बाट लोकप्रिय बाइबल पदहरू {{chapter}}

शेयर गर्नुहोस्

“Fwal hun si wa fasu, far hun hu wa wisi, kunggwak hun si wa ɓwaisu fo i kyel ya.

Shak maɗufal ima fwal ma wa mati, ima far ma wa wisi, ima kunggwak si wa ɓwaisusi ya.

“Ɓurti andi, shak maɗufal ima hal findel amen mai, masti ro, ma fota maɗufal mashingat ima wa ta' wur ames ta si kambar hai.

Shak ɗama ima hu ma ɓweti ɓa ɗufal si masui, hun hwak mas hun yusi. A masi andi mii hya ti Anggut hu laki i Som Shit.

Kwap ti wa kyel i mupwet ti mii munzweti, fisel ti mupwet a munzweti, a ɗufal ndyong je si saata.

“Lang hun ta kwap munzweti. Kwap ti wa kyel i mufot ti mii mubangi, fisel asut ti ti faala i musa. Som ima si wa mulang ta fiseli sima hyang.

Hun ima hu mii mufwashi, hu shang fati fe amu mal i ɗamam muɗesi. Ɗak a Deemu i kyel fit haa, ma wa fati ɗamam muɗesi wa kyel i ɗufal ima si fwalus fo!

“Ka hu tot ɗeng ɓur hai kwa, ka si totu huni hwak. Ɓurti angga' ima hu tot ɗufal ɓur ta, andi si wa totsui. Ti ɓeleng tima hu mba ti, ayit si wa mbasui ti.

Shak maɗufal ima hal findel amen ɗak masti ro kwa, ma fota haling i maɗufal ima ta' wur ames ta si njor hai.

“A ɓurti mi ha ɗing ti al ture ta shit i nusa, ha nggwya i tirim si mbai i kunggul ima mata shit yati ya? Atini ha wa lak ti nusa nyai, ‘Hona i re'a al turei ya ta shit ama,’ ɗak ha mati mbai i kunggul ta shit yati ya?

“Kam huni loo ti som i shit i fyarat. Si yes kyel amu ti fukut i tutwai, ɗak ta wii si yus i ambalal ima hwem cu ya. Hu wa shangsus ti musut i roha ames. Si taang manggɓu' ta si yit ti aren hai waak? Ahun si taang makambong ta si yit ti mburuk hai waak?

Angga'i nai yit muɗesi ti al fe muɗesi, yit mufwashi ti al fe mufwashi.

Yit muɗesi ti al fe mufwashi kwa fweng, andi hwak yit mufwashi ti al fe muɗesi kwa fweng.

Shak yit tima wa' ti al fe muɗesi, si wa telsut ya si hwiti ta man wi.