बाट लोकप्रिय बाइबल पदहरू {{chapter}}

शेयर गर्नुहोस्

Muꞌ na shushuꞌaty muntyiꞌ mọꞌ mọmoꞌ mạꞌjeꞌ shuꞌaij judyeyaꞌ ac̣hiꞌtacsi oveca chimeꞌ, pạrej ijacsi. Yụ na atsij tsạꞌchucsi paj qui maꞌjodyeꞌtum bäꞌyi in.

Yụ nash jämꞌtyiꞌ ĉọjcacsity oveca, muꞌ jämꞌtyiꞌ ĉọjcacsity oveca yuꞌti muꞌ paj qui säñi ovecadyes in.

Ĉụiꞌtyiꞌ qui namꞌ oveca yụ seꞌvibun p̂eyacdyeꞌ yụ in, judyeyaꞌ yụ chị́yacsi chimeꞌ, meꞌdyes qui muꞌin cäc̣häꞌchun yụ in.

Yụ raꞌ yụꞌtacsi paj qui Jenꞌyadyety in, mijam raꞌ tyi chutyin yụ in

Yụ́dye nash chụiꞌdyeꞌ buꞌyi, tyi chuc yụ́yaꞌ sitity in, muꞌin raꞌ c̣hoñi in. Yụ raꞌ ĉọjcacsi jeñej buꞌyi oveca in, junꞌsiꞌ ĉụiꞌ sitiꞌ sópeĉan in judyeyaꞌ shubanꞌ in chat qui säcsebanꞌ in.

Yụ nash mạꞌjitidyestumtyiꞌ ĉọjcacsity oveca. Muꞌ Jenꞌ yụ chäyin yụ judyeyaꞌ yụ chimeꞌ chị́yaqui ĉụiꞌtyiꞌ Jenꞌ yụ, meꞌdye yụ chimeꞌ chị́yacsi oveca yụ, judyeyaꞌ muꞌin chäyin yụ in, yụ raꞌ yuꞌti paj qui säñi yụ muꞌindyes in.

ĉaĉaij na Jenꞌ yụ mujuꞌchaꞌ fer buꞌyity, muꞌ jam tyi tupuj chutyete in. Jenꞌ yụ judyeyaꞌ yụ yirity mọmoꞌ shupqui tsun —jéyacsi Jesús.

Yụ nash mạꞌjitidyestumtyiꞌ ĉọjcacsity oveca. Muꞌ Jenꞌ yụ chäyin yụ judyeyaꞌ yụ chimeꞌ chị́yaqui ĉụiꞌtyiꞌ Jenꞌ yụ, meꞌdye yụ chimeꞌ chị́yacsi oveca yụ, judyeyaꞌ muꞌin chäyin yụ in, yụ raꞌ yuꞌti paj qui säñi yụ muꞌindyes in.

Mijam tyi tupuj fercheꞌ ijan yụ in, ĉụiꞌsiꞌyaꞌ raꞌ dyijyedyeꞌ jiꞌijati yụ. Yụ nash ĉụiꞌ yuꞌti paj qui jiꞌijati yụ judyeyaꞌ chimeꞌ ĉụiꞌ yuꞌti paj qui vañinyeban yụ, meꞌdyety yuꞌtyin yụ muꞌ Jenꞌ yụ —jéyacsi Jesús.

Jesús cuvij jéyacsi: —Yụ raꞌ jéyac, yụ́dye nash chụiꞌdyeꞌ buꞌyi, yóyaꞌdyemꞌ sitiyaꞌ oveca o in.

Jeshaꞌ, muꞌ yaꞌitactyiꞌ ĉọjcacsity jam meꞌ muꞌ. Ĉọssetiꞌ jụijyaꞌ tsäquiꞌyis vajedyedyeꞌ, muꞌ yaꞌitactyiꞌ jam muꞌ junꞌ ñutsjetacsi oveca in. Ĉaꞌjoij mọmoꞌ muꞌ ĉaĉaij na yaꞌitactyiꞌ mọmoꞌ muꞌ, jam ĉụiꞌsiꞌ oveca muꞌ. Chat qui mọꞌ vajedyedyeꞌ p̂aiꞌtacsiꞌ oveca in, räj ficajteyacsiꞌ paiꞌ jịjijcayacsiꞌ.

Yi Jesús jéyacsi: —Jeshaꞌ meꞌ buꞌyiꞌ oveca in. Yụ raꞌ jéyac, tyi chuc jam chụiꞌdyeꞌyaꞌ siti in ovecasĉan sópe, yocve siti jụijyaꞌ in, muꞌin nash shushuꞌaty in, ĉaĉaij na aꞌc̣histum dyijyedyeꞌ atsij in.