မာကု 15
15
ပိလတ်မင်းရှေ့တွင် စစ်ဆေးခံတော်မူခြင်း
1နံနက်စောစောအချိန်တွင် ယဇ်ပုရောဟိတ်ခေါင်းဆောင်များသည် အကြီးအကဲများ၊ ကျမ်းတတ်ဆရာများနှင့် တရားလွှတ်တော်မှ အဖွဲ့ဝင်များအားလုံးနှင့်အတူ တွေ့ဆုံ၍ ရှေ့ဆက်လုပ်ဆောင်ရမည့် ကိစ္စအတွက် တိုင်ပင်ဆွေးနွေးကြ၏။ ထို့နောက် ယေရှုကို ချည်နှောင်၍ ရောမဘုရင်ခံပိလတ်မင်းထံသို့ ခေါ်ဆောင်သွားကြ၏။
2ပိလတ်မင်းက ယေရှုအား “သင်သည် ဂျူးတို့၏ ရှင်ဘုရင်ဖြစ်သလော” ဟု မေးလေ၏။
ယေရှုက “မင်းကြီးဆိုသည့်အတိုင်း မှန်ပါသည်” ဟု ပြန်၍ ဖြေတော်မူ၏။
3ယဇ်ပုရောဟိတ်ခေါင်းဆောင်များသည် ယေရှုကို ပြစ်ချက်များစွာနှင့် စွပ်စွဲကြ၏။ 4ထိုအခါ ပိလတ်မင်းက ယေရှုအား “သင်သည် တစ်စုံတစ်ရာမျှ မဖြေဘဲနေမည်လော။ သင့်အား မည်မျှစွပ်စွဲထားသည်ကို မကြားသလော” ဟု ဆို၏။ 5သို့ရာတွင် ယေရှုသည် စကားတစ်ခွန်းမျှ ပြန်၍ မိန့်တော်မမူဘဲနေသဖြင့် ပိလတ်မင်းသည် အလွန်အံ့သြလေ၏။
6ပသခါပွဲတော် ကျင်းပချိန်တွင် ရောမဘုရင်ခံသည် လူထုတောင်းဆိုသော အကျဉ်းသားတစ်ဦးကို နှစ်စဉ် လွတ်ငြိမ်းချမ်းသာခွင့် ပေးရလေ့ရှိ၏။ 7ထိုအချိန်တွင် ဆူပူအုံကြွမှုဖြစ်စဉ်၌ လူသတ်မှုကျူးလွန်၍ အကျဉ်းချခံရသောသူများရှိကြ၏။ ထိုသူတို့အထဲတွင် ဗာရဗ္ဗဟု ခေါ်သောသူလည်းပါ၏။ 8လူထုပရိသတ်တို့သည် ပိလတ်မင်းထံသို့ သွား၍ ထုံးစံရှိသည့်အတိုင်း အကျဉ်းသားတစ်ဦးကို လွှတ်ပေးရန် တောင်းဆိုကြ၏။
9ပိလတ်မင်းက “သင်တို့သည် ဤဂျူးတို့၏ရှင်ဘုရင်ဆိုသူကို လွှတ်ပေးစေလိုသလော” ဟု မေး၏။ 10ထိုသို့မေးရခြင်းမှာ ယဇ်ပုရောဟိတ်ခေါင်းဆောင်များက ယေရှုကို မနာလို၍ ဖမ်းဆီးကြောင်း ပိလတ်မင်း သိသောကြောင့် ဖြစ်၏။ 11သို့သော် ယဇ်ပုရောဟိတ်ခေါင်းဆောင်များသည် ယေရှုအစား ဗာရဗ္ဗကို လွှတ်ပေးပါဟု တောင်းဆိုကြရန် လူထုအား လှုံ့ဆော်ကြ၏။ 12ထိုအခါ ပိလတ်မင်းက “ဂျူးတို့၏ရှင်ဘုရင်ဟု ခေါ်သော ဤသူကို မည်သို့ပြုရမည်နည်း” ဟု မေးလေ၏။
13လူထုကလည်း “လက်ဝါးကပ်တိုင်တွင် သတ်ပါ” ဟု အော်ဟစ်ပြောဆိုကြ၏။
14ပိလတ်မင်းက တစ်ဖန် “အဘယ်ကြောင့်နည်း။ သူသည် မည်သည့်ပြစ်မူကို ကျူးလွန်ခဲ့သနည်း” ဟု ဆက်၍ မေးပြန်သော် လူထုက “လက်ဝါးကပ်တိုင်တွင် သတ်ပါ” ဟု ပို၍ ကျယ်လောင်စွာ အော်ဟစ်ကြ၏။
