သုတ္တံကျမ်း 19မှ လူကြိုက်နှစ်သက်သော ကျမ်းပိုဒ်များ။

မျှဝေရန်

လူ​၏​စိတ်နှလုံး​ထဲ၌ အကြံအစည်​များစွာ​ရှိ​၏​။ သို့ရာတွင် ထာဝရဘုရား​၏​အကြံဉာဏ်​သည်​သာ တည်​လိမ့်မည်​။

ဆင်းရဲ​သော​သူ​ကို​သနား​သော​သူ​သည် ထာဝရဘုရား​အား ချေးငှား​ခြင်း​ဖြစ်၍ ကိုယ်တော်​သည် သူ​၏​လုပ်ဆောင်မှု​အတွက် သူ့​အား ဆုလာဘ်​ကို​ပေး​တော်မူ​လိမ့်မည်​။

ပညာသတိ​ရှိ​သော​သူ​သည် မိမိ​၏​ဒေါသ​ကို​ချုပ်တည်း​တတ်​၏​။ သူ​၏​ဂုဏ်ကျက်သရေ​ကား သူတစ်ပါး​ကျူးလွန်​သော​အပြစ်​ကို ဖြေလွှတ်​ခြင်း​ဖြစ်​၏​။

အကြံဉာဏ်​ကို​နားထောင်​၍ ဆုံးမပဲ့ပြင်​ခြင်း​ကို​လက်ခံ​လော့​။ သို့ပြုလျှင် နောက်ဆုံး​၌ သင်​သည် ဉာဏ်ပညာ​ကို​ရရှိ​လိမ့်မည်​။

ထာဝရဘုရား​ကို​ကြောက်ရွံ့​ခြင်း​သည် အသက်ရှင်​ခြင်း​သို့​ပို့ဆောင်​ပေး​သည်​ဖြစ်၍ ထို​စိတ်သဘော​ရှိ​သော​သူ​သည် ပြည့်စုံ​စွာ​နေ​ရ​လျက် ဘေးအန္တရာယ်​နှင့်​ကြုံတွေ့​ရ​လိမ့်မည်​မ​ဟုတ်​။

အသိဉာဏ်​ကို​ရရှိ​သော​သူ​သည် မိမိ​၏​စိတ်ဝိညာဉ်​ကို​ချစ်​၏​။ ထိုးထွင်းဉာဏ်​ကို​စောင့်ထိန်း​သော​သူ​သည် ကောင်း​သော​အရာ​ကို​တွေ့ရှိ​လိမ့်မည်​။

မျှော်လင့်​ခြင်း​ရှိ​စဉ်အခါ သင်​၏​သား​ကို​ပဲ့ပြင်​လော့​။ သူ့​ကို​သေ​ခြင်း​သို့​ရောက်​စေ​လို​သည့် စိတ်ထား​မျိုး​မ​ရှိ​စေ​နှင့်​။

မုသား​သက်သေ​သည် အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။ လိမ်လည်​ထွက်ဆို​သော​သူ​သည်​လည်း ပျက်စီး​ရ​လိမ့်မည်​။