बाट लोकप्रिय बाइबल पदहरू {{chapter}}

शेयर गर्नुहोस्

तर एउटा कुराचाहिँ मैले तिमीहरूको विरुद्धमा भन्‍नै पर्छ। तिमीहरूले मलाई पहिलाको जस्‍तो प्रेम अहिले गर्न छोडेका छौ।

तिमी कति गिरेका छौ, आफैंले सोच। पाप छोड र तिमीले पहिलेजस्‍तो मलाई प्रेम गर। नत्र म तिमीहरूकहाँ आउनेछु र तिम्रो सामदान त्‍यसको ठाउँबाट हटाउनेछु।

तिमीहरूलाई पर्न आँटेको कुनै सङ्‌कटबाट नडराऊ। तिम्रो विश्‍वास जाँच्‍न शैतानले तिमीहरूमध्‍ये कसै-कसैलाई झ्‍यालखानमा हालिदिनेछ। तर तिम्रो कष्‍ट दश दिनसम्‍म मात्रै हुनेछ। मर्नुपरे पनि ममाथि विश्‍वास गर्न नछोड र म तिमीलाई विजयको इनामको रूपमा जीवन दिनेछु।

“जसका कान छन्, परमेश्‍वरका आत्‍माले मण्‍डलीहरूलाई भन्‍नुभएको कुरा सुन! “जसले जित्‍छ, उसलाई परमेश्‍वरको बगैँचामा भएको जीवनको रूखको फल म खान दिनेछु।”

तिमीले परिश्रमसँग गरेको काम र तिम्रो धीरज मलाई थाहा छ। तिमीले दुष्‍ट मानिसलाई देखिसहँदैनौ भनेर पनि मलाई थाहा छ। प्रेरित नभईकन प्रेरित हौं भन्‍नेलाई तिमीले जाँच गरी तिनीहरू झूटा हुन् भनी पत्ता लगाएका छौ भनेर पनि मलाई थाहा छ।

तिमीहरू धीरजी छौ अनि मेरो लागि तिमीहरूले दु:ख भोग्‍यौ र मलाई त्‍यागेका छैनौ।

“जसका कान छन्, परमेश्‍वरका आत्‍माले मण्‍डलीहरूलाई भन्‍नुभएको कुरा सुन! “जसले जित्‍छ, म तिनीहरूलाई गुप्‍तमा रहेको मन्‍न दिनेछु। म तिनीहरूलाई एउटा सेतो ढुङ्गा पनि दिन्‍छु, जसमा एक नयाँ नाउँ लेखिएको हुन्‍छ। यो सेतो ढुङ्गा पाउनेले मात्र यो नाउँ जान्‍दछ।”