Luke 19
19
Chapter 19.
1WAIGIEN Jericho ilnagai ai il kudsaian gien, kalthgut il kagan.
2Waigien nung īlthing-a Zacchæus hin kya gu ijan; waigien giashouganung-lēalung un il ītlagadagan gien, il ginlthing-āgan.
3Waigien Jesus nung isis kang-gai da il gudang-an, waigien tl shkūlas alth odō il eshgaian, il dsūi-kwau-anan altha.
4Waigien tla kōnast il odan gien, la il kang-gai un sycamore lthkai gwī il kulthaian; gai gut il ka-ungkashagan altha.
5Waigien tlistleuon Jesus gu katlagandlu, shi ga il kēilthaian gien, Zacchæus, hawīdan lth kāalth, aiat dung gia nai ā lth isangkasas altha, hin la il shudaian.
6Waigien il kutalan gien, gudung-ai lā dung-alth kwulthgang la il isdaian.
7Waigien tlistleuon tl kang-andlu, tl gūdāung-ōdsou-on, Nung īlthing-a dāung-a kwulth il itsgai un ai il kudsang, waigien hin tl shouon.
8Waigien Zacchæus giāagan gien, Gwokeng, Shalana, ga kong-ushgitaigasgai ga gin lth dāas gūdlū shāawā lth isda-ung-kashang; waigien ging-gang-an nung haada lth giashoudaiasdlu, wau telg etgai stunshung dlū la ga silthgang lth isdāashang, waigien hin Shalana il shudaian.
9Waigien hin Jesus il shudaian, Aiat adshi nai ā nung is kogun-gung, la ishin Abraham gitalung swon isis altha.
10Nung haada Git ga gougasgai da kens gien, ishin il kogundie un katlas altha, hin la il shudaian.
11Waigien hawun adshi tl gudung-gun-dān, kēgang alth ishin il kēgang-an, Jerusalem un il āanas gien, ishin Shanung-itlagadas gia kingdomgai hawīdan kang-gēlthshang tl gu-dang-an altha.
12Waigien hin il shouon, Nung itlagada ken-ung un kingdom isdas gien, silthgang il stelgai un tliga jīng-a ā ijan.
13Waigien gitsadalung shu sta tl tlāalth un il ai-ang-an gien, pound tlāalth la ga il isdāwon, Lth katlagai keu lth adshi gudista tla-kāwong, waigien hin la il shudāwon.
14La kwulth-īt ga nāansgai tlou la telg kang-an gien, la dla gushou tl hundsūdaian, Gum anung īlthing-a, isis itil un itladagai ga itil stalthang-gnng, waigien hin tl shouon.
15Waigien tlistleuon kingdomgai il isdaian gien, silthgang il stēlandlu, a ga gītsada ga dālē il isdaian un il lthai-i-balan, gudista gin il tla-kāawondlu tlistleu la gwī kāalthawē un il ūnshidai una.
16Waigien nung swon la un katlagan gien, Nung ītlagadas, dung gia poundgai gwī pound tlāalth kāalgun, hin il shouon.
17Hou-a; gītsada lā dung ijung; gin gū-dsū-dsū duman dung kang-gai lagun alth, lana a-tlāalth un dung lth ītlagadēlth-dang, waigien hin la il shudaian.
18Waigien nung swon ishin la un katlagan gien, Nung itlagadas, dung gia poundgai gwī pound tlēlth kāalgun, hin il shouon.
19Akwon lth dā ishin lana a-tlēlth un ung itlagadādi, waigien hin la ishin il shudaian.
20Waigien nung kulat ishin katlagan gien hin il shouon, Nung ītlagadas, ā ū dung gia poundgai ijung, giang-ū ung-a ū alth duman lth keng-gun;
21Dung ga di lthwaugagun, nung īlthing-a skulthja dung isis altha; gum hēt gin dung isdans hun dung isdas gien, gum gin dung tldsans hun ishin dung tlīidung-gung, hin il shouon.
22Waigien hin la il shudaian, Tliku dung shus alth tliku dung ets dung lth kendāashang, nung gītsada dāung-a isis. Nung īlthing-a skulthja di isis gien, gum hēt gin lth isdans hun lth isdas gien, gum gin lth tldsans hun ishin lth tlīidung-us un dung ūnshidun;
23Gushintlou gum dāla-nai ai dālē dīna dung isdang-ūjang, waigien lth katlasdlu, dālē isgien, wau gwī kāalthsi ishin lth isdashgaia-hung-gung? hin la il shudaian.