15ထိုအခါ ပိလတ်မင်းသည် လူထုကို စိတ်ကျေနပ်စေရန် ဗာရဗ္ဗကို လွှတ်ပေးလေ၏။ ယေရှုကိုမူ ကျာပွတ်ဖြင့် ရိုက်နှက်စေပြီးနောက် လက်ဝါးကပ်တိုင်ပေါ်တွင် သတ်ရန် ရောမစစ်သားများထံသို့ အပ်လိုက်၏။
ယေရှုကို စစ်သားများက ပြက်ရယ်ပြုကြခြင်း
16ထိုအခါ စစ်သားများသည် ယေရှုကို ပြဲတောရိဟု ခေါ်သော ရုံးတော်သို့ ခေါ်ဆောင်သွားကြ၏။ ထို့နောက် စစ်တပ်တစ်တပ်လုံးသည် ယေရှု၏ အနားသို့ စုရုံးလာကြ၏။ 17သူတို့သည် ယေရှုကို ခရမ်းရောင်ဝတ်ရုံ ခြုံပေးကြ၏။ ထို့နောက် ဆူးခက်ဖြင့် ရက်ထားသောသရဖူတစ်ခုကိုလည်း ဦးခေါင်းတော်၌ ဆောင်းပေးကြ၏။ 18ကိုယ်တော်အား “ဂျူးတို့၏ရှင်ဘုရင် ဘုန်းကြီးပါစေ” ဟု ပြက်ရယ်ပြုလျက် နှုတ်ဆက်ကြ၏။ 19ထို့နောက် သူတို့သည် ကိုယ်တော်၏ ဦးခေါင်းတော်ကို ကျူရိုးဖြင့် ရိုက်ကြ၏။ တံတွေးဖြင့်ထွေး၍ ဒူးထောက်လျက် ရှိခိုးကြ၏။ 20ထိုသို့ ပြက်ရယ်ပြုကြပြီးနောက် ခရမ်းရောင်ဝတ်ရုံကို ချွတ်၍ အဝတ်တော်ကို ပြန်ဝတ်ပေးကြ၏။ ထို့နောက် လက်ဝါးကပ်တိုင်ပေါ်တွင် သတ်ရန် ခေါ်ဆောင်သွားကြ၏။
လက်ဝါးကပ်တိုင်၌ သတ်ခြင်း
21ထိုအချိန်၌ စစ်သားများသည် တောရွာမှ ပြန်လာသော ကုရေနေမြို့သား#15:21 “ကုရေနေ” သည် မြောက်အာဖရိကတွင်းမှ မြို့တစ်မြို့ဖြစ်သည်။ ရှိမုန်ကိုတွေ့သဖြင့် သူ့အား ယေရှု၏ လက်ဝါးကပ်တိုင်ကို အတင်းအကျပ်ထမ်းစေကြ၏။ ရှိမုန်သည် အလက်ဇန်းဒါးနှင့် ရုဖုတို့၏ ဖခင်ဖြစ်၏။
22ထို့နောက် သူတို့သည် ယေရှုကို ဂေါလဂေါသဟု ခေါ်သောအရပ်သို့ ခေါ်ဆောင်သွားကြ၏။ ဂေါလဂေါသ၏ အဓိပ္ပာယ်မှာ ဦးခေါင်းခွံဖြစ်၏။ 23စစ်သားများက မုရန်နှင့် ရောစပ်ထားသောစပျစ်ဝိုင်ကို ကိုယ်တော်အား တိုက်ကြ၏။ သို့သော် ကိုယ်တော်သည် သောက်တော်မမူ။
24ထို့နောက် သူတို့သည် ကိုယ်တော်ကို လက်ဝါးကပ်တိုင်ပေါ်တွင် ရိုက်ထားကြ၏။ ယေရှု၏အဝတ်တော်တို့ကို မည်သူက မည်သည့်အရာရရှိမည်ကို မဲနှိုက်၍ အသီးသီး ခွဲဝေကြ၏။ 25ယေရှုကို လက်ဝါးကပ်တိုင်ပေါ်တွင် သတ်သည့်အချိန်မှာ နံနက်ကိုးနာရီခန့်#15:25 မူရင်းဂရိကျမ်းမှ တိုက်ရိုက်ပြန်ဆိုလျှင် “တတိယနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “တတိယနာရီ” ဟု ဆိုရာတွင် နံနက်ကိုးနာရီကို ဆိုလိုခြင်းဖြစ်သည်။ ဖြစ်၏။ 26ယေရှုကို စွဲချက်တင်၍ ရေးထိုးထားသည့် ကမ္ပည်းမှာ “ဂျူးတို့၏ ရှင်ဘုရင်” ဟူ၍ ဖြစ်၏။ 27ဓားပြနှစ်ဦးကိုလည်း ယေရှုနှင့်အတူ လက်ယာတော်ဘက်တွင် တစ်ဦး၊ လက်ဝဲတော်ဘက်တွင် တစ်ဦး လက်ဝါးကပ်တိုင်တွင် ရိုက်ထားကြ၏။ 28သို့ဖြစ်၍ “သူသည် ရာဇဝတ်မှု ကျူးလွန်သူများစာရင်းတွင် ထည့်သွင်းခြင်းခံရ၏”#15:28 ဟေရှာ ၅၃:၁၂။ ဟူသော ကျမ်းချက်အတိုင်း ဖြစ်လာလေ၏။#15:28 အချို့လက်ရေးမူကျမ်းများတွင် ဤအပိုဒ်ငယ်မပါဝင်ပါ။
29ဖြတ်သန်းသွားလာသူတို့သည် ခေါင်းခါလျက် “ဗိမာန်တော်ကို ဖြိုဖျက်၍ သုံးရက်အတွင်း ပြန်တည်ဆောက်မည့်သူ… 30သင့်ကိုယ်သင်ကယ်၍ လက်ဝါးကပ်တိုင်မှ ဆင်းလော့” ဟု ကိုယ်တော်ကို ပြက်ရယ်ပြုကြ၏။
31ယဇ်ပုရောဟိတ်ခေါင်းဆောင်များနှင့် ကျမ်းတတ်ဆရာများကလည်း “သူသည် တစ်ပါးသူတို့ကို ကယ်တင်၏။ မိမိကိုယ်ကိုယ်မူ မကယ်တင်နိုင်ပေ။ 32အစ္စရေးတို့၏ရှင်ဘုရင်ဟူသော ခရစ်တော်သည် လက်ဝါးကပ်တိုင်မှ ဆင်းလာပါစေ။ ဆင်းသည်ကို ငါတို့မြင်လျှင် ယုံကြည်မည်” ဟု အော်ဟစ်၍ ကိုယ်တော်ကို ပြက်ရယ်ပြုကြ၏။ ကိုယ်တော်နှင့်အတူ လက်ဝါးကပ်တိုင်ပေါ်တွင် ရိုက်ထားခြင်းခံရသောဓားပြများကလည်း ကိုယ်တော်ကို ပြက်ရယ်ပြုကြ၏။
အသက်ချုပ်တော်မူခြင်း
33မွန်းတည့်ချိန်#15:33 မူရင်းဂရိကျမ်းမှ တိုက်ရိုက်ပြန်ဆိုလျှင် “ဆဋ္ဌမနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “ဆဋ္ဌမနာရီ” ဟု ဆိုရာတွင် မွန်းတည့် ဆယ့်နှစ်နာရီကို ဆိုလိုခြင်းဖြစ်သည်။မှစ၍ မွန်းလွဲသုံးနာရီ#15:33 မူရင်းဂရိကျမ်းမှ တိုက်ရိုက်ပြန်ဆိုလျှင် “နဝမနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “နဝမနာရီ” ဟု ဆိုရာတွင် မွန်းလွဲ သုံးနာရီကို ဆိုလိုခြင်းဖြစ်သည်။တိုင်အောင် မြေပြင်တစ်ခွင်လုံးတွင် အမှောင်ဖုံးလေ၏။ 34မွန်းလွဲသုံးနာရီအချိန်ခန့်တွင် ယေရှုက “ဧလိ… ဧလိ… လာမရှာဗခသာနိ” ဟု ကျယ်လောင်စွာ အော်ဟစ်တော်မူ၏။ ထိုစကား၏အဓိပ္ပာယ်မှာ “အကျွန်ုပ်ဘုရား… အကျွန်ုပ်ဘုရား… အကျွန်ုပ်ကို အဘယ်ကြောင့် စွန့်ပစ်တော်မူပါသနည်း”#15:34 ဆာ ၂၂:၁။ ဟူ၍ ဖြစ်၏။
35အနီးတွင် ရပ်နေသောလူတချို့သည် ထိုစကားကို ကြားလျှင် ယေရှုသည် ပရောဖက်ဧလိယကို ခေါ်သည်ဟု ထင်မှတ်ကြ၏။ 36ထိုသူတို့ထဲမှ လူတစ်ဦးသည် ချက်ချင်းပြေး၍ အချဉ်ဖောက်ထားသောစပျစ်ဝိုင်၌ ရေမြှုပ်ကို နှစ်ပြီးလျှင် ကျူရိုးဖျား၌ ချည်လျက် ယေရှုသောက်ရန် ပေးလေ၏။ ထို့နောက် သူက “ရှိပါလေစေ။ ဧလိယသည် သူ့ကို လက်ဝါးကပ်တိုင်ပေါ်မှ အောက်သို့ ချရန် လာမည်မလာမည်ကို ကြည့်ကြစို့” ဟု ဆို၏။
