Luke 20
20
Chapter 20.
1WAIGIEN shantlan swonshung gut, hawun templegai ā tl haada gin il shkotadas gien, ishin gialthang las alth tla geu gu il gushugundān, liplēt un ga itlagadasgai isgien tukā-lang-lēalung ishin, ga kēasgai dung-alth la un istlagan;
2Waigien tl gushouon, Adshi lth itil ga shūdi; gūsh dugwīgai alth ū adshi dung isdas gien, gīshd ishinan ū adshi dugwīgai dung ga isdaiang? waigien hin la tl shudaian.
3Ltha ishin gin da dalung alth kianung-ashang; di ga lth shūdū;
4John gia baptism-gai gu shatligai sta ija? tl haada sta gwau? waigien hin hang-lthang tla il shudaian.
5Waigien edē tl kāūgaian, Shatligai sta, hin talung shusdlu, Gushintlou gum la dalung yetdang-ūjang? hin il shu-ashang.
6Waigien, Tl haada sta-a, hin talung shusdlu, tlhaada wautliwon itil kunlthūashang; John prophetgagan un tl ūnshits altha, hin gu tl shudaian.
7Gum tliji sta isi un itil ūnshidang-gung waigien hin hanglthang tl shouon.
8Ltha ishin nung gia dugwīgai alth adshi isdas gum dalung ga lth shudang-ashang, waigien hin Jesus tl shudaian.
9Waigien adshi kēgang-ai alth tl haada ga il kēgang-īdan; Nung īlthing-a wine ānē lthkai kwulth-kotajai tloulthaian gien, tōkānlēalung il shildadaian, waigien tliga kulat ā il kaidan, gu il is-hunsgadai una.
10Waigien ān nūtgēlandlu ga tōkanlēgasgai ā nung gītsada il kil-kaidan, wine ānē kwulthkotajai sta ān la ga tl isdie una; waigien ga tōkanlēgasgai il shkidang-an gien, ān ādan la tl kaidaian.
11Waigien housen nung gītsada ā il kilkai-dan; waigien la ishin tl shkidang-an gien, la tl tloulth-dāung-euonon, waigien ān ādan la tl kaidaian.
12Waigien housen nung il kilkaidan; waigien la ishin tl tligaidaian gien, kya ga la tl dang-an.
13Gushinu lth etishang? gitang kwoyasi ā lth kilkaidshang; la ga tlou tl gūtgutsha-hung-gung, waigien hin wine ānē kwulthkota-jai un nung itlagadas shouon.
14Waigien tlistleuon ga tōkanlēgasgai il kang-andlu, la edē gut ga tl kāūgaian, A ū la silth nalthing-ai ijung; la talung tīiadsun, adshi kwulthkotajai itil gia isēle una, waigien hin tl shouon.
15Waigien wine ānē kwulthkotajai sta la tl dang-an gien, la tl tīi-aian. Gushinu waigien wine ānē kwulthkotajai un nung itlagadas tl et-dāashang?
16Il katlas gien, a ga tōkanlēgas il hilūdā-ashang, waigien wine ānē kwulthkotajai tl kulat ga il isdāashang, hin Jesus shouon. Waigien tlistleuon tl gudang-andlu, Akwon ith gum ging-an tl edang, hin tl shouon.
17Waigien tla gwī il kēaian gien hin il shouon, Nuh tloulthalē-alung kwau dang-waian ū nai kwūngut un kudsēlgung, hin kālung-āsi gushinū ēdung?
18Wodshi kwau-e ing-gu nung dlu-īsdlu, lē dsulthuldashang; nung ing-gwī hun kē-wīsdlu tlou, kōī ging-an la ga kudsulthūsdāa-shang, hin il shouon.
19Waigien tukālang-lēalung isgien, liplēt un ga itlagadasgai ishin, gai dlu il gitsgīlthdie da gudang-an; waigien tl haada ga tl lthwau-gaian; tla edē adshi kēgang-ai il shudaian un tl ūnshidan altha.
20Waigien la ā tl lthotsaian gien, tl haada lā ging-an agung ga etdaian la ā lthotsie un tl kil-istīidan, gin il kilshgūdasdlu lang-a tl guduns gien, nung governorgas gia dugwīgai ā la tl isdie una.
21Waigien hin la alth tl kianang-an, Nung itlagadas, yenkien gin dung shudas gien, ishin yenkien gin tla dung shkotadas gien, ishin gum tl lthū alth dung ai-ū-uns gien, tliku Shanung-itlagadas guduns ging-an gin tla dung shkotadagung-us un itil ūnshidung;
22Cæsar ga talung giashougung-us gu la? waigien hin la alth tl kianang-an.
