متا 19
19
عیسا طلأقٚ وأسی چی گه؟
1هطو کی عیسا خو گبأنَ تومأنَ کوده، جلیلَ بٚنأ و بوشؤ ایتأ جٚه یوهودیه شٚرأن کی اُردنٚ روخأنٚ او طرف نٚهأ بو. 2ایتأ پیله جِمِئیتم اونی دونبألسر رأ دکفتد و اویَه عیسا اَشأنٚ نأخوشأنَ شفأ بٚدأ.
3بأزون بعضیتأ، جٚه فریسیأن بأمؤده کی بحث و بوگو بشتأوٚ اَمرأ، اونٚ ایدٚسی بٚزٚنٚد. پس عیسا‌یَ بوگفتد: «آیا مردأی ایجأزه دأره خو زنأکٚ هر چی وأسی طلأقَ ده؟»
4عیسا جوأب بٚدأ: «مگه موقدسٚ کیتأبأنٚ دورون نٚخأندیدی کی دونیأ سٚرَ گیفتنٚ موقع، دونیأ خألیق "اَشأنَ مردأک و زنأی بٚوجود بأوٚرده"#19:4 پیدأیش ۲۷:۱، ۲:۵ 5و بٚفرمأسته: "هنٚ وأسیه کی مردأی خو پئر و مأرٚ جَا سیوأ وأبه و خو زنأکَ دوچوکه، و او دو نفر ایتأ بٚده" #19:5 پیدأیش ۲۴:۲. 6اَطویی، بأزون دِه دوتأ نییٚده بلکی ایتأ. پس اونچی کی خودا دوچوکأنه، اینسأن سیوأ نوکونٚه.»
7وأورسئده: «اگه اَطویه، چٚره موسا بٚفرمأست کی مردأی تأنه خو زنأکَ طلأقنأمه فأدٚه، اونَ وِلَ کونٚه؟»
8عیسا جوأب بٚدأ: «موسا شیمی سنگدیلی وأسی ایجأزه بٚدأ کی شیمی زنَ طلأقَ دید، ولی خودا جٚه خلقتٚ اوّل اَنَ نٚخأستی. 9و من شٚمٚره گم، هرکی خو زنأکَ جغرز خیأنٚت هر چی وأسی طلأقَ ده، و ایتأ دِه زنأکٚ اَمرأ عروسی بوکونٚه، زٚنأکأر بٚحیسأب اَیِه.»
10عیسا شأگردأن اونَ بوگفتٚده: «پس اَطویی، عروسی نوکودٚن بِیتره!»
11عیسا بٚفرمأست: «همه نٚتأنٚده اَ گبَ قوبیل بوکونٚد، مگه اوشأنی کی خودا، اَ قودرتَ اوشأنَ فأدأ بی. 12بعضیتأن مأر بأوٚرده نقصٚ وأسی نٚتأنٚده عروسی بوکونٚد؛ بعضیتأنٚم مردوم، نأقیصَ کودٚد و نٚتأنٚد عروسی بوکونٚد؛ و بعضی‌یٚم آسمأنٚ ملکوتٚ وأسی عروسی نوکونٚده. هر کی اَ وصلتٚ اصلٚ انجأم دئنٚ رِه قودرتٚ دأره، وئألید اونَ قوبیل بوکونٚه.»
عیسا و زأکأن
13مردوم خوشأنی زأکأنَ عیسا ورجأ بأوٚردٚد کی اون اوشأنٚ سٚر دٚس بٚنه و دوعأ بوکونٚه. ولی شأگردأن، اوشأنَ وأخأست بوکودٚد.
14عیسا بٚفرمأسته: «وئألید زأکأن بأیٚد می ورجأ و اَشأنی جولویَ نیگیرید. چون آسمأن ملکوت اوشأنی شینه کی، اَ زأکأنٚ مأنستَنٚده.» 15بأزین اوشأنی سٚر دٚس بٚنأ و اوشأنَ برکت بٚدأ و جٚه اویَه بوشؤ.
