JENESIS 16
16
Ka Hagar bad u Ishmael
1Te ka Sarai ka tnga u Abram kam pat shym la kha khun ïa u: bad ka la don ka shakri ka kynja Ijipt, ka kyrteng jong ka, ka la long “ka Hagar”. 2Te ka Sarai ka la ong ha u Abram, “Ha khmih mynta, U Trai u la khang ïa nga na ka ban kha: to khie leit me shapoh ha ka shakri jong nga; lehse yn ïoh mih khun ïa nga na ka.” Te u Abram u la shahshkor ïa ka ktien jong ka Sarai. 3Bad ka Sarai ka tnga u Abram ka la shim ïa ka Hagar, kata ka kynja Ijipt ka shakri jong ka, ynda u Abram u la lah shong shiphew snem ha ka ri Kanaan, bad ka la ai ïa ka ha u Abram u tnga jong ka, ïa ka ban long ka tnga jong u. 4Kumta keiñ, u la leit bsut shapoh ha ka Hagar, bad ka la punkhun; bad ynda ka la ïohi ba ka la lah punkhun, ka la ibeiñ ïa la ka kynrad. 5Ynda kumta, ka Sarai ka la ïathuh ha u Abram, “Kaba shah bymdei jong nga kan long halor ka khlieh jong me: ma nga hi keiñ nga la ai ïa la ka shakri ha ka shadem jong me; te haba ka la ïohi ba ka la punkhun, ka la ibeiñ ïa nga: U Trai un da bishar hapdeng jong nga bad me.” 6Hynrei, u Abram u la ïathuh ha ka Sarai, “Ha khmih, ka shakri jong pha ka long ha ka kti jong pha hi; to leh ïa ka katba pha ibit hi.” Te ka Sarai ka la leh tyngeh ïa ka katta, ba ka la phet noh na khmat jong ka.
7Bad u angel U Trai u la shem ïa ka hajan kaba mih umpohliew ha ka ri khlaw, hajan kata ka pukri kaba ha ka lynti sha Shur keiñ. 8Te u la ong, “Ko Hagar, ka shakri jong ka Sarai, hato na-ei pha la wan? bad shaei phan leit?” Bad ka la ïathuh, “Nga phet noh keiñ na khmat ka Sarai ka kynrad jong nga.” 9Bad uta u angel U Trai u la ong ha ka, “To leit phai pat sha la ka kynrad, bad to pynkohnguh ïa lade hapoh ka kti jong ka.” 10Bad uta u angel U Trai u la ong ruh ha ka, “Ngan pynroi ïa u symbai jong pha shikatdei eh katta, ba yn ym lah shuh ban ñiew ïa u namar ka jingman bun jong u.” 11Bad uta u angel U Trai u la ong ruh ha ka,
“Ha khmih, pha la punkhun
bad phan kha ïa u khun,
bad phan khot kyrteng
‘u Ishmael’ ïa u;
naba U Trai
u la shahshkor
ïa ka jingsngewjynjar
jong pha.
12Te un long u briew
kum u kadda khlaw;
ka kti jong u kan long
ban ïaleh
ïa u briew baroh,
bad ka kti u briew baroh
kan ïaleh ïa u;
bad ha khmat
la ki para baroh
un shong dara.”
13Ka te ka la khot ïa ka kyrteng U Trai uba la kren ha ka, “Ma me, A Blei, me ïohi ïa nga”: naba ka la ong, “Shisha te nga dang ïohi hangne ruh ïa uta ynda u la paw ha nga?” 14Namar kata, la khot ïa kata ka pukri “ka Beer-lahai-roi”; ha khmih, ka don hapdeng ka Kadesh bad ka Bered.
15 #
Gal. 4:22. Bad ka Hagar ka la kha ïa u khun ïa u Abram: bad u Abram u la khot kyrteng “u Ishmael” ïa u khun jong u, ïa uba la lah kha ka Hagar. 16Bad u Abram u la long phraphew hynriew snem, mynba ka Hagar ka la kha ïa u Ishmael ha u Abram.
Nu geselecteerd:
JENESIS 16: KHB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The Bible Society of India