23Waigien gin agunan tl shus un il ūnshidan gien,
24Penny kēshgu lth di kendū. Gīshd da nījung-ai ū ā ijung? gūsh k'ālung-e ishinan ū ā ijung? hin tla il shudaian. Caesar gia, waigien hin tl shouon.
25Cæsar gia isisdlu lth Caesar ga isdū, waigien Shanung-itlagadas gia isisdlu lth Shanung-itlagadas ga isdū, waigien hin tla il shudaian.
26Waigien tl haada hang-gu gum tliku gin il ging-kilshgūdalthing-e kang-gang-an; waigien hanglthang il shouon un tl kuldung-ā-gan gien, gum tl kīlang-an.
27Waigien Sadducee haade īlthi la un istlagan, gum kotal sta tl kalthougadung-ung-ashang ga gudang-an-gai-a; waigien hin la alth tl kianang-an,
28Nung itlagadas, Nung īlthing-a kwai kotulthsdlu, waigien il jā gum git-kaiwons gien, il dōn il jā isdie lagung, waigien kwaiung un tl āḵutila il kaiwie una, hin Moses itil un kālang-an.
29Waigien tl dsikwau gut alth istalgāgun; waigien nung kwai-as jadanēlgun gien, git-kai ādan il kotulgun;
30Waigien la gūst nung kugas ishin il jā isdagun;
31Waigien la gūst lana ishin il isdagun; waigien wai ging-an dsikwau-hun git-kai ādan kotulthgagun.
32Waudla nung jadas ishin kotulgun.
33Kotal sta tl kalthougadunsdlu, gīnas jā ū il isisang? dsikwau-hun il īnādalgun altha, hin la alth tl kianang-an.
34Waigien hin Jesus tl shudaian, Adshi hēt-tligai haade jada-nēlths gien, ishin tl laīnēl-gung-gung;
35Althsgai tligai gu itsgai un isgien, kotal sta kālthūe un ga lasgai ishin, gum jada-nēlthans gien, ishin gum lā-īnēlgung-ung-gung;
36Gum housen tl kotulthgalthing-ang-gung; angels ging-an tl ets altha; waigien Shanung-itlagadas gitalung tl isgien, kotal sta kalthūe gitalung ishin tl ijung.
37Waigien Moses gin Lthkai edē kālang-andlu, kotal sta tl kalthougadung-gung-us tla il kendaian, tlistleuon Abraham Itlagīda, Isaac Itlagīda, Jacob Itlagīda, hin Shalana il kyādai-andlu-a.
38Gum ga kotulthgiasgai un il Itlagadang-gung, ga hēnung-asgai un tlou il Itlagadagung; tl wautliwon la hang-gu hēnung-as altha, hin Jesus tl shudaian.
39Nung Itlagadas, gwaulthang-an dung shugung, waigien hin tukālung-lēalung īlthi hanglthang shouon.
40Waigien waudla gin da la alth kianung-ai ga tl lthwaugalan.
41Waigien hin tla il shudaian, Gushintlou nung Christgas David git ising tl shugung?
42Sōolgūst lth di kwulth kou-i, dung telg ga kensgai dung stai keusi un lth isdie keu-a,
43Hin Shalana giagun Shalana-gai shudaian, hin David kodan Psalms kōgīnē a shouon altha.
44David Shalana hin il kyādasdlu, gushintlou il git il ijung? waigien hin tla il shudaian.
45Waigien tl wautliwon geu gu hin gyang disciplesgai il shudaian,
46Tukālang-lēalung sta lth ga gūtgung-ū, kōdats jinda hetgu istalgung-ai da tl guduns altha, gya gu tl wahdas gu ishin tla hung-a tl kwah-gulthdas gien, synagogue-nagai ā ishin aulthgahung-ū ladsilthīs isgien, lagunang gu ishin aulthgahung-u ladsilthīs tl kwoyāda-gung-gung;
47Ga dsūlthin-gas gia ginagai tl kwolthda-ōdsūs gien, tl lang tla un tl gudung-ai un ishin singlthgang gushue ung-a tl jindadagung-gung; ashgai ū tl kulat telg tlū-unshkotiāa-shang, hin tla il shudaian.
अहिले सेलेक्ट गरिएको:
Luke 20: HAIDA
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
First published by the British and Foreign Bible Society 1891-1899.