बाट लोकप्रिय बाइबल पदहरू {{chapter}}

शेयर गर्नुहोस्

Coquendamʌ cuenta, nʌ'ʌsmij ŋgʌ'wejtamu jujcha' ñchowambe wʌwʌta'mbʌ lobocucmʌ. Quengʌspʌcjaytyamʌ tza'nis myujsoquiuy, y te'šejtij quengʌspʌcjaytyamʌ paloma's yumi'ajcuy.

Iwʌ's chijpana-coquenba wyin, maŋba tyocoyu. Y iwʌ's chi'oquia'pa wyin ʌjcotoya, te'wʌ's maŋba pya'tu quenguy.

Uy na'tztame yajca'jayajpapʌ's mista'm ŋgüerpo, pero mista'm ŋguenguy ja'n musi yajʌcʌ'jayaju. Pero na'tztamʌ muspapʌ'smij ñdyʌŋdʌjcʌytyamu infierno'ojmo maŋbamʌy tyocoyu mis ŋgüerpo y mis ŋguenguy.

Y iwʌ na'tzpa tyoyapʌjcu jujcha' ʌj maŋbaše'ʌj ndoyapʌjcu cruzcʌsi, ja'ʌs nijame wa'yʌj co'ŋu.

Iwʌ'sʌj cowʌ'aŋjamba pʌ'nista'm wyi'naŋdʌjqui, maŋba'ʌs ŋgowʌ'aŋjamgue'tu te' tzajpojmo ijtupʌ ʌs Ndata's wyi'naŋdʌjqui. Y iwʌ'sʌj ja'n cowʌ'aŋjame pʌ'nista'm wyi'naŋdʌjqui, te'šejti'ʌs ja'n maŋu ŋgowʌ'aŋjamu te' tzajpojmo ijtupʌ ʌs Ndata's wyi'naŋdʌjqui.

Yajtzoctamʌ ca'eta'mbʌ y yatziputzi'ʌyajuwʌ. Yajwinsa'tamʌ ca'yajuwʌ, y macputtamʌ yatzita'mbʌ espíritu. Coyowataca mis mbʌjcʌchoŋdamu isaŋwʌ'ajcuy, coyowatacatij yajyostaŋgue'ta.

Te'cotoya, uy na'tztame. Masmij nwyʌwʌcoyowata'm Diojsis wyi'naŋdʌjqui que ja'n soneta'mbʌ nama paloma.

Uy quipstame juca minu'ʌs nyajsʌ'mnayaju pʌnda'm najsacopajcʌsi. Jaminʌ'ʌj wa'yʌs nyajsʌ'mnayaju, porque ʌjcotoya maŋba quipyaju.