बाट लोकप्रिय बाइबल पदहरू {{chapter}}

शेयर गर्नुहोस्

ပီ ဘူင် ဇဝ် ယေဆူ တီ၊ န့ မုး ဒေါ ဂုဝ် ဒီ ကာစုး အန် ဒီ ဘူင် အီ မွှိုမ် အာမ် ကာဆဝ်။ ဒေါ အန် တီ အန် ကွယ် ခဲင် မိူင် ခါနာ အီ ကွယ် ခဲင် အိူင် ဂါလီလေ။ ပီ ဘူင် အန် တီ၊ န့ တဲး အီ နပ် လွင် အာဖုင် ဒင်ခုဝ် အန်။ ဟဲ့ ဟွတ့်၊ ဒီဘဲ အန် ကော ညှိုမ် အန်။

အန် ဝီ တဝ်း၊ “အိုယ် မာ၊ ကွဲ့ စ်ု အုဝ် ဘူင် မာဆေ။ ဇဝ်ဖြာ ညှမ် တဲး အုဝ် ဘူင် ဇိုဝ် မှဝ်။”

ဇဝ် ယေဆူ ဝီ တဝ်း ဒီ ဒဲစေန့် တွိုန်၊ “တဲး ဘေ တဝ့် အိုမ်၊ ဟပ် ခဲင် ပြဲန့် တီ၊ တဲး ကော နုဝ့် ဒွန် ဘူင့်။” ဂေ ဝီ ဘူင် ပါယ် တီ။ ဂေ ဟဲ့ ဟွတ့် ဘူင်၊ အန် ဝီ တဝ်း၊ “ဒေါ တီ နီ၊ ဘေ ပ့လက် အိုမ် တီ ခေါ အီ စဲက်၊ တဲး ဒါ အီ ဘဲန် ဟြုဝ် ဝီ စိမ်။”

ပန် တီ ဇဝ် ယေဆူ ဝီ တဝ်း၊ “တဲး ဘေ ဘူင် တဲး ဟုဝ် နီ ကာပျာတ့် လိုဝ် တူတ့်။ အူယ် ဆီငဲ အုဝ် ဒီ ဝီ ဆမ် တဲး န့ ဟွတ့်။”

ပန် တီ အန် ဝီ ဒိုဝ်း မ့ပူင့် ဝန်၊ ညွန် ဘော မက် ဘော မာဘူ လေး ခဲင် ဟုဝ် ဇဝ်ဖြာ။ အန် ဘော စုဝ့် ကာဘ့လျီ့ ကာစှူင့် ဂေ ဒူအီ အီ လာယ် ကာရဝ်း ကာဂူ ရွိုန်။ အန် ဘော ဟုး ဘြတ် ရွိုန် ပီ အုန် ဂေ။ အန် ဝီ တဝ်း ဒီ ဂေ ဒူအီ အီ ယွင့် မာဘ့လူယ်၊ “ဒိုဝ်း လေး ကြုဝ် ဘေ ဟာဝ်၊ ကွဲ့ ဘူင် တဲး ကာင် ဂုန့် အုဝ် ဝီ ဘဲန် ကာလး။”