetsighwa kwake kunyika, ng'apfandikighwe baye mna Injili aino.
Ighali mghati
Mna isula ya 1:1-18, Yohana kakwandusa Imbuli Inoghile
Mna isula ya 1:19-12-50, kakwandika ipfinu pfa ukukangawatsa pfayatendile Yesu.
Mna isula ya 13:1-20-31, kolonga mengi ighalawile mna ugima wa Yesu na ukufa kwake na ukutsihiluka kwake.
Mna isula ya 21, Yohana komalitsila kwa ukulonga Yesu pfayawalawile iwanu ahala hayatsihiluke na ichinu ichimtendile yeye yandike ichitabu achino.
လက္ရွိေရြးခ်ယ္ထားမွု
Yohane Ichilongole: LBV
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