ဓမ္မရာဇဝင်စတုတ္ထစောင် 4မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ထိုအခါ ဧလိရှဲ​က “​အကျွန်ုပ်​မည်သို့​ပြု​ပေး​ရ​မည်နည်း​။ သင့်​အိမ်​၌ မည်သည့်​ပစ္စည်း​ရှိ​သနည်း​။ ပြောပြ​ပါ​”​ဟု​ဆို​လျှင် ထို​မိန်းမ​က “​အရှင့်​အစေအပါး​၌ ဆီအိုး​တစ်​လုံး​မှလွဲ၍ တစ်အိမ်လုံး​တွင် မည်သည့်​ပစ္စည်း​မျှ မ​ရှိ​ပါ​”​ဟု ပြန်ပြော​၏​။

ပရောဖက်​အဖွဲ့သား​များ​၏​ဇနီး​သည်​များ​ထဲမှ အမျိုးသမီး​တစ်​ယောက်​က ဧလိရှဲ​အား “​အရှင့်​အစေအပါး အကျွန်ုပ်​၏​ခင်ပွန်း သေဆုံး​သွား​ပါ​ပြီ​။ အရှင့်​အစေအပါး​သည် ထာဝရဘုရား​ကို​ကြောက်ရွံ့ရိုသေ​ကြောင်း​ကို အရှင်​သိ​ပါ​၏​။ ယခု​မှာ ကြွေးရှင်​က အကျွန်ုပ်​၏​သား​နှစ်​ဦး​ကို ကျွန်​အဖြစ် သိမ်းယူ​ဖို့ လာ​ပါ​ပြီ​”​ဟု အော်ဟစ်​အကူအညီ​တောင်း​လေ​၏​။

ဧလိရှဲ​က​လည်း “​သင့်​ဝန်းကျင်​ရှိ​အိမ်နီးချင်း​အားလုံး​တို့​ထံသို့​သွား​၍ အိုး​ငှား​ခဲ့​ပါ​။ အိုး​လွတ်​တို့​ကို​ရ​နိုင်​သမျှ များများ​ငှား​ခဲ့​ပါ​။

ပြီးလျှင် သင်​နှင့်​သင့်​သား​တို့​သည် အထဲသို့​ဝင်​၍ တံခါး​ကို​ပိတ်​ပြီး ထို​အိုး​ရှိသမျှ​ထဲသို့ ဆီ​လောင်းထည့်​ပါ​။ ပြည့်​သော​အိုး​များ​ကို ဘေးဖယ်​ထား​ပါ​”​ဟု ဆို​၏​။

အိုး​များ​ပြည့်​သွား​သောအခါ သူ​က သား​အား “​နောက်ထပ်​အိုး​တစ်​လုံး​ယူ​ခဲ့​ပါ​”​ဟု​ဆို​လျှင် သူ့​သား​က “​အိုး​မ​ရှိ​တော့​ပါ​”​ဟု​ပြော​လိုက်​သည်​နှင့် ဆီ​များ​လည်း ရပ်သွား​လေ​၏​။

ထို​မိန်းမ​သည် ဘုရားသခင်​၏​လူ​ထံသို့​လာ​၍​ပြောပြ​သောအခါ သူ​က “​ထို​ဆီ​များ​ကို သွား​ရောင်း​ပြီး အကြွေး​များ​ကို ဆပ်​ပါ​။ ကျန်​ငွေ​ကို သင်​နှင့်​သင့်​သား​တို့ အသက်မွေး​ဖို့ အသုံးပြု​ပါ​”​ဟု ဆို​၏​။

ထို့ကြောင့် သူ​သည် ဧလိရှဲ​ထံမှ​ပြန်သွား​၍ သား​တို့​နှင့်အတူ တံခါး​ကို​အထဲ​မှ​ပိတ်​ကာ သူ့​ထံ​ယူလာ​ပေး​သော​အိုး​များ​ထဲသို့ ဆီ​များ​ကို​လောင်းထည့်​၏​။

ထို့နောက် သူငယ်​ပေါ်တွင် နှုတ် နှုတ်​ချင်း​၊ မျက်လုံး မျက်လုံး​ချင်း​၊ လက် လက်​ချင်း ထပ်​ပြီး လှဲအိပ်​လေ​၏​။ ထိုသို့ သူငယ်​ပေါ်တွင် ကိုယ်​ကို မှောက်​၍​နေ​သောအခါ သူငယ်​၏​ကိုယ်​မှာ နွေးလာ​၏​။