37ထို့နောက် ယေရှုသည် ကျယ်လောင်သောအသံဖြင့် နောက်တစ်ကြိမ်အော်ဟစ်တော်မူပြီးလျှင် အသက်ချုပ်တော်မူ၏။ 38ထိုအခါ ဗိမာန်တော်ကန့်လန့်ကာသည် အထက်စွန်းမှ အောက်စွန်းတိုင်အောင် နှစ်ခြမ်းကွဲလေ၏။
39ယေရှုရှေ့တော်တွင် ရပ်နေသော ရောမတပ်မှူးသည် ယေရှု၏ အသက်ချုပ်တော်မူပုံကို တွေ့မြင်ရသောအခါ “ဤသူသည် ဧကန်အမှန်ပင် ဘုရားသခင်၏ သားတော် ဖြစ်သည်” ဟု ဆိုလေ၏။
40အမျိုးသမီးတချို့သည် အဝေးက ရပ်လျက် စောင့်ကြည့်နေကြ၏။ ထိုသူတို့အထဲတွင် မာဂဒလမာရိ၊ ယာကုပ်အငယ်နှင့် ယောသေတို့၏ မိခင်ဖြစ်သော မာရိနှင့် ရှာလုံတို့ ပါကြ၏။ 41သူတို့သည် ဂါလိလဲပြည်၌ ယေရှုရှိတော်မူစဉ် နောက်တော်သို့ လိုက်၍ လုပ်ကျွေးပြုစုခဲ့သူများ ဖြစ်ကြ၏။ ထိုသူတို့အပြင် ယေရှုနှင့်အတူ ဂျေရုဆလင်မြို့သို့ လိုက်ပါလာကြသော အခြားအမျိုးသမီးများသည်လည်း ထိုနေရာတွင် ရှိကြ၏။
ယေရှုကို သင်္ဂြိုဟ်ခြင်း
42ထိုနေ့သည် ပြင်ဆင်ရာနေ့ဟူသောအဖိတ်နေ့ဖြစ်၏။ ညနေစောင်းသောအခါ 43ဂုဏ်သရေရှိသောတရားလွှတ်တော်အဖွဲ့ဝင်တစ်ဦးဖြစ်ပြီး ဘုရားသခင်၏နိုင်ငံတော်ကို စောင့်မျှော်နေသော အရိမဿဲမြို့သား ယောသပ်သည် ပိလတ်မင်းထံသို့ ရဲရင့်စွာ သွား၍ ယေရှု၏ အလောင်းတော်ကို တောင်းလေ၏။ 44ယေရှုအသက်ချုပ်တော်မူပြီဖြစ်ကြောင်းကို ပိလတ်မင်းသည် ကြားသောအခါ အံဩ၍ ရောမတပ်မှူးကို ခေါ်ကာ အသက်ချုပ်တော်မူသည်မှာ ဟုတ်မဟုတ် မေးမြန်း၏။ 45ရောမတပ်မှူးထံမှ ဟုတ်မှန်ကြောင်းကို ကြားသိသောအခါ ပိလတ်မင်းသည် ယောသပ်အား အလောင်းတော်ကို ယူခွင့်ပြု၏။ 46ယောသပ်သည် ပိတ်ချောကို ဝယ်ပြီးလျှင် အလောင်းတော်ကို လက်ဝါးကပ်တိုင်ပေါ်မှ ချ၍ ထိုပိတ်ချောဖြင့် ရစ်ပတ်၏။ ထို့နောက် ကျောက်ဆောင်ကိုထွင်းထားသည့်သင်္ချိုင်းဂူတွင် အလောင်းတော်ကို သင်္ဂြိုဟ်ပြီးလျှင် ဂူဝ၌ ကျောက်တုံးကို လှိမ့်၍ ပိတ်ထား၏။ 47မာဂဒလမာရိနှင့် ယောသေ၏ မိခင်မာရိတို့သည် အလောင်းတော် သင်္ဂြိုဟ်သောနေရာကို တွေ့မြင်ကြ၏။
လက်ရှိရွေးချယ်ထားမှု
မာကု 15: BCB
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.