24La sta lth poundgai isdū, waigien lth pound tlāalth nung dāas ga isdū, hin la kwulth ga tljūgiaang-an-gai il shudaian.
25Nung itlagadas, pound tlāalth il dāgī-gung, waigien hin la tl shudaian.
26Gin nung dāasdlu, la ga gin isdiāashang; gum gin nung dāansdlu tlou, gin il dāas hun la sta isdiāashang dalung ga lth shugung.
27Waigien di telg ga kang-an-gai un lth itlagadagai ga gwou-aian lth althgwī isdū anga lth di hang-gu tl-dū, hin il shouon, hin Jesus shouon.
28Waigien tlistleuon adshi il shudagīgandlu, tla kōnast il kaidan gien, Jerusalem a il kulthai-an.
29Waigien tlistleuon Bethphage isgien Bethany ishin tldou Olives tldāwe hin kyagan gu ijan un il dōng-ēlandlu, gyang disciplesgai stung il kilistīidan gien hin il shouon,
30Dalung hanltha lana isis ā lth istīidū; waigien ai dalung isdsasdlu, geudan gīti gum hawun gwau tl kāwung-ung keutl-dajā dalung keng-ashang; la aista lth tlāadū ang-a althgwī il isdū-wong.
31Gushintlou la aista dalung tlā-ēdung? waigien hin dalung nung shudasdlu, Shalana ū la ga stalthang, hin tl shū-wong, waigien hin la il shudāwon.
32Waigien la ga kil-istīidan istīidan gien, tliku gin la ga il shudāwon ging-an gin il keng-āwon.
33Waigien hawun geudan-gai gīti aista il tlāadiigundān, Gushintlou geudan-gai gīti aista dalung tlāēdung? hin la ga dāagan-gai il shudāwon.
34Shalana ū la ga stalthang, waigien hin il shū-āwon.
35Waigien Jesus ā la il isdāwon; waigien gin tl giandas geudan-gai gīti ing-gwī tl danlthaian gien, Jesus la ing-gu tl koudaian.
36Waigien hawun il kāgundān, gin tl giandas keu-e ai tl duntang-an.
37Waigien il dōng-ēlandlu, Olives tldāwe kwul gu il ijandlu, ga disciplegas shkūlas wautliwon lthong-gwila dugwīa tl kang-an wautliwon alth tlika tl gwūlā-ēdan, waigien Shanung-itlagadas ā kwūnan tl kil-lā-ēdan;
38Nung King-ga Shalana kye ā katlas ū yenki lāgung; akwon lth shatligai gu gudungai dlaia isdū ang-a sha āgwīgai un yāgudung-ādū, waigien hin tl shouon.
39Nung Itlagadas, gyang disciplesgai lth stidi, waigien hin ga shkūlas shu sta Pharisee haade īlthi il shudaian.
40Ashgai tlan gushusdlu, kwau-e ū gūshūashang dalung ga lth shugung, waigien hin hanglthang il shouon.
41Waigien tlistleuon il dōng-elandlu, ilnagai il kang-an gien, kalthshint il sailthaian,
42Waigien hin il shouon, Gin alth tl gudung-ai dlaias un wēt dung ūnshidasdlu yenkien dung un lashgaia-hung-gung! wēt tlou dung sta salgāgung.
43Dung telg ga kensgai dung odō gin lthetīgadulths gien, dung odō un tl gīlthilthdas gien, dung tl keng-kēāwashang,
44Waigien dung isgien dung gitalung dung ā is dung-alth tligai ing-gu tl kēi-dlish-gutses shantlanai isisang; waigien gum kwau kē-swonshung un dung ā gut ing-gu tl kē-lthindadang-ashang; dung un nung katla-gundla gum un dung unshidang-gun altha, hin il shouon.
45Waigien templegai ai il kudsaian, waigien ā gin alth tl giadahwos kya ga il dangwau-ēdan,
46Giagun nai singlthgang gushou nai ū isisang, hinū kālung-āgung; dalung tlou kwo-lthdālēalung gia dīnai un tloulthagun, waigien hin tla il shudaian.
47Waigien shantlan wautliwon gut templegai ā gin tla il shkotadagang-an. Waigien liplēt un ga itlagadasgai isgien, tukālang-lēalung ishin, tl haada un ga itlagadasgai ishin, il tīie da gudang-an;
48Waigien gum tliku la tl edalthing-e kang-gang-an; tl haada wautliwon il kil gudung-ai da gudung-euonan altha.
अहिले सेलेक्ट गरिएको:
Luke 19: HAIDA
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
First published by the British and Foreign Bible Society 1891-1899.