मत्ती 4:23-25

येशूले गालील प्रदेशभरि तिनीहरूका सभाघरहरूमा सिकाउँदै, राज्यको सुसमाचार प्रचार गर्दै अनि मानिसहरूका रोग र बिरामीहरू निको पार्दै जानुभयो। उहाँको बारेमा कुरा सारा सिरियाभरि फिँजियो, अनि मानिसहरूले विभिन्‍न किसिमका रोग लागेकाहरू, धेरै कष्‍ट भोगेकाहरू, भूत लागेकाहरू, छारेरोग लागेकाहरू अनि पक्षघात भएकाहरूलाई उहाँकहाँ ल्याए, अनि उहाँले तिनीहरूलाई निको पार्नुभयो। गालील प्रदेश, डेकापोलिस, यरूशलेम, यहूदिया प्रदेश अनि यर्दन पारिका मानिसहरूको ठूलो भीड उहाँको पछि लाग्यो।