Populære bibelvers fra MARK 13

Del

Nonguno ije pechekeu ghenguno timi kumtsuno nongu mithi nani. Ikemu timi khunono ashekha kutolo kutu-ukulu shinikeno Alhou no tipaqo xalu nani.

Kutokupuyi khealo, kughengu kiu ghuloki lono ighi nani keno nonguye mthae.

Kughou timino nongu kughasawo atsakughani keno, nonguye kiu pini kela pi azuu no amlo thoghu-thoghuyi kevilo; ikemu tipa tuqhudo lono kiu pesu nongu tsuni keno ti pilo, kughengu nonguno kiu tsa pini keno tipaqoye Aghungu Kimthe launo ighi nani.

Atsutsu eno ayeghiye hauve nani, ikemu itsaye hauvemoe.

“Ikemu tipa tsala momu tipa tuqhudoye kughono ighini keno khunomu mthae, kungugha lo kungumi mu mtha, Anu ghi mthae, ikemu Apu likhino ithi ani.

Kughou nonguno aghushi aniepikeu sutsa chiluni keno amlo susushi kevilo, Hipaqo shini putsake, tishimu aghuloki shekha ye tomphie.

Tishiaye jukuto khealo kughengu aki mipeu kughono ighi nani keno nonguye mthae, avelauno shi aghiluvi momu zubumta lono shi aghiluvi momu tsukutho launo shi aghiluvi momu inaqheno shi aghiluvike, Pano zuleno ighikelo noye zuaghi mokepu shimasa! Ino nongu vilo kiu piani keno kutami kumtsu vilo ghi pi ani, jukuto khe alo!”

Ashiayeh lakhino ashiayeh lakhi sasu aghu shi nani, akukaqha lakhino akukaqha lakhi hale ighi nani. Aqha atsu-tsulo ayeghi itha nani, eno puqumiye keu anani. Hiye apunukusu huthu akeu paphike.

Lokivipu sutsa paghi timi kumtsu vilo asheshu paghi masa nani.

Timi kutomono ije lono ighi puzu, ‘Niye Mesiya ke’ ipi nani eno panonguno timi kutomo shikughuzuve nani.

“Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Kughengu kichileu Mesiya ngo kichileu tungkupmi ipeghi nani. Eno tokulupu shiaye Alhou no pukhavekemi ghi sakughuzu sawuni kehu panonguno amchipu ngo akumzapu shipiye nani.

Tipaqo tsalalo, ti akijuksa thiu, tsukinheno zumoyive nani, aqhino akuvu yemove nani, ayepuqono atsutsu lono ikiqive nani, eno atsutsulo thwokha tshukumughupe akeu kumto sukini nani.