Populære bibelvers fra Mark 2

Del

Yetasak tùuya pàk, Jesus uya, “Mùkyamlo pàli'yau nai'nannùk mùkyamlo ipittànài iche tùwessen pen. Tùse e'neppe neken nen tùwessan mùkyamlo ipittànài iichelok kon. Wakù ton kà'maik uyàssak pen sàlà, tùse àliton nàkku” teppù.

Màlà yattai ailon tetok tok uya yene tùuya pàk, Jesus uya ittokkassak pàk, “Umu, amakuyi pàk usentupayaik,” teppù.

“Katù uya sàlà Wàlàka'nà weyu konekappù màlà kappon yamùk ponaloppe. Wàlàka'nù weyu ponaloppe pùla kappon yamùk konekappù ya,” teppù Jesus uya tok pàk.

Màlà tùse ipyak tùwena kon pùla tukke kappon yamùk wechi pàk, tapùi ipu mokkappù tok uya Chisek wettok imotau yessumla. Yakkokasak tùuya'nokon yau, tok uya kàyik nuttàppù aitou pe itekkwek tau.

“Ittu kon pa ikupù uya màlà mùkkàlà Kàyik Mumu wechi tapàikketù ke sàlà non po makui pàk tùusentuppa toppe,” teppù Jesus uya tok pàk. Màlàyau Jesus uya iitokkassak kàyik pàk, “E'wuluukakà, eyekkwek yanùnkà molopai itàkà àwùk tak te uya sàlà àpàk,” teppù.

“Sa'man pe pùlaiwa na' pùsàlà iitokkassak kàyik pàk, ‘Amakuyi pàk usentuppan man,’ te màlà. Wapùla, ‘E'wuluukakà, eyekkwek yanùnkà molopai asakà te ka'lù,’ ” teppù Jesus uya tok pàk.

Màlà yattai là iwe'wuluukappù, tekkwek yanùmùppù ya, molopai iitàppù tok wapiya. Tok usenumenkappù kulu. Katù yapulàppù tok uya, “Sàlà yekwalà yensak pùla man wapiya,” tukaik.