बाट लोकप्रिय बाइबल पदहरू {{chapter}}

शेयर गर्नुहोस्

“तिमीहरू ममा रहेर शान्‍ति पाउन सक भनेर नै मैले तिमीहरूलाई यी सबै कुरा भनेको हुँ। संसारमा तिमीहरूलाई सङ्कष्‍ट हुनेछ, तर साहसिलो होओ किनभने मैले संसारलाई जितिसकेको छु।”

तर सत्‍यका आत्‍मा आउनुभएपछि उहाँले नै सत्‍य के हो भन्‍ने कुरा तिमीहरूलाई बुझाइदिनुहुनेछ। उहाँले आफ्‍नै तर्फबाट कुरा गर्नुहुनेछैन। उहाँले जे सुन्‍नुहुनेछ, त्‍यही नै तिमीहरूलाई भन्‍नुहुनेछ अनि पछि हुन आउने कुराहरू पनि बताइदिनुहुनेछ।

अहिलेसम्‍म त तिमीहरूले मेरो नाउँमा केही पनि मागेका छैनौ। माग त तिमीहरूले पाउनेछौ अनि तिमीहरूको आनन्‍द पूरा हुनेछ।

तर साँच्‍चै म तिमीहरूलाई भन्‍छु, म यहाँबाट जानु नै तिमीहरूका लागि फाइदा हुन्‍छ किनभने म गइनँ भने सहायता गर्नुहुने पवित्र आत्‍मा तिमीहरूकहाँ आउनुहुनेछैन। तर म गएँ भने उहाँलाई तिमीहरूकहाँ पठाउनेछु। उहाँ आउनुभएपछि संसारका मानिसहरूलाई पाप, सत्यता र परमेश्‍वरको न्‍यायबारे तिनीहरूले भुल गरिरहेका छन् भनी देखाउनुहुनेछ।

तिमीहरूलाई पनि त्‍यस्‍तै हुँदै छ। अहिले तिमीहरू शोक गर्छौ, तर म तिमीहरूलाई फेरि भेट्‍न आउँदा तिमीहरूको हृदय आनन्‍दले भरिनेछ र यस्‍तो खालको आनन्‍द तिमीहरूबाट कसैले पनि खोसेर लैजान सक्‍नेछैन। त्‍यति बेला तिमीहरूले मसँग केही पनि सोध्‍नेछैनौ। म साँच्‍चै भन्‍छु, मेरो नाउँमा जे मागे तापनि पिताले तिमीहरूलाई दिनुहुनेछ।

साँच्‍चै म तिमीहरूलाई भन्‍छु, तिमीहरू रुने र कराउनेछौ, तर दुनियाँचाहिँ खुसी हुनेछ। तिमीहरू दु:खी हुनेछौ, तर तिमीहरूको दु:ख र पीर आनन्‍दमा फेरिनेछ।