မာကု 15
15
ပိလတ်မင်းရှေ့တွင် စစ်ဆေးခံတော်မူခြင်း
1နံနက်စောစောအချိန်တွင် ယဇ်ပုရောဟိတ်ခေါင်းဆောင်များသည် အကြီးအကဲများ၊ ကျမ်းတတ်ဆရာများနှင့် တရားလွှတ်တော်မှ အဖွဲ့ဝင်များအားလုံးနှင့်အတူ တွေ့ဆုံ၍ ရှေ့ဆက်လုပ်ဆောင်ရမည့် ကိစ္စအတွက် တိုင်ပင်ဆွေးနွေးကြ၏။ ထို့နောက် ယေရှုကို ချည်နှောင်၍ ရောမဘုရင်ခံပိလတ်မင်းထံသို့ ခေါ်ဆောင်သွားကြ၏။
2ပိလတ်မင်းက ယေရှုအား “သင်သည် ဂျူးတို့၏ ရှင်ဘုရင်ဖြစ်သလော” ဟု မေးလေ၏။
ယေရှုက “မင်းကြီးဆိုသည့်အတိုင်း မှန်ပါသည်” ဟု ပြန်၍ ဖြေတော်မူ၏။
3ယဇ်ပုရောဟိတ်ခေါင်းဆောင်များသည် ယေရှုကို ပြစ်ချက်များစွာနှင့် စွပ်စွဲကြ၏။ 4ထိုအခါ ပိလတ်မင်းက ယေရှုအား “သင်သည် တစ်စုံတစ်ရာမျှ မဖြေဘဲနေမည်လော။ သင့်အား မည်မျှစွပ်စွဲထားသည်ကို မကြားသလော” ဟု ဆို၏။ 5သို့ရာတွင် ယေရှုသည် စကားတစ်ခွန်းမျှ ပြန်၍ မိန့်တော်မမူဘဲနေသဖြင့် ပိလတ်မင်းသည် အလွန်အံ့သြလေ၏။
6ပသခါပွဲတော် ကျင်းပချိန်တွင် ရောမဘုရင်ခံသည် လူထုတောင်းဆိုသော အကျဉ်းသားတစ်ဦးကို နှစ်စဉ် လွတ်ငြိမ်းချမ်းသာခွင့် ပေးရလေ့ရှိ၏။ 7ထိုအချိန်တွင် ဆူပူအုံကြွမှုဖြစ်စဉ်၌ လူသတ်မှုကျူးလွန်၍ အကျဉ်းချခံရသောသူများရှိကြ၏။ ထိုသူတို့အထဲတွင် ဗာရဗ္ဗဟု ခေါ်သောသူလည်းပါ၏။ 8လူထုပရိသတ်တို့သည် ပိလတ်မင်းထံသို့ သွား၍ ထုံးစံရှိသည့်အတိုင်း အကျဉ်းသားတစ်ဦးကို လွှတ်ပေးရန် တောင်းဆိုကြ၏။
9ပိလတ်မင်းက “သင်တို့သည် ဤဂျူးတို့၏ရှင်ဘုရင်ဆိုသူကို လွှတ်ပေးစေလိုသလော” ဟု မေး၏။ 10ထိုသို့မေးရခြင်းမှာ ယဇ်ပုရောဟိတ်ခေါင်းဆောင်များက ယေရှုကို မနာလို၍ ဖမ်းဆီးကြောင်း ပိလတ်မင်း သိသောကြောင့် ဖြစ်၏။ 11သို့သော် ယဇ်ပုရောဟိတ်ခေါင်းဆောင်များသည် ယေရှုအစား ဗာရဗ္ဗကို လွှတ်ပေးပါဟု တောင်းဆိုကြရန် လူထုအား လှုံ့ဆော်ကြ၏။ 12ထိုအခါ ပိလတ်မင်းက “ဂျူးတို့၏ရှင်ဘုရင်ဟု ခေါ်သော ဤသူကို မည်သို့ပြုရမည်နည်း” ဟု မေးလေ၏။
13လူထုကလည်း “လက်ဝါးကပ်တိုင်တွင် သတ်ပါ” ဟု အော်ဟစ်ပြောဆိုကြ၏။
14ပိလတ်မင်းက တစ်ဖန် “အဘယ်ကြောင့်နည်း။ သူသည် မည်သည့်ပြစ်မူကို ကျူးလွန်ခဲ့သနည်း” ဟု ဆက်၍ မေးပြန်သော် လူထုက “လက်ဝါးကပ်တိုင်တွင် သတ်ပါ” ဟု ပို၍ ကျယ်လောင်စွာ အော်ဟစ်ကြ၏။
15ထိုအခါ ပိလတ်မင်းသည် လူထုကို စိတ်ကျေနပ်စေရန် ဗာရဗ္ဗကို လွှတ်ပေးလေ၏။ ယေရှုကိုမူ ကျာပွတ်ဖြင့် ရိုက်နှက်စေပြီးနောက် လက်ဝါးကပ်တိုင်ပေါ်တွင် သတ်ရန် ရောမစစ်သားများထံသို့ အပ်လိုက်၏။
ယေရှုကို စစ်သားများက ပြက်ရယ်ပြုကြခြင်း
16ထိုအခါ စစ်သားများသည် ယေရှုကို ပြဲတောရိဟု ခေါ်သော ရုံးတော်သို့ ခေါ်ဆောင်သွားကြ၏။ ထို့နောက် စစ်တပ်တစ်တပ်လုံးသည် ယေရှု၏ အနားသို့ စုရုံးလာကြ၏။ 17သူတို့သည် ယေရှုကို ခရမ်းရောင်ဝတ်ရုံ ခြုံပေးကြ၏။ ထို့နောက် ဆူးခက်ဖြင့် ရက်ထားသောသရဖူတစ်ခုကိုလည်း ဦးခေါင်းတော်၌ ဆောင်းပေးကြ၏။ 18ကိုယ်တော်အား “ဂျူးတို့၏ရှင်ဘုရင် ဘုန်းကြီးပါစေ” ဟု ပြက်ရယ်ပြုလျက် နှုတ်ဆက်ကြ၏။ 19ထို့နောက် သူတို့သည် ကိုယ်တော်၏ ဦးခေါင်းတော်ကို ကျူရိုးဖြင့် ရိုက်ကြ၏။ တံတွေးဖြင့်ထွေး၍ ဒူးထောက်လျက် ရှိခိုးကြ၏။ 20ထိုသို့ ပြက်ရယ်ပြုကြပြီးနောက် ခရမ်းရောင်ဝတ်ရုံကို ချွတ်၍ အဝတ်တော်ကို ပြန်ဝတ်ပေးကြ၏။ ထို့နောက် လက်ဝါးကပ်တိုင်ပေါ်တွင် သတ်ရန် ခေါ်ဆောင်သွားကြ၏။
လက်ဝါးကပ်တိုင်၌ သတ်ခြင်း
21ထိုအချိန်၌ စစ်သားများသည် တောရွာမှ ပြန်လာသော ကုရေနေမြို့သား#15:21 “ကုရေနေ” သည် မြောက်အာဖရိကတွင်းမှ မြို့တစ်မြို့ဖြစ်သည်။ ရှိမုန်ကိုတွေ့သဖြင့် သူ့အား ယေရှု၏ လက်ဝါးကပ်တိုင်ကို အတင်းအကျပ်ထမ်းစေကြ၏။ ရှိမုန်သည် အလက်ဇန်းဒါးနှင့် ရုဖုတို့၏ ဖခင်ဖြစ်၏။
22ထို့နောက် သူတို့သည် ယေရှုကို ဂေါလဂေါသဟု ခေါ်သောအရပ်သို့ ခေါ်ဆောင်သွားကြ၏။ ဂေါလဂေါသ၏ အဓိပ္ပာယ်မှာ ဦးခေါင်းခွံဖြစ်၏။ 23စစ်သားများက မုရန်နှင့် ရောစပ်ထားသောစပျစ်ဝိုင်ကို ကိုယ်တော်အား တိုက်ကြ၏။ သို့သော် ကိုယ်တော်သည် သောက်တော်မမူ။
24ထို့နောက် သူတို့သည် ကိုယ်တော်ကို လက်ဝါးကပ်တိုင်ပေါ်တွင် ရိုက်ထားကြ၏။ ယေရှု၏အဝတ်တော်တို့ကို မည်သူက မည်သည့်အရာရရှိမည်ကို မဲနှိုက်၍ အသီးသီး ခွဲဝေကြ၏။ 25ယေရှုကို လက်ဝါးကပ်တိုင်ပေါ်တွင် သတ်သည့်အချိန်မှာ နံနက်ကိုးနာရီခန့်#15:25 မူရင်းဂရိကျမ်းမှ တိုက်ရိုက်ပြန်ဆိုလျှင် “တတိယနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “တတိယနာရီ” ဟု ဆိုရာတွင် နံနက်ကိုးနာရီကို ဆိုလိုခြင်းဖြစ်သည်။ ဖြစ်၏။ 26ယေရှုကို စွဲချက်တင်၍ ရေးထိုးထားသည့် ကမ္ပည်းမှာ “ဂျူးတို့၏ ရှင်ဘုရင်” ဟူ၍ ဖြစ်၏။ 27ဓားပြနှစ်ဦးကိုလည်း ယေရှုနှင့်အတူ လက်ယာတော်ဘက်တွင် တစ်ဦး၊ လက်ဝဲတော်ဘက်တွင် တစ်ဦး လက်ဝါးကပ်တိုင်တွင် ရိုက်ထားကြ၏။ 28သို့ဖြစ်၍ “သူသည် ရာဇဝတ်မှု ကျူးလွန်သူများစာရင်းတွင် ထည့်သွင်းခြင်းခံရ၏”#15:28 ဟေရှာ ၅၃:၁၂။ ဟူသော ကျမ်းချက်အတိုင်း ဖြစ်လာလေ၏။#15:28 အချို့လက်ရေးမူကျမ်းများတွင် ဤအပိုဒ်ငယ်မပါဝင်ပါ။
