Luc 8
8
1Gè té ndò kada kada, Jésus ao tokou béh té kada kada ke ngan béh té kada kada toï, nè ntòdjou ke nè mpa tar ke madji lo béh ko lo Allah. Dèdè ke dòkou gérè djo déh sa.
2Mare dènèdjé ke nè ntouba ndildjé ke madjang lodè, ke nè nòrou rò too lodè, déh sa to. Marie ke mmarè na Magdala ke ndildjé ke madjang shiri téh mèa té leo,
3Jeanne, dènè lo Chuza ndjè ngem né lo Hérode, ke Susanne, ke mare dènèdjé baya, dèdè doun né lodè ta da ke Jésus.
4Tokou dooudjé mbona baya baya, ke dï béh té kada kada toï ndé rè té, nè mpa tar gousou, mpana,
5Doou kada ao ta doubou kandé ko la, tokou nè ndoubou ko, maredjé gaï mbòr deo té, dooudjé mbòï ke gòldè, ke eldjé ke ao tarr ön.
6Maredjé oso dò err té, tokou dèdè ntòkou, dèdè ntoutou toï mbata man goto.
7Maredjé oso horo konn té, konn tokou deo kadaba kedè ke ntòldè.
8Maredjé oso nange té ke madji, ntòkou, dan kandè dòdòkou. Tokou nè mpa tar nèn, nè mpa ke tarr, Nè ke néh ke mbi ke ka ko, ase kare nè no.
9Tokou ndjè kao gè tédjé doudjè gel tar gousou nèn,
10Nè mpana, Daresè ta geré tar béh ko lo Allah ke yarè, a mpa tar ke tar gousou dare mare dooudjé, mbata tokou ban dèdè do ke kemdè a dase ta ko ang, ke dèdè do ke mbidè a dase ta geré ang.
11Gel tar gousou nèn to tokou ban, kandé ko to tar lo Allah.
12Dèdè ke mbòr deo té, to dèdè ke do tar mba, bana Satan dé òrou tar ndja ke mèdè té, ta karedè do mèdè té ta kinga kadji ang.
13Dèdè ke dò err té, to dèdè ke tokou dèdè do tar ndja, doun ke rònèl, a mbata ngirè goto dèdè do gè eo ngadji, ndò né kere dèdè doso.
14Dèdè ke doso horo konn té, to dèdè ke do tar, tokou dao deo té lodè, dèdè dare koula ke ta da né lodè ke né kinga ba, ke né koukou ke tébe ke nange nèn tò deo lodè, ke dèdè dan kandé ke madji ang.
15Dèdè ke doso nange té ke madji, to dèdè ke do tar ndja ke ngem madji ke mèdè té, mèdè to gaté gaté madji, dèdè dan kandé ke mè ngebe.
16Tokou doou kada ounda pourou lampe té, ndebè ke djo ang, aséh na kiyèè ko twa té ang. Nè noundè dò kake té ke tarr, ta kare dèdè ke ndé mè kei té do ndokoo la.
17Mbata né kada ke iyaa ke a téh ke daka ang goto, aséh né ke yarè ke da geré ang goto, ke da téh lokarè té.
18Ngemidjé madji, sésè woidjé tar tokou di wa, mbata nè ke néh ke né, da karè marè dè té, nè ke néh ke né ang, da taa né ke nè nedji to ngë.
19Bana këndjè ke ngaköèdjé ke dingao ndé rè té, dèdè dase ta dé ngosiba rè té ang mbata dooudjé baya baya ke mbona.
20Dèdè mpa darè, Köindjè ke ngaköidjé darr daka, dèdè ndiki ta koi.
21Nè mpa naredè, Endjè ke ngakömdjé to dèdè ke do tar lo Allah ke dèdè ngem.
22Mare ndò kada nè nao mè to té ke ndjè kao gè tédjé, nè mpa naredè, Aredjè djao toura man té. Tokou ban dèdè dao.
23Tokou dèdè dao ndai, nè ntibi. Lél bourä oula dò man té, man ao mè to té dousou, ke dèdè nai ngosi ta kwoei.
24Dèdè dao ndolè mpana, Ndjè tòdjou tar, Ndjè tòdjou tar, djata kwoei. Nè nï, nè ndange lél ke man ke oula nya, dèdè dïya ke loou to dèkèkè.
25Nè mpa naredè, Ko mè té losè éh da wa? Bel dadè, dèdè dedji nya, dèdè mpa horodè té, Bana yèn to na wa, nè ndange lél ke man ndja, ke dèdè do tar la?
26Bana dèdè ntéh nange té lo Géraséniendjé ke to toura Galilée té.
27Tokou nè ntéh do kongo té, doou kada ke béh tén dé rè té. Ndildjé ke madjang to mèa té. Ndò gè eo nya nè noula koubou ang, nè nisi mè kei té ang, a nè nto kon dòbare té.
