Populaire Bijbelverzen uit Matayo 5

Delen

Na wanhu hawabwina muli na kugubika mdidebe, mbali wodika hachanha haichingolobweda ili diwabung'hulile wose weli mng'anda. Ivija yolondeka bung'hulo jenu diwabung'hulile wanhu, ili wazione sang'hano zenu zinogile, wamtogole Tata yenu yeli kuulanga.

Mweye mwa bung'hulo da isi! Kama kae izengigwe halugongo haifisika.

Wamweda weli na muhe ubung'huke, kwavija wao womuona Mulungu.

Wamweda waja wolonda ng'hani kusang'hana goyolonda Mulungu, manake Mulungu kowadahiza kusang'hana gago.

Mbali nie nowalongeleni weng'heni wende wahasanyi wenu na kuwapulila waja womdununzani

Wamweda waja wavimanyile kua womlonda Mulungu, manake ufaume wa kuulanga wao.

Wamweda waja wogala utindiwala, manake wokemigwa Wana Mulungu.

Wamweda weli na giogio, manake wao wokwiza kuhanigwa.

Wamweda waja wodununzigwa kwa kusang'hana goyolonda Mulungu, manake ufaume wa kuulanga ni wao.

Wamweda waja wowaonela bazi wamwenga,manake Mulungu nayo kowaonela bazi.

Mmweda mweye wanhu wahawaliga na wahawaonela na kuwavwizila ubananzi wa chila namna kwa mbuli yangu. Sekeni na kutenda galigali manake nhuzo yenu ng'hulu kuulanga. Saho ivo viwawaonele walagusi wa Mulungu wakalikabula yenu.

Wamweda weli na uhole manake wao wokwing'higwa isi iwe yao.

Mweye mwa munyu wa isi, mbali munyu uhazabuka wogeligwa choni ikolele? Haufaya chinhu bule, wokwasigwa na kukanyagigwa na wanhu.

Baho muwe wa kutogoligwa kama Tata yenu viyali wa kutogoligwa.

Ivo wahalonga, ‘Enaa,’ baho iwe ‘Enaa,’ na wahalonga, ‘Habule.’ Baho iwe ‘Habule.’ Chochose chonda chibite gago cholawa kwaija mbananzi.

Yesu kagendelela kulonga, “Muhulika kua ilongigwa, ‘Siso kwa siso, zino kwa zino.’ Mbali nie nowalongeleni, seke umlihizile munhu yehile. Mbali munhu yahakutoa ng'hua kanza da kulume, muhindulile na da kaidi.

Ivo, kama siso jako da kulume dihakuhonza kusang'hana ubananzi, ding'ole ujase kutali. Yofaya ng'hani kumwako kwagiza kilungo chimwe cha lukuli lwako kubita lukuli lwako lwose kwasigwasi muumoto uja haufa. Yahawa mkono wako wa kulume wahakuhonza kusang'hana ubananzi, ukanhe ukawase kutali. Yofaya ng'hani kumwako kwagiza kilungo chimwe cha lukuli lwako, kubita lukuli lwako lwose uite muiisi ya wafile.