29ဖြတ်သန်းသွားလာသူတို့သည် ခေါင်းခါလျက် “ဗိမာန်တော်ကို ဖြိုဖျက်၍ သုံးရက်အတွင်း ပြန်တည်ဆောက်မည့်သူ… 30သင့်ကိုယ်သင်ကယ်၍ လက်ဝါးကပ်တိုင်မှ ဆင်းလော့” ဟု ကိုယ်တော်ကို ပြက်ရယ်ပြုကြ၏။
31ယဇ်ပုရောဟိတ်ခေါင်းဆောင်များနှင့် ကျမ်းတတ်ဆရာများကလည်း “သူသည် တစ်ပါးသူတို့ကို ကယ်တင်၏။ မိမိကိုယ်ကိုယ်မူ မကယ်တင်နိုင်ပေ။ 32အစ္စရေးတို့၏ရှင်ဘုရင်ဟူသော ခရစ်တော်သည် လက်ဝါးကပ်တိုင်မှ ဆင်းလာပါစေ။ ဆင်းသည်ကို ငါတို့မြင်လျှင် ယုံကြည်မည်” ဟု အော်ဟစ်၍ ကိုယ်တော်ကို ပြက်ရယ်ပြုကြ၏။ ကိုယ်တော်နှင့်အတူ လက်ဝါးကပ်တိုင်ပေါ်တွင် ရိုက်ထားခြင်းခံရသောဓားပြများကလည်း ကိုယ်တော်ကို ပြက်ရယ်ပြုကြ၏။
အသက်ချုပ်တော်မူခြင်း
33မွန်းတည့်ချိန်#15:33 မူရင်းဂရိကျမ်းမှ တိုက်ရိုက်ပြန်ဆိုလျှင် “ဆဋ္ဌမနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “ဆဋ္ဌမနာရီ” ဟု ဆိုရာတွင် မွန်းတည့် ဆယ့်နှစ်နာရီကို ဆိုလိုခြင်းဖြစ်သည်။မှစ၍ မွန်းလွဲသုံးနာရီ#15:33 မူရင်းဂရိကျမ်းမှ တိုက်ရိုက်ပြန်ဆိုလျှင် “နဝမနာရီ” ဖြစ်သည်။ ဂျူးလူမျိုးများသည် အချိန်နာရီကို နံနက်ခြောက်နာရီမှ စတင်၍ ရေတွက်သောကြောင့် “နဝမနာရီ” ဟု ဆိုရာတွင် မွန်းလွဲ သုံးနာရီကို ဆိုလိုခြင်းဖြစ်သည်။တိုင်အောင် မြေပြင်တစ်ခွင်လုံးတွင် အမှောင်ဖုံးလေ၏။ 34မွန်းလွဲသုံးနာရီအချိန်ခန့်တွင် ယေရှုက “ဧလိ… ဧလိ… လာမရှာဗခသာနိ” ဟု ကျယ်လောင်စွာ အော်ဟစ်တော်မူ၏။ ထိုစကား၏အဓိပ္ပာယ်မှာ “အကျွန်ုပ်ဘုရား… အကျွန်ုပ်ဘုရား… အကျွန်ုပ်ကို အဘယ်ကြောင့် စွန့်ပစ်တော်မူပါသနည်း”#15:34 ဆာ ၂၂:၁။ ဟူ၍ ဖြစ်၏။
35အနီးတွင် ရပ်နေသောလူတချို့သည် ထိုစကားကို ကြားလျှင် ယေရှုသည် ပရောဖက်ဧလိယကို ခေါ်သည်ဟု ထင်မှတ်ကြ၏။ 36ထိုသူတို့ထဲမှ လူတစ်ဦးသည် ချက်ချင်းပြေး၍ အချဉ်ဖောက်ထားသောစပျစ်ဝိုင်၌ ရေမြှုပ်ကို နှစ်ပြီးလျှင် ကျူရိုးဖျား၌ ချည်လျက် ယေရှုသောက်ရန် ပေးလေ၏။ ထို့နောက် သူက “ရှိပါလေစေ။ ဧလိယသည် သူ့ကို လက်ဝါးကပ်တိုင်ပေါ်မှ အောက်သို့ ချရန် လာမည်မလာမည်ကို ကြည့်ကြစို့” ဟု ဆို၏။
