Populære bibelvers fra Mark 1

Del

Ko'làma kulu, wei wepakka wapiya, Jesus we'wuluukappù molopai tapùi nàmàppù ya. Iitàppù tùkenan pata yak. Màlà motau iwàpùlemappù.

“Iwalai pata weyu wesseposak man, Katù wettok itepulu pe mei pùla man. Amakuyi kon winàpai elattàtàk kon molopai ailon katàk kon, Wakù Itekale pàk, ” teppù ya.

Tuna kapai tùwepalùka pe, epùn utakkokasak yeneppù ya, molopai Wakù Akkwalù uttàppù ipona wakokkwa kasa. Màlàyau mayin usetappù epùn poi, “Àmàlà mùkkàlà u'nùn Umu. Wakù pe kulu Uyauchinpanài,” tukaik

“Eyenpatauka kon uya nen tùwessen tuna ke, tùse eyenpatauka kon ya màlà Wakù Akkwalù ke,” teppù ya.

“Àitàk kon uya'là kappon yamùk yachinài nan pe eyenupa kon uya màlà,” teppù Jesus uya tok pàk. Màlà yattai là tùpunwe kon yamùk nàmàppù tok uya molopai tok utàppù ya'là.

Tok usenumenkappù kulu màlà i'napailà tenupa kon ya pàk. Masapùla tok yenupappù ya Law pàk enupan nan kasa pùla. Tùse tok yenupappù ya tapàikettù kenan kasa molopai ittunài pe.