دینٚ حوکمأنَ انجأم دٚئن وٚست نییٚه
16هو روجأنٚ دورون، اینفر بأمؤ عیسا ورجأ و وأوٚرسِه: «اوستأد، من چی خورومٚ کأر بوکونم کی بٚتأنم همیشٚکی زٚندیگی‌یَ بٚدأرم؟»
17عیسا بوگفته: «چٚره می جَا کأرٚ نیکو وأسی وأوٚرسی؟ فقد اینفر نیکو ایسه. ولی تی جوأبٚ رِه وأستی بٚگم کی اگه خودا حوکمأنَ حیفظ بوکونی، همیشٚکی زٚندیگی‌یَ تأنی بٚدأری.»
18وأوٚرسِه: «کویتأ حوکمَ وأ بٚدأرم؟» عیسا جوأب بٚدأ:«قتل نوکون، زٚنأ نوکون، دوزدی نوکون، دورُغ شهأدت نٚوأدأن، عیسا 19تی پئر و مأرَ ایحترأم بٚنه، و تی همسأده‌یَ تی جأنٚ مأنستَن دوس بٚدأر.»#19:19 خروج ۲۰:۱۲-۱۶؛ تثنیه ۵:۱۶-۲۰؛ لاویأن ۱۸:۱۹
20مردأی جوأب بٚدأ: «اَ حوکمأنَ همّه انجأم بٚدأ دأرم. اَسه دِه چی وأ بوکونم؟»
21عیسا اونَ بوگفته: «اگه خأیی اَ رأیَ کأمیلَ کونی، بوشو و هرچی دأری بوفروش و اونی پولَ فأدٚن فِقِرأنَ کی تی گنج آسمأنٚ دورون بمأنه نه زیمینٚ سٚر! بأزون بیأ می جَا پیروی بوکون!» 22ولی وختی او جوأنٚ مردأی اَنَ بشتأوسته، دیلخور جٚه اویَه بوشؤ، چون خٚیلی مأل و مینأل دأشتی.
23بأزون عیسا خو شأگردأنَ بوگفته: «اَنَ بدأنید کی پولدأرأنٚ رِه آسمأنٚ ملکوتَ بودورون شؤئؤن خٚیلی سخته. 24بأزم شٚمٚره گم، شوتورٚ دٚوأرٚستن سوزنٚ سولأخٚ دورون رأحتتره تأ ایتأ پولدأرٚ آدمٚ خودا ملکوتٚ دورون بشه.
25شأگردأن اَ گبٚ جَا دأل بأوٚردٚد، وأورسئده: «پس کی تأنه اَ دونیأ دورون نیجأت بیأفه؟» 26عیسا اوشأنَ فأندرست و بٚفرمأسته: «اینسأنٚ فیکرٚ جَا اَ کأر ایمکأن نأرِه، ولی خودا رِه همه چی ایمکأن دأره.»
27پطرس بوگفته: «اَمأن کی همه چی جَا دٚس بٚکشِییم کی تی جَا پیروی بوکونیم، اَمٚرَه چی بیگیر اَیِه»
28عیسا جوأب بٚدأ: «وختی من او تأزه دونیأ دورون می سلطنتٚ تختٚ رو بینیشینم، شومأن می شأگردأنٚم دوأزده‌تأ تختٚ رو نیشینید، ایسرأییلٚ دوأزده‌تأ قبیله‌یَ دأوری کونیدی. 29هر کی می وأسی خو برأر و خأخور، پئر و مأر و زأی، خأنٚه و زیمین جَا خو چومَ دٚوٚده، صد چندأن ویشتر یأفه و همیشٚکی زٚندیگیم بٚدٚس اَوٚره. 30ولی خٚیلیأن کی اَسه اوّل ایسأده، آخر بٚدأ و اوشأنی کی آخرٚده، اوّل.»
Nu geselecteerd:
متا 19: GLK_NT
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2024 Transform Iran