37ထို့နောက် ယေရှုသည် ကျယ်လောင်သောအသံဖြင့် နောက်တစ်ကြိမ်အော်ဟစ်တော်မူပြီးလျှင် အသက်ချုပ်တော်မူ၏။ 38ထိုအခါ ဗိမာန်တော်ကန့်လန့်ကာသည် အထက်စွန်းမှ အောက်စွန်းတိုင်အောင် နှစ်ခြမ်းကွဲလေ၏။
39ယေရှုရှေ့တော်တွင် ရပ်နေသော ရောမတပ်မှူးသည် ယေရှု၏ အသက်ချုပ်တော်မူပုံကို တွေ့မြင်ရသောအခါ “ဤသူသည် ဧကန်အမှန်ပင် ဘုရားသခင်၏ သားတော် ဖြစ်သည်” ဟု ဆိုလေ၏။
40အမျိုးသမီးတချို့သည် အဝေးက ရပ်လျက် စောင့်ကြည့်နေကြ၏။ ထိုသူတို့အထဲတွင် မာဂဒလမာရိ၊ ယာကုပ်အငယ်နှင့် ယောသေတို့၏ မိခင်ဖြစ်သော မာရိနှင့် ရှာလုံတို့ ပါကြ၏။ 41သူတို့သည် ဂါလိလဲပြည်၌ ယေရှုရှိတော်မူစဉ် နောက်တော်သို့ လိုက်၍ လုပ်ကျွေးပြုစုခဲ့သူများ ဖြစ်ကြ၏။ ထိုသူတို့အပြင် ယေရှုနှင့်အတူ ဂျေရုဆလင်မြို့သို့ လိုက်ပါလာကြသော အခြားအမျိုးသမီးများသည်လည်း ထိုနေရာတွင် ရှိကြ၏။
ယေရှုကို သင်္ဂြိုဟ်ခြင်း
42ထိုနေ့သည် ပြင်ဆင်ရာနေ့ဟူသောအဖိတ်နေ့ဖြစ်၏။ ညနေစောင်းသောအခါ 43ဂုဏ်သရေရှိသောတရားလွှတ်တော်အဖွဲ့ဝင်တစ်ဦးဖြစ်ပြီး ဘုရားသခင်၏နိုင်ငံတော်ကို စောင့်မျှော်နေသော အရိမဿဲမြို့သား ယောသပ်သည် ပိလတ်မင်းထံသို့ ရဲရင့်စွာ သွား၍ ယေရှု၏ အလောင်းတော်ကို တောင်းလေ၏။ 44ယေရှုအသက်ချုပ်တော်မူပြီဖြစ်ကြောင်းကို ပိလတ်မင်းသည် ကြားသောအခါ အံဩ၍ ရောမတပ်မှူးကို ခေါ်ကာ အသက်ချုပ်တော်မူသည်မှာ ဟုတ်မဟုတ် မေးမြန်း၏။ 45ရောမတပ်မှူးထံမှ ဟုတ်မှန်ကြောင်းကို ကြားသိသောအခါ ပိလတ်မင်းသည် ယောသပ်အား အလောင်းတော်ကို ယူခွင့်ပြု၏။ 46ယောသပ်သည် ပိတ်ချောကို ဝယ်ပြီးလျှင် အလောင်းတော်ကို လက်ဝါးကပ်တိုင်ပေါ်မှ ချ၍ ထိုပိတ်ချောဖြင့် ရစ်ပတ်၏။ ထို့နောက် ကျောက်ဆောင်ကိုထွင်းထားသည့်သင်္ချိုင်းဂူတွင် အလောင်းတော်ကို သင်္ဂြိုဟ်ပြီးလျှင် ဂူဝ၌ ကျောက်တုံးကို လှိမ့်၍ ပိတ်ထား၏။ 47မာဂဒလမာရိနှင့် ယောသေ၏ မိခင်မာရိတို့သည် အလောင်းတော် သင်္ဂြိုဟ်သောနေရာကို တွေ့မြင်ကြ၏။
လက်ရှိရွေးချယ်ထားမှု
:
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
ခေတ်သစ်မြန်မာ သမ္မာကျမ်း™
မူပိုင်ခွင့်၊ © Biblica Inc. ၁၉၈၅၊ ၂၀၂၄
ခွင့်ပြုချက်ဖြင့် အသုံးပြုသည်။ ကမ္ဘာတစ်ဝန်းမူပိုင်ခွင့်များရယူပြီးဖြစ်သည်။
Burmese Contemporary Bible™
Copyright © 1985, 2024 by Biblica, Inc.
Used with permission. All rights reserved worldwide.