ဟေရှာယအနာဂတ္တိကျမ်း 19မှ လူကြိုက်နှစ်သက်သော ကျမ်းပိုဒ်များ။

မျှဝေရန်

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​၏​လူ​ဖြစ်​သော​အီဂျစ်​လူမျိုး​၊ ငါ့​လက်​ဖြင့်​ပုံဖော်ဖန်ဆင်း​ထား​သူ​ဖြစ်​သော​အဆီးရီးယား​လူမျိုး​၊ ငါ့​အမွေဥစ္စာ​ဖြစ်​သော​အစ္စရေး​လူမျိုး​တို့​၌ မင်္ဂလာရှိ​ကြ​စေ​သတည်း​”​ဟု သူ​တို့​ကို ကောင်းချီးပေး​တော်မူ​မည်​။

ထို​ကျောက်တိုင်​သည် အီဂျစ်​ပြည်​တွင် ကောင်းကင်​ဗိုလ်ခြေ​အရှင်​ထာဝရဘုရား​၏​အမှတ်လက္ခဏာ​သဖွယ်​၊ သက်သေ​သဖွယ် ဖြစ်​လိမ့်မည်​။ သူ​တို့​သည် ညှဉ်းဆဲ​ခြင်း​ခံရ​သောကြောင့် ထာဝရဘုရား​ထံ အော်ဟစ်​တောင်းလျှောက်​ကြ​သောအခါ ကိုယ်တော်​သည် ကယ်တင်​ပေး​သူ​၊ ကာကွယ်​ပေး​သူ​ကို သူ​တို့​ထံ​စေလွှတ်​တော်မူ​၍ သူ​တို့​ကို ကယ်တင်​တော်မူ​လိမ့်မည်​။

အီဂျစ်​ပြည်​နှင့်ဆိုင်သော​ဗျာဒိတ်​တော်​။ ကြည့်ရှု​လော့​။ ထာဝရဘုရား​သည် လျင်မြန်​သော​တိမ်တိုက်​ကို​စီး​၍ အီဂျစ်​ပြည်​သို့ ကြွလာ​တော်မူ​၏​။ အီဂျစ်​ပြည်​၏​ရုပ်တု​တို့​သည် ကိုယ်တော်​၏​ရှေ့​၌ လှုပ်ခါ​ကြ​၍ အီဂျစ်​ပြည်သား​တို့​သည် စိတ်ပျက်အားလျော့​ကြ​လိမ့်မည်​။

ထို​နေ့ရက်​တွင် အီဂျစ်​ပြည်​အလယ်​၌ ထာဝရဘုရား​အတွက် ယဇ်ပလ္လင်​တစ်​ခု​ရှိ​လိမ့်မည်​။ ထို​ပြည်​၏​နယ်စပ်​၌ ထာဝရဘုရား​အတွက် ကျောက်တိုင်​တစ်​တိုင်​ရှိ​လိမ့်မည်​။