28Tokou nè no Jésus, nè nourouki noso no gòlè té. Nè mpa ke tarr, Di a to horodjè té, i ke ma wa, Jésus Ngon lo Allah ke dara wota toï? Mam ndoudji nya, edam are sam ang.
29Mbata nè mpa nare ndil ke madjang ta téh mè doou té ke dang. Mbata ndil wèè gar baya, dooudjé ke ndjè ngemè tòè ke koulaa narè ke dilè kake, a nè nti koulaa, ntete kake toï, ke ndil ke madjang toubè ke mè kòr té.
30Jésus doudjè, Ri na na wa? Nè mpana, Bayabaya, mbata ndildjé ke madjang baya baya ao mèa té.
31Dèdè ndoudjè nya ta pa karedè dao tokou bwa té ang.
32Berredjé ke baya baya ousa né kare err té nou, ndildjé ke madjang doudjou Jésus nya ta karedè dao mè berredjé tén. Nè naredè dao.
33Bana ndildjé ke madjang téh mè doou té ke daka, dao mè berredjé té, berredjé ï do err té ke ngòrou, daïngòrou dongou man, doei mè man té.
34Tokou dooudjé ke ndjè ngem berredjé wo né nèn, dèdè daïngòrou mpa tar nèn mè béh té, ke mè ndoo té to.
35Bana dooudjé ao ta ko né ke téh nèn. Dèdè ndé rò Jésus té, do doou ke ndildjé ke madjang téh mèa té mbä. Nè nisi no gòl Jésus té, noula koubou rè té ke nè nto to mbe ang nga, bel dadè.
36Dooudjé ke wo tar nèn tòdjoudè deo di a doou ke isi ke ndildjé ke madjang dé madji.
37Bana dooudjé toï ke nange té ke ngosiba ke Géraséniendjé doudjè ta kao ke dang mbata bel dadè nya. Tokou ban nè nao mè to té, ntél ke toura man té.
38Doou ke ndildjé ke madjang téh mèa té doudjou Jésus nya ta kare nao sa. Jésus oulè arè nao pana,
39Etél ke kei loi, epa ke daka né ke boui ke Allah da mbata loi. Nè nao mpa tar béh té toï né ke boui ke Jésus da mbata la.
40Tokou Jésus tél mba, dooudjé ke mbona baya baya dè laphia, mbata dèdè toï dao ngebè.
41Doou kada dé, ria na Jaïrus, nè nto mbai ke kei Allah té. Nè noso no gòl Jésus té, ndoudjè nya ta dé kei la.
42Mbata ngon ke dènè la kadaba, ke bal la ase dòkou gérè djo, nè nata kwoei.
Tokou nè nao, dooudjé mbona sa.
43Dènè kada ke rò too mese dè bal dòkou gérè djo, ke nouka né la toï nare ndjè koumadjé, ke doou kada ase ta da karè ndè madji ang.
44Nè ndé go Jésus té, nè nòrou ta koubou la, loshénè loshénè mese la gange nga.
45Jésus pana, Doou di a òroum wa? Tokou dèdè toï mbeté, Pierre ke dèdè ke déh sa mpana, Ndjè tòdjou tar, dooudjé baya baya goukou dòi ke mbona sei.
46Jésus pana, Mare doou kada òroum, mbata mam ngeré singa téh rom té ndja.
47Tokou dènè wo nè nase kiyaa rè ang, nè ndé ke rè isa, noso no gòl Jésus té, mpa no dooudjé té toï mbata di a nè nòrè ke tokou di a nè ndé madji lé tè ndja.
48Jésus pa arè, Ngon ke dènè, ko mè té loi da ròi madji mbä, ao ke mè woul.
49Tokou Jésus nai ao pa tar ba bai, doou kada dé ke kei lo mbai pana, Ngoni woei mba, djòkou Ndjè tòdjou tar ba ang nga.
50Tokou Jésus wo tar nèn, nè ntél mpa narè, Eda bel ang, wo mei té ba, nè na kisi madji.
51Tokou nè ndé mè kei té, nè nare doou kada ao sa ang, sè Pierre ke Jean ke Jacques, ke bò ngondjè ke këndjè.
52Dooudjé toï ao no ke man kemdè, ke dourouki dè té. Jésus pana, Enòidjé ang, mbata nè noei ang, nè ntibi.
53Dèdè nkoukè mbata dèdè ngeré ngon woei mbä.
54Jésus waa dji ngon, nè mmarè mpana, Ngon, ï tarr.
55Ndilè tél rè té, nè nï tarr lé té ndja. Jésus pa aredè ta kare da è mourou.
56Mè bèdjè ke këndjè ounda dò biä, a nè ndedjidè ngeng ta pa kare doou kada ang, né ke nda nèn.
अहिले सेलेक्ट गरिएको:
Luc 8: KL1960
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 1960, 2018.
To learn more or sign up for email updates about the mission of BFBS, click here: