Populaire Bijbelverzen uit Matayi 5

Deel

Yope ninyale ingʼumuntu ayiholelezizye, pe vatakuyikupishila nishivo ndali, vakuyiviha pamwanya pashilemo sha nyale, ilelo pʼikuvahozezya vonti ve vali munyumba. She lwahaje vovulo lelo uluhozyo lwinyu lwe vakwenyʼavantu, pe valimutimʼuSo wʼali kumwanya, lwe vawenyʼimbombo zyinyʼinyinza zye mukuvomba.

Mwe luhozyo lwa nsʼimwe. Inkaya yʼili pamwanya pigamba yitakuvwama.

Vasangalusʼavamoyʼamazelu, she valimwenyʼuMulungu.

Vasangalusu ve ninzala nishinyoto sha vugolosu shikuvaluma, she valiyikuta.

Nkandʼine nkuvavuzya nkuti: Muvakundajʼavalugu vinyu, muvaputilaje nave vakuvaṿwima.

Vasangalusu vuvo ve vapina mumupepo wa muhati, she vʼishinamwene sha kumwanya shavo.

Vasangalusʼavapelavwihalo, she ve valiyitwa vana va Mulungu.

Vasangalusu vuvo ve vakusungama, she valipumilizilwa.

Vasangalusu vuvo ve vakuṿwimilwa she vagolosu, she vʼishinamwene sha kumwanya shavo.

Vasangalusu vuvo vʼulupepelezyo lukuvalema muhati, she valiyagʼulupepelezyo vope.

Mwe vasangalusʼimwe ingʼavantu vakuvaliga, inga vaku-vaṿwima, inga vakuvayanjila havivi izyʼilenga she mwe vantu vanʼine. Simuseshele mudovele she iṿwa kuvalipila ṿwinji kumwanya. Nkwe she vahonzizye vovulo ukuvaṿwima navakuvwi vonti, lwe mushili namwenemwe.

Vasangalusʼavatelefu, shʼinsi yonti vupwano vwavo.

Mwe liveya lya nsʼimwe. Apene lelʼingʼiveya lisufile, amwe pe ṿilipo lelo iṿwa kulihozya? Pe lite nimbombo nimo, pe pakuti litagwaje kunzi, valisyusyutanye niṿinamʼavantu.

Mwe mumwo lelo muvanje mwe vila, inza she wope nuSo wa kumwanya mwila.

Muyanje lye likuti “ena” inga mukwitiha, nilya kuti “ndali” inga mukuhana. Aga kwonjezya pamwanya pali gugo gafumile mumuvivi.

Mwiṿuye ukuti liyanzilwe ilya kuti: Ukulanduzanya nilyinso palyinso nilyino palyino. Nkandʼine nkuvavuzya nkuti: Mutalwanje nawʼumuntʼumuvivi. Uno wengʼakukuhomʼikofi kuvudili vwa kumulilo, wʼumugalulile nuvwamwavo vwope.

Ilelʼingʼilyinso lyaho lya kumulilo likukupuṿwʼiwe, pʼulyipe ulitagaje. She pʼukuva we mwinza, inga hakufwa ahantu hoka aha mumuvili waho, ukuti uwenʼumuvili waho wonti atahatajilwe mugehena. Havilʼumuhono waho wa kumulilo ingʼakukupuṿwʼiwe, pʼuwudumulaje uwutagaje. She pʼukuva we mwinza inga hakufwʼahantu hoka aha mumuvili waho, ukuti uwenʼumuvili waho wonti atahatajilwe mugehena.