बाट लोकप्रिय बाइबल पदहरू {{chapter}}

शेयर गर्नुहोस्

Jei ga irwena, jewer ga deye yo fobogana ga ofsobana enggame, “Sa tikwe! Jafner is fala!” Ane deye ga aane tiknebana, ane fona jafner ga fala. Jepga aa balbabili, “Aam je bafa erne game? Aamke enggam ima gunu, Ai baabeta fas?”

Jengga ga aa ge erebili uskambar, ane jena ga aane tenaaminenne, “Aaje nansa? Deye yo fona taterisi ga Jemna gangge saribene!”

Ane Yesus ga atdusa burawer tantena bantal sagabe. Jepga angtane aa jei ne tikwebaatinennerem ga aane irtetena, ga aane bala, “Guru, jas irwe! Aamke teisyena nei amkom nefoma altili?”

Jepga Yesus gamjon ga balbabili, “Seyafter aamei ijesa sarbabisinirim, je ga waakenfer isa sarbabisini. Uwa Sanbagiri Jei taterisi waakenfer is nasipmini, taterisi seyafter jeiserem waakenfer ga ima sarbabili, ane Jei gamjon ga is golmini.

Yesus seisya taterisi gamjon ga jes nasbili enggame: “Nunu Uwa Sanbagiri Jei aa jem nwinirim anggwabura seyafter gemerserem jem Sanbakfe, nunu jeiserem ga enggam fala taterisi twam tanem temawer gamserem: angtane twam tanna jelem makanap jam fasawolnanala gamserem. Angtane jeiserem gwinem jam gam tatifi, gwinibener gam irwesa. Nunu jeber-jeber jei aa gemer gwenaram, twam tanna jeiserem gangge kokosbili, ane ga gangge unggwan-gwanswebili. Jengga angtane jeiserem jei teisyena twam tanna jeiserem fomfom gangge etamwebilirim jam ge kokosbife ane jamer aa ge unggwan-gwanswebili.

Afa aamei imwanabara, taterisi Amna As jam isa saribene, ane waakensusfer isa towaswebili.”